Dr. Karim Abdullah

30/09/2025

لسه متأثر بعلاقة قديمة ومش عارف تبدأ من جديد؟ أو عندك خلافات أسرية كتير؟

استشارتك معانا هتساعدك تفهم نفسك أكتر، تحل مشاكلك بخطوات عملية، وتبدأ بداية جديدة
احجز دلوقتي وخد أول خطوة للتغيير
تابع الصفحة علشان توصلك النصايح اللي تخليك تبدأ من جديد #الاكتئاب #اكتئاب #اكتئاب

29/09/2025

تعريف المرض النفسي والمشاكل الي ممكن تكون موجوده ومحتاجه تدخل مختص في اسرع وقت ⬇️⬇️↪️ #الاكتئاب #اكتئاب
1- علامات نفسية / عاطفية
• القلق المستمر أو الإحساس بالخوف من غير سبب واضح.
• الحزن الشديد أو فقدان الاهتمام بالأشياء اللي كانت ممتعة قبل كده.
• سرعة الغضب أو العصبية المبالغ فيها.
• الشعور بالذنب أو عدم القيمة.
• التفكير المفرط أو صعوبة السيطرة على الأفكار السلبية.

2- علامات جسدية
• مشاكل في النوم (أرق أو نوم زيادة).
• تغير في الشهية (فقدان أو زيادة واضحة).
• صداع، آلام بالمعدة أو الجسم من غير سبب عضوي واضح.
• فقدان الطاقة أو تعب مستمر.
اللجوء للعاده السريه واحتباس الشهوه
3- علامات سلوكية
• الانسحاب من الأصدقاء أو العائلة.
• صعوبة في التركيز أو اتخاذ القرارات.
• إهمال الدراسة، الشغل أو المسؤوليات.
• اللجوء المفرط للتدخين، الأكل، أو أي سلوك هروبي.

4- علامات شديدة تستدعي تدخل فوري
• التفكير في إيذاء النفس أو الانتحار.
• سلوك عدواني شديد أو خطر على ا الآخرين

24/09/2025

سهل انك تخلف لكن صعب انك تكون اب 👌

20/09/2025

خد القرار 🤨
إبداء 💪

20/09/2025

شجره صدمات الطفوله

20/09/2025

الإمام الشافعي قال لصاحبه:
“لا تغفل عني فإني مكروب.”
يعني حتى الكبار وأهل العلم، كان عندهم لحظات ضعف واحتياج.
مفيش حد فينا معصوم من الضيق، كلنا ساعات بنبقى محتاجين كلمة، حضن، أو حتى مجرد “أنا جنبك”.
اللي حواليك مش دايمًا هيطلبوا المساعدة، بس ممكن يبعتوا إشارة صغيرة.
خليك أنت السند اللي يطبطب، اللي يسمع، اللي يسأل.
متستهونش بكلمة بسيطة منك، ممكن تغير يوم حد.. أو يمكن حياته كلها

19/09/2025

من رحم المعاناه والفشل يولد النجاح
عمر النجاح ما بيجي بالصدفه وعمر الفشل ما يجي بالصدفه المهم لما تنجح ركز دايما على الاسباب اللي خلتك تنجح ولما تفشل ما تقولش ده حظي حاول تدور على الاسباب اللي خليتك تفشل لان في كلتا الحالتين اكيد في اسباب سواء للفشل او النجاح
لذلك دايما بنقول في مرض الاكتئاب عزيمه واصرار المريض ورغبته الاكيده في العلاج بتفرق كثير
ما فيش حاجه ملهاش حل وما فيش مرض ما لوش علاج
وما خلق الله من داء الا وخلق له دواء
#الاكتئاب #اكتئاب

17/09/2025

الظروف هي التي تصنع الانسان فمن خلالها يمكنه ان يكتشف نفسه ويكتشف قدرته

01/09/2025

بناء على تعليمات دكتور كريم
تم تخفيض قيمه الجلسات العلاجيه سيشن السيرابي 30%
يعني 700 بدل 1000
تم تخفيض قيمه الكشف والاستشارات 20% يعني 400 بدل 500
بالنسبه للكشف والاستشارات والجلسات العلاجيه اون لاين
للمصريين فقط
اما بالنسبه للسيشن الذبذبات الكهربائيه بيتا وسيتا وجاما ودلتا تم تخفيضها 20% يعني 400 بدل من 500 ودي طبعا بتم عند الدكتور كريم في الغردقه بالنسبه للمقيمين في الغردقه او في محافظه البحر الاحمر
مع تمنيتنا للجميع بالشفاء العاجل ♥️☺️
ادمن رانيا صالح مسئولة الصفحه

