Life Coach Sarah Khattab

04/09/2025

31/08/2025

15 دقيقة بحب ودعم ...
ربع ساعة في اليوم .. قادرة تخلق ذكريات تعيش سنين ..
بإيدك تختار ماضي أولادك اللي يغير مستقبلهم 🙂

30/08/2025

لما بأتخنق .. وأخاف .. وأحس الدنيا بتضيق عليا ..
بأختار البراح ..
قدامي مساحة واسعة ..
ألوان مريحة ..
أقلام للكتابة ..
تساعدني أطلع الدوشة اللي في دماغي ..
ضوء غير مباشر .. يفكرني بالنور اللي محتاجة أخرج له

ممكن أغير مكاني .. اللي متعودة أروحه ..أفكر نفسي إن الدنيا بتتغير ودوام الحال من المحال ..

حتى وأنا في المكان بأغير تواجدي على بين الكنب والكراسي ..أفكر نفسي إن ربنا قادر يغير حالي ..

بأحتاج أسعى رغم اللخبطة ..
اختيار إن الخطوة الأولى تكون مني .. ساعتها الدنيا وأموري كلها بتترتب .. لإن السعي بدايته نية .. وخطوة

فترات حياتنا ممكن إنجازاتها تختلف ..
أهمها إنك تقدر تفهم نفسك .. تساعدها .. تحتويها .. وتطمنها ..
تعرف اللي محتاجاه الفترة دي ..
تغير من نفسك .. لإنها تستحق ..
نفسك أمانة غالية .. تقديرها .. هيساعدك تستفيد من قدراتها وطاقتها ..
يأكد دورك في حياة اللي حواليك ..

فيه ناس هاتحبك وإنت جميل وفرفوش .. وتقلق تتعامل معاك وإنت متغير ..
نفسك أولى تصاحبها لإنها الباقية لك في كل الأوقات 😍



❤ 💙🧡

29/08/2025

طلع فيه تبطيل 🤲

من أسبوعين تواصل معايا حد من العلاقات العامة لزمالة المدمنين المجهولين بدعوة لحضور اللقاء اللي هيتم النهاردة ..
من ساعتها بأقابل موضوعات حول فكرة الإدمان ..

لكن اللي شوفته النهاردة حقيقي كان علامة فارقة ..
تجربة حقيقية في الإرادة والثبات ... التغيير الذاتي ..
التغيير الحقيقي داخليا وخارجيا ..
التغيير على أساس
في وجود قيم ومعاني ..

الدعم .. والتواجد الآمن ضمن مجموعة ..

خلال شغلي في مجال الدعم النفسي .. لقيت الكلمات الأساسية قبل كل جلسة متطبقة .. القبول التام لأفكارك ومشاعرك
التواجد بدون حكم أو لوم
إحترام تجربتك الإنسانية

الأمان وقت الحكاية ..
التشجيع في كل خطوة ..
التواجد والمشاركة ..
قيمة العطاء والإيثار ..

وأنا باسمع سنوات التعافي لكل شخص ..
وتجربة صموده وتفاصيلها ..
اتأكدت إن العقل البشري مازال قادر على صنع المعجزات ..
الإرادة الحقيقية لأي إنسان ..
وإجتماعها مع قدرته على تحقيق هدفه .. تقدر ترسم له حياة وأسلوب تعافي مستدام

دعواتي لهم دوما بالثبات واستمرار التعافي
فخورة بتجسيدهم الحي أن ما أراد .. استطاع ..

في اجتماع اليوم فقرة واحدة أخرى مفتوحة للحضور

28/08/2025

إيه اللي يساعدك كأم توصلي لأولادك إن الأكل الصحي مفيد ؟؟
وتعرفي تردي بقوة على اللطافة اللي بتتقال 👇
أنا مش عاوز أكل اللي إنتي حاطاه يا ماما ؟
ليه الخضار مفيد ؟
ملمس الخيار بيضايقني 🥺

الأجيال الجديدة محتاجة تفهم ليه يعمل المطلوب 🤔
ما بقاش ينفع نقول كل وخلاص 🔊
أو اللقمة هتجري وراك 🏃‍♂️

🤲مهم يحسوا بالنعم ويقدروا وجودها ويشكروا ربنا
ويفهموا كل حاجة بيأكلوها هتساعدهم إزاي 🤔
يعرفوا إزاي العناصر الغذائية مفيدة ومهمة 🤓

