What are the opening hours?

Monday 6pm - 8pm Wednesday 5pm - 8pm Thursday 6pm - 8pm Saturday 11am - 6pm Sunday 11am - 6pm

https://t.me/SK_yesyoucanchange

Life Coach Sarah Khattab, Ismailia (2026)

30/12/2025

بصي بقى ... ما هو السنة الجاية دي لازم تكون بدايتها خير .. كده ذوق عافية ... كفاية قوي اللي حصل في السنين اللي فاتت
وأحقق فيها اللي ماعرفتش ولا قدرت أحققه ..
وما تقوليش اكتبي أهداف .. وهاتي نوتة بلانر بمعرفش كام ...
قال كده أهدافي هتتحقق 🧐
أنا أصلا بأشتري كل سنة وما بأعرفش اكتب إيه 🥺
وإيه اللي عاوزة أوصل له ؟؟
ساعات كمان بأحس إن جوايا حاجة موقفاني أو مانعاني أتغير ...
كومفرت زون بقى comfort zone بس بأحس إني بأعطل مش عارفة ليه 😮‍💨

أنا هأقولك حاجة أبسط من كل ده ...
💚لو عاوزة حاجة تساعدك ترتبي دماغك ..
💙وسيلة تعرفك بتعطلي ليه وأسباب مقاومتك للتغيير ..
🧡إزاي تكتبي أهدافك وتتابعي تحقيقها ..( إيه الأهداف ولما تحققيها هتساعدك تحسني إيه في حياتك )
💜موضوعات تفكري وتكتبي عنها فتقدري تكتبي بعد كده

ده موجود في " أنشطة التغيير " بالإستعانة بكتاب دليل التغيير
وخلي بالك وإنتي بتحجزي لإن منها حجمين واحد في حجم النوت اللي بتتباع والتاني مقاس A4 قد الكراسة الكبيرة
أكدي الحجم اللي يناسبك ..
لإنها هتوصلك خلال يومين لحد باب البيت ...
ده لو عاوزة طريقة فعالة لتغيير عاداتك وأفكارك وفهم أقرب لنفسك

#أفكارومشاعر

19/12/2025

رحلة 50 يوم لأكبر درس في 2025
درس إننا ما نتعلقش ...💔
نفهم قصر الأمل ... كل حاجة في حياتنا وارد جدا تتغير في لحظة ... 50 يوم وصلت لحقيقة ألم الفقد بضياع تليفوني ظهر الإجهاد النفسي والذهني والشعوري لذروته🤕حقيقة ضياع سهولة تفاعلك مع يومك إحساس إن فيه جزء كبير كان مسهل حياتي وأفكاري فيه مترتبة فجأة اختفى.🫣
كل خطوة بأرجع اعملها من أول وجديد ... أرقام .. بيانات .. ذكريات أسرتي ل ٤ سنوات ، ماتيريال شغلي والورش ( تواريخها وموضوعاتها بالصور والفيديوهات ) كتب و..مواد للطباعة ...
بعد ما كنت بأخلص كل حاجة بضغطة زرار . ..
تأمل ذكريات ، صور ،ضحك على فيديوهات أولادك ... اختفى ...
حل مكانه ( تقل وفراغ ، لخبطة وتوهة ) من أول مراحل استعادة الخطوط ، وخطوات التتبع ... خطوات غريبة بتدعي إنك تكون في كابوس وتصحى تلاقيه خلص
أسأل نفسي هل أنا قادرة اشتغل جلسات ؟؟
هأجل شوية ... هألغي .. أنا حاسة إني بأحرم نفسي من حقها في الزعل ... . وبالتدريج بدأت ارجع حجز الجلسات
تأجيل وتسويف وجود احتياطي الداتا 250 GBنتيجته وصلتني لوضع عمري ما كنت اتوقعه نهائي
💚أحيانا ما بيكونش قدامك الوقت الطويل اللي متخيله .. فلما يكون عندك خطوة مهمة اوعى تأجلها ..
💙محاولات الشراء العاطفي Emotional Shopping
وظفها بشكل ينفعك ، اشتريت أدوات ومواد تفيدني في شغلي وورشي ،و كتب .. تونسني واتشارك فضفضة أصحابها على أوراقهم
لحظات كنت بأسكت لإن جوايا أكبر من أي كلام .. اخترت الإنعزال بإرادتي مؤقتا عن التجمعات .. علشان ما اضغطش حد ولا حد يضغط عليا بتنظير ونصائح شبعت منها ...
أوقات كنت بانهار ... فجأة .. بدون مقدمات ... 😶‍🌫️أهم دعم وصلني ...💌كان لما دموعي تنزل وأنا باتكلم مع حد مقدرة وفاهمة اللي جوايا
بيقين كامل في تجلي حكمة ربنا وتسليم أن في مقاديره كل الخير ..
🧡 اخترت إن ده أهم بداية لشكل جديد في حياتي ، شغلي ، تقييمي للأمور ... وأكيد قبول الناس ..،اللي فهم وقدر الوقت الصعب .. واللي مش متخيل أو مدرك أنا باتكلم عن إيه ..
🩵مهما اشتغلت وسحلت نفسك في الشغل استمر في تفريغ شحنة المشاعر اللي ضاغطة عليك بدل ما تكبتها أو تتجاهلها و ترفض حقك في التعبير عنها و تستجيب لمحاولات غيرك في التقليل من ألمك ...
ما تستناش لما الضغط يجيب أخرك ساعتها جسمك وعقلك هيتفقوا عليك وهيدخلوك راحة إجبارية ..
💚💙🧡درس مهم لو حاسس إنك بتتزق لوضع غير مريح بالنسبة لك وتحس إن تصرفاتك تحت الميكروسكوب وكلامك بالشوكة
والسكينة .. اوعى تضغط على نفسك .. اختار راحتك .. أمانك
الحمد لله #استقبال2026

