04/09/2025
المنشور ده طويل 🤍 لكن معلوماته مرجع لكل ام او اخصائي
اضطراب التعلم المحدد
(صعوبات التعلم ) سابقا :
اولا : هو لي اضطراب مش اعاقه أو هو لي اضطراب مش
مرض ؟
ليه اضطراب لأن الطفل قدراته العقليه كويسه وعينه اللي بيقرا بيها كويسه وأيده اللي بيكتب بيها كويسه وكذلك السمع
بس لا يؤدو عملهم بما يتناسب مع القدرات العقليه بتاعته
إنما الاعاقه هي خلل فسيولوجي ف العضو نفسه يعني العضو نفسه فيه مشكله
المرض علاجه عن طريق الادويه
اي هو اضطراب التعلم المحدد ؟
هما اطفال قدراتهم العقليه عاليه بس تحصيلهم الأكاديمي منخفض ويستثني منهم اي طفل عنده اعاقه من الاعاقات زي العقليه _ السمعيه _ البصريه _ حركيه أو المضطربين انفعاليا (نفسيا واجتماعيا ) والمحرومين ثقافيا
لازم نفرق برده بين أربع فئات
هما التأخر العقلي _ بطئ التعلم _ التأخر الدراسي و اضطراب التعلم المحدد
نفرق بينهم من خلال التشخيص الفارق اللي هو Iq Test
بمعني أن
_التأخر العقلي نسبه ذكائهم من 70ف اقل ودول ليهم مدارس التربيه الفكريه
_بطئ التعلم نسبه ذكائهم تترواح من 70 لحد 80 ودول ليهم مدارس الدمج
_اضطراب التعلم المحدد والتأخر الدراسي نسبه ذكائهم من 80 او 81ف اعلي و ممكن يكون 90 نسبة ذكاء متوسطه زي الغالبيه لكن عنده اضطرابات تعلم اللي هو معروف ب ( صعوبات تعلم)
طب اي الفرق بين اضطراب التعلم المحدد والتأخر الدراسي ؟!
ان التأخر الدراسي مشكلته مش عندك كأخصائي صعوبات تعلم
إنما بتبقي مشكلته ف البيئه أو مشاكل ف التأسيس أو يكون مضطرب انفعاليا يعني مضطرب نفسيا واجتماعيا.
نكمل 👇
إزاى أعرف طفل صعوبات التعلم ( اضطراب التعلم المحدد Dsm-5 ) ، طبعاً التشخيص بيحتاج متخصص ، وبيبقي من خلال حاجه اسمها Dsm-5 وبعد كده بيبقي فى تقييمات ليها دعوه بالقياس ( لازم رأى مختص ) : فى البدايه هو طفل الصعوبات بيبقي عنده مشكله في المعالجة ، اللغة اللي بتتعامل بيها الخليه فيها حاجه غلط ، بيبقي عنده لخبطه فى مفاهيم كتير واحده منها الاحساس بالمكان ده بيخليه مش عارف : ( مفهوم يمين / شمال ، قبل / بعد .... ، أو انه مش فاهم حالة الصفر 10 – 01 ، مش عارف يروح لمفهوم 6 ، بيكتب الحروف زى ما يكون في مرايه ، أنه يسكن الحرف في الكلمة جَ /:ـمَعَ ، يحط حرف مكان حرف ، أو أن هو يجزأ وحدات الكلمة ، مرات بيبقي في عنده مشكله في فهم ما يقرأ ، مرات بتيجى متزامنة مع حاجات تانية زي ADHD ، حركته كتيره ، كلامه كتير ، مبيقعدش ، ولو قعد بتلاقى قعدته غير مناسبه ، بينسى بينسى أوى ، وده بيخليه يشوف المفهوم كأنه بيشوفه أول مرة ، التدخل إزاى ، من خلال برنامج بيشتغل على النقطه اللى فيها المشكله لأن كل طفل مش زى التانى ، خلينا نقول لو أنا ابنى عنده مشكله فى حرف ج بيكتبها فى مرايه هعمل إيه ، احنا عندنا مهارات كتير ممكن نشتغل عليها نمرة 1- مهارة التمييز البصرى ، بعمل حرف ال ج في شيت كبيرة وهو يلونها وبعد كده فين اللى زى دى 2- إغلاق بصري ج باخد منها جزء وهو يعمل إغلاق 3- المسح البصرى يدور على ال ج 4- التتبع البصرى ال ج متنقطه وهو يمشى عليها ... وهكذا ، أنا هسيب عدد من الشيتات علشان لو فى حد مش فاهم يعنى أيه برامج وشيت وهاند اوت ، الطفل ده بيبقي محتاج تشخيص صح والتدخل صح غير كده بيبقي فى المكان الولاحاجه .
صعوبات التعلم مقسومة اتنين
👈صعوبات تعلم نمائية
👈صعوبات تعلم أكاديمية
ومن أسمائهم واضح جدا ان الاولي ثواني بس يعني اية
صعوبات تعلم نمائية بصي يا ست الكل الصعوبات النمائيه
👈صعوبات التعلم النمائية هي👇🏻
✅ الانتباه والتركيز
✅الذاكرة
✅الإدراك
✅التفكير
✅اللغة الشفهية
👈صعوبات التعلم الأكاديمية👇🏻
✅القراءة شامل عربي وانجليزي
✅الكتابة
✅الإملاء
✅الحساب
ابنك عنده اى مشكلة في اى نقطة من دول وسنة اربع
سنوات او اكتر اتكلي علي الله واعملي اختبار ذكاء واختبار
صعوبات وبالمرة اختبار لغة ووومعلش اعملي مقياس سمع
وضغط اذن
اسمعيني كويس 🥺
اللي تقولك ابني كده عادى وبقي كويس كل العيال كده
هنعمل اية يعني
اسمعي كلامها وخلي ابنك جنبك لحد ما يفوت الاوان
ونقول ياريت اللى جري ما كان
اللهم بلغت
** الفرق بين تنميه المهارات و صعوبات التعلم النمائيه ؟؟
- تنمية المهارات هي كل مهارات الطفل بشكل عام من مهارات عقليه و اللي بيندرج تحتها (الانتباه و التركيز و الادراك و الذاكره) بجميع انواعها (سمعي و بصري لمسي و شمي و تذوقي) بالاضافه للمهارات الحركيه و رعاية الذات و معرفي و مهارات التفاعل الاجتماعي و مهارات ما قبل الاكاديمي و الأكاديمي و بيتم التقييم عن طريق مقياس الصوره الجانبيه لبرنامج بورتاج لتنمية المهارات مثلا و الشغل مع اي فئه و اي نسبه ذكاء
- اما صعوبات التعلم النمائيه الشغل بيكون على القدرات العقليه المعرفيه اللي هما انتباه و تركيز و ادراك و ذاكره (سمعي و بصري) او صعوبات التعلم الاكاديميه ( قراءه – كتابه – حساب )
و بيتم تقييم صعوبات التعلم من خلال اختبار ذكاء عشان بيكون فيه في التقرير مؤشرات للصعوبات و لازم يكون نسبة الذكاء 90 يعني نسبة ذكاء طبيعيه (متوسط) و اختبار الينوي
*** يبقي صعوبات التعلم جزء من تنمية المهارات يعني تنمية المهارات اشمل و اعم
شيرو المنشور واحفظوه عندكم لانه اتكتب بحب وبتعب
يارب الجميع يستفيد
dr_Hala ragab
تتمية مهارات
تعديل سلوك
مقاييس
جلسات
استشارات
ارشاد اسري
اون لابن
