مركز حورس للعلاج الطبيعي والتخسيس في الغردقة

27/11/2021

مين؟🙈

27/10/2021

صباح الخير
النهادة بأختصار لازم اوضح ليكم نقطة مهمة جدا وبسيطة قوي
لازم في حياتك اليومية تكون بتمشي ويكون مشي منتظم وبصفة دورية
عشان تمشي انت بس محتاج
أولا: كوتشي وتكون موصفاتة :
* خفيف الوزن ويسمح للقدم بأن تتنفس.
* أن تكون الطبقة المبطنة لكعب القدم سميكة.
* أن يكون ذا كعب ثابت لتثبيت القدم.
* أن يكون مرنًا بشكل معتدل وليس ذا قاعدة شديدة الصلابة

ثانيا: تغير المكان يعني كل يوم تمشي في مكان مختلف تنزل من البيت مثلا في اتجاه معاكس لنفس اتجاهك المعتاد، تنزل بعد الشغل تتمشي وبعدها تروح، تاخد العيال في ايديك وتنزل تتمشي بيهم، والتغير ده بيكون عشان تكسر حاله الملل.

ثالثا: ده المهم هو اننا كلنا بنمشي ومعانا موبايل نقدر دلوقتي نستخدم التطبيقات ال متوفرة علي الموبايل سواء كنت اندرويد او اي فون وده هيقدر يحسب ليك انت مشيت مسافة اد ايه ونوع المشي واخر كل شهر بيقدم ليك تقرير عن ال انت عملته سواء كنت بتجري او بتمشي او بتركب عجل وده من وجهة نظري الشخصية مهم جدا لانه بيقدر يحدد ليك انت بتتقدم ولا ثابت في مكانك...؟؟؟ هل النهاردة زي اول يوم مشيت فيه هل نفس المسافة ال مشيتها لسه بنفس المجهود ولا قدرت تمشي اكتر.
الرياضة شي مهم جدا والصحة هي السعادة في الحياة لازم نهتم ونحافظ عليها.

16/03/2021

تعالو نتكلم عن جلسات الكرايو لتفتيت الدهون❄

👌يعمل جهاز الكرايو على تجميد وتكسير الدهون الزائدة في بعض مناطق الجسم كما يعمل على شد الجلد بعد تجميد الدهون حيث يساعد على شد الجلد في نفس المنطقة التي تم تجميد الدهون بها، مما يساعد على منع وجود الترهلات التى تتبع حدوث الانقاص السريع فى الوزن كما يحدث في عمليات شفط الدهون على سبيل المثال.
يعتمد جهاز الكرايو للتخسيس على إطلاق ترددات صوتية تعمل على تفتيت الخلايا الدهنية عن طريق تبريدها بدون تأثير على بقية أجزاء أو أنسجة الجسم المحيطة بالخلايا الدهنية التي يتم تجميدها🥶
⚠️تفتيت الدهون بالتبريد من العمليات البسيطة التي لا تحتاج إلى إجراءات جراحية أو تخدير بل تبدأ أولى خطوات تفتيت الدهون بالتبريد بتحديد المنطقة المراد تكسير الدهون بها ثم تغطيتها عن طريق شريحة هلامية لحماية طبقة الجلد الخارجية بعد ذلك يقوم الجهاز بعمله في خفض درجة الحرارة على الخلايا الدهنية ومن الممكن أن تصل درجة الحرارة إلى -5 مئوية بالتدريج و تستمر الجلسة لمدة من 40 إلى 45 دقيقة حسب كمية الدهون الموضعية المحددة.
ومتنسوش #عروض

