عيادة د.محمد صبري النجار لطب الأطفال Dr.Elnagar Kids Clinic

  • Home
  • Egypt
  • Kafr al-Dawar
  • عيادة د.محمد صبري النجار لطب الأطفال Dr.Elnagar Kids Clinic

عيادة د.محمد صبري النجار لطب الأطفال Dr.Elnagar Kids Clinic Contact information, map and directions, contact form, opening hours, services, ratings, photos, videos and announcements from عيادة د.محمد صبري النجار لطب الأطفال Dr.Elnagar Kids Clinic, Paediatrician, Kafr al-Dawar.

د دكتوراه طب الأطفال
ماجستير طب الأطفال وحديثي الولادة
دبلومة تغذية الأطفال - معهد التغذية القومي
عضو الجمعية الأوروبية للحساسية ومناعة الأطفال
اخصائي طب الأطفال وحديثي الولادة والعناية المركزة للأطفال مستشفى كفرالدوار العام .

14/09/2025

شاهد الفيديو الذي أنشأه Mohamed Sabry.

يا ماما مناعة ابنك مش رفاهية، دي أساس صحته وحياته. هي الدرع اللي بيحميه من أي عدوى أو مرض. والمناعة دي مش بنجيبها من دوا...
26/08/2025

يا ماما مناعة ابنك مش رفاهية، دي أساس صحته وحياته. هي الدرع اللي بيحميه من أي عدوى أو مرض. والمناعة دي مش بنجيبها من دوا أو فيتامين جاهز وبس، لأ.. هي أسلوب حياة كامل: أكل، عادات، نوم، حركة، واهتمام منك كل يوم.

🥗 أولًا: الأكل هو خط الدفاع الأول
كل لقمة بتدخليها لجسمه يا إما بتقويه يا إما بتضعفه.

🥦 الخضار والفواكه:
الأحمر (فراولة – طماطم): فيه مضادات أكسدة قوية.
البرتقالي (جزر – مانجا – بطاطا): فيه فيتامين A يحمي النظر والمناعة.
د
الأخضر (سبانخ – خس – بقدونس): غني بالحديد والماغنسيوم.
🍗 البروتين: البيض، الفراخ، السمك، اللحمة.. دول اللي بيبنوا العضلات والخلايا ويدعموا جهازه المناعي.
🥛 الألبان ومشتقاتها: كالسيوم + فيتامين D = عظام قوية ومناعة أحسن.
🌰 المكسرات والبذور: زي اللوز والجوز وبذر الكتان.. تقوي المناعة، التركيز، والذاكرة.

🎨 إزاي نحبّب الأكل الصحي للطفل؟
ادخلي الخضار مبشور في المكرونة، الكفتة، أو صينية البطاطس.
شوربة خضار كريمي بطعم لذيذ هتخليه يقبل عليها.
الفواكه ممكن تتحول لأشكال مرسومة أو سلطة فواكه ملونة مع عسل.
سموذي بالفواكه مع اللبن أو الزبادي، كبديل ميلك شيك.
سناك صحي: أصابع جزر وخيار مع صوص زبادي.
بديل الشيبسي: بطاطس أو جزر في الفرن ببهارات بسيطة.
بديل العصاير الجاهزة: عصير فريش أو مياه منكهة بشرائح فاكهة.
بديل الحلويات المصنعة: كب كيك بالشوفان أو تمر بالكاكاو.

💤 ثانيًا: العادات اليومية
النوم الكافي (٨–١٠ ساعات بالليل) لأن الجسم بيجدد مناعته أثناء النوم.
شرب المياه بانتظام طول اليوم.
النشاط والحركة حتى لو لعب بسيط في البيت.

🚫 ثالثًا: الحاجات اللي تضعف المناعة
الحلويات والسكريات الكتير.
العصاير الجاهزة والمشروبات الغازية.
الأكل المقلي أو الجاهز من بره.

