Healthy talk " Dr / samar salah"

21/08/2023

Check out samarsalah262's video.

24/07/2023

لو سألت اي حد احنا ليه محتاجين نشكر ربنا هيرد تلقائي علشان نعم ربنا علينا كتير اوي ذي النظر والسمع والشم والمس والعقل والرزق ونعم كتير جدا تستوجب الشكر ❤️

بس عمرك فكرت ان احنا محتاجين نشكر ربنا علي نعمه الهضم ؟

ربنا خلق كل حاجه في جسم الانسان بقدر وبعظمه بالغه كل جين او انزيم او هرمون في جسم الانسان مخلوق بهدف وبحساب وبدقه عظيمه زياده اي انزيم او هرمون او جين او نقصه ولو بنسبه ضئيله كفيل انه يحول حياه الانسان لجحيم ….

هنتكلم النهارده عن حاله من الحالات دي ⬇️⬇️⬇️⬇️

تخيل ان في اشخاص حياتهم للاسف مأساه بالمعني الحرفي للكلمه لمجرد ان عندهم خلل في جين معين أدي الي نقص في انزيم معين الانزيم دا هو اللي بيكسر الحمض الاميني اللي اسمه ( فينيل الانين )

الحاله المرضيه دي اسمها (pku) او phenyl keton uria

باختصار كده الناس اللي بتعاني من الحاله دي ربنا ماانعمش عليهم بوجود الانزيم اللي بيكسر حمض اميني موجود في معظم الاكل اللي خلقه ربنا ذي ايه

◀️ اللحوم والدواجن بجميع انواعها
◀️ الاسماك
◀️ الالبان والزبادي والبيض
◀️ المكسرات
◀️ البقوليات
◀️النشويات بما فيها الرز والقمح والذره والشوفان والبطاطس والبطاطا

◀️حتي للاسف اي منتجات مخصصه للدايت ممنوعه عنه لانها بتحتوي علي ماده الاسبرتام

طيب ايه اللي ممكن يحصل لو مريض pku اكل حاجه من الحاجات الممنوعه دي ؟؟

⚫️ ظهور ريحه كريهه جدا جدا من الجسم من الجلد عن طريق العرق ومع النفس والبول ( ريحه فار ميت اعزكم الله )

⚫️ حدوث اضطربات في الجهاز العصبي ممكن توصل لنوبات صرع

⚫️ تصبغات في الجلد ذي الاكزيما

⚫️ فرط نشاط وتأخر نمو

⚫️ اعاقه ذهنيه

⚫️ صغر حجم الراس وتغير. في لون الجلد

الحالات دي لازم تمشي طول حياتها علي نظام عذائي معين خالي من الفنيل الانين وبيكون ليهم اكل مخصوص تكلفته عاليه جدا جدا للاسف

مؤخرا الدوله بقت مهتمه بالحالات دي وبتحاول تكتشفها في وقت مبكر عن طريق تحليل عينه الكعب اللي بيتعمل للمواليد في اول كام يوم بعد الولاده لان الاكتشاف المبكر بيحمي الاطفال من خطوره الاصابه بالاعاقات الزهنيه للاسف تكلفه تغذيه فرد واحد مصاب بال pku بتحتاج مبالغ كبيره جدا

ودا مثال بسيط جدا لنعمه خفيه عننا كلنا غيابها كفيل انه يحول حياتنا لجحيم😞

#الحمدلله علي ما نعلم من نعمه وما لا نعلم
#ادعم _مريض_pku

21/03/2023

بمناسبة عيد الام ❤️❤️
تعرف ان مامتك أديتك حاجه بتحارب السمنه كل ما عددها زاد في الجسم كل ما كان حرقك أحسن بكتير إحنا بناخد من أمهاتنا الميتوكوندريا ودي مصنع الطاقه في الجسم هي الجزء المسؤول علي انه ياخد الاكل اللي بتاكله ويحوله لطاقه تحرك جسمك

