21/07/2023
السلام عليكم ورحمه الله وبركاته
في يوم الجمعه ،اكثروا من الصلاه علي سيدنا محمد
اللهم صلي وسلم وبارك عليه
وبالمناسبه دي ،،،، بنذكر نفسنا بأخر وصاياه في خطبه الوداع ،،،اتقوا الله في النساء واستوصوا بالنساء خيرا
لكل راجل بيعقد مراته في شكلها وبيكون سبب اساسي ان يجيلها اكتئاب وتلهث ورا مستحضرات التجميل والوصفات الاونلاين وصالونات التجميل ،،، ولما تكون عاقله الي حد ما ☺️ بتروح لدكتور الجلد والتجميل شايلاله همومها ودموعها ومطالبها انها لازم تملي عين جوزها ولازم تتصرف يا دكتور ،،، تاخد ال ٢٠٠ ج دول واخرج من هنا فاتنه المعادي ،،😂،،، وحتي لو مقتدره وهتقدر تدفع فالنفخ والشد فبردو مش هيفيد كتير ،لانك عزيزي الرجل فرتكت ثقتها بنفسها ,وكلنا نعلم انك عقدتها عشان بصيت برا ,ونسيت ان في حاجه مهمه اسمها غض البصر ،،، وان لما بتفرط في الحلال البركه بتروح من بيتك وبيوهمك الشيطان ان رفيقتك وشريكة حياتك بقت متنفعش ، ونسيت ان الروح وجمالها والود والعشره الطيبه هم الاساس ،،،، وان زوجتك اللي مش عاجباك انت رزقت بيها من عين نفسك ،،، فنتقي الله في بيوتنا ونحاوط نساءنا بالكلمه الطيبه ونعفها ونحافظ عليها من شياطين الانس
ومن الجانب الاخر ،، للنساء
كل انثي لها جمالها الخاص ،كل خلقة ربنا جميله ،ياسلام لو الروح كانت حلوه بتضفي جمال ع نور للوجه ،،اهم حاجه الثقه بالنفس ،، وده لا يمنع اننا ناخد بالاسباب ،،،يعني في مرض جلدي نعالجه ،،في مستحضرات أمنه لنضارتنا وشعرنا رائع جدا ،، نبطل نكد وزن شويتين هنبقي فله ،،، نعمل جلسات في حدود امكانياتنا وع حسب تحديد الطبيب المتخصص ( الامين) للي انتي محتاجاه بالظبط،،
طبعا بقول الكلام ده ماللي بشوفه كل يوم فالعياده من نساء مكتئبه واول كلمه انا جوزي .......
ارحمونا يرحمكم الله ☺️😂
جمعه طيبه ،،،يومكم سعيد ♥️🥰
عيادة د.هدير فكري للامراض الجلدية والتجميل