😉كأمهات بنعمل طرق وخدع مفيدة علشان ندخل الخضار والفواكه بأشكال تساعدهم يأكلوه وهما مستمتعين 😋 .. و أفكار تخليهم مقتنعين 🙂

وتزيد المتعة لما يشاركونا في التحضير 👇

https://www.facebook.com/share/p/1AtFUZQupj/

في باب لكتالوج إدارة الحياة وصفات وخدع غذائية جميلة مصوراها من مطبخي ومجرباها مع أولادي

🧐وده ممكن يفيد الأولاد في إيه ؟؟؟

💚 بيعود أولادنا إنهم يقبلوا حواليهم إن الحاجات بتتغير ..
شكل الأكل ..وطعمه لما نزود إضافات ..
💙بيساعدهم ينموا حواسهم ..
💞بيشاركونا المتعة والمسئولية ..
🤏بينمي عضلات الأنامل ..
🧐بيساعدهم على التركيز ..
🤌بيوضح أهمية الترتيب وتتابع الخطوات ..
😇يستشعروا نعم الحواس ..
🤩متعة المشاركة ..
😍إدراك الألوان ..
🥰بنخلق ذكريات وأوقات مميزة في نشاطات حياتية خلال اليوم

الرجوع للمدرسة بيخلينا نفكر في اللي يفيدهم ..
لو عاوزة تعرفي تفاصيل أكتر عن وبلانر التطبيقات .. اكتبي تغيير 💚

ولإن أفكارهم تجاه الدراسة مهمة .. اكتبي " مدرسة " لو حابة تعرفي تفاصيل برنامج ورش


#العلاجالسلوكيالتفاعلي #صلابةنفسيةبالفن
❤ 💙🧡

27/08/2025

تفتكري الخناقة أحسن ولا الخدعة للمصلحة أفضل 🤔 ؟؟

خدعة لمصلحة الأولاد
https://www.facebook.com/share/p/17AMgBfmYu/

النهاردة كنت مستعجلة فعملت مقدار قليل وضفت ملعقة صغيرة خل و مشكل جبن على العجينة سواء قطع صغيرة كده أو جبنة قابلة للدهن مع الخليط
هنسميها " تشيري ويزي يا عزيزي 🧀 " Cheesy weezy

والنصف الثاني حطيت نقط الألوان بدون ما أقلب .. بحيث تبقى كل مغرفة أو ملعقة الألوان شكلها طبيعي وحر 🤩
" لقيمات فنية " Artistic Bites 🎨

لما بنحط مسمى جديد للأكلات ..👇
🥳بيضيف روح مرحة مع الأكل
😌بيساعد الأولاد إنهم يتقبلوا القيمة الغذائية بدون مقاومة
🤩بيقرب لهم فكرة إن التغيير موجود ومهم ويضفى شكل مميز
😉يستقبلوا فائدة الطعام
🤠ينمي إحساسهم بالجمال وحب المغامرة
🤸‍♀️بيساعدهم على الإبداع واختيار أشكال وأفكار غير مألوفة

🥰ممكن يختاروا أسماء للأكلات الجديدة وتبقى الجائزة اعتماد الإسم اللي عليه إجماع 😄

تفتكروا إزاي ممكن نساعدهم يحبوا الأكل المفيد ؟؟
لو جربتوا وصفات من فصل من كتاب شاركونا تطبيقاتكم بالصور

🤔 إيه أكتر أكلة من الدليل ساعدت الولاد على أكل الخضار أو البروتينات ؟!

لو حابة مقادير البان كيك .. اكتبي packs🥞

🏤الرجوع للمدرسة بيخلينا نفكر في اللي يفيدهم ..
ولإن أفكارهم تجاه الدراسة مهمة .. اكتبي " مدرسة " لو حابة تعرفي تفاصيل برنامج ورش

#العلاجالسلوكيالتفاعلي #صلابةنفسيةبالفن
❤ 💙🧡

25/08/2025

حلم كل أم .. إنها تساعد أولادها يأكلوا أكل مفيد .. صحي ومغذي ..
ولأن التغيير بيحتاج شجاعة .. خروج عن اللي متعودين عليه 😄

ده بيعود أولادنا إنهم يقبلوا حواليهم إن الحاجات بتتغير ..
شكل الأكل ..
وطعمه لما نزود إضافات ..
بيساعدهم ينموا حواسهم ..
يستشعروا نعم الحواس ..
إدراك الألوان ..