#أمك هي مصدر طاقتك وقوتك

والمميز هنا أن الأم هي من تُورِث الميتوكوندريا للجنين وليس الأب، وبالتالي أضِفّ هِبة أخرى وهبتها ست الحبايب إليك بدون مقابل ❤️😍

07/03/2023

الام العزيزه اللي ابنها عنده من ٦ شهور ل ٣ سنين وفجأة رفض الاكل ومش راضي ياكل لمده أكتر من شهر وبدأ وزنه ينزل ويخس إبنك مش محسود ورفض الاكل علشان جارتكم شافته وهو بياكل 🫣🫣🫣🫣🫣 لا ابنك ممكن يكون عنده حاله اسمها infantile anorexia ودي ظاهره مرضيه عاديه ونوع من انواع اضطربات الطعام المشهوره في الاطفال ممكن تحصل لاي طفل في الفتره الانتقالية ما بين الرضاعه وبدايه دخول الاكل بالمعلقه بتخلي الطفل مش جعان وملوش نفس للاكل متقلقيش عليه هى معندوش اي مشكله عضويه هو كل اللي محتاجه
▫️اننا نحتويه و نحسسه بالاهتمام
▫️ نقدمه الاكل بطريقه بيحبها وتجذب انتباهه
▫️نركز ان الاكل اللي هياكله يكون فيه العناصر الغذائيه المهمه
▫️نسيب الطفل يعتمد علي نفسه ويحاول يأكل نفسه حتي لو هيبهدل الدنيا

21/02/2023

مبروك حضرتك حامل ❤️❤️
نصيحتي ليكي انسي خالص كلام مامتك وحماتك بتاع انتي بتاكلي لاتنين 🫣 الكلام دا علميا مش صح اطلاقا حضرتك اول ٣ شهور في الحمل مش محتاجه تزودي اي حاجه في اكلك المطلوب منك تاخدي السعرات الحراريه المتوازنه المناسبه لطولك ووزنك وسنك فقط مع الاهتمام بالفيتامينات والاملاح والمعادن

من الشهر التالت ولنهايه الحمل كل اللي بتحتاجي تزوديه علي أكلك علشان يوصل للبيبي هو ٣٠٠ سعر حراري فقط لا غير

16/01/2023

كلنا واحنا صغيرين كنا متخيل انهم بيشربوا عصير مانجا ولاد المحظوظه😅

بس الحقيقه انهم طول الماتش بيشربوا sportive drink ودا عباره عن عصير برتقال بيور وملح ومايه 🫣🫣🫣🫣🫣
👈🏻عصير البرتقال كربوهيدرات بسيطه يديهم الطاقه اللي محتاجينها في التمرين
👈🏻الملح يعوض النقص في الاملاح الي بيفقدوها في العرق
👈🏻المايه طبعا علشان ميحصلش جفاف

04/01/2023

22/12/2022

اي ست حامل عندها إحساس بالميل للقئ عند الاستيقاظ من النوم (Morning nausea )

١-لازم تقلل الاكل اللي فيه الياف
٢- عدم تناول كميات كبيره من الاكل
٣- تقلل الاكل اللي فيه دهون

اول ما تصحي من النوم لان نوعيات الاكل دي للاسف بتفضل في المعده وقت طويل ودا هيزود الاحساس بالغثيان والميل للقئ اكتر

طيب تاكل اول ما تصحي

تاكل بسكوت مملح او بقسماط

لانهم بيحتوا علي نشويات بسيطه سريعه الامتصاص هتتضهم بسرعه ومش هتفضل في المعده كتير فهتقلل
الاحساس بالميل للقئ

12/12/2022

بغض النظر عن الخضه 🤦‍♀️😀 بس النتيجه مبهره الحمدلله نزول ١٤ كيلو في ٣ شهور في وجود خمول في الغده الدرقية ومقاومه انسولين 💪🏻💪🏻 💪🏻