الصفحه الطبيه للاستاذ الدكتور/جلال جلال زيدان

26/04/2025

الاستاذ الدكتور/جلال جلال زيدان.
دكتوراه واستشارى الباطنه العامه والقلب والصدروالغددالصماءوالسكر.استشارى الجهازالهضمى والكبد
مناظيرالجهازالهضمى.علاج فيروسات واورام الكبد.علاج امراض الكلى . علاج امراض الدم . طب الاعصاب والشلل الرعاش والجلطات والامراض النفسيه والعصبيه . امراض المفاصل والروماتيزم . الامراض المناعيه . علاج الامراض المعديه والحميات . طب السموم وعلاجها .
...المركزوالعياده:كفرالشيخ--٣٢شارع الجمهوريه امام مديريه التضامن الاجتماعى وتحسين الصحه

المواعيد:يوميامن الساعه ٤ عصرا _ ٩مساءا ماعدا الجمعه
الكشف بميعاد سابق والحجز تليفونيا اوبالعياده تليفون:
٠١٠٠٦٢١٦٤٠٥
٠١١٤٧٧٦٤٣٠٠
شكرا لاهتمامكم ... (نحن بحول الله نرعاكم)

26/04/2025

26/04/2025

عنوان العياده :
٣٢ شارع الجمهوريه امام مديرية التضامن الاجتماعى وتحسين الصحه بجوار مركز ماجد سليم للأشعه
رقم التلفون :
01006216405
01147764300
مواعيد العمل :
من ٣ - ٨ شتاءا
من ٤ - ٩ صيفا
شكرا لحسن تعاونكم

16/04/2022

مأساة الإنسان أنه لا يوجد توازن بين نفسه وجسمه، فالحادثة التي تقطع ساقه لا تقطع رغبته في الجري.

والجراحة التي تستأصل غدته التناسلية لا تستأصل رغبته الجنسية.

وحينما يضعف بصره بالشيخوخة لا تضعف رغبته في الرؤية.

وعندما يضعف بدنه لا تموت شهوته وإنما العكس تسقط الأسنان وتزداد الرغبة في المضغ وتبدأ المهزلة.

ومن لم يؤدب شبابه لن يستطيع أن يؤدب شيخوخته ومن لم يتمرس على كبح نفسه صبيًا لن يقدر على ذلك كهلًا وسوف تتحول لذته فتصبح عين مهانته إذا طال به الأجل.

ولهذا نرى الله يطيل آجال بعض المسرفين ليكونوا مهزلة عصورهم وليصبحوا حكاية ونكتة تتندر بها الأجيال للإعتبار حينما يتحول الفجار والفساق والعتاة فيصبح الواحد منهم طفلًا يتبول على نفسه وكسيحًا يحبو ومعوقًا يفأفئ ويتهته، وتسقط أسنانه التي سبق أن نبتت بالألم فينخرها السوس لتقع مرة أخرى بالألم وتعود أطرافه التي درجت على مشاية فتدرج على عكازين.

ويتحول الوجيه الذي كان مقصودًا من الكل إلى عالة وشيئًا ثقيلًا وكومة من القمامة يتهرب منها الكل.
ثم لا يعود يزوره أحد ثم يموت
فلا يشيعه مخلوق ...
ولا تبكيه عين ...
ولا تفتقده أذن ...
ولا يذكره إنسان وكأنه دابة نفقت في حفرة فذلك هو التنكيس الذي ذكره القرآن.

﴿وَمَن نُّعَمِّرۡهُ نُنَكِّسۡهُ فِي ٱلۡخَلۡقِۚ أَفَلَا یَعۡقِلُونَ﴾ ( ٦٨ - يس ).

والسر في هذه المأساة أن النفس لا تشيخ ولا تهرم ولا تجري عليها طوارئ الزمان التي تجري على الجسد فهي من جوهر آخر.

فالسائق مايزال محتفظًا بجميع لياقاته وسيظل شابًا على الدوام وإن كانت العربة الشيفروليه الفاخرة قد صدأت آلاتها وأصابها التلف وعجزت عن الحركة ولم تعد للسائق حيلة سوى أن يسحبها.