13/12/2025

يعني إزاي أربي أولادي .. اتصرف معاهم إزاي .. لا تربية إيجابية نافعة .. ولا محايلة ولا أساليب قديمة ... اعمل إيه 😵‍💫🤯

السؤال اللي محير الأمهات .. هيستغربوا إن إجابته إن أولادنا يشاركوا في رحلة تربيتهم 😊
لو حابين تعرفوا إزاي 🤔

هتلاقوا أساليب تربوية وأمثلة للتطبيق في الحلقة الإذاعية من برنامج " بيت العز " مع الإعلامية الجميلة " شاهيناز مصطفى " على إذاعة القاهرة الكبرى في السادسة والربع من مساء غدا الأحد14 ديسمبر

علشان نحس بإستقرار البيت ونساعد نفسنا وأولادنا في رحلة التربية مهم نتعرف على :
أهمية التعبير عن المشاعر داخل الأسرة
https://www.facebook.com/share/p/16XZs53ffo/

😇سلامة العلاقات وتجنب الأخطاء التربوية المؤدية للصدمات ، التعرف على مسببات الإضطرابات الشخصية والسلوكية ، ونفعل مسببات الأمان والدعم من الأهل للأبناء.
https://fb.watch/hD9cIliych/

#استقبال2026 وعي_التغيير علاقات_أسرية_سوية بيت_العز
كوتش_التغييرالمستدام استقبال_التغيير تربية_مستدامة بيت_مستقر
sustainablechangecoach familyrelationship expressingemotions expressinggratitude expressingfeelings
sustainablegrowingup

18/11/2025

مشاعرك محتاجة دليل ... يساعدها تخرج للنور ..
تتحرر في أمان ..
حبسها جواك مؤذي لك ..
وأحد أسباب الأمراض المناعية وإنتشار أشكال من الألم غير معلوم السبب ومحير في التشخيص الطبي ...
ساعد نفسك ..
اختار تحرير مشاعرك ... بعادات تحقق لك السكينة .. الراحة ... الهدوء ..
فتحقق ملاذك الذاتي الآمن من كل شر والبعيد عن أي ألم ..

إقرأ ... ففي القراءة حياة 📖

25/10/2025

اللي بيدخل السكة دي بيتعب فعلا .. الموضوع يبان من بره بسيط ..
لكن محتاج طاقة قبول ودعم وتفهم لكل كلمة .. بتسمعها ... وبتفكر مليون مرة قبل ما تقولها ...

