Dr. Eman Alsharkawy Pediatric Clinic

Dr. Eman Alsharkawy Pediatric Clinic ماجستير طب الأطفال و حديثي الولاده أخصائي طب الأطفال و حساسيه الصدر و التغذيه العلاجيه و مشاكل الجهاز الهضمي

العنوان قطور أمام استقبال الجراحه للمستشفي العام فوق تبارك ميديكال للأجهزة الطبية برج البوصيلي الدور الثاني
المواعيد يوميا من الساعه اتنين لحد خمسه
الحجز و التواصل ع رقم الواتساب 01027257097

04/12/2024

مهارات الطفل مش هتتحسن وهو قاعد في البيت ومقفول عليه لا بيشوف شمس ولا بيلعب في رمل ولا بيشوف ناس جديده .... حقيقي هيفرق في تنمية مهاراته بشكل كبير .. خروج العيال والأم روتين مهم♥️

ليه الدكتور الشاطر مبيوصفش بروفين شراب ( ibuprofen ) ودولفين لبوس (diclofenac sodium )مع بعض للاطفال⚠️ لان الجسم بيتخلص...
03/12/2024

ليه الدكتور الشاطر مبيوصفش
بروفين شراب ( ibuprofen )
ودولفين لبوس (diclofenac sodium )مع بعض للاطفال

⚠️ لان الجسم بيتخلص من الدوائين دول عن طريق الكلي
ولما تيجي تديهم للطفل في نفس الوقت هيكون مجهود جامد علي الكلي لأنها بتتخلص منهم عن طريق البول

عشان كدا أسلم حل
✅نستخدم بارسيتامول بالتبادل مع اي واحد فيهم ودا الافضل

المذيعة داليا فؤاد اتقبض عليها النهاردة ب ١٨٠ لتر من عقار يدعي GHB وعشان تعرف مدي خطورة الموضوع العقار ده ٣ نقط منه بتلغ...
19/11/2024

المذيعة داليا فؤاد اتقبض عليها النهاردة ب ١٨٠ لتر من عقار يدعي GHB وعشان تعرف مدي خطورة الموضوع العقار ده ٣ نقط منه بتلغي تماما مقاومة الشخص وتدخله في حالة من الهدوء واللاوعي وارتبطت سمعة العقار في أمريكيا وأوروبا بحالات اغتصا*ب عشان كده سموه مخدر الاغتصا*ب وأستخدم في مصر في واقعة فتاة الفيرمونت الشهيرة وطبعا العقار ملوش رائحة أو لون ف سهل وضعه في مع الماء أو اي عصير وفي ناس بتحقنه في علب العصير المغلقة بأبرة
المرعب في الموضوع أن لسه حتي الآن لم يدرج في جدول المخدرات ف غالبا القضية دي كده ممكن تطلع منها ف احنا محتاجين تحرك من الحكومة ومجلس الشعب لاضافته في الجدول الاعلي خطورة و دي اللي بتصل عقوبتها الي الإعدام لأن العقار ده مش بس بيخليك تأذي نفسك ده بيخلي الشخص يأذي غيره

19/11/2024

انا اهو اما تمطر 😂❤️👇🏻👇🏻

15/11/2024

موضوع مهم مش منتشر الكلام عنه ..
لكن لازم نوضحه
امتي ابدأ اكلم بنتي عن عشان تستوعب ومتتفاجئش ومن سن كام ☑️

من سن 9 او 10 سنين اقعدي مع بنتك واشرحلها الموضوع ببساطه ومن غير كسوف

قوليلها ع قدر استيعابها ان من بداية الخليقه ربنا كتب ع البنات في سن معين ان الجسم بيتخلص من دم فاسد ف الجسم مره شهريا .. ووجوده هيضرنا جدا وده من رحمته بينا ❤️

عرفيها لو حصلها ده تتعامل ازاي
واهمية نظافتها الشخصيه ..
والاحكام اللي ربنا نهانا عنها اثناء نزول الدم ده
زي منع الصلاه
ومساس المصحف
لكن ممكن تقول الاذكار وتقرأ قرأن من الفون مثلا ..

