What are the opening hours?

Monday 1pm - 5pm Wednesday 1pm - 5pm

https://www.facebook.com/100844448700986/

د رباب السعيد اخصائي التغذيه العلاجيه, Kafr el Sheikh (2025)

07/06/2025

عروض علي جلسات الاون لاين
اسأليني ❤️😍😍

12/05/2025

لكل اللي بيفكر في حل لفقدان الوزن بدون جراحة..🤔

✨️دلوقتي في بديل آمن وفعال لتكميم المعدة من خلال

"حقن طبية" معتمدة وبتستخدم تحت إشراف طبي متخصص.

✨️إزاي بتشتغل؟

الحقن دي بتساعد على تقليل الشهية،

وتأخير تفريغ المعدة، فبتخليكي تحسي بالشبع لفترة أطول،

وده بيساعدك تخسّي بطريقة طبيعية ومن غير حرمان.

✨️الجرعة:
بتتاخد مرة واحدة في الأسبوع تحت الجلد،

وبتزيد تدريجيًا حسب استجابة الجسم وتحت إشراف طبي.

✨️موانع الاستعمال:

الحمل والرضاعة

أمراض الغدة الدرقية غير المنتظمة

مرضى البنكرياس أو الكبد

وجود تاريخ عائلي بسرطان الغدة الدرقية
(الكشف والتحاليل بيحددوا مدى أمان الحقن ليكي)

✨️النتائج:

فقدان وزن تدريجي وصحي

تحكم أفضل في الشهية

ممكن توصلي لنتائج تشبه التكميم، لكن بدون مشرط!

✨️✨️ملاحظة مهمة:

الحقن مش سحر! لازم يتزامن معاها نظام غذائي صحي ومتابعة مع مختص.

✨️✨️✨️لو نفسك تبدأي رحلة خسارة الوزن بطريقة آمنة ومدروسة، اكتبيلي في التعليقات أو ابعتيلي رسالة خاصة.

11/05/2025

متلازمة الفايبروميالجيا ممكن تكون محبطة، 😭

لكن العلاج مش مستحيل، والأمل دايمًا موجود!👍

✨️التحكم في الأعراض بيكون من خلال خطة متكاملة تشمل:

🎗1. التوعية والفهم:
أول خطوة مهمة إن المريض يفهم طبيعة الحالة، وده بيقلل التوتر ويمنع الدخول في دوامة القلق.

🎗2. الأدوية:

مسكنات خفيفة (زي الباراسيتامول).

أدوية الاكتئاب (بتساعد في تحسين الألم والنوم).

مرخيات العضلات.

أدوية مثل "بريجابالين" أو "دولوكستين" (أثبتت فعالية في تقليل الألم المزمن).

🎗3. العلاج الحركي والرياضة:

المشي، السباحة، أو تمارين التمدد الخفيفة بانتظام.

العلاج الطبيعي بيساعد جدًا.

🎗4. العلاج السلوكي المعرفي (CBT):
دعم نفسي لتقليل التوتر وتحسين جودة النوم والتعامل مع الألم.

🎗5. التغذية والنوم:

نظام غذائي مضاد للالتهاب.

تجنب الكافيين والسكريات الزائدة.

ضبط مواعيد النوم.

🎗6. الطب التكميلي:
بعض الناس بيستفيدوا من:

الوخز بالإبر

المساج العلاجي

اليوجا

✨️✨️المفتاح هو التوازن،
✨️✨️✨️والمتابعة مع طبيب فاهم الحالة.
لو بتعاني من ألم مزمن، خليك إيجابي وابدأ بخطوة بسيطة النهارده.

10/05/2025

" اتكممت ومش بخس !" 😥😥😥😥

الجملة دي بقت بتتكرر كتير من ناس عملت التكميم،

وبتحس إن الوزن واقف أو بيقل ببطء شديد.

بس الحقيقة؟ المشكلة مش في العملية
. المشكلة في اللي بعد العملية!

💔اللي ممكن يكون بيحصل:

🥸الأكل بقى لين بس فيه سعرات كتير (زي الجبن الكريمي، العصاير، النسكافيه بالحليب...)

😧مفيش حركة أو مشي كفاية

😨الجسم بيدافع عن وزنه وواقف مؤقتًا (وده طبيعي في فترات)

طب والحل؟

✨️نراجع مع بعض الأكل والشرب

✨️نقيّم معدل الحرق

✨️ونحط خطة بسيطة ترجع الجسم يخس تاني

🤚مفيش حاجة اسمها "اتكممت ومش بخس خالص"

فيه حاجة اسمها "الجسم محتاج يتفهم ويتعامل معاه صح"💚

👍ويا ريت نفهم إن التكميم مش عصاية سحرية…

هو بداية جديدة، بس محتاجة شوية وعي وحنية على الجسم.