وتلك هي حادثة الشيخوخة نفس مازالت بكامل رغباتها وشهواتها ولكن لا حيلة لها مع جسد مشلول لم يعد يطاوعها لا حيلة لها سوى أن تسحبه وتجره على كرسي متحرك.

يقول أهل الله في شطحاتهم الصوفية الجميلة إزالة التعلقات بعد فناء الآلات من المحالات.

فهم قد فهموا شيئًا أكثر من مجرد أن الأجسام آلات لتنفيذ رغبات النفس، بل هي أشبه بالسلالم يمكن أن يستخدمها صاحبها في الصعود أو في الهبوط
فالمعدة عضو أكل ولكنها أيضا عضو صيام إذا تسلقت عليها.

وبالمثل الجهاز التناسلي عضو ج**ع ولكنه أيضًا عضو عفة إذا حكمته بل إنه لا معنى للعفة بدون وجود نزوع شهواني للأعضاء تقابله بضبط إرادي من ناحية عقلك وتلك هي الفرصة التي أسموها إزالة التعلقات.

وسوف تضيع هذه الفرصة بالشيخوخة وانتهاء الأجل فلا أمل في إزالة التعلقات بعد فناء الآلات فذلك من المحالات .

وبذلك فهموا علاقة النفس بالجسد فهمًا جدليًا فالنفس تؤدب الجسد ولكن الجسد أيضًا يؤدب النفس وعملية الردع عملية متبادلة بين الاثنين.

الفرامل المادية مطلوبة لتربية الفرامل السلوكية والعكس صحيح والأجل محدود يمكن أن يكون عملية إنفاق وتبديد أو عملية بناء وتشييد.
.

مقال احترام الجسد "
من كتاب " الإسلام ما هو؟

27/02/2022

الساعه البيولوجية لجسم الإنسان

من الساعة 9 – 11 مساءً
هذا الوقت الذى يتم فيه التخلص من السموم الزائدة فى الجهاز اللمفاوي
لذلك فإن هذا الوقت يجب تمضيته فى هدوء.
فإذا كانت ربة المنزل لا زالت تعمل فى أعمال المنزل أو فى متابعة الأبناء فى أداء واجباتهم المدرسية فإن ذلك سيكون له تأثير سلبي على صحتها.

من الساعة 11 مساءا – 1 صباحا
فذلك ميعاد تخلص الكبد من السموم ويكون هذا الوقت المثالي للنوم العميق.

من الساعة 1 – 3 صباحا
فذلك ميعاد تخلص المرارة من السموم وأيضا يكون وقت مثالي للنوم العميق.

من الساعة 3 – 5 صباحا
فذلك ميعاد تخلص الرئة من السموم ولذلك سنجد أن المريض
الذى يعاني من السعال فإنه سوف يعاني أكثر فى هذا الوقت
والسبب فى ذلك أن عملية التخلص من السموم قد بدأت فى
الجهاز التنفسي فلا داعي لتناول دواء لإيقاف أو تهدئة السعال فى هذا
الوقت وذلك لمنع التدخل فى عملية تخلص الرئة من السموم الموجودة بها وهنا تظهر فائدة صلاة الليل .....

الساعة 5 صباحا
فذلك ميعاد تخلص القولون من السموم
لذلك يجب التبول فى مثل هدا الوقت لتفريغ المثانة لمساعدة القولون على التخلص من السموم.
وهنا ننصح الأشخاص الذين يعانون من الإمساك المزمن أن يواظبوا على الإستيقاظ فى هذا الوقت (5 صباحا) لكى يساعدوا القولون على العمل والتصريف.
وفى خلال عدة أيام سينتهى الإمساك المزمن مع ضرورة الإلتزام أيضا بالغذاء المتوازن.