16/03/2021

دهون الكبد
من الحاجات المنتشرة جدا الإصابة بدهون الكبد ودة راجع لنمط الحياة الغير صحي
مع إدمان الوجبات السريعة❎ والمياه الغازية❎ وقلة الحركة ❎
وبيكون العلاج غذائي من الدرجة الأولى
✅ بإتباع نمط غذائي صحي ومتوازن غذائيا
✅وتغيير نمط الحياة لأسلوب صحي👌
ودايما كل اللي بيعمل برنامج غذائي لإنقاص الوزن بس برامج متزنة بيتخلص من دهون الكبد بنسبة 100% أما اللي بيعمل برنامج غير صحي زي معظم الأنظمة السيئة المنتشرة بيزود مشكلة الكبد الدهني👈 ، ، ، وعشان كدة بنقولك خللي بالك من نوع الرجيم اللي بتمشي علية عشان صحتك ✴✴

16/02/2021

الصيام المتقطع 👀
حاليا ده أشهر نظام ف التخسيس ويعتبر اكتر نظام آمن
طيب ايه هو الصيام المتقطع 🤔 وازاي اطبقه صح:
💥ببساطه هو الامتناع عن الاكل ف فترات الصيام 🤷‍♀️

🔷️انواع الصيام المتقطع :-

1️⃣ 16:8 :- صيام 16 ساعه والاكل ف 8 ساعات ونقسمهم لوجبتين

2️⃣ 5:2 ودي بناخد سعراتنا العاديه ف خمس ايام بالأسبوع ويومين هنقلل فيهم السعرات ل500 مثلا شرط مش ورا
بعض

3️⃣ال eat_stop_eat او ال OMAD

ودي بناخد فيهم وجبه واحده ف اليوم يعني صيام 24ساعه
يعني نصوم م الفطار للفطار او م الغدا للغدا
ودي بتبقي مره او مرتين ف الأسبوع بالكتير

✅ مميزات الصيام المتقطع :-

💣 بيعالج داء السكرى من النوع الثاني
💣 بيعالج دهون الكبد
💣بيعالج ارتفاع الكوليسترول الضار
💣نزول ملحوظ ف الوزن وف دهون الجسم( عند اتباعه بصوره صحيحه )
💣تعزيز هرمون النمو
💣 الجسم ف فتره الصيام بياخد طاقته ف الاول من الأكل اللى كان ف ساعات الفطار بعد كدا يبدأ يكسر ف الدهون اللى عنده عشان يستمد منها الطاقه اللازمه لحركته والعمليات الحيويه
💣الصيام هيزود ثقتك ف نفسك خصوصا اننا هنستغنى عن اكل كتير غير صحى كنا بنستهلكه خلال اليوم
💣الصيام هخلينا نفرق بين ال physical hunger و ال psychological hunger لان ف الاغلب الاكل بيكون نفسي والجسم مش محتاجه
💣مع الوقت الجسم هيتعود ع فكره الجوع ومش هتبقى حاجه مزعجه لينا
💣 المشي لمده 45 دقيقه خلال ساعات الصيام هيزود معدل حرق الجسم
💣 الصيام نظام بيحافظ ع صحه المخ وتقليل خطر الاصابه بالسرطانات

✅ ايه اللى مسموح بيه ف ساعات الصيام :-

الميه 💦 النعناع 🍃 الينسون 🥃 الشاى الأخضر 🍵 القهوه ☕ الزنجبيل 🍺 القرفه 🗡🗡 كل دول من غير سكر ولا حتي سكر دايت

🚯 مين الأشخاص اللى ما ينفعش معاهم الصيام المتقطع
🚫 الحوامل والمرضعات
🚫 مرضى السكر من النوع الأول
🚫 اى شخص منتظم ع ادويه لازم استشاره الطبيب اولا

❎ أشهر اخطاء الصيام المتقطع:-
⛔ الصيام لساعات طويله ده بيدخل الجسم ف حاله مجاعه (starvation status )
⛔ اخذ أكثر من السعرات اللازمه خلال ساعات الفطار
⛔ كسر الصيام ع وجبات غير صحيه او تحتوى ع نشويات ودهون بكثره
⛔ عجز ف السعرات أكثر من اللازم

