Dr.Islam Gamal د.إسلام جمال

02/08/2025

شرفونا فى البيدج الجديدة
هيبقى عليها كل المنشورات ومواعيد العيادات ان شاءالله والتفاصيل كلها هنا 👇

https://www.facebook.com/share/1BcFH1BxeJ/

31/07/2025

👈الحلة دى كانت جايالي والتراكمي ١١.٥
ابتدينا علاج بأنسولين مع جرعات مناسبة لحالتها، وقلت لها وعد صريح:
لو التزمتِ بالأكل الصح ونزل التراكمي عن ٩، هنوقف الأنسولين ونكمّل على أقراص بس.

✅ وبعد ٣ شهور بس…
النتيجة كانت مبهرة 👏
التراكمي نزل لـ ٨.٣
والسبب؟ التزامها التام بالأكل الصحي، ومنع العيش والمخبوزات وكل الأكل اللي بيرفع السكر... والهدف بتاعنا فى ال ٣ شهور الجايين ينزل كمان عن كدا إن شاءالله

💉 وفعلاً… اترحمت من شَكشكة الأنسولين
وبدأنا في خطة علاج بأقراص تناسب حالتها.

الخلاصة :
🎯 سكر الدم ممكن يتحسن طبعا بالالتزام بتعليمات الطبيب
🎯 والأنسولين مش نهاية الطريق… المهم نبدأ صح ونكمل صح!

د.إسلام جمال
اخصائي الباطنه والسكر

عيادة حلوان :
عيادات اللوتس التخصصية
📍 39 شارع مصطفى فهمي، تقاطع شارع أحمد أنسي، برج زهراء المصطفى بجوار سنتر زين وأعلى صيدلية جاردينيا
📞 01001350447

22/07/2025

لينك البيدج الجديدة
هيبقى عليها كل المنشورات ومواعيد العيادات والتفاصيل كلها هنا 👇

https://www.facebook.com/share/1BcFH1BxeJ/

اخصائى الباطنة العامة
وأمراض الضغط والسكر
علاج جرثومة المعدة
التهابات القولون العصبى
علاج الانيميا
علاج ارتفاع الكولسترول
حلوان :
عيادات اللوتس التخصصيه
برج زهراء المصطفى بجوار رنين
الدور التانى اعلى صيدلية جاردينيا
واتساب 01095477905

22/07/2025

مهم لمريض السكر

20/07/2025

دا اللى بنقوله دايما
غسل الايدى كويس جدا قبل قياس السكر ..

والقياس ما يتعملش بأول نقطه دم اللى بتكون سطحيه وتتأثر بأى حاجه على الايدى..

نقيس ب تانى او تالت نقطه دم افضل وأدق بكتير ❣️☑️

20/07/2025

عارف لو سكر التراكمي بتاعك نزل 1% بس؟
يعني مثلًا نزل من 10 لـ 9؟
ده لوحده ممكن يحميك من حاجات كتير خطيرة!

🔹 بيقلل فرصة جلطة في المخ 🧠
🔹 وبيقلل جلطات القلب ❤️
🔹 وكمان بيقلل إن القلب يضعف 💔
🔹 وبيقلل فرص الموت من السكر 😔
🔹 وبيحمي عنيك وكليتك وأعصابك 👁️🦶
🔹 وبيقلل مشاكل القدم السكرى 👣

😲 كل ده من 1% بس!

💬 كل ما تظبط سكرك هتعيش مرتاح أكتر،
دلوقتي ومستقبلاً بإذن الله ❤️

عيادة الباطنة والسكر
أخصائي الباطنة العامة
01551250446

18/07/2025

في أيام الحر الشديد، لازم مريض السكر – سواء النوع الأول أو التاني – يهتم جدًا بشرب المياه.
بننصح من 2.5 لـ 3 لتر مياه في اليوم، تتوزع على مدار اليوم.

ليه ده مهم؟
لأن ارتفاع السكر بيخلي الجسم يفقد مياه كتير (اسمه osmotic diuresis)
والحر كمان بيزود فقدان المياه عن طريق العرق.
ولو ما شربناش كويس، ده ممكن يقلل حجم السوائل في الجسم.

طب ده يضر بإيه؟
قلة السوائل بتخلي الدم أثقل وأبطأ في السريان، وده ممكن يسبب:

جلطات في الشبكية تؤدي لفقدان مفاجئ في البصر.

جلطات في أوردة الكلى ممكن تؤدي لفشل كلوي حاد.

جلطات في الساق عند كبار السن أو قليلي الحركة، واللي ممكن تتحرك وتوصل للرئة وتعمل سدة رئوية خطيرة.

عشان كده، شرب المياه (بدون سكر) بكميات كويسة مش رفاهية، ده ضروري جدًا، خاصة لمريض السكر.

د. اسلام جمال
أخصائي الباطنة العامة
وأمراض الضغط والسكر
01551250446.

17/07/2025

فيه أكلات كتير بنحبها، لكن للأسف بتزوّد نسبة الدهون الضارة (LDL) في الدم وبتأثر على صحة القلب والشرايين، زي:

🍔 الأكل المقلي
زي البطاطس المحمرة، البانيه، السبرنج رول... الدهون بتزيد جدًا مع القلي في الزيت.

🍗 اللحوم المصنعة
زي السوسيس، اللانشون، الهوت دوج... فيها دهون مشبعة ومواد حافظة بترفع الكوليسترول.

🧈 السمن والزبدة
استخدامهم الكتير في الطبيخ والمخبوزات بيرفع الدهون المشبعة جدًا.

🥩 اللحوم الحمراء الدسمة
زي اللحمة اللي فيها دهون أو لحمة الرأس والمخ والكوارع.

🍰 الحلويات الجاهزة والمخبوزات
زي الدونتس، الكرواسون، الجاتوه... بتحتوي على زيوت مهدرجة وسمن صناعي.

🥛 اللبن كامل الدسم ومشتقاته
زي الجبنة الرومي والقشدة والكريمة.

⚠️ الإفراط في الحاجات دي ممكن يسبب:

ارتفاع الكوليسترول الضار
تصلب الشرايين
ضغط عالي
مشاكل في القلب....................
د. اسلام جمال
أخصائي الباطنة العامة
وأمراض الضغط والسكر
01551250446.

15/07/2025

التوصيات الجديده بتقول ان :

من الأفضل ناخد حبوب الحديد يوم بعد يوم بدل ما تكون يوميًا،
لأنها بتدي نفس التأثير ونفس الفايدة…
وكمان بتقلل الأعراض الجانبية
وبتحسّن امتصاص الحديد في الجسم ✅

د. اسلام جمال
أخصائي الباطنة العامة
وأمراض الضغط والسكر
01551250446.

14/07/2025

"أهم خطوة في علاج السكر النوع التاني هي إننا نغيّر أسلوب حياتنا ونمشي على نمط صحي.. لأن العلاج الحقيقي بيبدأ من الأكل والحركة قبل أي دواء."

د.إسلام جمال
اخصائي الباطنه العامة