01/09/2025

صباح الخير معاكم رانيا ادمن البيدج
للتوضيح علشان ناس كتير بتخش تسالني في الرسائل نفس الاسئله لا يقل عن 40 او 50 رساله يوميا بالشكل ده و عايزه تحجز
الكشف او الاستشاره او جلسات السيرابيثت بتكون اون لاين
يعني ايه اون لاين
يعني الدكتور بيكلم حضرتك على التليفون او على الماسنجر فويس او فيديو كول مكالمه صوتيه او مرئيه يعني
طيب هو ده ينفع اه ينفع بدليل ان في موقع اسمه شيزلونج ده اكبر موقع في الوطن العربي بيعمل كشف واستشارات وجلسات وخدمات علاجيه اون لاين وعلى فكره دكتور كريم من ضمن اعضائه بس طبعا اسعاره ثلاث اضعاف هنا يعني تربل وده السعر الموقع بيحطه مش الدكتور وعلى فكره اغلب الدكاتره النفسيين دلوقتي بيشتغلوا اون لاين وهتلاقوا اعلانات كثيره هنا على الفيس بتظهر لكم لكشف واستشارات وجلسات علاجيه اون لاين
اول لو دخلت وكتبت على جوجل وعملت سيرش على كشف وجلسات علاجيه اون لاين
طيب هو ازاي الدكتور بيكشف اون لاين
لان الدكتور نفسي بيشخص الاعراض بناء على اللي حضرتك بتقوله له يعني مش دكتور باطنه او قلب لازم يكشف بسماعه او يشوف ايه المناطق اللي في جسمك بتحس فيها بألم هو كل تشخيصه بناء على الاعراض اللي بيسمعها من حضرتك واي تحاليل بيطلبها بتبعث له صورتها على الوتساب
الحاجه الوحيده او الحاجتين اللي لازم الدكتور يعملهم لحضرتك وانت معاه هم الجلسات بالذبذبات الكهربائيه لانه بيحط لك سماعه بتسمع منها ذبذبات معينه اسمها ذبذبات بيتا وسيتا وجاما ودلتا دي لازم تكون حضرتك قدامه اوجلسات بجهاز ال ECT لانها بتم بجهاز وبتكون حضرتك تحت تاثير تخدير كلي لذلك الدكتور بيكون معاه دكتور تخدير
ثاني حاجه بعد اذنكم ما حدش يدخل يطلب مني رقم الدكتور ويقول لي اصل انا عايز اساله عن الاعراض اللي عندي وعلى العلاج ما هو كده حضرتك كشف او استشاره يعني لازم حضرتك تدفع تكلفتها الاول
ثالث حاجه ما حدش يدخل لى يفاصل في تكلفه الكشف والاستشارات والجلسات علشان كده عيب لان حضرتك بتقلل من قيمه نفسك اولا لانك بتحجز مع دكتور مش واحد واقف في سوق خضار بتفاصل معاه ولا داخل محل تشتري جزمه
طيب بالنسبه للناس اللي تخش تفاصل او تقول لي السعر غالي اوى
اولا حضرتك دور على دكتور وحط تحت كلمه دكتور دي كذا خط مش معالج نفسي ولا لايف كوتش لان دي ناس كل خبرتها ان راحت خدت كورس ما يزيدش تكلفته عن 1000 جنيه لمده شهر علشان تقول انا معالج نفسي او لايف كوتش وبرده بيسموا نفسهم دكاتره او بينتحلوا صفات دكاتره دول ناس دخلوا خدوا كورس علشان بس يعرفوا اساسيات فبالتالي يعرفوا يتكلموا مع المريض وهتقابله منهم هنا على الفيس كثير وبالذات البنات والسيدات وهتلاقي اغلبهم للاسف بيحطوا صور ليهم بلبس عريان او قصير او صور بنات جميله جدا و جذابه علشان للاسف الرجاله او الشباب اللي تفكيرها غير سوي او طمعانين في حاجه تانيه تروح لهم لذلك بيطلبوا من حضرتك مبالغ كبيره من 1000 ونص الى 2000 في الجلسه العلاجيه الواحده
وده طبعا مبلغ كبير جدا بالنسبه لناس غير مؤهله اساسا تقدر تقول عليهم حضرتك كده نصابين
نرجع لموضوع الاسعار او قيمه الجلسات