🔔نقدر نعتبر الصيام المتقطع life style وممكن كمان ندمجه مع اى نظام دايت احنا بنحبه ونقدر نمشي عليه زى

◀️الكيتو دايت
◀️ ال low carb

14/02/2021

التهاب العصب السابع 😱 :- بالرغم من انها حاله بسيطه الا انها بتسبب ذعر وخوف للمريض وبتتعب نفسيته خصوصا عند الستات

🔴 ايه هو العصب السابع :- العصب السابع هو أحد الأعصاب المخيه المسؤل عن تغذيه عضلات الوجه بيبقى متحكم ف كل تعبيرات الوجه زى
التكشير 🤨 ... الضحك 😁 ... فتح العين 😳 ... قفل العين 😚
كمان مسؤل عن بعض الغدد الدمعيه 😭 وغدد تحت اللسان 👅 وغدد أسفل الفك

🔴اسباب الاصابه بالعصب السابع 🥴

◀️التهاب مباشر للعصب
◀️اصابه مباشره للعصب سواء ف جراحات او حوداث
◀️ خلع الاسنان الخاطئ
◀️حدوث اضطرابات ف الجهاز العصبى زى الجلطات
◀️الضغط النفسي
◀️التعرض لتغيرات مناخيه مفجأه او التعرض لتيار هوا مباشر
◀️مرض السكر من النوع الثاني

🔴 أعراض الاصابه بالعصب السابع (الشلل الوجهى ) ⚠️
عاده التهاب العصب بيحصل بدون سابق إنذار ويتطور ما بين ساعات قليله ويوم بيبدأ المريض يلاحظ الآتى

📝 عدم القدره ع التحكم ف تعبيرات الوجه زى الضحك ..
📝 عدم القدره ع غلق جفن العين والتحكم ف الدموع
📝صعوبه ف الاكل وتراكم الاكل ف الجزء المصاب
📝سيال اللعاب وصعوبه ف مخارج بعض الحروف

🔴 علاج العصب السابع:- 💊💉

1️⃣ اول شئ يجب اتباعه ف البرنامج العلاجى هو تقليل الضغط الواقع ع العصب عن طريق مضادات فيروسيه والكورتيزون

2️⃣ زياره طبيب العلاج الطبيعي لتقويه عضلات الوجه والحفاظ عليها من الضمور وان العضلات ترجع تشتغل بشكل طبيعى عن طريق التيار الكهربى وبعض التمارين

3️⃣العلاج التحفظى: بيحاول المريض يحافظ ع عينه من الجفاف عن طريق القطرات وأنها دايما متغطيه عشان التلوث ... عمل كمادات دافيه للوجه والعين ..

10/02/2021

هابى فلانتين 😍
بمناسبه عيد الحب 👫💏

⚠️ لمده اسبوعين فقط ‼

1️⃣ العرض الأول :- 🚫

1 ميزوثيرابى + 2 كرايو ⬅️ 1000 جنيه💰

2 كرايو + 5 كافيتشين ⬅️ 1300 جنيه💰

2 ميزو ثيرابى + 2 كرايو + 5 كافيتيشن ⬅️ 2000 جنيه 💰

2️⃣ عرض الدمار 🔥 العرض الشامل 📢 🚫

⬅️ 4 كرايو :- لتجميد الخلايا الدهنية ☃️⛲
⬅️ 4 كافيتيشن :- لتفتيت الدهون الموضعيه
⬅️ 4 ميزو ثيرابى :- حقن موضعيه لتفتيت الدهون
⬅️ 4 ال بى جى :- لشد الجلد عن طريق تحفيز افراز الكولاجين
⬅️ 8 سلندر تون :-لشد الترهلات ومعالجه السيلوليت 🏃‍♀️
⬅️ 8 مرات جيم :- لشد الجسم 🏋️‍♂️🏋️‍♀️