💊 رابعًا: فيتامينات طبيعية تعزز المناعة
العسل الأبيض (بعد سن السنة).
الزبادي فيه بكتيريا نافعة للجهاز الهضمي.
التمر غني بالطاقة والمعادن.

🛡️ خامسًا: الوقاية
غسل الإيدين قبل الأكل وبعد اللعب.

غسل الخضار والفواكه كويس.

متابعة التطعيمات الأساسية، ومن أهمها تطعيم الكبد الوبائي A اللي بيحمي من العدوى المنتقلة عن طريق الأكل الملوث.
🌸 مثال عملي لوجبات يوم لطفل:
فطار: كوب لبن + بيضة أومليت بالخضار + شريحة عيش بلدي.
سناك: تفاحة مقطعة شرائح + حفنة لوز أو زبيب.
غدا: شوية رز + فراخ مشوية + خضار سوتيه أو شوربة كريمة.
سناك تاني: زبادي بالعسل أو سموذي فواكه.
عشا: جبنة قريش أو فول بالزيت + خيار أو طماطم مقطع
💖 يا ماما…
إنتي البطل الحقيقي اللي بتبني مناعة ابنك كل يوم. يمكن الطريق مش سهل في الأول وبيحتاج صبر، بس مع شوية ابتكار وحب هتلاقيه حب الأكل المفيد، وجسمه بقى أقوى ومناعته أحسن.

10/07/2025

🛑 لو العلامات دي ظهرت على طفلك... لازم تتحركي فورًا! الكلى ممكن تكون في خطر!

الكلى مش بس بتفلتر البول... دي اللي بتنضّف الجسم كله من السموم.
ولما يحصل فيها خلل، الجسم بيبدأ يصرّخ!

🎯 علامات أوعي تسيبيها تعدي:

🔹 تورّم في وش الطفل أو رجله، خصوصًا أول ما يصحى
🔹 لون البول غامق أو فيه دم
🔹 بيعمل بول قليل أو شبه منقطع
🔹 بيشتكي من وجع في جنبه أو ضهره
🔹 دايمًا مرهق وخامل
🔹 فقدان في الشهية أو بيرجع
🔹 بيعرق كتير وهو نايم
🔹 وشه شاحب أو أصفر
🔹 بطنه منتفخة بدون سبب
🔹 ضغطه عالي من غير سبب واضح

⚠️ كل علامة من دول مش بس عرض بسيط... دي ممكن تكون إشارة إن فيه مشكلة حقيقية في الكلى.

👶 طب إيه الأسباب اللي ممكن توصل الطفل للمرحلة دي؟

📌 التهابات متكررة في البول أو الكلى
📌 عيوب خلقية في مجرى البول أو الكلى (زي الارتجاع البولي)
📌 أمراض مناعية زي متلازمة النفروتك
📌 ارتفاع ضغط الدم أو السكر
📌 الجفاف الشديد بسبب النزلات المعوية
📌 بعض الأدوية اللي بتأثر على الكلى
📌 التهابات زي التهاب الحلق اللي اتساب من غير علاج
📌 حصوات في الكلى (رغم إنها نادرة في الأطفال بس بتحصل)

🎗️ نصيحتي ليكي كـ أم:
لو ابنك عنده أي عرض من دول، حتى لو واحد بس، لازم تكشفي وتعملي تحاليل (بول – وظائف كلى – سونار) علشان تطمني عليه بدري.

💬 صحة الكلى مش لعبة... وتأخير العلاج بيسبب مضاعفات صعبة جدًا.

"أنا بخاف عليه أوي.. مبحبش حد يقرب منه.. ولا يخرج، ولا يلعب مع حد، ولا ياكل من بره.. "الكلام ده قالته أم لطفل جالي العيا...
09/07/2025

"أنا بخاف عليه أوي.. مبحبش حد يقرب منه.. ولا يخرج، ولا يلعب مع حد، ولا ياكل من بره.. "
الكلام ده قالته أم لطفل جالي العيادة طفل وشه شاحب بيتعب من أقل حاجةومناعته ضعيفة جدًا لدرجة إنه بيعيى كل أسبوع!

