عيادة الفتح البيطرية El-Fath Vet Clinic

عيادة الفتح البيطرية El-Fath Vet Clinic Contact information, map and directions, contact form, opening hours, services, ratings, photos, videos and announcements from عيادة الفتح البيطرية El-Fath Vet Clinic, Doctor, طريق ٤٥ الدولي/منشية صيرة, Kafr al-Dawar.

مساء الخير😍التحصينات ضد الفيروسات لا غنى عنها بأى علاج أبداً ❌️ومع بداية فصل الشتاء وبداية انتشار الفيروسات متوفر لدينا ...
25/11/2025

مساء الخير😍

التحصينات ضد الفيروسات لا غنى عنها بأى علاج أبداً ❌️

ومع بداية فصل الشتاء وبداية انتشار الفيروسات متوفر لدينا فى عيادة الفتح البيطرية تحصين ثنائي ضد الإنفلونزا والنيوكاسل 💉

🏠 العنوان: طريق ٤٥ الدولي منشية صيرة بجوار السنترال
📞 للاستفسار والحجز : 01080753766
01211090158

تنبيه هام و عاجل للسادة مربي الماشية.. برجاء التحصين ضد مرض الحمى القلاعية و اذا كنت محصن بادر بإعطاء الجرعة التنشيطية
03/10/2025

تنبيه هام و عاجل للسادة مربي الماشية..
برجاء التحصين ضد مرض الحمى القلاعية
و اذا كنت محصن بادر بإعطاء الجرعة التنشيطية

09/09/2025

الحرارة اللي بيحس بيها الفرخ مختلفه عن الحرارة اللي بتقيسها 🐣

📍 الفرخ ما بيحسش بدرجة الحرارة اللي انت بتقيسها بس
: لكن بيتأثر بمجموعة عوامل زي
🔸 درجة الحرارة
🔸 الرطوبة النسبية
🔸 سرعة الهواء

التلات عوامل دول مع بعض بيحددوا "الحراره المحسوسة" بالنسبة للفرخ.

عشان كده، سلوك الفرخ هو المؤشر الحقيقي: لو لقيت نهجان أو تجمعات اعرف إن في خلل في الجو حتى لو الترمومتر بيقول غير كدا

💡 راقب الفرخ... مش بس رقم الحرارة

لما تفهم ده كويس وتطبقه، تقدر تنجح في التربية سواء في الصيف أو الشتاء

📢 إعلان من عيادتنا البيطرية 🐾يسرنا أن نعلن عن توافر جميع أنواع السقايات والعلافات 🐔🐇🐓🐣🦆🪿🕊️بأفضل الأسعار وجودة عالية تناس...
04/09/2025

📢 إعلان من عيادتنا البيطرية 🐾

يسرنا أن نعلن عن توافر جميع أنواع السقايات والعلافات 🐔🐇🐓🐣🦆🪿🕊️
بأفضل الأسعار وجودة عالية تناسب كل أنواع الطيور

✅ متوفر أحجام وأشكال مختلفة
✅ خامات قوية وعملية
✅ أسعار مناسبة للجميع

📍 زورونا في العيادة أو تواصلوا معنا للحجز والاستفسار 📞 01080753766

عنوانا : منشية صيرة بجوار السنترال

📢 الحمى القلاعية (Foot-and-Mouth Disease)الحمى القلاعية واحدة من أخطر الأمراض الفيروسية المعدية التي تصيب الحيوانات ذات...
17/08/2025

📢 الحمى القلاعية (Foot-and-Mouth Disease)

الحمى القلاعية واحدة من أخطر الأمراض الفيروسية المعدية التي تصيب الحيوانات ذات الظلف المشقوق ( زي الأبقار ، الجاموس ، الأغنام ، الماعز ، والخنازير ) ، وبتأثر بشكل مباشر على الإنتاج الحيواني والاقتصاد الزراعي.