⛔ كل ده 4000 جنيه بس 😱

🌈وهديتنا ليكى ف العرض الشامل 🎁🎉
4 حقن لزياده معدل الحرق 🔥

المركز معقم ومتبع كل الاجراءات الوقائيه 😷
متنسوش متابعه الصفحه عشان يوصلكم كل جديد من المركز 😍

دمتم اصحاء 🏃‍♀️💏

08/02/2021

أشكال وتوزيعه الدهون ف الجسم..
دى حاجه راجعه للخريطه الجينيه بتاعتنا والعوامل الوراثية 😮 ومهم طبعا نعرف شكل جسمنا لان صحتنا مرتبطة بشكل الجسم🤒🛌

1️⃣ الجسم التفاحى (السمنه الرجاليه ) 🍎 :- ده راجع لتراكم الدهون ف المنطقه العلويه زى الصدر والكتف والبطن وده يرجع لعوامل وراثيه وعادات صحيه خاطئه وقله الحركه 🍬🧁

مشاكلها 🚫 بتسبب أمراض القلب والضغط 🤒 والسكر

التخلص منها 🤔 اول حاجه هى اتباع عادات غذائيه سليمه🥒🥦 ممارسه الرياضه زى السباحه 🏊‍♂️ تقليل القلق والتوتر 🧘‍♀️🧘‍♂️

2️⃣ الجسم الكمثرى ( السمنه النسائيه ) 🍐 :- ودى راجعه لتراكم الدهون ف الجزء السفلى دى اقل خطر من الجسم التفاحى

مشاكلها 🚫 بتأثر ع المفاصل وبتسبب خشونه الركبه نظرا لزياده التحميل ع المفاصل 🦵🦴 الدوالى

التخلص منها 🤔 طبعا اتباع الدايت 🌽🍊 ممارسه الرياضه زى المشي لمده 30 دقيقه يوميا 🚶‍♀️🏃‍♂️

3️⃣ جسم الساعه الرمليه⏳ :- هو جسم بتتراكم فيه الدهون ف الجزء العلوى والسفلى وخصر نحيف

التخلص منها 🤔 اهم حاجه نقلل الكافيين ف الدايت المتبع ☕ نحاول نكتر من الميه ف الدايت
تناول الخضراوت 🥬🍄🥕
تناول الحبوب
الابتعاد عن مشتقات الالبان

اى ان كان شكل الجسم اتباع العادة الغذائيه السلميه هى اول خطوه للتخلص من الدهون 🍈🍇 المنطقه المتراكمه فيها الدهون بتنزل آخر حاجة ف الجسم مش المفروض نيأس ف بدايه الدايت 😍

03/06/2020

🚩🚩🚩الفيتامينات المطلوبه لتحسين مقاومه الجسم موجوده في الماكولات دي 👇👇

21/01/2020

21/01/2020

الفول الاخضر (الحراتي)

✅يساعد على خفض ضغط الدم المرتفع.

✅يمنح الجسم النشاط و الحيوية و يقلل الشعور بالتعب والإجهاد والتوتر.

✅يساعد على تقوية العظام و بناء العضلات والوقاية من مرض هشاشة العظام.

✅يساعد الفول الاخضر على إدرار البول، وبالتالي يحافظ على صحة الكلى ويمنع تكوّن الترسبات بها ويعمل على الوقاية من حصوات الكلى

✅يحتوي على نسبة كبيرة من الألياف، وبالتالي فهو يزيد من الشعور بالشبع ويقلل من تناول كميات كبيرة من الطعام، كما أنه يبقى فترات طويلة في المعدة حتى يتم هضمه وبالتالي فهو يساعد على إنقاص الوزن.

✅من فوائد الفول الاخضر أنه يساعد على تنظيم نسبة السكر في الدم، نظراً لاحتوائه على نسبة عالية من الألياف، كما يعمل على السيطرة على معدلات السكر في الدم ومنع ارتفاعه، لذلك يعتبر الفول وجبة صحية لمرضى السكري.

