Chest Clinic عيادة الامراض الصدريه

03/06/2022

منقول للفائدة
• في مشهد الجنازات ينتابني الفزع من لحظة إغلاق القبر وتسارع الناس لترك ميتهم ..
• خارج القبر أحدهم يبكي.. والآخر حزين .. وآخر هناك لا يُبالي..
• وفي داخل القبر أحدهم يقول : ربي الله وديني الإسلام ونبيي محمد - ﷺ - ، وآخر يقول: هاه هاه لا أدري..

• في الخارج يُحكمون إغلاق القبر من هنا ومن هناك وكأنهم يخشون خروجه ..
• وفي داخل القبر أحدهم يقول : رب أقم الساعة ، وأحدهم يُنادي : رب ارجعونِ لعلي أعمل صالحاً فيما تركت .

• في الخارج يتأفف أحدهم من التراب ، وترهقه حرارة الشمس أو برودة الجو ، ويمل من طول الدعاء..
• وفي داخل القبر لا يملك أحدهم إلا مترين في متر من كون فسيح ، وقطعة قماش ، وعَمَلِه ، ودعوات صالحات .

• في الخارج لا تكاد تمضي ربع ساعة إلا وقد فرغ المكان وساد السكون ، وخيم الصمت ورحل الزوار..
• وفي الداخل ضجيج .. أحدهم يُنعّم ويرى مقعده من الجنة.. وآخر يصرخ من ضيق المكان وظلمته ومن الهول والفزع.

• في الخارج أناس قد انتقلوا من بيت مكيف ، لمسجدمكيف، بسيارة مكيفة، ويتعجلون الرحيل من الحرّ أو البرد ..
• وفي داخل القبر يسمعون قرع نعال أحبتهم وهم يغادرون، احدهم في سعة ولطف ورحمة، وآخر في ضيق وحر ونكد.

• أفي النعيم المقيم نحيا، أم في العذاب نشقى...
"لمثل هذا فليعمل العاملون" (لا نجاة من الموت )
• اللهم إنا مقصرون فاعفُ عنا يارب .
• اللهم عاملنا بعفوك ورحمتك وجودك وكرمك .

• اللهم نسألك حسن الخاتمـة .🙌🏻

12/05/2022

فرحه الناس بيك وانت بتطلع فلوس من المكنه ..وهنا يحضر في ذاكرتي مشهد من فيلم للراحل فؤاد المهندس عندما قال لحماه المكنه طلعت قماش وكان سعيد جدا وبيصقف هكدا الحال أمام ماكينات الصرف أمام البنوك الكل في حاله فرح لك وسعادة وجنبك وحواليك . منظر ومشهد منفردين بيه وأصبح هذا

المشهد سحب الفلوس من ماكينة ATM عندنا نشاط اجتماعى.ولمه وفرحه.
يعنى وانت واقف بتسحب بتلاقى ناس حواليك بتشاركك الفرحة .. وبيبصوا على الشاشة .. وبيتفرجوا على رقمك السرى ولو نسيت رقمك السري بتلاقي واحد جنبك يفكرك .. وواحد يقولك لا لا حط صفرين يا اوووووستاذ ودوس هنا.. وسط اعجاب باقى المتواجدين وفرحتهم والفلوس بتطلع من المكنه لدرجة انك بتبقي عايز تفرق عليهم الفلوس قبل ماتمشي! وتبوسهم وتشكرهم علي المجهود وأنهم وقفوا جنبك وساندوك أثناء القبض . حاجه مفرحه . واللي يفرحك اكتر تلاقي الناس كلها بتقبض معاك وواقفين منتظرين النتيجه وتلاقي واحد يقولك والإبتسامة علي وشه كدا يقولك هي فيها فلوس . ياسيدي ايوة وبعدين بتسأل ليه دا حضرتك اللي واقف علي دماغي وبتقبضلي .حاجات غريبه بتحصل أمام هذه المكنه اللعينه
واثناء ذلك تلاقي اللى بدأوا يتعرفوا على بعض عند الماكينة وبيتكلموا بمنتهى الود..تحس انك وسط عيلتك والدمعة هتفر من عينك ونفسك تغنى اغنية يا صحابى يا أهلى يا جيرانى انا عايز اخدكوا فى احضانى

01/05/2022

24/04/2022

قبل ان تتبرع لأي جهه ...إقرأ :