🤩إيه أكتر حاجة حسيتوا إنها كانت سبب في توقف الوزن بعد العملية؟
❣️يلا نساعد بعض ونكمل المشوار سوا!

للتواصل والاستعلام
🤩كفرالشيخ.. مركز سباركل.. ميدان قضايا الدوله.. أمام مسجد الحمد ... ٠١٠٠٨٤٨١٥٨٠

09/05/2025

متضيعش وقتك في الزحمة… ☺️

المتابعة أونلاين بقت أسهل وأقرب!👍👍

دلوقتي تقدر تحجز استشارتك الغذائية معايا أونلاين وانت في بيتك، وتبدأ رحلة التغيير بخطوات بسيطة!👌

لو عامل/ة تكميم؟ محتار/ة تاكل إيه؟ وزنك ثابت؟
بتبدأ/ي دايت ...😭

أنا هنا علشان أساعدك بخطة تغذية تناسبك وتوصلك لهدفك.🤩🤩🤩🤩

احجز دلوقتي واستثمر في صحتك!
للتفاصيل .. رساله ع للخاص
واتس اب ٠١٠٩٠٨٠١٤٤٤

08/05/2025

سمعت عن ال orthorexia 😁😁

طب بتقول جمله من دول .. ؟؟؟

"أنا مش باكل ده عشان فيه سكر!"🥺

"ممنوع النشويات تمامًا!"🤚

"ماينفعش أخرج آكل بره.. الأكل مش نضيف كفاية!"😏

"أنا هتعب لو اكلت الأكل ده "🥺

"أنا حاسس بالذنب اني اكلت "😔

لو الجمل دي بقت أسلوب حياة.. فممكن تكون داخل في Orthorexia

او .... هوس الأكل الصحي!🥲

""
وده مش بس اهتمام بالصحة، ده هوس يوصل لدرجة إنك:

👀ترفض أكل حاجات كانت مفضلة عندك

🙆‍♂️تحس بالذنب لو خرجت عن الدايت

🫣تعيش قلق دائم من أي وجبة "مش مثالية"

الأكل الصحي مش معناه الحرمان

الجسم محتاج توازن.. والمخ كمان!

🤩كل وجبة متوازنة أحسن من نظام قاسي مش هتعرف تكمل عليه.

😘خلي دايمًا علاقتك بالأكل قائمة على الوعي، مش الخوف.

حسيت إنك كنت قريب من الهوس ده؟

شاركني تجربتك.... ؟؟؟

06/05/2025

مسكنااات مسكناااات مسكنااااات ٠😭😭

والألم مش بيروح 😢

تعرفي ان علاج الفيبروماليجيا مش بالمسكنات 😥

لو اتشخصتي صح 👍

هتتعالجي صح 👍

الأعراض مش كفايه لأنها متشابهه مع أمراض كتير

🗣غده رقيه

🗣كتئاب وقلق

🗣انيميا

🗣وأمراض مناعيه

🗣نقص عناصر غذائيه

وبالرغم من تشابهت الأعراض

بس فحص ال (tender points)
او نقاط الألم 👌

بتساعد بشكل كبير في تأكيد التشخيص 👌

العلاج عاوز خطه 🤚 عاوز فريق عمل 🤚

مش بس زياره للطبيب 💔

علاجك .. فالتغذيه 💚.. فالمكملات الغذئيه💚 ....

الدعم النفسي والكوتشينج 🤍

العلاج الطبيعي 🩵.. التمارين الرياضيه 🩵...

والعلاج الدوائي 🫙

بلاش نفقد الأمل😍😍.. كل مشكله وليها حل 😘

04/05/2025

😭انتفاخ مستمر خصوصًا بعد الأكل

😢غازات مزعجة وكتير

😟إمساك أو إسهال (أو تبادل بينهم)

😔إحساس بأمتلاء

😒فقدان وزن أو صعوبة في زيادته

😪تعب مستمر بدون سبب واضح

🤨حبوب أو مشاكل في الجلد

🙄نقص فيتامينات زي B12

😏بطن منفوخة على طول

😭إحساس دايم بالتقل والكسل

🤨جسمك منفوخ مايه

تعرف ايه عن ال sibo 🤔🤔🤔

Small intestine bacterial overgrowth

01/05/2025

الفيبروميالجيا… المعاناة الصامتة!😭😭😭

فيه ستات كتير بيصحوا كل يوم على وجع مش مفهوم،🥺

تعب مستمر 😔، نوم مش مريح،😟 ودماغ مش قادرة تركز.😭

الناس حواليهم تقول "مفيش حاجة باينة" ، والدكاترة

ساعات يحتاروا… 🤷‍♂️

لكن الحقيقة إنهم بيعانوا من حاجة اسمها الفيبروميالجيا.👤

إيه هي الفيبروميالجيا؟👤

مرض مزمن بيأثر على الجهاز العصبي😔، بيسبب آلام عضلية😪

منتشرة، وإرهاق شديد، وصعوبات في النوم، 😢

وكأن الجسم دايمًا في حالة طوارئ.😭

🚫أعراضها:

😭وجع في الجسم كله (خصوصًا الرقبة، الكتف، الظهر)

😭إرهاق حتى بعد النوم

😭اضطراب في النوم

😭صعوبة في التركيز (بنقول عليه "فيبرو فوغ")

😭صداع مزمن

😭تقلصات عضلية، أحيانًا قولون عصبي أو اكتئاب

💕التشخيص:

مفيش تحليل معين يثبت وجودها!👍

👍تشخيصها بيكون عن طريق استبعاد الأمراض التانية +

تاريخ الحالة + 👍فحص نقاط الألم (Tender points)

💕الفحوصات المطلوبة:

تحاليل دم للتأكد من عدم وجود أمراض زي الغدة أو الروماتويد

تقييم نفسي أحيانًا👍

هل يصيب النساء فقط؟؟؟؟؟😢

👍من المثير للانتباه إن الفيبروماليجيا بتصيب النساء أكتر بكتير من الرجال!

👍حوالي 80–90% من الحالات((( المسجّلة )))هي لنساء،

👍وده بيخليها من الحالات المزمنة الشائعة عند السيدات،

👍 خصوصًا ما بين سن 30 و60 سنة.

🤷‍♂️أما الرجال، فنسبتهم لا تتعدى 10–20%،

👍ويمكن يكون السبب إنهم(( أقل في الشكوى))

👍 أو إن الأعراض بتظهر عندهم بشكل مختلف!

وده بيخلي تسجيل النسبه اقل مقارنه بالنساء 🤷‍♂️

😪المرأة اللي بتعاني من الفيبروميالجيا غالبًا بتعيش في دوامة من الألم، 😟

وناس مش مصدقة،🥺 ودكاترة بتقول "انتي سليمة"🤷‍♂️،

لكن الحقيقة إنها قوية💪💪… كل يوم بتقوم تحارب،🤝

تشتغل،🤝 تهتم ببيتها وأولادها👨‍👩‍👧‍👦، وهي بتحارب وجع

محدش شايفه!😭

💕💕لكل ست بتقرأ الكلام ده وحاسة إنه بيعبر عنها:

انتي مش لوحدك، وانتي مش بتتدلعي، وانتي مش مجنونة!

انتي مصابة بمرض حقيقي… ومحتاجة دعم مش شك!♥️

26/04/2025

"شوية خصل على المخدة... 😭

شوية في المشط...😭

وشوية في كل ركن في البيت؟😭😭

☝️أيوة... شعرك بيبعتلك رسالة صريحة إنه محتاج إنقاذ !

♥️تعالوا نتكلم عن الاسباب؟

😒ممكن نكون مش بنأكل كويس، ...نقص الزنك والبيوتين وفيتامين D

😒أو بنعمل دايت قاسي!

😒وخصوصًا لو لسه عاملين جراحة سمنة (تكميم أو تحويل)...

ساعتها الجسم مابيوصلوش العناصر الغذائيه الكافيه اللي تغذيه وتغذي الشعر ...

😒التوتر والضغط النفسي..
---

🤔طيب نتصرف إزاي؟

✅ نعمل تحاليل دم نكشف بيها ايه الموضوع

ممكن يكون نقص (حديد - زنك - فيتامين د - او ا و ).

ونحلل غده درقيه

Ferritin (مخزون الحديد)

Vitamin D

Zinc

Thyroid Profile (للغدة الدرقية)

☝️بناءً على التحاليل نبتدي نعالج السبب مش العَرَض:

🌟نقص حديد؟ نزود أكل غني بالحديد وممكن ناخد مكملات

🌟نقص فيتامين D؟ نخرج في الشمس شوية ونشرب كباية سعادة (أقصد ناخد فيتامين D مكمل)

✅ نأكل أكل متوازن

نهتم بالتغذية الصح: بروتين كفاية، خضار وفواكه، مكسرات
.. مش عيش وجبن بس!

