https://www.facebook.com/114472901530078/

fatma pharmacist, كفر الشيخ, Kafr el Sheikh (2025)

23/03/2023

بمناسبه شهر رمضان المبارك والناس اللي بيحصلها حموضه وحرقان ف المعده
هنعرف النهارده الفرق بين اكياس maalox وأكياس gaviscon
الاتنين عندنا علاج سهل وسريع للحموضه والحرقان اللي بيحصلوا عن طريق أنهم بيقللوا حمض المعده
لكن gaviscon بيكون اقوي شويه وحاجه بتميزه أنه بالاضافه ل أنه هيقلل حمض المعده كمان هيعمل زي حاجز علي المعده بحيث لو الحمض مقلش بالقدر الكافي هيمنع خروجه من المعده لل المرئ وبالتالي هيمنع حدوث احساس الحموضه والحرقان اللي بنحس بيهم
وبس كدا وكل عام وانتم بخير 🥰🌙🌟🏮

22/03/2023

كل سنه وانتوا طيبين جميعا وبخير وصحه وسعاده ورضا
رمضان كريم 🏮❤️

19/03/2023

Ketolac و adolor
من اقوي المسكنات وكمان بنستخدمها ف حالات شديده زي العمليات أو حالات الاسنان
لكن ممنوع نستخدمها لفتره طويله مينفعش نزود ف الاستخدام عن 5 - 7 ايام ونخلي بالنا كويس اوي من الموضوع ده لان استخدامه المفرط ممكن يسبب مشاكل ف الكلي ويعمل قرحه ف المعده لا قدر الله

16/03/2023

الزغطه ممكن تكون حاجه عابره لثواني كدا واوقات تانيه بتكون مضحكه لبعض الناس
بس في ناس بيجيلها الموضوع بشكل مستمر وبتغيب فتره
ف لو حد عنده زغطه بقالها مده ومدايقاه هنديله حقنه ((primperan ))
الموضوع يبان بسيط بس حبيت اتكلم عنه لأن في بعض الناس بتدايق منه وبتكون عاوزه علاج ليه
بس كدا 😊
وكل سنه وانتوا جميعا طيبين وبخير 🥰😊

12/03/2023

ممكن نكون بناخد فوار للحصوات وفجأه نلاقي أن جسمنا كون حصوات اصلا طيب ليه🤔 !!؟ دا اللي هنعرفه دلوقتي

لو بناخد فوار فيه ماده hexamine واشهرهم proximol أو coli-urinal أو renal -s للحصوات ناخد بالنا أن المريض ميكونش بياخد معاه ادويه فيها sulfa زي الدواء المشهور septrin لانه بيرسب وبالتالي هنلاقي جسمنا كون حصوات اصلا واحنا كنا عاوزين نعالج الحصوات

وكمان لأن احنا قولنا الseptrin بيرسب ف اللي بياخده ف العادي المفروض يشرب مايه كتير معاه خلال فتره العلاج علشان يمنع الترسيب بتاعه ده ويمنع تكوين حصوات

09/03/2023

اغلبنا عندنا نقص في فيتامين د ودا بيأثر علي شعرنا وعضمنا وكمان الحاله المزاجيه وحجات كتير علشان نعوض النقص ده بالاضافه للأدويه اللي بناخدها زي مثلا حبوب breva أو davalindi وغيرهم
التعرض للشمس مهم جدا ف موضوع فيتامين د لو كل يوم مثلا عشر دقائق أو مرتين تلاته ف الاسبوع
بس طبعا في وقت معين نتعرض للشمس فيه قبل المغرب بساعه مثلا والصبح بدري قبل الساعه ٩ أو ١٠ علشان برضو ميكونش في ضرر للجلد

06/03/2023

اوقات المريض بيكون عنده كحه وهو مش عارف سببها ايه واخدلها ادويه كحه كتير ومفيش فايده
لو دورنا علي المريض ده هتلاقيه مريض ضغط وهنلاقي أن ادويه الضغط هي اللي عملاله الكحه دي في عيله كامله من ادويه الضغط ممكن تسبب كحه زي م هنشوف ف الصور تحت وغيرهم كتير