سألتها:
"هو بيخرج يلعب؟ بياخد فيتامينات؟ بياكل كويس؟"
قالتلي:
"لأ، أنا بحميه من كل حاجة.. خايفة عليه!"

الحقيقة إنها كانت بتحبه جدًا، بس بتتصرف بشكل خنقه ودمّر مناعته من كتر الحماية!
المناعة محتاجة تدريب مش حبس.. محتاجة تتعرض عشان تقوى، مش تتلفف في بلاستيك.

💪 طب نعمل إيه ونقوي مناعته إزاي؟

✅ أولا: لازم يخرج ويلعب ويتحرك
✅ ثانيا: ناكل أكل طبيعي ومتوازن، خضار، فواكه، بروتين
✅ ثالثا: نسيب جسمه يتعامل مع دور البرد البسيط من غير مضادات حيوية ف كل مرة
✅ رابعًا: فيتامين D والزنك لو في نقص فعلاً
✅ وأهم حاجة: نهدى شوية، جسمه خلقه ربنا يعرف يدافع عن نفسه.. بس ادوله فرصة

13/05/2025

الجو حر؟ آه طبعًا… بس خليك فاكر: مفيش مروحة ولا تكييف في وش ابنك!

الحر خنقة وكلنا بندوّر على شوية هوا، بس ولادنا الصغيرين مش زيّنا، جسمهم حساس وأي شوية هوا مباشرين ممكن يتعبوهم.

المراوح والتكييفات مش ممنوعة… بس لازم نستخدمهم صح!

إزاي؟ تعالى شوف:

1. التكييف؟ مفيش مشكلة، بس:

خلي درجة الحرارة ما بين 24 و26.

متخليش الهوا يضرب في وش الطفل أو جسمه مباشرة.

لو خرجت من الأوضة، اقفل التكييف قبلها بـ10 دقايق.

البسيه لبس قُطني خفيف وغطّيه كويس وهو نايم.

2. المروحة؟ ممكن، بس:

متوجههاش عليه مباشرة.

خليها تلف وتوزع الهوا في الأوضة كلها.

متشغّلهاش وهو مبلول من العرق أو لسه خارج من الحمام.

3. جو الأوضة؟

ممكن تحطّي طبق ميه صغير في الأوضة عشان يرطّب الجو.

4. شرب المياه؟

شجّعيه يشرب مياه كتير، حتى لو مش عطشان.

لو بيرضع، الرضاعة هترويه بس ممكن نزوّد شوية مياه بعد الشهر السادس.

5. مراقبة الطفل؟

لو لاحظتي عطس، كحة، رعشة أو جسمه بيسخن فجأة… خدي بالك ممكن يكون برد من المروحة أو التكييف.

الخلاصة؟
استخدمي التكييف والمروحة براحتك… بس بعقل!
الهوا اللطيف مطلوب، بس صحتهم دايمًا أهم.

من أجمل النصايح بجد ♥️متستنيش طفلك ينام عشان تقضي عباداتك او تقرأي قرآنخديه في حضنك و اقعدي جنبه و خليكي قدوة قصاده هيتع...
10/05/2025

من أجمل النصايح بجد ♥️

متستنيش طفلك ينام عشان تقضي عباداتك او تقرأي قرآن
خديه في حضنك و اقعدي جنبه و خليكي قدوة قصاده هيتعلم منك و معاكي♥️

"يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ ۚ وَمَن يَفْعَلْ ذَٰلِكَ فَأُولَٰئِكَ هُمُ الْخَاسِرُونَ"

♥️رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاءِ

الطفل في السن الصغير صفحة بيضا…وإحنا اللي بنكتب فيها كل حاجة.وبيفضل الطفل طول عمره فاكر أول مرة اتخض، أول مرة اتلخبط،وأو...
29/04/2025

الطفل في السن الصغير صفحة بيضا…
وإحنا اللي بنكتب فيها كل حاجة.