▪︎نرى إعلانات تستدر الدموع وتوجع القلوب وتشعرك أن المصري بات واحد من ثلاث ( مريض بالسرطان او فقير جائع أو متشرد بلا مأوى ) ومطلوب منك التبرع لهؤلاء وحل مشكلتهم
▪︎فحين تعلم أن سعر الإعلان على MBC فى رمضان ولا يستغرق أكثر من 30 ثانية يكلف الشركة المعلنة 150 مليون جنيه، نعم 150 وأمامها ستة أصفار بينما تكلفته على قنوات ON تبلغ 120 مليون جنيه وتنزل القيمة إلى 80 مليون على النهار وCBC ، حينما تعلم ذلك ربما وفى الغالب ستندهش وتهز رأسك غير مصدق ولكنك ستصدق وتبتلع دهشتك ومعها قرص أسبرين حينما تعلم أن قيمة تبرعات المصريين فى رمضان الفائت بلغت أربعة ونصف مليار جنيه
▪︎نحن أمام ( تورتة ) كبيرة وضخمة يتنافس ويتقاتل ويتهافت عليها الضباع المسعورة مستغلة طيبة وحب الناس لفعل الخير ومستغلة أكثر ضعف ثقافة العمل الجمعي الخيرى لدى عموم المصريين
▪︎فى العام الماضى تبرعت 15.8 مليون أسرة من أصل 18.4 مليون أسرة مصرية أى بنسبة 86 بالمائة بالمبلغ المذكور أعلاه ( 4.5 مليار جنيه ) وهذا العام متوقع زيادة التبرعات بنسبة تصل إلى النصف تقريبا أى حوالى سبعة مليارات جنيه.
▪︎المصيبة الكبرى أن ما تتبرع به عبر الرسائل التليفونية يستقطع منه 55 بالمائة لصالح شركة الهاتف ولصالح القناة صاحبة الإعلان ولصالح الجمعية الخيرية والعاملين عليها ولا يصل لمستحقيه سوى 45 فى المائة فقط مما دفعت
▪︎إذا لماذا نتورط ونُستغل بهذه الطريقة وندفع لهؤلاء الضباع ماقيمته 2.5 مليار جنيه العام الماضي ونحو أربعة مليار هذا العام؟قليل من الوعي يفوت الفرصة على شبكة فساد واستغلال هائلة يتشارك فيها الإعلام والاتصالات ومؤسسات دينية فى غياب او تواطؤ من مؤسسات الدولة الخاصة بالإشراف على هذه الأعمال .
■ تبرع بنفسك لمن تعرفه وأبحث عن المحتاجين فما أكثرهم

22/04/2022

تخيل تبقي تعبان وشقيان ليل ونهار علشان توفر مصاريف الدراسة والعيشه لولادك اللي ربنا كرمهم ال٣ ودخلوا كليات طب .

وتبقي انت وأمهم مكلمهم في الفون ومستنيهم ع السحور علشان نازلين أجازه العيد يعيدوا معاك...وتبقي قاعد مستني تفتحلهم الباب وتخدهم في حضنك ...وفي لحظه كل الدنيا دي تتحول ويجيلك خبر وفاتهم 😢😢😢😢

لحظه مفيش بشر يتحملها ولا يقدر عليها .

الأب والأم دول اكتر ناس محتاجه اننا ندعيلهم بالصبر دلوقتي وياريت الناس اللي من بلدهم يفضلوا جنبهم ويواسوهم ويصبروهم وياريت مشايخ من الأزهر في بلدهم يروحوا ليهم باستمرار ويخلوهم معاهم لحد مايعدوا محنتهم 💔💔💔

عرفتوا إن الدنيا ملهاش لزمه وإن في لحظه ممكن كل حياتك تتبدل ٣٦٠ درجه..

ال٣ دكاتره دول مش هيخدوا معاهم شهادات ولا كليات مش هيخدوا معاهم غير عملهم الصالح وعبادتهم لربنا ...

علشان كده لازم تخلي في تربيتك لاولادك قرآنهم و صلاتهم وصيامهم وأخلاقهم رقم 1

وانا لا أبرئ ابدا العين والنفوس الحاقدة من الامر
حبوا لبعض النعمة عشان تتردلكم نعم
متبصوش لحد فى حاجة انتوا شايفينها عنده لان فيه مستخبى كتير هيصعب عليكم لو عرفتوه.
ادعولهم بالرحمه والمغفره
وادعوا لوالديهم بالصبر والعوض وربنا يبرد قلوبهم ....
___________
ربنا يرحمهم ويغفر لهم ويصبر قلب امهم وابوهم علي البلاء والاختبار الكبير دا من ربنا ويلهمهم الصبر والسلوان.
بالله عليكم ادعوا ليهم بظهر الغيب .
مصر كلها لو دعت ليهم مش كفايه علي النار اللي جواهم
ياريت كلنا ندعيلهم في كل مكان وكل وقت