موقع شيزلونج اللي هو اكبر موقع في الوطن العربي بيعمل كشف واستشارات وجلسات وخدمات علاجيه اون لاين للمرضى النفسيين بيحدد السعر على اساس سعر الدولار لان بيجي له ناس من جميع انحاء الوطن العربي وكل واحد له عمله مختلفه فهتلاقي حضرتك مثلا الجلسه العلاجيه مع دكتور كريم علي لمده ساعه ب 80 دولار يعني حوالي 3000 جنيه واداره الموقع هي اللي بتحدد السعر علشان بتاخد كوميشن 30% ولا العلم بعض الجلسات العلاجيه الاون لاين اللي مدتها ساعه بتوصل مع بعض الاستشارين الكبار الى 150 دولار في الساعه وده طبعا بيكون مبلغ كبير جدا بالنسبه لنا كمصريين انما يمكن بالنسبه للاخوه من الخليج بعملتهم مش مبلغ كبير بالاضافه الى ان الكشف او الاستشاره اللي بتكون مدتها نص ساعه او الجلسه العلاجيه اللي مدتها ساعه بتكون من خلال برنامج الموقع وبعد الجلسه بثانيه واحده بتلاقيه البرنامج قفل والجلسه خلصت فطبعا ده بيكون غالي وفي نفس الوقت حاجه مش حلوه ان حضرتك تبقى بتتكلم في موضوع مهم مع الدكتور والبرنامج يقفل عليك
لذلك اسعار الدكتور اللي هي 1000 جنيه للجلسه العلاجيه اللي مدتها ساعه مع مراعاه ان بعد الساعه الدكتور بيدي حضرتك وقت من ربع الى نصف ساعه علشان لو لسه في كلام مهم جدا ما عايز تقوله او هو لسه ما حددش ايه العلاج المناسب بعد ما اتكلمته في كل حاجه
بالنسبه للناس اللي بتخش تسال هو ايه الفرق بين الكشف او الاستشاره وجلسات السيرابي الجلسات العلاجيه
جلسات السيرابى بيكون فيها test depression اختبار مستوى الاكتئاب وتحليل شخصيه وبعد كده استماع للشكاوي المريض ويبتدي الدكتور يساله عن حياته اكتر وبعد كده تحديد العلاج فبيكون وقتها طويل
وبالنسبه للكشف والاستشارات بيكون التكلفه 500 جنيه والمده نص ساعه
طبعا الاسعار دي بالنسبه للمصريين اما الاخوه العرب والاجانب اسعار ثانيه
رابع حاجه محدش يدخل يقول لي احجزي لي ميعاد مع الدكتور وانا بعد الكشف او الاستشاره او الجلسه ايا كان ابقى احاول لحضرتك الفلوس
اه بالنسبه للتحويل من داخل مصر بيكون على فودافون كاش اما بالنسبه من خارج مصر على money gram
وبالنسبه لجلسات الذبذبات الكهربائيه بالسماعات دي بتكون تكلفتها 500 جنيه لمده نص ساعه
وبالنسبه للجلسات بجهاز ال ECT قيمه الجلسه بتكون 1500 جنيه لان بيكون فيها تخدير كلي يعني في دكتور تخدير موجود
ودي طبعا حضرتك بتيجي تشرفنا عند الدكتور لو حضرتك في الغردقه
بالنسبه للزيارات المنزليه داخل الغردقه للمرضى اللي رافضين يروحوا لدكتور امراض نفسيه بيبقى حضرتك قيمه الكشف او الاستشاره 1000 جنيه
والجلسه العلاجيه او السيربي 1500 جنيه
لو في سفاجا او راس غارب بيكون ازيد من كده حسب المسافه داخل نطاق محافظه البحر الاحمر
ما حدش من الشباب والرجاله يدخل في الرسائل يطلب تليفوني ويقول لي اصل انا ارتحت لك وحاسس انك هتفهميني اكثر لما اتكلمت معاكى شويه والكلام ده انا طبعا باكد لان للاسف جات لي رسائل كثيره وانا بتكلم مع المريض في نص الكلام بيتكتب كلام من النوع ده حضرتك اعتبرني زي اختك او بنتك واسالني في اي حاجه خاصه بالمواعيد والحجز أو عن الدكتور فقط وغير مسموح بالسؤال عن اي تفاصيل شخصيه عن حياتي او طلب رقم تليفوني
مكان الدكتور فين زي ما قلنا في الغردقه
وربنا يشفي ويعفو عن الجميع ان شاء الله
ادمن رانيا مسؤوله الصفحه

#الاكتئاب #اكتئاب #الوسواس #اضطرابات

31/08/2025

31/08/2025

البحر
غني جدا باليود لذلك بيسحب الايونات السالبه من الجسم والطاقه السلبيه
لذلك الجلوس قدام البحر لمده ساعه بيحسن الحاله المزاجيه وبيساعد كثير في اكتساب طاقه ايجابيه
منقول عن د. كريم
#اكتئاب #الاكتئاب