وبيفضل الطفل طول عمره فاكر أول مرة اتخض، أول مرة اتلخبط،
وأول مرة كان محتاج حد يحميه وملاقاش.

الموضوع تقيل…
بس الحقيقة إن فيه أطفال بيتعرضوا لتحرش أو اعتداء جنسي في أماكن المفروض تكون آمنة زي الحضانات والمدارس.
وأوقات بيعدي من غير ما نعرف، لأن الطفل مش فاهم، أو خايف، أو مش عارف يتكلم.

نعمل إيه كأهالي علشان نحميهم؟

نبدأ من بدري:
نعلم الطفل أسماء أجزاء جسمه الحقيقية، ونقول له بوضوح إن في أماكن خاصة محدش يلمسها، ولا يشوفها، ولا يقرب منها.

نزرع جوه الطفل حقه في الرفض:
نقوله إن من حقه يقول "لأ" حتى لو اللي قدامه كبير أو معروف.
حتى لو "اللي بيهزر" هو مدرس أو قريب.

نفتح باب الكلام:
نسأل كل يوم بلُطف: "حد ضايقك؟ حد عمل حاجة مش مريحة؟"
ونسمع من غير توبيخ أو لوم، لأن أول رد فعل مننا بيحدد إذا كان هيحكي تاني ولا لأ.

نعلّمه يحمي نفسه:
يعمل صوت عالي، يبعد، يروح بسرعة لشخص كبير يثق فيه.
مش علشان هو يقدر يحمي نفسه لوحده، لكن علشان ما يسكتش.

نراقب ونختار الأماكن:
نسأل عن السياسات في الحضانات والمدارس، هل في رقابة؟ في كاميرات؟ في تدريب للموظفين؟
ومانتهاونش في أول علامة حمراء.

وأهم حاجة… نفضل دايمًا حضن آمن.
طفلك لازم يكون متطمن إنه لما يرجعلك… هتصدقه، وهتسمعه، وهتحميه.

مافيش حاجة اسمها "ده صغير مش هيفهم"،
اللي ما يتقالش النهارده… ممكن يدفع تمنه غالي بكرة.

خلي ابنك يعرف:
إنه مش لوحده، وإنك دايمًا انك في ضهره.

دكتور محمد صبري النجار

♦️ إسعاد يونس : ايه احسن دكتور اطفال كشفت عنده علي مكة وكيان وكان في مصر ولا بره مصر ؟♦️ محمد صلاح : أحسن دكتور أطفال...
17/04/2025

♦️ إسعاد يونس : ايه احسن دكتور اطفال كشفت عنده علي مكة وكيان وكان في مصر ولا بره مصر ؟

♦️ محمد صلاح : أحسن دكتور أطفال اي وكان فين !!! ......

♦️ إسعاد يونس : ايه يا نجم هو سر ولا ايه

♦️ محمد صلاح : لأ لا سر ولا حاجه بس هو مش بحب الدعايا وكده وأكيد شهادتى فيه مجروحه

♦️ إسعاد يونس : ده مين ده بقى قُلنا عليه الواحد ما بيصدق يلاقى دكتور شاطر في الزمن ده حاجه كده يشخص للاطفال كويس ومايعطيش مضادات حيوية علي الفاضي والمليان

♦️ محمد صلاح : فيه بلد كده اسمها كوبري العبد هتلاقي بيت جنب الكوبري ف الدور الأرضي موجود معمل رنين صاحبه دكتور شحاته ، وصيدلية دكتور سعيد عاطف ، فوق بقي هتلاقي دكتور اسمه محمد صبري النجار هو ده ، ولادي مابيرتاحوش الا عليه ودايما يكتبلهم فيتامينات ..