وانها خلاص كده بلغت وبقت (أنسه جميله )وفرض عليها انها تستر جسدها وفُرض عليها الحجاب .. ودي أمانه بين ايديها هتتحاسب عليها زي الكبار بالظبط

طيب الموضوع ده بيحصل ف سن كام
من 10 ل15 سنه مفيش قلق ☑️

من علامات البلوغ كمان ..
كبر حجم الثديين .. وظهور شعر في منطقة الإبط والعانه ده غير تغيير شامل ف شكل الجسم وزيادة الوزن
وطبعا الهرمونات بتتغير وهتلاحظي احيانا بمزاجها المتقلب بدون سبب

طيب لو انتي معوده اطفالك في سن اصغر من كده من (6 ل7) سنوات انك بتصلي معاهم يوميا وفي ايام مش بتعرفي تعملي ده وهما بيسألوكي هتردي عليهم بإي؟

الرد ده للاولاد والبنات عموما .. مااحنا مش كل سؤال بيدور في دماغهم هنقولهم عيب وميصحش🚫

√قوليلهم عشان الأم بتتعب وبتحمل وتجيب بيبي فربنا امرها انها تاخد اجازه من الصلاه كل شهر
وعرفيهم ان في فرق بين الاولاد والبنات
الولد ربنا خلقه اقوي من البنت
فمفيش عنده الاجازه دي ..

#د. إيمان الشرقاوي

مهم جدا 🙏🏻
15/11/2024

مهم جدا 🙏🏻

13/11/2024

هو الطفل بيحتاج اد ايه كالسيوم فى اليوم؟

هقولك واحفظيه عندك 🤝
1️⃣من سنه ل3 سنوات محتاج 700مجم
2️⃣من 4 ل 8 سنوات 1000مجم
3️⃣من 9 ل 18 سنه 1300مجم

سامعك على فكره ..لا مش بستظرف... 😒
انتي لو حفظتي الرقم اللي ابنك محتاجه وبصيتي علي الجدول ده هتعرفى تاكليه ايه يظبطله الكالسيوم ونخلص بقى من موضوع الكالسيوم ده

بيقولك يا ستى ..✔️
√ ا كوب لبن سعه 250 ملل فيه 300مجم كالسيوم
√ ا كوب زبادى كبير اللى هو 170ملل فيه 225مجم كالسيوم
√ 3شرايح شيدر فيها 300مجم كالسيوم
√ قطعه الجبنه المثلثات فيها 90 مجم كالسيوم وفيها دهون مهدرجة يعني ضرر قصاد نفع قليل ❎
√ معلقة سمسم واحده تحتوي ع 88 مجم كالسيوم
( كوب من السمسم يحتوي ع 1400 مجم .. يعني اكبر من اللبن بكتير جدا)
√ غير الخضار والفواكه بس نسب اقل ...

ده معناه بلاش تعيطى عشان ابنك رافض اللبن عندك بدايل زى الفل ...
لكن برضه عندك طرق كتير تحببيه فى اللبن ..قدميه ساقع بالفانيليا سوبيا يعنى حطى نص م كاكاو مثلا ..
اعملى كاستر. مهلبيه .كريم كراميل .ادى واحد لبن وواحد زبادى مع الجبنه ..كده زى الفل واخد 700مجم

بس فيه مشكله 🥴
لازم الاكل يحتوى على فيتامين د عشان الكالسيوم يمتص (ماهو مفيش حاجه بالساهل ) ..
طيب مصادر فيت د ايه : صفار البيض ..الجبنه ..الكبده ..الاسماك وخصوصا التونه والسردين والسلمون (ودول على حسب سنه وتقبله ليهم الاول )

12/11/2024

تطعيم الانفلونزا الموسمية و المكورات ضروري جدا اليومين دول لأطفال حساسية الأنف و الصدر و الأطفال ال مناعتهم ضعيفه

10/11/2024

اي استفسار في طب الأطفال أو صدر اطفال او تغذية أطفال نكتب السؤال ع البوست معاكم ساعه هرد عليكم فيها @أبرز المعجبين

09/11/2024

ما تتعلموا غسيل الأنف والشفاط خلوا الخنفرة والكحة تقل ياولاد الحلال ونخلص بقا 😇

12/10/2024

هو مصروف الطفل مفروض يبقي كام بعد التعويمات دي كلها 😂🌚🤔

Address

كفر الشيخ مركز قلين قلين المحطة الشارع الرئيسي فوق كارفور الدور الاول علوي مقابل صيدلية الشعب
Kafr El Sheikh

Website

Alerts

Be the first to know and let us send you an email when Dr. Eman Alsharkawy Pediatric Clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Eman Alsharkawy Pediatric Clinic:

Shortcuts

Share

Category