09/04/2022

القصہ أن شيخاً كان يعيش فوق تل من التلال ويملگ جواداً وحيداً محبّباً إليہ.. فے يوم من الأيام
فر جواده فجاء إليہ جيرانہ يواسونه لهذا الحظ العاثر فأجابهم بلا حزن
وما أدراگم أنه حظٌ عاثر؟
وبعد أيام قليلہ عاد إليہ الجواد مصطحباً معه عدداً من الخيول البريّہ.. فجاء إليه جيرانه يهنئونہ علے هذا الحظ السعيد فأجابهم بلا تهلل
وما أدراكم أنه حظٌ سعيد؟
ولم تمضے أيام حتى كان إبنہ الشاب يدرب أحد هذه الخيول البريہ فسقط من فوقه وكسرت ساقه وجاءوا للشيخ يواسونہ في هذا الحظ السيء فأجابهم بلا هلع
وما أدراكم أنه حظ سيء؟
وبعد أسابيع قليلة أعلنت الحرب وجند شباب القريہ وأعفي إبن الشيخ من القتال لكسر ساقہ فمات في الحرب شبابٌ كثر
وهكذا ظل الحظ العاثر يمهّد لحظ سعيد والحظ السعيد يمهّد لحظ عاثر الى ما لا نهايہ فے القصہ وليست فے القصہ فقط بل وفے الحياة لحد بعيد
أهل الحكمہ لا يغالون في الحزن على شيء فاتهم لأنهم لا يعرفون على وجهة اليقين إن كان فواتہ شراً خالصاً أم خير خفي أراد الله به أن يجنبهم ضرراً أكبر، ولا يغالون أيضاً في الابتهاج لنفس السبب
إنمـا يشگرون الله دائماً على كل ما أعطاهم ويفرحون بإعتدال ويحزنون علے مافاتهم بصبر وتجمل
هؤلاء هم السعداء.. فإن السعيد هو الشخص القادر علے تطبيق مفهوم الرضى بالقضاء والقدر ويتقبل الاقدار بمرونہ وايمان
لا يفرح الإنسان لمجرد أن حظہ سعيد فقد تگون السعادة طريقًا للشقاء
والعكس بالعگس

23/03/2022

الدولار زاد و ناس كتيره زعلانه على فلوسها، زعلانه إنها ما إشتريتش حتتين دهب قبل ما يغلا . او ما حولتش فلوسها لدولارات قبل ما يزيد . تخيل بقا يوم القيامه التعامل حيبقا بالحسنات ، الحسنات بس . ساعتها حتعرف قيمة العمل الصالح . وساعتها حتفهم إن الإستثمار الحقيقى مش فى الدهب و لا الدولار. الإستثمار الحقيقى هو الإستثمار للآخره. إشتروا بفلوسكم حسنات لأنها بعد كده حتزيد اوى . ❤❤

16/03/2022

هل بتعاني من الـ overthinking أو التفكير الزائد قبل النوم ؟!!
هل المخدة اشتكت من كتر ما بتتقلب كل ليلة في أرق لساعات طويلة ؟؟!!
خليني أقول لك أنك مش لوحدك ..
و آلاف بل ملايين عندهم نفس الحالة ..
و قبل ما أقول لك الحل .. خليني أقول لك قصة حقيقية ..

من سنين ، لقينا شيخي الجليل انقطع عن المسجد لفترة بسيطة ، و بعدين رجع مرة تانية بشكل متقطع ، و عرفنا أن أصابه السرطان ..

قررنا مع مجموعة من زملائي أننا نزوره، و هنا سمعت منه أغرب ما يمكن !! .. قال بهدوء : ..
لما أخدوا العينة ، ..
قلت في نفسي أن لما تطلع النتيجة حاسجد أيا كانت ..
و لو كان فيه ورم ، حتكون سجدة صبر ..
و لو مفيش ، حتكون سجدة شكر ..
و بالفعل جات النتيجة ، و كانت إيجابية ، ..
و - سبحان الله - لقيتها بقت سجدة شكر ..

أيامها، كنت مش فاهم ..
إزاي النتيجة إيجابية ؟؟ و مع ذلك سجوده بقى سجود شكر ؟!! ..
يكونش اتلخبط ، و كان يقصد العكس ؟!! ..