النهاردة اتسألت ..
بتعملي إيه في ظل اللي بتسمعيه ؟
بتحتاجي تتكلمي مع حد ؟
ده بيؤثر عليكي ؟
بتفضي اللي بتسمعيه إزاي ؟؟

دي إجابتي وجزء من اللي بأقدر استعيد به توازني في وقت ضغط الجلسات أو الإحساس بحمل نفسي مرهق ...
لو حاسة إن جوايا شحنة مشاعر كبيرة من الشفقة والخوف والحزن بأختار امشي على رجلي ..
أقعد في مكان مفتوح على مساحة من المياة أو الخضرة
اسمع حاجة بأحبها
استعيد أوقات ذكريات في حياتي كنت فيها حاسة بقوة واستقلال

في الصيف باختار رجلي تكون في الرمل ... ماليش في نزول المية قوي ..😄
المشي بين المياة والرمل ..
الجلوس على النجيلة ..
التعرض للشمس صيف أو شتاء ... الإحساس بحرارتها

التأمل بكل الحواس ..
يعني تركز سمعك على الأصوات الطبيعية حواليك ... حركة الشجر .. صوت العصافير .. صوت الهواء ... الموج ..
تتأمل حركة غراب " مثلا ... منتشرين في الإسماعيلية " اتحرك منين ورحلة بحثه عن الماء أو الغذاء ...
اختيار تأمل لطف ربنا بالكائنات

المهم يبقى تركيزك في تفاصيل تغسل دماغك من أي دوشة ...

تمارين تساعدك تتحقق تواصل أعلى مع قيمك وذاتك وتعلي إحساسك بروحانياتك وتزكية نفسك هتلاقيهم في باكيدج التغيير إسأل عن أماكن توافرها توصلك أرقام التواصل ولينك البيع 🙂

21/10/2025

ما بين Release هنا ... وReflection هناك

اللي بيحصل في لحظات بتختارها بإرادتك في رحلة تعافيك الذاتي وتحررك من قيود الأفكار والآلام ...

بتلاقي النسخة اللي بتظهر لك من نفسك .. جديدة عليك 💎
وإنت بتستخدم أدوات جراحية كمشارط دقيقة لتنظيف ما علق وترسخ من أوجاع الماضي والإحتفاظ بموارد قوتك والمميز في شخصيتك ..

كل كورس بسأل نفسي سؤال ... وبتسئله ... " إيه اللي يخلي حد يعمل كده في نفسه ؟؟ "

💙ممكن سعيه يكون أفضل .. يزكي نفسه ويختار يهذبها ويساعدها
💚وممكن رغبته إنه يتعافي من ألم مؤثر على طرق تفكيره
🧡وأحيانا بيكون اختيار إنه يفهم مشاعره اللي بتحرك أفكاره ويحدد عمقها ويعالجها من جذورها ..

الأهم إنه يوصل لحل أقوى من المسكنات ...
يقدر يتصالح مع اللي عدى من عمره ..
يسامح نفسه في تجاربه على قدر خبرته ..

يختار بإرادة حرة اللي يستحقه ... واللي يريحه .. واللي يعبر عنه ..
فيبقى النسخة الحقيقية .. " النسخة الأصلية 👌" Authentic self
اللي ساعدها تتعامل بحقيقتها بدون ضغط أو تزييف وعالج تشوهها بهدوء وحكمة .. وقدر يستكشف مميزاتها ... الموجودة ... لإن ربنا ميز كل واحد مننا ... بس يمكن ما أخدش الفرصة كاملة يشوف كل الحلو اللي جواه

لو مهتمة تكتشفى الحلو المستخبي وتستعيدي موارد قوتك ..
تطبطبي على نفسك بنفسك .. تصالحيها وتساعديها ..
إسألي على جلسات تحرر الألم والتعافي بالعلاج بخط الزمن 📩

19/10/2025

إيه علاقة الروايات الحلوة دي بحياتنا ؟؟؟
الرواية تفاصيلها وشخوصها وحبكتها فردها الكاتب على الورق ..
لكن اللي ظهر لك على الشاشة غير اللي اتكتب ... فيه تفاصيل اتشالت وفيه حكايات اتحطت ..
وفيه جو تاني علشان تقدر تشوف وتتقبل فكرة من أفكار الرواية