✅ نشرب ميه كويس

✅ سترس stress ؟ نعمل مديتيشن أو على الأقل نكلم حد بنحبه (أو ناكل شوكولاتة، دي وصفة سحرية برضو)

✅نهتم بفروة الرأس: زيوت طبيعية خفيفة، ونسد ودانا عن أي وصفات من تحت السلم

💕💕روتين يومي بسيط (وعلى ضمانتي!):

🌟شامبو لطيف .

🌟تدليك فروة الرأس زي المساج.

🌟سيروم خفيف أو زيت طبيعي بسيط.

🌟النوم على مخدة قطنية ناعمة.

🌟وماتنشفيش شعرك بالسيشوار كل يوم!"

**وفي الآخر...
افتكري:

🌟"صحتك وجمالك... هما تاجك الحقيقي."🌟

د رباب السعيد

مركز سباركل ميدان قضايا الدوله امتداد عماد الدين أمام مسجد الحمد

23/04/2025

🌞🌞الشمس مش بس للنور والدفا♥️

… دي كمان سر الصحة والعظام القوية!

😟في وسط الزحمة، والمكيفات، والحياة اللي بقت كلها indoor…
نسينا إن في نعمة عظيمة بنعدي عليها كل يوم من غير ما نديها قيمة: الشمس!

🌞🌞الشمس مش بس بتديك شوية دفا وبشرة برونزية
في الصيف،
دي كمان "المفتاح السحري" لتفعيل فيتامين دال في جسمك…
واللي بدونه، تبدأ المشاكل تظهر واحدة واحدة، خاصة عند الأطفال وكبار السن.

🌞🌞طب إيه علاقة الشمس بفيتامين دال؟

فيتامين دال بيتكوّن بشكل طبيعي في الجلد، لكن محتاج "الشمس" علشان يتنشّط ويبدأ يشتغل.

هو المسؤول عن امتصاص الكالسيوم والفوسفور، يعني لو ناقص… العظام تضعف، والعضلات تتعب، والمناعة تنهار شوية بشوية.

وكبار السن؟ هم أكتر ناس محتاجين للشمس!

☝️مع التقدم في السن، قدرة الجسم على إنتاج فيتامين

دال بتقل، ومع قلة الحركة والخروج، بيزيد خطر الإصابة بـ

هشاشة العظام.

🚫الهشاشة دي مش هزار…

😒بتخلي العظام ضعيفة وسهلة الكسر

😒بتأثر على القدرة على الحركة

😒وبتزود خطر السقوط والكسور، خاصة في الحوض والعمود الفقري

🌟🌟يعني باختصار: كل شعاع شمس = وقاية مجانية من الهشاشة

---

🤔طب نعمل إيه؟

👍👍نخلي الخروج في الشمس عادة، خصوصًا في الصبح أو قبل المغرب

👍نخلي كبار السن يقعدوا شوية في البلكونة أو الجنينة كل يوم

👍ناكل أكلات غنية بفيتامين دال زي السردين، التونة،

وصفار البيض (بس الشمس تفضل الأساس)

👍نتابع مستويات فيتامين دال بالتحاليل

، خاصة لو في أعراض زي التعب، ألم العظام، أو تساقط

الشعر

---

وخدها قاعدة:😘

"كل ما الشمس لمست جلدك… فيتامين دال قالك: شكراً يا نجم!"😄😄

22/04/2025

🌟الفسيخ خلّص...☝️☝️ بس جسمك بيصرخ: “الحقوني!”

يلا نعمل ديتوكس قبل ما جسمنا يتحوّل لمخلل رسمي!😁

🌟اولا ..

الميّه = صديقك الأوفى

اشرب كأنك ناسي تشرب من أسبوع!
الملح بيحب الميّه،

🌟البطيخ والخيار = أبطال الصيف

البطيخ مش بس للحلاوة، ده بيطرد الملح كأنه مطرود من

جروب العيلة.😁

والخيار؟ بيمسح الملح بمنديل 💕

🌟شوربة خضار بدون ملح = حب من أول رشفة

ادّي جسمك حضن دافي بكباية شوربة فيها كرفس وشبت وبقدونس…

السحر الأخضر بيدوّر على الملح ويطرده بلطف.

🌟الزبادي بالكمون = بطل الهضم

زي ما الفسيخ دخل بعنف، الزبادي يدخل بلُطف ويقنع معدتك تنسى اللي حصل.

🙏كلمة أخيرة:

الفسيخ يوم... بس صحتك طول العمر!

--

د رباب السعيد اخصائي التغذيه العلاجيه

07/06/2025

12/05/2025

11/05/2025

10/05/2025

09/05/2025

08/05/2025

06/05/2025

04/05/2025

01/05/2025

26/04/2025

23/04/2025

22/04/2025

Address

Opening Hours

Telephone

Website

Alerts

Contact The Practice

Shortcuts

Share

Category