🔬 أسباب المرض :

• بيسببها فيروس من جنس Aphthovirus
• شديد العدوى وبينتقل بسهولة بين الحيوانات من خلال:
• التلامس المباشر مع الحيوان المصاب أو إفرازاته
• الهواء لمسافات قصيرة
• الأدوات والملابس والأحذية الملوثة

⚠️ الأعراض في الحيوانات :

• ارتفاع في درجة الحرارة
• ظهور فقاعات وتقرحات في الفم ، اللسان ، وحول الحوافر
• صعوبة في الأكل والشرب
• عرج وضعف شديد في الإنتاجية ( حليب ، لحم )

👩‍⚕️ خطورته على الإنسان :

• نادرًا ما يصيب الإنسان ، لكنه ممكن ينتقل في حالات معينة ، وبيسبب أعراض بسيطة تشبه الإنفلونزا مع تقرحات في الفم واليدين.
• الخطر الأكبر على البشر هو اقتصادي وغذائي بسبب نقص الإنتاج الحيواني.

🛡️ طرق الوقاية :

• التطعيم الدوري للحيوانات
• العزل الفوري للحيوانات المصابة
• تطبيق إجراءات الأمن الحيوي الصارمة ( تنظيف وتعقيم أماكن التربية والأدوات )
• منع حركة الحيوانات بين المزارع أثناء التفشي

📌 ملحوظة مهمة :

حتى لو الإنسان مش معرض بشكل كبير للمرض ، وجوده في القطيع يمثل كارثة اقتصادية ومصدر تهديد للأمن الغذائي ، عشان كده لازم الإبلاغ الفوري عن أي حالة اشتباه للسلطات البيطرية.


15/08/2025

غداً السبت .. بدء إنطلاق فعاليات حملة تحصين شاملة ضد فيروس الحمى القلاعية

البحيرة - المكتب الإعلامي

تحت رعاية الدكتورة/ جاكلين عازر – محافظ البحيرة، وفي إطار جهود الدولة للحفاظ على الثروة الحيوانية ووقايتها من الأمراض الوبائية.

تعلن مديرية الطب البيطري بالبحيرة، بقيادة د/ محمد مصطفى سالم، عن إنطلاق حملة تحصين شاملة لتحصين رؤوس الماشية ضد العترة SAT1 من فيروس الحمى القلاعية، إعتباراً من غداً السبت الموافق ١٦ أغسطس بجميع مراكز ومدن المحافظة وذلك تحت إشراف الهيئة العامة للخدمات البيطرية.

وتأتي هذه الحملة ضمن خطة وقائية متكاملة للتصدي للأمراض الوبائية والعابرة للحدود، للحفاظ على سلامة الماشية بما يعزز إستدامة وتنمية الثروة الحيوانية.

ووجهت محافظ البحيرة مسئولي الوحدات المحلية بتقديم كافة التسهيلات والدعم اللازم لفرق الأطباء البيطريين، لضمان تنفيذ أهداف الحملة وتحقيق المستهدف منها للحفاظ على الثروة الحيوانية وزيادة إنتاجياتها، بما يسهم في دعم الأمن الغذائي وإستقرار الإنتاج الحيواني.

وتناشد محافظة البحيرة المواطنين بضرورة التعاون مع اللجان البيطرية والإبلاغ عن أي حالات اشتباه، لضمان نجاح الحملة وتحقيق أهدافها في حماية وتنمية الثروة الحيوانية بالمحافظة.


15/08/2025

#الحمى #القلاعية
كلمتين و بس
١- عندنا عترة جديده من الحمى القاعية؟ = اه
٢- التحصينات الموجوده بتحمي منها؟ = لا
٣- طيب هحصن تحصين الوزارة الي نازل؟ = اه ما فيش غيره
٤- كام جرعه احصنها؟ = جرعتين بينهم شهر
٥- طيب دا يغني التحصين للأنواع الأخرى من الحمى القلاعيه؟ = لا .....لازم تحصن برضه
٦- التحصين حلو و لا ايه.......؟ ما فيش غيره تابع حيواناتك بعد التحصين لمدة نصف ساعة ،،،،ليه.......؟ وارد يكون في حالات حساسيه اكيد هتحتاج تدخل بمضاد حساسية

