15/03/2025
الشاشات والموبايلات هتجننا ولا إيه📱
زمان كنا بنجري في الشارع ونلعب بالعرايس والعربيات دلوقتي العيال بقت قاعدة بالساعات على الموبايل ولو أخدته منهم تحس إنك قطعت عنهم النفس طب إيه اللي بيحصل لما الطفل يفضل ماسك التليفون طول اليوم
❌ المخاطر
1️⃣ الكلام راح في الهوا الطفل بيتأخر في الكلام ولو اتكلم تلاقيه بيرد عليك بكلام الكرتون والفيديوهات والتيك توك
2️⃣ التركيز ضاع يقدر يتفرج بالساعات على الموبايل لكن أول ما تفتح معاه كتاب أو تكلمه في حاجة مهمة تلاقي دماغه فصلت
3️⃣ النظر بيضعف عيونه مش مستحملة الإضاءة والشاشة القريبة وتلاقيه بيلبس نضارة من قبل ما يدخل المدرسة
4️⃣ العصبية مولعة تاخد منه الموبايل تلاقيه بيصرخ ويعيط كأنك حرمته من حاجة ضرورية
✅ طب إيه الحل
1️⃣ وقت الشاشة يكون محدود مش أكتر من ساعتين في اليوم وبعيد عن وقت الأكل والنوم
2️⃣ نشغله بحاجات مفيدة نلعب معاه نحكيله قصص نرسم ونلون نخليه يتحرك بدل ما يفضل قاعد ماسك الموبايل
3️⃣ إحنا قدوة لو ابنك شايفك ماسك الموبايل طول الوقت أكيد هيعمل زيك
4️⃣ نفلتر المحتوى مش أي فيديو يتشاف لازم نختار له حاجات مفيدة تناسب سنه
الموبايل مش وحش لكن استخدامه غلط هو اللي بيعمل المشاكل خلي بالك عشان العيال أهم حاجة في الدنيا 💙
دعم و سند
