25/04/2024
صديقى القارىء عزيزى المستمع لو متابع معايا وعندك طفل فى شهور عمره الأولى وبيكلف عليك بامبرز كتير لأنه بيعمل حمام براز كتير واسهال كتير يبقى الكلام ده مهم ليك 👇
🔥الطفل بيرضع من الأم وبيعمل
أسهال لونه أحضر وريحته
وحشه وعنده تسلخات حفاض
والكريمات مش بتعالج التسلخات
والطفل يا روحى بكاء علطول
👇
أكيد دى حساسية ألبان وكتير هيتشخص انه حساسية البان أو هيتقال لك عدم تحمل لاكتوز ( عوز لاكتوز ) 🫣
للأسف لا مش سهل كده أننا نشخص حساسية ألبان لان نسبه الاصابه بها لا تتعدى ٢_٣٪
صديقى القارىء خلى تشخيص الحساسية أخر تشخيص وتعالى فكر معايا فى التشخيص ده
الطفل الجميل ده بيرضع اللبن الامامي فقط مش اللبن الخلفى 🤔
قبل متستغرب لازم تعرف أن
ربنا خلق كل شىء بقدر
سبحانه وتعالى .
الرضيع بيكون عطشان وعاوز
يبل ريقه فربنا بينزل فى صدر
الأم اللبن الامامى ( اللى بينزل
أول الرضعه ) تكوينه ميه
وسكر لاكتوز وبعدين ينزل اللبن
الخلفى ( بروتين ودهون)
علشان كده اللبن فى اول
الرضعه بيكون رائق شفاف
خفيف واخرها دهنى أصفر
تقيل .
👇
اللى بيحصل ان الطفل بيرضع اللبن الامامى فقط يدوب يرضع دقيقتن تلاته وخلاص فأخد الميه والسكر فقط .السكر بيسرع من حركه الامعاء وتخميره بيكون سريع ويكون حامضى التفاعل فيعمل أسهال وغازات ومغص وطبعا البراز بيكون حمضى بيلسع الجلد فيعمل تسلخات .
✌️
الأم تحافظ على رضعه الطفل
رضاعه مشبعه حتى تتأكد من
افراغ صدرها كاملا و تستشير
استشارى رضاعه طبيعيه يعرفها
ازاى ترضع الطفل بطريقه
صحيحه .
عزيزى حافظ علي فلوسك
🔻 حساسية الالبان تشخيص
دقيق يحتاج تفصيص فى
كيفيه رضاعه الطفل والأعراض
🔻 لا داعى لعمل تحاليل
لتشخيص حساسية الألبان .
غير مطلوب أى تحليل
🔻 مفتاح التشخيص نسأل الأم
الطفل بيرضع ازاى ياترى بيقط
من صدرك كل نص ساعه
دقيقتن تلاته ولا بيفرغ صدرك
كامل لغايه ما يفضى.
🙈 عزيزى لو الكلام عجبك لا
تترد فى الشير ومتابعه
د.بهاء الشيخ
استشارى طب الاطفال
استشارى التغذية العلاجية للأطفال
تابعونا على صفحه
EUP Mothersland
صفحة كل الأمهات