استحالة تصدق إن مسلسل زي " لن أعيش في جلباب أبي " في رواية ١٥٠ صفحة فقط 🙄 ... ده فرح سنية محتاج مجلدات ..😊

"حديث الصباح والمساء" مكتوب أفراد الحكاية بالترتيب الأبجدي .. يعني الحكاية ما بتبدأش بيزيد المصري أصلا ..🤫

رواية زي " ذات" .. تتلخبط وسط الأخبار ... في المسلسل سردية منطقية لأحداث وحقبات تاريخية بملامح ناس مصرية .. تحس إنك قابلتهم في صور قرايبك زمان 🥰

علشان تشوف الحاجات وتقبلها بيدخل " معالج درامي " يشوف إيه المهم .. إيه اللي الناس هتحبه يزود تفاصيله .. اللي يساعد الناس تتابع يركز عليه .. اللي بعيد عنهم وهيعمل مشاكل يغيره

أهو الحياة كده ..
بتحتاج معالجة .. ورؤية بعد الرؤية ..

💌فيه معالجة مخفية عنك " النسخة الأصلية لأحداث الحياة " ربنا سبحانه وتعالى مدبر الأحداث وأسبابها ونتائجها ..
فلما تختار تشوف اعرف إن فيه رؤية خلف الرؤية ..meta vision
تفهم المعنى اللي بسببه اترتبت الأقدار
توصل لحكمة ربنا في أقداره

المعالجة دي ما بتظهرش بسهولة .. بتحتاج منك

😌المعالجة المبدئية ..
إنك تقبل إن اللي بتشوفه وتسمعه وبيحصل حواليك وراه أبعاد كتير تخفى عليك
وإنك تختار تؤمن إن اللي بيحصل لك هو أفضل احتمال
إنك تدي نفسك فرصة تدور على الحكمة خلف الأقدار
لو احتاجت مساعدة هتلاقي تدريبات لاستشعار الحكمة في إسأل على منافذ البيع .. توصل لك تفاصيلها 😉

12/10/2025

هو صحيح عمر اللي فات ما هيرجع تاني ؟؟

أمال ليه بيرجع الألم .. الفقد .. إحساس الخذلان .. مرارة الوحدة ..؟؟
ليه ما بترجعش اللحظات الحلوة ؟؟
ليه الماضي مرتبط بالهزيمة ولحظات الضعف ؟؟

من سنتين فهمت أسباب الألم اللي بنحسه ..
ليه بيظهر .. وبيتكرر ..
ليه بنخاف نسيب الألم ؟؟
ورسالة ظهوره بيكون الهدف منها إيه ؟؟

لما درست التعافي من الصدمات وإختلاف طرق التدخل لكل صدمة .. فهمت إن جزء من إرتباطنا بالألم بيكون سببه إننا خايفين من خسارة أكبر .. ..الألم وراه هدف تاني ومعنى أهم Secondary Gain خايفين نتعافى فنخسره ... فبنختار دائرة الألم اللي عارفينها 🙄

لما بناخد خطوات في زيادة وعينا .. وتعافينا بنكون في رحلة جديدة .. تبان صعبة لأننا بنغير جزء معطلنا ..موجود جوانا ..
بنتوجع على قد ما بناخد خطوات حقيقية في التعافي ..

كل ما كانت رغبتك حقيقية إنك تحل مشكلتك واللي معطلك ... هيكون الوجع هين قصاد مكسبك الحقيقي ... نفسك .. الجديدة ..😇
النسخة الأقوى منك ..
النسخة اللي فهمت الدرس من الألم ..
النسخة اللي عرفت الحكمة خلف القدر ..
النسخة اللي تقبلت إنك بتربي نفسك بنفسك ..
إنك محتاج تساعد نفسك .. قبل ما تختار غيرك يساعدك ..

الحل ما بيكونش إنك تاخد شهادة .. تتدرب .. أو حتى تعمل جلسات ..