لا زلت فاكر آخر مرة دخل فيها المسجد ، بقى ما المرض نال منه ، و كان على وشك الوفاة ، و أصر أن المسجد يكون آخر حاضر في قلبه في أواخر أيامه ، و فعلا ، توفاه الله بعدها بأيام قليلة ..

رحم الله شيخي الغالي ..

بعد سنين طويلة ، اكتشفت أن فيه نوع نادر من أنواع التسليم ، قليل من البشر وصلوا له ، ..
التسليم الحقيقي الخالص ..
اللي هو الإحساس بالامتنان للخالق الوهاب ، على أي شيء يقدمه للعبد ..
و ثقة محضة في أن اختيار ربنا ليا هو الخير المطلق ..
حتى لو كان على غير مرادي أنا شخصيا ...

مرادي ييجي إيه قصاد مراد الله ؟!! .. ولا أي حاجة ..
ثقة العبد في اختيار الرب ، كما يجب أن تكون ..
ثقة إبراهيم في ربه ، لما أمره يسيب زوجته و ابنه في صحراء قاحلة ..
ثقته - و ابنه - لما أمرهم بالذبـ ـح ..
طالما ده مراد الله ، يبقى هو الخير ..
الخير المطلق ..
و ده يستوجب الشكر في حد ذاته ..
أيوة .. بس انت حتتألم .. مش مهم .. ده تدبير ربنا ، و هو الخير ..
فيه احتمال كبير تموت .. مش مهم .. ده قضاء ربنا ، و هو الخير ..
و ده أحب على نفسي من مرادي أنا شخصيا لنفسي ..

سمعتها تاني قريب من مصابين بالسرطان و غيره من الأمراض الخطيرة ، .. ربنا ينزل عليهم رضا غريب ، و تلاقيها بتقول لك بامتنان حقيقي (ربنا امتن عليا بالسرطان) .. و تكمل كلامها عادي ..

الجملة كانت بترن في وداني كل ما أسمعها ، و أرجع أفتكر شيخي و سجدة الشكر اللي سجدها !!! ..

أغلب مشاكلنا و تفكيرنا الزائد ، سببها أن جوانا حتة شيطانية ، مش راضية بقضاء الله ، بالشكل الكامل ده ..
الواحد مننا عجيب جدا ..
إذا ربنا اداه ، .. يبقى عاوز أكتر ..
و إذا ربنا منع عنه ، .. يغضب و يتقمص و يعترض ..
مع أن الفلوس الكتير ممكن تكون سبب فساده .. بس هو مش شايف !!
و الولد اللي بيتمناه ممكن هو اللي يضربه لما يكبر .. بس هو مش شايف !!
هو عاوز اللي مزاجه ، و نسى لسنين طويلة أنه في الأساس عبد !! ..

اللي وصل للإلحـ ـاد المعلن ببساطة، هو معترض ع العبـ ـودية من بابها .. رافض أنه يكون عـ ـبد ، مع أن دي الحقيقة .. تمرد على سلطان أبوه و أمه ، و مديره في الشغل ، و غيرهم ، .. و وصل للتمرد على إلهه الوحيد ..

اعتراضه الجزئي بقى كلي ..
مابقاش راضي عن الله ، فأنكر وجوده ..
في حين أن المفروض يحصل العكس ..
التفكير الزائد ، معناه أنك بتفكر في اللي جاي ، و قلقان على مستقبلك .. بتبص لعشر خطوات جاية ، و بتحاول ترتب كل قطعة puzzle على ذوقك .. في حين إن إرادة ربنا كلها خير أكتر مما تتخيل ..

انت مش شايف إلا تحت رجليك ..
بتفكر ليه في آخر التراك ؟!!
مطلوب منك تفكر في الخطوة الجاية و بس ..
ربنا هو اللي شايف التراك كله ..
و علمه سبق بكل اللي حيحصل من قبل ما انت تتولد ..
شاغل نفسك ليه ؟!!
مش انت بتعمل المطلوب منك ، و واثق في حكمة ربنا ؟!!
واثق فيها حتى لو مش فاهمها ؟!!
أيوة .. يبقى خلاص بتفكر في إيه ؟!!
سيبها على الله ..

23/02/2022

وفي المآزق ينكشف لؤم الطباع، وفي الفتن تنكشف أصالة الآراء، وفي الحكم ينكشف زيف الأخلاق، وفي المال تنكشف دعوى الورع، وفي الجاه ينكشف كرم الأصل، وفي الشدة ينكشف صدق الأخوة.