د. سارة يحيي عبدالحفيظ

12/10/2025

👃 هل انسداد الأنف دايمًا بسبب البرد؟
مش دايمًا! 👩‍⚕️
🔹 ممكن يكون بسبب حساسية أنف.
🔹 أو انحراف في الحاجز الأنفي.
🔹 أو لحميّة خلف الأنف (خصوصًا عند الأطفال).
🔹 وأحيانًا من استخدام بخاخات الأنف بشكل غلط.

💡 علشان كده مش كل انسداد بيتعالج بنفس الطريقة،
الفحص هو اللي بيحدد السبب والعلاج الصح ✅

04/10/2025

️ في العيادة:
مريضة جات تشتكي من وجع مستمر في ودنها، وجربت أكتر من قطرة ومافيش فايدة.
بعد الفحص لقينا إن السبب الحقيقي مش ودنها أصلًا، لكن مشاكل في مفصل الفك!

💡 المعلومة:
مش كل وجع في الأذن سببه التهاب في الأذن.. أحيانًا الألم بيكون راجع من الفك أو الأسنان. ✅

30/09/2025

🩸 هل نزيف الأنف دايمًا خطير؟
مش دايمًا! 👩‍⚕️

👶 في الأطفال غالبًا بسيط بسبب:
🔹 جفاف أو لعب في الأنف.
🔹 أو التهابات مزمنة في الغشاء المخاطي.
💡 أغلب الحالات بسيطة.. لكن لو متكرر لازم فحص ✅

👨‍🦳 أما في الكبار لازم ناخده بجدية:
👉 ضروري الكشف والفحص.
💡 عشان نطمن إن مفيش سبب مهم وناخد العلاج المناسب ✅

27/09/2025

️💬 مرة في العيادة دخل عليا طفل صغير عنده زكام شديد، فبقوله:
“طب إنت يا حبيبي بتتنفس من مناخيرك ولا من بقك؟”
راح بصلي بمنتهى الجدية وقال: “من وداني يا دكتورة!” 🤦‍♀️😂

الموقف خلاني أضحك طبعًا، بس في نفس الوقت مهم أوضح 👇

👃🏼 التنفس الطبيعي لازم يكون من المناخير.
👄 التنفس من الفم على طول ممكن يسبب مشاكل في النوم، الأسنان، والمناعة.

✅ عشان كده: لو لقيت نفسك أو ابنك دايمًا فاتح بقه وهو نايم أو حتى صاحي، لازم نعرف السبب — ممكن يكون لحمية، حساسية مزمنة، أو انسداد في الأنف.

🌿 التنفس الطبيعي لازم يكون من المناخير.. ولو في مشكلة، لازم تتعالج بدري.

24/09/2025

🔥 ساعات الكحة والالتهاب في الزور سببه مش برد..
ممكن يكون ارتجاع مرئ!
أعراضه:
🔹 حرقان
🔹 بحة في الصوت
🔹 كحة بالليل
👩‍⚕️ الحل مش دايمًا مضاد حيوي.

20/09/2025

الحساسية vs نزلة البرد
🤧 إيه الفرق بينهم؟

• البرد: حرارة + رشح فجأة
• الحساسية: عطس كتير + حكّة + بتيجي في مواسم�
👩‍⚕️ الفحص يحدد بس دي العلامات المهمة.

17/09/2025

👋في العيادة عمرنا ما بنعرف هنشوف إيه جديد كل يوم!
المرة دي جالي مريض كبير في السن، وأنا بنضف ودنه لقيت قطنة مستخبية جوه 👀.

سألته باستغراب:
– “إيه ده يا حاج؟!”
رد عليا وهو مبتسم:
– “طب دوري يمكن تلاقي حاجات تانية 🤷‍♂️😂.”

✨ بس هنا لازم نقول معلومة مهمة:
الودن مش محتاجة أي حاجة تتحط فيها لا قطنة ولا أعواد ولا أي وسيلة تانية 👂❌.
ربنا خلقها بتنضف نفسها بطريقة طبيعية، وأي تدخل غلط ممكن يسبب التهابات أو يسد القناة السمعية.
ولو في مشكلة أو إفرازات.. الحل الوحيد الصح = تروح للدكتور.

14/09/2025

� مش كل شخير سببه الوزن!
ممكن يكون:
🔹 لحميّة
🔹 انحراف في الحاجز الأنفي
🔹 حساسية أنف
فحص بسيط = السبب يتحدد ✅

11/09/2025

� مش كل التهاب ودن سببه دور برد!
ممكن يكون:
🔹 حساسية
🔹 التهاب فطري
🔹 أو تنظيف بعنف
👩‍⚕️ التشخيص الصح = العلاج الصح ✅

09/09/2025

👋 وحشتوني جداا 💙
عارفة إني غبت فترة عن الصفحة.. بس رجعتلكم تاني بطاقة جديدة وأفكار أحلى 🙈✨
إن شاء الله هتلاقوا هنا معلومات مفيدة، نصايح بسيطة، وكمان رد على أسئلتكم 👩‍⚕️
استنوني.. واللي حابب يقترح موضوع يكتبلي في الكومنتات ⬇️

29/05/2025

️ حاسس إن صوتك مبحوح ومش راجع؟
بتتكلم تلاقي صوتك مش هو… ناشف، ضعيف، أو حتى مش طالع خالص؟ 😞

📌 بحة الصوت مش دايمًا بسبب دور برد!
أسبابها ممكن تكون:
🔹 إجهاد في الأحبال الصوتية (زي اللي بيصرخوا كتير 😅)
🔹 ارتجاع في المعدة بيأثر على الحنجرة
🔹 حساسية أو التهاب مزمن في الجيوب الأنفية
🔹 أو أحيانًا لحمية أو مشكلة في الأحبال الصوتية نفسها

⏰ لو بحة الصوت مستمرة أكتر من أسبوعين…
لازم نطمن ونكشف 🩺
لأن صوتك مش بس وسيلة كلام… ده مرآة لصحة حنجرتك 💙

🎤 حافظ على صوتك… وخلي نغمتك دايمًا واضحة 🎶

25/05/2025