♦️واقولك سر : أم مكه من يوم ما كشفت عنده اول مره مش عارفه تبطل تروح له عشان كمان عنده كيدز اريا لدرجه انها سابتني اسافر ألعب مع المنتخب ونزلت تكشف عنده و خلته يكتبلنا دوا ناخده معانا علي إنجلترا .. وبتواصل معاه علي الواتس 😉♥️

♦️ إسعاد يونس : طيب ايه يا أبو صلاح مفيش رقم نكلم العيادة أو أي طريقة للتواصل معاهم

♦️ محمد صلاح : اكيد طبعاً ممكن التواصل معاه عن طريق الارقام دى 01023723114

لما يكون عندك طفلين بيتخانقوا، لازم يكون عندك طريقة ثابتة وعادلة تتعاملي بيها، علشان ما يحصلش ارتباك عندهم أو إحساس بالظ...
17/04/2025

لما يكون عندك طفلين بيتخانقوا، لازم يكون عندك طريقة ثابتة وعادلة تتعاملي بيها، علشان ما يحصلش ارتباك عندهم أو إحساس بالظلم. الطرق اللي ذكرتيها عندها تأثيرات مختلفة:

1️⃣ "معلش يا حبيبي" وأحضنه" → ده بيعلم الصغير إنه ضحية دايمًا، وإنه لما يتضرب مش لازم يدافع عن نفسه، بس يستنى الحضن والمواساة.
2️⃣ "خد حقك واضربه" → ده بيعلمهم إن العنف هو الحل، وإن الضرب هو الطريقة الوحيدة لاسترجاع الحقوق، وده ممكن يخلي المشاكل تزيد بينهم.
3️⃣ "أنا أضرب الكبير لأنه غلط" → ده بيخلي الكبير يشعر بالظلم، وبدل ما يتعلم إنه غلطان، بيتعلم إنه ضعيف قدام السلطة بس، وهيكرر العنف على الصغير لما انتِ مش تبقي موجودة.

✅ الحل الصحيح: تعليمهم ضبط النفس والتواصل

افصلي بينهم فورًا بدون صراخ أو ضرب.

اسألي الكبير: "ليه ضربت أخوك؟ هل كنت غاضب؟ ممكن تقول لي بدل ما تمد إيدك؟"

اسألي الصغير: "هل كنت تضايقه؟ هل حاولت تقول له توقف قبل ما تحصل المشكلة؟"

علميهم قاعدة: "ماينفعش نؤذي بعض بأي شكل، لازم نتكلم أولًا".

لو الكبير ضرب الصغير، قولي له: "ممنوع الضرب، لو كنت غاضب تعال نتكلم عن اللي مضايقك"، واطلبي منه الاعتذار بطريقة مش مذلة.

لو الصغير مستفز، فهميه إنه لازم يحترم حدود أخوه.

🎯 الخلاصة:
✔ لا تعاقبي بالعنف، لأن ده بيزود العدوانية.
✔ لا تشجعي على رد الضربة، لأن ده بيعلمهم الانتقام.
✔ علميهم التواصل وحل المشاكل بالكلام، مش باليد.

❌ لو اتعودوا على الضرب كوسيلة، هتزيد المشاكل، لكن لو اتعلموا يعبروا عن مشاعرهم بالكلام، علاقتهم هتبقى أقوى وأفضل طول العمر.

25/03/2025

تربية ولادك تربية سوية أصعب حاجة ممكن تعملها دلوقتي على الإطلاق !
عشان كده انت محتاج تاخد بالك من الكام نقطة دول👇🏻

الهربس يضرب من جديد... منتشر اليومين دول بين الأطفال...✋بيبدأ بحرارة عالية يوم أو إتنين... وبعدين قرح وإلتهابات شديدة با...
17/03/2025

الهربس يضرب من جديد... منتشر اليومين دول بين الأطفال...
✋بيبدأ بحرارة عالية يوم أو إتنين...
وبعدين قرح وإلتهابات شديدة باللثة والفم...
وممكن ينطر بحبوب حول الفم...
بيبقى معاه صعوبة شديدة فى البلع، وريالة.. وممكن ينتج عنها جفاف بسبب رفض الطفل الاكل والشرب ...