⚠️إن تناول كميات كبيرة منه تؤدي إلى الشعور بعد الراحة وعسر الهضم، وذلك لأن الجسم يأخذ وقتاً طويلاً في هضمه.

⚠️يعتبر الفول غذاء غير مناسب لمن يعانون من النحافة حيث أنه يزيد من الشعور بالشبع ويقلل من تناول الطعام.

⚠️نظراً لاحتوائه على كميات كبيرة من البروتين فإنه قد يؤدي إلى حدوث أضرار كثيرة لمن يعانون من مرض النقرس.

⚠️يجب تجنب تناوله للأشخاص الذين يعانون من مرض التفول أو أنيميا الفول

ال ١٠٠ جرام منه حوالي ١١٠ كالوري.

28/09/2019

عصاير لتخفيف بعض الامراض

28/09/2019

جرانولا الشوفان
مفيده جدا
ومغذيه والاطفال هاتحبها جداً وتتفع فطار ليهم قبل المدرسه

ممكن كمان نستغنى عن المكسرات نعمل المتاح فقط

المقادير :

3 اكواب شوفان حبه كامله

نص كوب جوز هند مبشور

كوب مكسرات منوعة شرائح او فواكهه مجففه او الاتنين معاً

ملعقة كبيره قرفة مطحونة

ربع ملعقة صغيرة ملح

ربع كوب عسل

الطريقة:

يسخن الفرن ويوضع الرف فى منتصف الفرن

تدهن الصنيه بورق زبدة فيها

يخلط الشوفان والمكسرات

(اذا كانت غير محمصه
لو محمصه نضيفها علي الشوفان بعد مايخرج من الفرن)
ثم نضيف جوز الهند والملح والقرفة

ضيف العسل شوفان

يوضع فى صنيه في الفرن لمدة نصف ساعة او حتى يصبح ذهبى ويقلب كل مدة

ويترك ليبرد وهو دافي لو لاقيناه ماسك في بعضه نفكه واول مايبرد هنلاقيه بقا مقرمش وكرسبي كدا وطعمه وريحته رووووعه

لما يبرد يعبا فى برطمان حتى لا يطرى
نستخدمه لكذا استخدام بقا

تنفع فطار حلو اوووي مع الزبادي
والف صحه وهنا💪🏼💪🏼

05/05/2019

كل عام وانتم بخير..نتمني لكم صوما مقبولا ♥️أعاده الله علينا وعليكم بالخير واليمن والبركات

02/05/2019

كل عام وانتم بخير
رمضان كريم 🎆🌃🌛

16/09/2018

إنفجرافيك: سمنة الأطفال..........مخاطر جسيمة ونفسية
أضرار السمنة ومخاطرها على الأطفال لا تعد خطيرة على صحتهم فقط، بل أنها تؤثر في نفسيتهم، وقد يؤدي الجهل بالتغذية السليمة إلى نتائج قد تعاني منها الأسر مستقبلاً ، لذلك يجب متابعة الأطفال خلال نموهم وعدم إصرار الأمهات على تغذية أبنائهم فوق طاقتهم، ويفضل اللجوء إلى المختص ليمنح الطفل العناصر الغذائية المطلوبة دون الإضرار بصحته.

سعرات حرارية

سماح الأهل لأطفالهم بالجلوس فترات طويلة على الألعاب الإلكترونية وعدم القيام باللعب خارجاً أو القيام بممارسة الألعاب الرياضية، لا سيما وجود الدعايات التي تشجع على أكل المواد الغذائية غير المفيدة، والتي تحتوي على سعرات حرارية عالية، وفي المقابل لا توجد دعايات تشجع على أكل الخضروات والفواكه والأكل الصحي.