الوقاية خير من العلاج
13/08/2025

الوقاية خير من العلاج

لكل الفلاحين ومربين المواشي بجمهورية مصر العربية 🐄🐃ده تحذير هام جداً وخطير جدا جدا جدا لاقصي درجه للأسف الشديد ظهر في م...
12/08/2025

لكل الفلاحين ومربين المواشي بجمهورية مصر العربية 🐄🐃

ده تحذير هام جداً وخطير جدا جدا جدا لاقصي درجه للأسف الشديد
ظهر في مصر عترة جديده من مرض الحمي القلاعية إسمها سات 1
ودي مكنتش موجوده في مصر نهائي ولا ليها أي تحصينات في مصر وللأسف تم اكتشافها في بعض محافظات مصر

وخطورتها للاسف لاقدر الله لو انتشرت في مصر ستؤدي إلي هلاك الثروه الحيوانيه وموت جماعي للحيوانات في مصر

إللي ها يحصل من المرض ده للاسف لو انتشر نفس إللي حصل في مصر سنة 2012

وطبعا كل الفلاحين فاكرين إللي حصل سنة 2012 وازاي الحيوانات كانت بتموت فجأة بدون سابق انذار

العتره الجديده دي للأسف كانت موجوده في بعض دول الخليج والدول المجاورة لمصر وللأسف جت مصر وظهرت في حيوانات هنا ف مصر وتم اكتشافها وعزلها

وزارة الزراعة والهيئة العامة
للخدمات البيطرية صنعت لقاح مخصوص للعتره الجديده دي
وهاتبدا حملة تحصين مخصوص ضد المرض ده من يوم السبت القادم الموافق 16/8

والتحصين ها يكون علي مستوي الجمهورية
لان العتره دي جديده ومكنش ليها أي تحصينات في مصر نهائي قبل كده ومفيش اي مناعه منها في الحيوانات في مصر

يا جماعه الموضوع خطير جدا جدا جدا ولو العتره دي انتشرت ها يكون فيه خراب ودمار للثروة الحيوانية في مصر والحيوانات عند الفلاحين ها تموت موت جماعي ومفيش علاج ها يصد قصادها
لأن المرض بينتشر بالهواء والرياح واحنا داخلين على فصل الخريف والشتا والكارثة بتحصل في الشتاء

المطلوب من كل فلاحين مصر ومن كل أصحاب المزارع والتجمعات..سرعة التحصين ضد العتره الجديده فورا بداية من يوم السبت القادم والتحصين ها يكون متوفر في كل الوحدات البيطريه في جمهورية مصر العربية من يوم السبت
للمره المليون الموضوع خطير ومش عاوزين يحصل ف مصر زي ما حصل ف سنة 2012

لازم الكل يتكاتف ويقف ايد واحده علشان الحيوانات تتحصن مرتين قبل دخول الشتا عشان نستعد للوباء الجديد ده

ياريت حضرتك تستجيب للجان التحصين ومتقولش ده البهايم بتسخن بعد التحصين او اللبن بيقل..
كل دي اعراض عاديه وبسيطه مفيهاش مشكله إنما لو حصل الوباء وانتشر مش هانقول غير انا لله و انا اليه راجعون

وياريت كل الفلاحين يقللوا من النزول لأسواق المواشي والشراء من السوق لأن المرض مش ها يجي غير من السوق ولو الحكومه قفلت الأسواق خالص يبقي حاجه جميله منهم للحد من إنتشار المرض..

ده واجبنا ناحيتكم..التحذير والتنبيه اولا وحضرتك عليك الاستجابة وتحافظ على مواشيك وعلي مالك ورزقك

Address

طريق ٤٥ الدولي/منشية صيرة
Kafr Al-Dawar

Website

Alerts

Be the first to know and let us send you an email when عيادة الفتح البيطرية El-Fath Vet Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category