الصور دي فيها تجربة بان كيك pancakes 🥞
علشان نقلل الدقيق الأبيض .. باقسم المعيار .. جزء دقيق شعير وجزء دقيق ذرة .. وأحيانا شوفان لو لقيت ...
ودقيق أبيض .. لو محتاجة الوصفة ..اكتبي p.c 🥞

الكمية الكبيرة ( سادة )
وبأقسم لألوان أولادي بيحبوها ( ألوان اللوجو بتاعي 😄)

واللي بيتقدم جنبها هو اللي عاوزاهم ياكلوه ومغذي ..
🥣دبس تمر
🥜زبدة فول سوداني peanut butter
🍫شوكولاتة سبريد صحية

ممكن عسل 🍯
مالحقتش أصور جبنة ببضاء بالزعتر وزيت الزيتون ..😋

المهم إنك تلاقي أولادك يطلبوا وبختاروا وعلى وشك علامات أنتصار ( إنهم بيأكلوا أكلهم يفيدهم بإذن الله ويقوي مناعتهم 😊)

اسمعي واتبسطتي ..🤩🥰
💙 واحد أزرق مع شوكولاتة
💚 واحد أخضر مع بينت باتر
🧡 واحد أورنج .. بينك .. مع جبنة ..

الرجوع للمدرسة بيخلينا نفكر في اللي يفيدهم ..
ولإن أفكارهم تجاه الدراسة مهمة .. اكتبي " مدرسة " لو حابة تعرفي تفاصيل برنامج ورش

#العلاجالسلوكيالتفاعلي #صلابةنفسيةبالفن
❤ 💙🧡

24/08/2025

من غير ما نتخانق ونتفاجئ بالمدارس .. فرصة للتأهيل والإستعداد النفسي للدراسة من خلال :

ورش العودة للمدارس Back to School
جرعة مكثفة لإستعادة الرجوع بطاقة وقوة للمدرسة
للأعمار من ٦ ل ١٢
أيام الحضور :
الثلاثاء 26
الأربعاء 27
الخميس 28
الورش متاحة اونلاين 😊
🥰🌹وتقديرا لدور الأمهات ودعما لإحساسنا بالدعم ومشاركة المسئولية .. الورش في عرض مميز جدا 👌

هانتكلم عن :
إيه الحلو في الصحيان بدري وفي فكرة الدراسة ؟
ليه اتعلم طالما ممكن اشتغل بلوجر ؟
إيه اللي محتاجه كل يوم قبل المدرسة ؟
إزاي أواجه الضغوط في يوم الدراسة ؟
إزاي أتعامل مع التنمر ؟
إزاي أحقق ثقتي بنفسي ؟
وطبعا بتطبيقات عملية للأبناء ومتابعة مع الأمهات 🥰

مستعدين ؟؟
اكتبي School وحددي حضور ولا اون لاين ابعت لك التفاصيل 🧮

🧡للإستفسار عن برنامج ومواعيد ورش الأطفال 👇

https://chat.whatsapp.com/CA76Ergj8P48jZTykz9cai

😉🤩إسألي على مميزات الورش وهدايا الأمهات 💙💚🧡


#العلاجالسلوكيالتفاعلي #صلابةنفسيةبالفن
❤ 💙🧡

21/08/2025

كل واحد مننا في حياته حتة مخبيها ..
جزء خايف يظهره للناس ..
حقيقة بتوجعه لما الناس تعرفها ..
منطقة خصوصية بيخاف الناس تخترقها ..

كل واحد في حياته جانب من المعاناة .. يا بيختار يتصالح معاه ..
أو يتعايش ومرة يكسبه أو مرة يغلبه ..
وأحيانا بيحتاج يفهم نفسه ويطمن حيرته ..
يقبل ويفهم حكمة ربنا والدرس اللي بيتربى بيه في حياته ( الخناقة اللي دايرة جواه .. كل يوم .. كل فترة .. كل وقت يحس إنه محتاج حد يسمعه أو يفهمه )

اللي بيبان لك .. " جزء صغير " 🤏 قد كده من حياة طويلة ويوميات صعبة ممكن تكون بتهد صاحبها .. الجزء الكبير من الصور والحقيقي منها ..🏞