بس دا مش بينطبق علي كل مرضي الضغط ف لو انت مريض ضغط وبتاخد علاجك ولقيت عندك كحه مش بتروح بأدويه الكحه يبقي نشوف الطبيب أو الصيدلي علشان ف الأغلب هيكون علاج الضغط هو السبب ووقتها الدكتور بيغيرلك النوع

بس كدا وربنا يعافينا جميعا ✨😊💊

04/03/2023

مش معني ان الدواء بينفع ف فتره الحمل يبقي خلاص ينفع نستخدمه ف اوقات الرضاعه
عندنا spasmodigestine بينفع نستخدمه ف فتره الحمل لكن مينفعش وممنوع نستخدمه اوقات الرضاعه لان فيه ماده dicyclomine بتنزل ف لبن الأم وتأثر علي البيبي الرضيع ممكن نستبدله بحاجه زي digestin

01/03/2023

✨✨موضوع مهم جدااااا

في جمله الناس بتقولها أن الدواء بيفيد حاجه ويتعب حاجه تانيه بس دا بيكون بسبب الاستخدام الخاطئ زي م هنشوف دلوقتي

حبايه الصداع الصفرا أو الحبايه اللي نص ابيض ونص اصفر زي م الناس بتطلبها.
اللي هي Bi - alcofan أو زيها Bi- ketogasic
الناس بتحبها لانها بتسكن الالم بسرعه بسبب أن الحبوب دي فيها تركيز كبير من ماده ketoprofen اللي هو 150mg
مينفعش نستخدمها كملبس ف الراحه والجايه
المفروض منزودش ف اليوم عن حبايتين ويفضل يكون اقل كمان والمريض يتعود ياخد نص الحبايه
لانها مع الوقت هتسبب اضرار كتير بسبب الجرعات الزياده اللي المريض بياخدها

27/02/2023

القطرات اللي بنستخدمها لاحتقان الأنف مينفعش نستخدمها اكتر من خمس ايام لانها هتقلب بنتيجه عكسيه وبتزود الموضوع
مش بس المشهوره اللي هي otrivine سواء الاطفال أو الكبار
لا في زيها قطرات تانيه زي rhinex و Balkis و nasostop
كل دول نفس الحاجه مينفعش نستخدمها اكتر من خمس ايام
بس كدا 😊✨

25/02/2023

لو واحده حامل وعاوزه حقنه للمغص الافضل أنها متاخدش حقنه spasmofen [بالرغم أن بعض الدكاتره بتكتبها عادي]
لان فيها ماده ketoprofen والماده دي المفروض
متستخدمش ف الحمل لانها ممكن تسبب ضرر للجنين

لكن الافضل وأكثر امان أنها تاخد viscera أو visceralgine أو spasmofree

22/02/2023

اوقات جسمنا بيظهر عليه علامات زي م يكون بينادي علينا أن في نقص ف بعض الفيتامينات
طيب العلامات دي زي ايه
١- نقط بيضه ف الاظافر وتساقط وضعف الشعر دا بيكون بسبب نقص الزنك
٢-نزيف ف اللثه بسبب نقص فيتامين C
٣-شد عضلي متكرر بيكون بسبب نقص المغنيسيوم
٤-ارهاق وخمول واكتئاب بيكون بسبب نقص فيتامين دال
٥-الجلد ناشف وفي تشققات ديما بيكون بسبب نقص omega 3
٦ - تنميل الاطراف والتهاب الأعصاب بسبب نقص فيتامين B12 (( ودا كنا اتكلمنا عنه قبل كدا ))

fatma pharmacist

23/03/2023

22/03/2023

19/03/2023

16/03/2023

12/03/2023

09/03/2023

06/03/2023

04/03/2023

01/03/2023

27/02/2023

25/02/2023

22/02/2023

Address

Website

Alerts

Shortcuts

Share

Category