https://www.facebook.com/217515555803957/

د.ندي عثمان Dr.Nada Othman اخصائيه امراض جلديه و تجميل, Ismailia (2026)

11/12/2018

كتير من الناس بيستخدموا صابون الديتول في العناية الشخصية وبصورة روتينة لتنظيف الايدي او الاستحمام لكن ده يعتبر خطأ كبير على صحة الجلد لسببين :
- تكرار الاستخدام يؤدي الى قتل الكائنات الدقيقة النافعة المتواجدة بصورة طبيعية على سطح الجلد وده على المدى الطويل يؤدي الى تكرار الاصابة بالعدوى الجلدية المختلفة
- المواد المستخدمة فيه بتسبب تهيج للبشرة وجفافها وخاصة البشرة الحساسة والمعرضة بصورة اكبر للحساسية الجلدية
امتى ممكن استخدم صابون الديتول ؟
في حالة تطهير الجلد زي في حالات الاصابة بالعدوى الجلدية البكتيرية او الفيروسية او الفطرية
- او مثلا في الاستحمام بعد النزول الى حمامات السباحة

11/12/2018

صحة الشعر جزء من صحة الجسم العامة
وبتاثر بعوامل كتير واي مرض اخر بيصيب الجسم وخصوصا الامراض المزمنة
اسباب سقوط الشعر كتيرة جدا علشان كدة مينفعش الشعر يتعالج بوصفات تجميلية تتاخد من النت فقط
لازم في حالة وجود اي مشكلة التوجه لطبيب الامراض الجلدية للكشف عن الشعر وتحديد المشكلة واسبابها وتلقي العلاج المناسب حسب كل حالة واجراء بعض التحاليل اللي ممكن يطلبها طبيب الجلدية حسب الحالة
لكن في نصايح عامة ممكن اتباعها لتحسين صحة الشعر ولجعل الاستجابة للعلاج افضل
- عدم كثرة استخدام صبغات الشعر لانها مضرة جدا بصحة الشعر
- عدم اللجوء لاي نوع من انواع الفرد لانها بتدمر الشعر وتاثير الفرد تراكمي يعني ممكن المشكلة متكنش كبيرة مع اول مرة لكن بتكررالمرات المشكلة بتتفاقم
- عدم تعريض الشعر لحرارة عالية زي حرارة السيشوار او الماء الساخن اثناء غسيل الشعر
- ارتداء الايشاربات القطن او الكتان
- محاولة استخدام مشط خشبي من نوعية جيدة لتصفيف الشعر وخصوصا في حالة وجود مشكلة في الشعر
- لو تم اللجوء للسشوار او البيبيليس لازم نحط سيرم عازل لتخفيف تأثير الحرارة على صحة الشعر
- مساواة الأطراف كل شهر نقص حوالي 1-1.5 سم من اطراف الشعر
- عدم اللجوء لمنتجات مجهولة المصدر تماما
- عدم شد الشعر بقوة لورا لان ده بيأثر على بصيلات الشعر الامامية وممكن يعمل نوع من الثعلبة مع الوقت بيصعب علاجها جدا (traction alopecia) واكلمنا عن الموضوع ده في بوست سابق على الصفحة
- الشعر بعد الغسيل بيكون في اضعف حالاتة فلما نسرحة بعد غسيله لازم يكون بهدوء ونبتدي نسرح من تحت لفوق علشان الشعر ميتساقطش ولا يتقطع
- استخدام فرش السرير من الاقطان لان النوم باستمرار على اقمشة صناعية ممكن يزيد من حدة التساقط
- استخدام فرشاة شعر من نوعية جيدة تكون مبتقطعش الشعر او ناشفة
-ممنوع استخدام جل الشعر للرجال لانه بيسبب التساقط وبيدخله مواد مضرة جدا على الشعر واستبداله ببعض الكريمات الطبية اللي ممكن تدي تأثير مشابه ودي ممكن يسأل فيها طبيب الامراض الجلدية
- عند نزول البسين لازم نلبس بونيه للشعر او استخدام سيرم مناسب لتقليل التأثير الضار لمياه البسين على الشعر
-الاكل المتوازن وعدم اللجوء لدايت قاسي غير صحي