الفيروس بيتنقل عن طريق ملامسة اللعاب أو الحبوب او الاختلاط مع الطفل المريض.. (لذلك بيجى بسبب التقبيل ⛔

معدى جداااا... تقريبا لما بيجى لطفل فى بيت كل العيال بتتعدي...

العلاج مش مضاد حيوى خااااالص... فلو طفل سخن جامد ونشاطه كويس منستعجلش في اعطاء مضاد حيوى...

نكشف ونتأكد من التشخيص والعلاج بيكون مضاد فيروسات زى زوفراكس او فيروستات وبخاخ مسكن للحلق زى بى بى سى او إيجوبرايم قبل الاكل او الرضاعة ٣ مرات يوميا وخوافض ومسكنات للحرارة...
وممكن لو ااحالة شديدة الطفل يحتاج محاليل اروائية لعلاج الجفاف او منعه ..
الدور بياخد من ٧ - ١٤ يوم حسب مناعة الطفل...
يا رب اكون قدرت اوصلكم المعلومة بشكل سهل وبسيط...

ألف سلامة عليه ❤️🙏🏻والحمد لله إننا لحقناه في الوقت المناسب. الحالة دي بتأكد ااد إيه التشخيص الصح بيفرق وإنه مينفعش نعتمد...
13/03/2025

ألف سلامة عليه ❤️🙏🏻
والحمد لله إننا لحقناه في الوقت المناسب.
الحالة دي بتأكد ااد إيه التشخيص الصح بيفرق وإنه مينفعش نعتمد على وصف الأعراض بس من غير فحص طبي. للأسف، الأعراض ممكن تتشابه بين النزلة المعوية، الزايدة، انسداد معوي، أو حتى بداية غيبوبة سكر!

⚠️ عشان كده بنحذر دايمًا.. متاخديش التشخيص والعلاج من حد غير متخصص ، لازم الطفل يكشف عند دكتور متخصص. صحتهم مش مجال للتجربة.

❌ متستسهليش.. صحة ابنك مش تجربة! ❌
حاله مشابهه للاسف لنفس الحاله جات العياده و
الطفل كان عنده وجع بطن وترجيع وإسهال خفيف.. الأعراض كانت شبه نزلة معوية، لكن لما كشفنا عليه طلع التهاب في الزايدة وكان لازم يتدخل جراحي فورًا!

المشكلة إن الأم وصفت الأعراض لـزميل صيدلي كتب لها علاج للنزلة المعوية.. الطفل خد أدوية مغص ومطهر وحقنة ترجيع، لكن حالته متحسنتش، ولما جت العيادة لقيناه عنده التهاب زايدة وكان ممكن تحصل كارثة!

⚠️ خلي بالك! الأعراض ممكن تكون نزلة معوية.. أو بداية غيبوبة سكر.. أو زايدة دودية.. أو انسداد معوي!
✅ لازم فحص الطفل عند دكتور متخصص علشان التشخيص يكون سليم!

نتمنى لكل الأطفال الصحة والسلامة، وأي حد عنده شك في حالة ابنه، لازم يتوجه للطبيب فورًا.

Address

Kafr Al-Dawar

Opening Hours

Monday 2pm - 7pm
Tuesday 2pm - 7pm
Wednesday 2pm - 7pm
Thursday 2pm - 7pm
Friday 2pm - 7pm
Saturday 2pm - 7pm
Sunday 2pm - 7pm

Telephone

+201023723114

Website

Alerts

Be the first to know and let us send you an email when عيادة د.محمد صبري النجار لطب الأطفال Dr.Elnagar Kids Clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة د.محمد صبري النجار لطب الأطفال Dr.Elnagar Kids Clinic:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category