التغيير الحقيقي بتلمسه في كل لحظة اخترت تداوي نفسك .. تطبق اللي بتتعلمه .. تتألم وإنت بتتغير .. كإنك بتصقل الألماس وتلمعه ..💎 لحد ما يظهر ويتجلى الحلو اللي جواك

لما بتكون حقيقي لمست كل تغيير في نفسك .. بتحاول .. بتجرب .. هتقدر تحس بشكل أعمق ... بقلب أرق .. وعيون أبصر .. بكل مستفيد احتاج دعم نفسه .. قبل دعمك .. وبأهمية كلمتك وعلمك في خطواته للتغيير ..
فاللهم لك الحمد على نعمة العلم .. والتبصر خلف الألم .. واليقين في معنى التغيير

الصورة من البرنامج التدريبي لعلاج صدمات الوعي الجمعي عبر الأجيال مع د.ريتشارد بولستاد 11-12/10/2023
-Transcendence
Healing Our Collective Story. Dr.Richard Bolistad - Transformation International Consulting & Training Ltd.

دراستي واعتمادي من مدرسة تتعامل لحل ألم الماضي حتى تستطيع التفكير بالحاضر ثم التميز بالمستقبل :

كوتش التغيير المستدام المدرسة الألمانية للكوتشينج ICI
International Association of Coaching Institutes

كوتش علاج الأزمات Resolve Coach

كوتش المرونة النفسية و التعافي من الصدمات Resilience Coach
( مؤسسة د. ريتشارد بوليستاد Richard Bolistad )
Transformations International Consulting & Training ) Dr. Richard Bolistad

#تربيةالذات #اليومالعالميللصحةالنفسية

11/10/2025

هتلاقيها في وقتها ...
غايبة عنك لحكمة ..

بقالي مدة عارفة إن الأنسيال ده وقع مني .. متأكدة في البيت .. بس مش عارفة فين ؟؟
تحت السرير ؟؟
لأ كان في إيدي هألبسه ووقع ..

كل مرة ألبس إكسسواراتي عارفة إنه مش موجود وادعي يارب رده ليا .. أو عترني فيه ..

لحد امبارح بأقول ياربي لو فقدته خالص فاللهم لك الحمد أينعم كان مميز بالنسبة لي وبأحبه وبيليق على حاجات كتير ..

النهاردة بأطلع أقلام وأغطيتها من جيب الشنطة وده مكان ما بأحطش فيه الأقلام كتير وإذ فجأة ألاقيه بيطلع بينهم ..
الحمد لله ... يااه .. معقول كان معايا وحواليا وأنا مش شايفاه ..

ظهر لي علشان جددت نية صلة الرحم والود من ثواني بمكالمة تليفونية ؟؟ فده جزاء ربنا الفوري ؟؟ 🤔

يمكن لإن ده كان الوقت المناسب لظهوره بعد الإختفاء ؟؟

ولا علشان قررت التفويض والتخلي وفصل التعلق بالأشياء لرب الأشياء ؟؟

كل تساؤل منهم عرفني إن مجريات الدنيا واحدة .. أشياء وأشخاص بيكونوا في حياتنا .. نتعلق بهم وما نقدرش نستغنى عنهم ...
لحد ما يختفوا فجأة ... في امتحان لغلاوتهم .. وقدرة على ابتهالنا لله وتفويض أمورنا الحقيقي .. .. لنتعلق بصاحب الأمر المطلق ..
من أبسط أمور حياتنا .. نرضى بأمره .. لتتفوق ترضيته لنا ..

هيفضل التفويض والتسليم لأمر الله أغلى درس باتعلمه خلال الأشهر الماضية بشكل فائق الوصف ..
تجلي نعم وعطايا الله في كل أمر شغلت نفسي بترتيبه .. بعد التسليم المطلق لحكمة الله يظهر أفضل من خيالي ..

ألطاف الله في أقداره وحكمته في إننا نتعلم الصبر والتسليم أجمل درس في فصول تربية النفس Self Decipline حتى تستقر وتطمئن نفسك وتنشغل بدورها ورسالتها الحقيقية

#تربيةالذات #اليومالعالميللصحةالنفسية

Life Coach Sarah Khattab

30/12/2025

19/12/2025

13/12/2025

18/11/2025

25/10/2025

21/10/2025

19/10/2025

12/10/2025

11/10/2025

Address

Opening Hours

Telephone

Website

Alerts

Contact The Practice

Shortcuts

Share

Monday	6pm - 8pm
Wednesday	5pm - 8pm
Thursday	6pm - 8pm
Saturday	11am - 6pm
Sunday	11am - 6pm