مركز د.جلال حبيب لعلاج السمنة و النحافة

02/02/2025

لما اقول للي متابع معايا وجبه واحده فرى بس، و ياخد يومين تلاته فرى 😂😂😂

12/01/2025

لما تبوظي الدايت في البرد دا و جوزك يقولك هتعملي إيه لما تروحي متابعتك عند الدكتور 😂😂😂

10/01/2025

😂😂

06/01/2025

لما تبقى مخبيه على جوزك وزنك الحقيقي 😂😂😂

31/12/2024

كل سنه و انتوا طيبين و دايما بالخير متجمعين
كل سنه و ربنا محققلكم كل ما تتمنوه
اللي عايز يخس يخس، و اللي عايز يذيد في الوزن يذيد 😀😀
و أهم حاجه انكم تبقوا مقتنعين انكم بتعملوا كده علشان نفسكم و صحتكم مش علشان اي حاجه تانيه.
و خليكوا واثقين من نفسكم، انكم كده كده حلوين ♥️♥️

24/12/2024

😂😂😂

21/12/2024

😀😀😀

01/11/2024

أبتســـــــــــــ ^___^ ـــــــــــــــــــــم

واحده شافت صاحبتها بعد مده طويلة قالتلها

ايه ده انتي خسيتي اووووووي

قوليلى على الريجيم بتاعك فووورا

قالتلها :لأ زوجي منكد عليا عيشتي

عصبي و بخيل و عينه زايغة و لسانه طويل و كل حياته مشاكل في مشاكل
.. مش مهنيني بعيشتي. سادد نفسي عن الاكل

قالتلها : طيب وايه اللى مصبرك عليه؟؟؟

قالتلها :فاضلى 6 كيلو 😂😂😂

18/10/2024

رد اللي متابعه معايا و انا باقولها لخبطتي في حاجه، و هي مصره انها ماشيه على الرجيم بالظبط
بس اكلت شيبسي بس 🙃
و شربت حاجه ساقعه بس 🙃
و اتعزمت مرتين في الأسبوع دا بس 🙃
بس هي ماشيه على الرجيم و الله 🙃
انا 😶😶😶🙃🙃🙃

15/09/2024

قواعد الميزان ال ١٥ 😀😀

١.ما تقفيش على الميزان غير مره واحده في الإسبوع.
٢. اي ميزان ممكن يختلف عن التاني كيلو أو أكتر، فبلاش تاخدي الميزان اللي تلاقي نفسك عليه وزنك أقل و خلاص، لازم توزني كل اسبوع على نفس الميزان.
٣. الميزان الأرضي بتاع البيت محتاجه تقارنيه بميزان ثابت خارج البيت كل كام شهر علشان تتأكدي انه لسه مظبوط.
٤. افضل وزن حقيقي بيكون الصبح بدري، اول ما تصحى من النوم، و بعد ما تطلعي من الحمام، و قبل أي أكل.
٥. علشان ما تحبطيش نفسك بلاش تقفي على الميزان كل يوم 😀.
٦. يستحب تثبتي نفس اللبس أو نفس تقل اللبس في كل مره تقفي فيها على الميزان.
٧. لما تروحي للدكتور ما تقوليش انا لسه وازنه امبارح و نازله اكتر (راجعي قاعده رقم ٢).
٨. ميزان inbody بيوهمك و يديكي نتيجه تخليكي تلفي حوالين نفسك، لا انتي عندك ضغط و لا مشاكل على القلب و لا مشاكل على الكلى علشان جسمك يخزن مياه، فبلاش توهمي نفسك و اعرفي ان كل اللي فوق وزنك المثالي دا دهون، مش زي ما بتضحكي على جوزك 😉😉.
٩. لو فيه فرق في المقاسات و مافيش نزول على الميزان ما تحبطيش نفسك، كملي التزام و هيبان بعد كده ان شاء الله.
١٠. علشان خاطري بلاش توزني نفسك كل يوم و التاني.
١١. اعرفي ان وزنك بالليل اتقل من وزنك بالنهار حوالي كيلو (الغدا و امتلاء القولون ممكن يدي كيلو زياده)، مش مهم، الأهم انك تثبتي المعاد اللي بتروحي فيه للدكتور، يعني بتروحي قبل الغدا يبقى دايما قبل الغدا، بتروحي بالليل يبقى خليكي بالليل.
١٢. يستحب يكون فيه فتره صيام قبل ما توزني ساعتين (بلاش جمله انا لسه شاربه لترين مياه قبل ما ادخل عندك يا دكتور، ما بنصدقهاش 😂😂).
١٣. معدل النزول الطبيعي الصحي من ١-١.٥ كيلو في الإسبوع، مش ٥ و لا ١٠ كيلو، الوحيد اللي يقدر يعمل كده هو الجزار.
١٤. الوزن الزياده ما جاش في يوم و ليله، فبالتالي مش هيختفي في يوم و ليلة، زي ما زدتي بالتدريج هتخسي بالتدريج.
١٥. بلاش توزني كل ساعتين، أقولك.. شيلي الميزان فوق الدولاب 🙃🙃.

10/09/2024

هتفضل بين الحقنه دي و البرشام ده
و بين الدكتور ده والدكتور ده
و نتابع سطر و نسيب سطر🫣
يبقي هتفضل تااااايه🙃
🔸️الصحة لا تقاس بالوزن 🤏
🔸️تحسين الصحة مش خسارة وزن بس🙃
🔸️الوصول للوزن المثالي مش هتاخد عليه جائزة 🙄
ف بهدوء كده🤔
قرر انك تتغير 😉
🔸️نام كويس
🔸️كل كويس بطل طول اليوم تلقيط ووجبة تقيله بالليل
🔸️اشرب مياه كتييييير بدل المياه الغازيه
🔸️واتحرك بدل العربية
🔸️بطل حرقة دم واعتزل ما يؤذيك

هي دائرة لازم تقفلها و رحلتك لوحدك هتمشيها 🙄
فكر في صحتك مش رقم ميزانك هتلاقي الحل 🤏 اتعلم تغذية صحية و اهتم بصحتك 💪💪
__________________________________

01/09/2024

16/08/2024

لماذا يحرق الرجال الدهون أكثر من السيدات 😀😀

يا عينى عليكم يا ستات دايما مظلومين ، حتى فى الرجيم :)