11/12/2018

ايه هيا الاسعافات الاولية الصحيحة في حالة سقوط سوائل ساخنة او مغلية على الجلد 🔥🔥
- لازم تعريض المكان المصاب لماء جاري لمدة 10 دقايق ممنوع تماما نعمل كمادات تلج او غسل الجزء المصاب بماء بارد ❄️
- لازم بسرعة جدا نقلع اي حاجة لبسينها زي غويشة او خاتم لان ممكن يحصل بعد الحرق التهاب وتورم في الجلد ووجود حاجة زي كدة ممكن تسبب مشكلة كبيرة
- ممنوووووووع تماما وضع اي حاجة غريبة مكان الحرق ولا معجون سنان ولا اي حاجة تانية من الوصفات اللي ملهاش اصل طبي ❎❎❎
- تغطية المكان المصاب بقطعة قماش طرية نظيفة والافضل طبعا شاش فازلين طبي معقم غير لاصق من الصيدلية وممنوع وضع اي حاجة ممكن تلزق مكان الحرق ممنوع الشاش العادي او القطن
- دهان مرهم للحروق زي ميبو او درمازين
- اذا تكونت فقاعة مكان الحرق ممنوع نحاول تفضيتها باي وسيلة
ثم التوجه الى الطبيب لوصف العلاج اللازم حسب الحالة وشدتها

11/12/2018

امراض كتير جدا بتنتقل باستخدام الادوات الشخصية
بنشوف امراض كتير في العيادة بسبب الموضوع ده
لو سمحتم بالنسبة للسيدات لازم يكون ليهم الادوات الشخصية الخاصة بيهم لما يروحوا للكوافيرة وميستخدموش ادوات مشتركة مع اي حد
وبردو الرجال لازم يكون ليهم ادوات الحلاقة الشخصية الخاصة بيهم
لابد لابد لابد من عدم تداول الادوات الشخصيه مع اي احد اخر لعدم انتقال الامراض و منها بعض الامراض المزمنه

11/12/2018

السيدات اللي بيعانوا من اكزيما في ايديهم او اكزيما ربات البيوت لازم ناخد بالنا ان تعرض اليدين للصابون اثناء تنظيف الصحون او للمساحيق او اي نوع من المنظفات الاخرى بيخلي المشكلة تزيد والاستجابة للعلاج بتكون بطيئة فلازم نحافظ على ايدينا من التلامس المباشر لاي مواد كيميائية لازم نلبس جوانتي بلاستيك اثناء التعامل مع المنظفات والمساحيق والجوانتي ده نبطنه من الداخل بطبقة قطنية تكون هي الملامسة لسطح الجلد ولازم نوقف استخدام الصابون العادي في غسيل اليدين ونستخدم صابونة الجلسرين او صابونة خاصة بالبشرة الحساسة

11/12/2018

يولد بعض الاشخاص بوحمات او شامة
امتى نبدا نقلق منها او ايه هي علامات الخطرلان كتير بنتسال السؤال ده في العيادة
- تغيير ملحوظ في حجمها
- ظهور الوان تانية فيها زي الاحمر او الاسود مثلا او ظهور اكتر من درجة من اللون البني فيها
- يبتدي ينزل منها دم
- تقرحها
- ظهور اعراض مكنتش موجودة قبل كدة زي انتفاخها واحمرارها الحكة والهرش والالم والافرازات
- وجود عدد كبير من الشامات اللي ممكن يوصل لاكتر من 50
- عدم انتظام في شكلها الخارجي يعني عدم القدرة على تحديد الحد الخارجي ليها او ان احنا لو رسمنا خط علشان يقسمها نلاقي ان النصين بتوعها غير متطابقين
- وجود تاريخ مرضي في العيلة لا قدر الله باحد انواع سرطانات الجلد
الحاجات دي لو ظهرت مفروض نبقى متابعينها كويس ونتوجه لطبيب الامراض الجلدية

11/12/2018

اول سؤال بنتساله في عيادة الجلدية
هل المرض ده معدي ؟
الامراض الجلدية المعدية هي فقط العدوى الجلدية البكتيرية - الفيروسية او الفطريات
فمثلا
البهاق غير معدي
الصدفية غير معدية
الحساسية الجلدية غير معدية

11/12/2018

لابد ان يكون واقي الشمس روتين يومي لان ليه فوايد كبيرة جدا
- حماية الجلد من الاشعة الضارة للشمس واللي ممكن تسبب وتحفز ظهور امراض جلدية كتيرة
- تاخير ظهور علامات الشيخوخة زي التجاعيد
- تقليل فرصة الاصابة ببعض انواع سرطانات الجلد
- البقاء على البشرة نضرة صحية
- التقليل من فرصة ظهور النمش والكلف او تقليل شدتهم بالنسبة للبشرة المعرضة لذلك
لابد من معرفه نوع البشره و استخدام الواقي المناسب

11/12/2018

الكيناكومب وكل الكريمات الشبيهة بيه زي كوادريديرم وتوب فلام اللي الامهات بتعتبرها كريمات لعلاج تسلخات الاطفال هي اكبر غلط ومؤذية جدا للاطفال وجلدهم وغير مناسبة اطلاقا
لو سمحتم توقفوه انتم بتأذوا اطفالكم