لما بنداري الضعف .. أو الوجع ..
علشان بعضنا متخيل إنه كلامه هيقلل ثواب صبره
أو كلامه معناه سخط على أقدار الله
أو إنه كده بيخزي العين عن نعم كتير في حياته "الجزء ده 🤏 " اللي إنت شايفه

الحقيقة إن ده بيوصل أصحاب الإبتلاءات إنهم يكتموا وجع مضاعف ..
كان كل طلبهم دعم .. تقدير .. طبطبة .. لمسة حانية أو نظرة حب بتعاطف " أنا مقدر وجعك " .. إيماءة وهزة رأس " الله يعينك "
مواساة بدعاء ملفوظ أو بظهر الغيب ..
إحساس بنعمة عندك إنت مش عارف تقدرها ..
تواجد حتى لو من غير كلام ..

ده بيظهر في الجلسات وبيقال بوضوح وفي الدموع بين الكلام وفي جملة " هما إزاي مش حاسين ؟؟
" هو أنا اللي مزوداها ؟؟
" كان نفسي يقدروا اللي حاسة بيه

لإننا في دنيا طبيعي يبقى فيها منغصات وما تصفاش حلاوتها ..
فيها حاجات حلوة بتحصل لنا ...
محتاجين نوازن الحلو اللي في حياتنا
نقدر النعم اللي بتحصل لنا والمواقف اللي حقنا بيوصلنا فيها بدون مجهود
نختار نتعامل مع الصورة الكاملة ساعات ونفكها ونركبها حسب اللي يقوينا ..

كل ما نأكد على نفسنا رسالتنا وهدفنا في الدنيا ..
إيماننا بقيمة الحياة ونعمة إن لسه قدامنا وقت " نصلح نفسنا وحياتنا
نختار نسختنا في الدنيا ونعيد تربية أنفسنا مع كل خبطة وكل موقف صعب يقابلنا
.. هانقدر نوازن إحساسنا بالألم والصعب اللي في حياتنا وهنلاقي نعم ربنا بتغمرنا ..

فلو محتاج دعم ما تترددش تطلبه من حد هيقدمه
أو تساعد نفسك بجلسات للوعي المعرفي وإدارة المشاعر

ولو مفيش في إيدك حاجة تقدمها لغيرك ما تصعبهاش عليه ..
وخلي بالك إنك شايف بس جزء صغير جدا من حياته
نصيبك ورزقك أحسن حاجة ربنا قاسمها لك .. لو اتعاد تقسيم الرزق هاتختار نصيبك
ما تحاولش تعلي على حد معاناته وتصعب عليه حياته ..
فلتقل خيرا أو لتصمت



#حكمةالقدر

12/08/2025

كنت محتاجة حل ضروري وحقيقي
واخترت إني أفصل على كل المستويات
كل حاسة تستشعر الراحة وحضور اللحظة
وده اللي بيقدر يرجع الذهن صافي والحالة المزاجية تمام

لما عينك ترتاح في مساحة صافية وواسعة
وتعيش قرمشة البحر مع الفريسكا
وتأكد لنفسك إنك تركز في طريقك ..
تسمح لنفسك بهدنة وراحة ..
ما تشدش أعصابك .. ولا ترهق تفكيرك ..
طالما الهدف له ملامح .. هاتقدر توصل ..

استمتع باللحظة وابتسم لنفسك واختار الفرحة .. النكد موجود في كل لحظة .. السعادة قرار 😃

واختار لعقلك حاجة خفيفة تخليه يغوص في معرفة مختلفة عنه ..

🤫 القراءة بتقلل ٦٠ % من التوتر اللي بيحصل لنا ..
بتساعد العقل إنه يركز بعدها وبتنشط الوصلات العصبية الخاصة بالتعلم ولما تشرحها وتفتمر بتنمي وصلات التذكر ..
كده كده كسبانة وأفيد من " سكرول الموبايل " 😉

دي كانت محاولاتي الصيفية بعد قفلة الدماغ اللي حصلت لي 😌
https://www.facebook.com/share/p/16TWqsaTMc/

يا ترى بتفصلوا إزاي ؟؟
ولما بتحصل قفلة في دماغكم بتعملوا إيه 🤔 ؟
مش بالعافية .. مفيش مكان 😵‍💫