نصائح وتعليمات

1- عدم الجلوس أمام التلفاز فترات طويلة، وممارسة الرياضة والانطلاق للعب في الهواء الطلق.

2- مراقبة واختيار الأهل الأكل الصحي والمناسب، والثناء على الطفل على مجهوداته للتخلص من وزنه الزائد.

3- القيام بعمل أنواع من الخضروات بأشكال محببة، مثل قصها على شكل ورود ونجوم.

4- اهتمام الأم بالرضاعة الطبيعية لتأثيرها في نمو الأطفال، وحتى لا يكونوا عرضة للسمنة أكثر من غيرهم.

5- عمل حقيبة الأكل المدرسية بالبيت.

أمور يجب تجنبها

1- الامتناع عن أكل الوجبات السريعة.

2- عدم أكل الشيبس والشوكولاته (يمكن مرة أسبوعياً).

3- الابتعاد عن أكل المقالي.

4- الابتعاد عن تغذية المدرسة التي تحتوي على البيتزا والهامبورغر، وهو غير مناسب للأطفال.

5- الابتعاد عن أكل المعكرونة للعشاء.

الطعام المناسب

الفطور: توست أسمر، كورن فليكس بدون سكر، بيض، لبنة، زعتر.

حقيبة الأكل المدرسية: ساندويش، خيار، عصير أو لبن.

الغداء: أرز بني، دجاج مشوي، سلطة خضراء.

وجبة خفيفة: لوز مع فاكهة، نوعان من الفاكهة.

العشاء: عشاء خفيف، لبنة، زعتر، يقطين.

16/09/2018

العضله النائمه وهى 🙆🙍
Saddlebags fat عضله الارداف الخارجيه 💃🙆
◀◀اسبابها .❗️
الملابس الضيقه زياده الوزن او نزوله بسرعة او نتيجة الجلوس الغير صحيح ولان الضغط على المنطقه ديه وتسبب خمول العضله وتشوها
#ازى تتخلصى منها ;-) ↓↓🙆🙋
←← نظام اكلك يوم متوازن يحتوى على كاربوهيدرات(ارز) + بروتين(فراخ) + دهون قليله(مكسرات) 🍐🍓🍎
←← منسهرش كتير اخرنا الساعة ١🙋
←←ننام ٦ الي ٨ ساعات علشان هرموناتنا تتنظم 🙆
←←وانا قاعدة دايما لازم اشد جسمي مسبشي جسمي💃
←←منلبسش احزمة شد الجسم لانها بتدمر الجسم والعضلات🚫
←← واحنا ماشيين نشدها جامد ده اسهل طرق تخسيسها🏃
←←اتمرنى يوم ويوم وندخل كارديو وسط التمرين واخره🙆

21/07/2018

عضلات البطن في 10 ايام
الجدول تحدي ال 10 ايام في رمضان لتفجير عضلات البطن +نظام الاكل الصحي

اول 3 ايام 💪🏽
crunch : 5 مجموعات x 8 عدات
plank : 30 ثانيه x 3 مجموعات
toe touch : 5 مجموعات x 12 عده
mountain climber : 4 مجموعات x 10 عدات
side crunch :5 مجموعات x 10 عدات
يوم راحة🚫
ثاني 3 ايام 💪🏽
plank : 5 مجموعات x بين 20 ل 30 ثانيه
tuck crunch: 5 مجموعات x 10 عدات
superman : 6 مجموعات x 8 عدات
russin twist :4 مجموعات x 12 عده
leg raise : 3 مجموعات x 12 عده
يوم راحة🚫
اخر يومين 💪🏽
russin twist :4 مجموعات x 12 عده
flutter kick : 4 مجاميع x 12 عده
lying leg raise : 4 مجموعات x 12 عده
sit-up :4 مجموعات x 10 عدات
butt up : 5 مجموعات x 8 عدات
elbow to knee : 4 مجموعات x 12 عده

كل الصور فيها اسماء التمارين بالصور