11/12/2018

December 8 ·

*الجديري المائي هو عدوى فيروسية بتتنقل بلمس المكان المصاب او استخدام ادوات المريض زي المناشف وغيرها او عن طريق رذاذ المريض الملوث زي اثناء الكحة او العطس

* الفيروس المسبب للعدوى هو الفاريسيلا فيروس وهو نفس الفيروس المسبب للحزام الناري

* بيحصل غالبا في الاطفال تحت سن 10 سنوات بس ممكن يحصل كمان في الكبار

* العدوى في الكبار بتكون اشد

* فترة الحضانة للمرض من يومين لحد 3 اسابيع

* الشخص المصاب ممكن يعدي اللي حواليه من يومين قبل ظهور الطفح لحد تكون القشرة مكان الحبوب اللي ظهرت

* لما الشخص بيتعدي اول مرة بالفيروس ده بتكون الاصابة في شكل جديري مائي اللي بعمل مناعة طويلة جدا ضد الجديري لكن الفيروس بيفضل كامن في الجسم طول العمر وتحت بعض الظروف زي مثلا ضعف المناعة بيبتدي ينشط الفيروس تاني لكن الممرض في الحالة دي بييجي على هيئة الحزام الناري او مايعرف بالهربز زوستر يعني من الاخر العيان المصاب بالحزام الناري بيكون جاله جديري قبل كدة

* الجديري بيبتدي الطفح فيه الاول في الوجع والبطن والظهر وبعد كدة ممكن ينتشر في الاطراف
* بيسبق ظهور الطفح حرارة38.3 و 38.8

* بيصاحب المرض فقدان شهية الطفل

* الحبوب مابتسبش اثر الا لو حصل عدوى بكتيرية فيها او هرش شديد فيها

* ممنوع تماما ناخد الاسبرين والبروفين كخوافض للحرارة علشان متحصلش مضاعفات شديدة لاقدر الله

*ممنوع الحامل تحتك باي طفل مصاب بالعدوى لان ممكن لاقدر الله تتنقل العدوى للجنين ويحصل تشوهات

ممنوع اثناء الاستحمام حك الجلد جامد

من الممكن تهدئة الحكة بالتربيت على الجلد بفوطة مبللة بالماء البارد

11/12/2018

المرطبات الجلدية تستخدم بصورة رئيسية في كتير من الامراض الجلدية وليها اهمية كبيرة في علاج الكتير من الامراض زي الاكزيما والصدفية وجفاف الجلد
افضل وقت لاستخدام المرطبات الجلدية بعد الاستحمام مباشرة لان ده بيزود من قدرة الجلد على امتصاصها وبيخلي الكمية اللي بنحتاجها في الترطيب اقل
لابد من اختيار نوع الكريم المناسب بعد استشاره الدكتور لضمان ترطيب اكبر

11/12/2018

June 3 ·

جلد الوزة
دي مشكلة بتعاني منها بنات وسيدات كتير
مكان ظهور الشعر بيبقى فيه بثور ونقط حمراء او بلون بني
اكتر مكان لظهورها الذراعين والساقين
اسباب ظهورها هو تراكم كمية كبيرة من الكراتين مكان ظهور الشعرايه فبتمنع ظهور الشعراية برة الجلد ودي بتسبب خشونة للجلد ومظهر مش حلو
احيانا بتكون مشكلة وراثية او ليها اسباب تانية مكتسبة زي جفاف الجلد او نفص فيتامين (A) او ازالة الشعر بالشفرة
علشان نقلل من المشكلة دي ونخليها تتحسن بشكل كبير لازم نعتني بالجلد بطريقة معينة
- استخدام مقشر طبيعي مرة خلال الاسبوع
- عدم استخدام ماء شديد السخونة في الاستحمام كفاية الماء الدافئ او الفاتر
- ترطيب الجلد بصورة دائمة باستخدام مرطبات جيدة
- استخدام نوعيات كريمات طبية معينةاللي بتحتوي على حمض اللاكتيك - الالفا هيدروكسي او الساليسيلك وافضل وقت ليه هو بعد الشاور والجلد لسة رطب
- استخدام دهانات طبية تحتوى على مشتقات فيتامين (A) بس ناخد بالنا انها ممنوعة في الحمل

د.ندي عثمان Dr.Nada Othman اخصائيه امراض جلديه و تجميل

11/12/2018

11/12/2018

11/12/2018

11/12/2018

11/12/2018

11/12/2018

11/12/2018

11/12/2018

11/12/2018

11/12/2018

11/12/2018

11/12/2018

Address

Telephone

Website

Alerts

Shortcuts

Share

Category