الساعة 7 – 9 صباحا
فذلك ميعاد إمتصاص الغذاء فى الأمعاء الدقيقة فيجب أن يتم تناول وجبة الإفطار فى هذا الوقت.
أما المرضى الذين يعانون من الإنيميا ونقص الهيموجلوبين فى الدم فيجب أن يتناولوا وجبة الإفطار قبل الساعة 6.30 صباحا
أما من يرغب فى المحافظة على سلامة جسمه وعقله يجب أن يتناول وجبة إفطاره قبل الساعة 7.30 صباحا

وفى النهايه نقول سبحانك اللهم وبحمدك اشهد ان لااله الا انت استغفرك واتوب اليك هذة كفارة المجالس

كتب الاستاذ الدكتور / جلال زيدان فى ٢٧ من فبراير للعام ٢٠٢٢

21/01/2022

: من الآن ولمدة 45 يوم الكل هيصاب بدور أوميكرون أو (البرد زى ما بنسميه ) ،كل المتخصصين فى كل العالم بيقولوا الكلام دا ، المهم التعامل مع الأعراض لازم نفهمه كويس عشان نعرف نعالج نفسنا

الأخطاء فى التعامل مع دور البرد دا هو سبب الوفاة لكثير من الناس خلال هذه الأيام .
عشان كدا البوست دا هيبقى مهم جداً إنك تخليه قدام عينيك وتلتزم بيه كويس جداً.

الأعراض وطريقة التعامل معها :-

١- السخونية ( الحرارة) :
لو وصلت حرارتك لـ 39 بنأخد خافض حرارة من مشتقات الباراسيتامول زى ( بنادول ، دوليبران ، نوفالدول ، أبيمول .......) والجرعة بتكون عند اللزوم كل ٦ ساعات 1000م .

س : لو الحرارة منزلتش بنخلي الجرعة كل ٨ساعات وبنعمل تبادل مع نوع آخر كل 4 ساعات زي البروفين مثلاً ( ولازم تكون واكل كويس قبل البروفين لإنه بيعمل تعب على المعدة الفاضية ) لكن الأفضل لو الحرارة بتنزل نخلينا فى الباراسيتامول أفضل .

٢- الإحتقان :
مهم جداً المشروبات الساخنة علشان نقضي على الإلتهاب اللى بيسببها الإحتقان ، وممكن نستخدم اى إستحلاب لو مفيش تحسن بالمشروبات الدافئة .
هخ
٣- الكحة :
لو الكحه جافة أي أدوية للكحه مش مضر لكن الأفضل استمر على المشروبات الساخنة ، ولو حاسس إن فيه بلغم وزورك مقفول ممكن جدا أي مذيب بلغم أو طارد ومهدئ للشعب الهوائية .

٤- رشح مستمر وعطس شديد :_
أي دواء من أدوية البرد المعروفة والمتداولة والآمنة .

٥- ضيق تنفس أو أكسجين منخفض أو زرقان فى الشفاه أو عدم القدرة على النوم بصفة مستمرة مع خمول مع حرارة مش بتنزل ( يجب مراجعة الطبيب فورا والذهاب للمستشفى )

٦- لو عندك مرض مزمن يجب إستشارة الطبيب الخاص بك أولاً .

٧- بالنسبة للفيتامينات :
يفضل أخذ فيتامين سي من الفواكة والخضروات زى ( البرتقال ، اليوسفى ، الفلفل الألوان ، الجوافة ........).
لو محتاج فيتامين د ممكن من الصيدلية والأفضل التعرض للشمس فى الأوقات الصحيحة لذلك .

أهم النصائح :
١- بلاش حقنة البرد بتاعت الصيدلية .
٢- ممنوع المضاد الحيوي إلا بإستشاره الطبيب .
3 دفوا نفسكم كويس
4 امتنعوا عن المشروبات الغازية
5 الأكل يكون صحي
6 بدلوا السكر بالعسل الأبيض
7 اكثروا من تناول الخضروات والفاكهه .

وأرجوكم بلاش تخزنوا أدوية فى بيوتكم ( بعض الصيدليات حاليا مش بيلاقوا فيها أدوية الكحه بسبب الناس اللى بتيجى تاخد كميات وتخزنها )..

ومننساش دائماً ندعي ونقول ( بسم الله الذي لا يضر مع إسمه شيئاً في الأرض ولا في السماء وهو السميع العليم )
والله خير حافظ وهو أرحم الراحمين
شير علشان الكل يستفيد حفظ الله الجميع ❤️❤️

16/06/2021

كلمتين وبس لكثرة هذة الحالات فى الاونة الاخيرة
اسال الله عزوجل لى ولكم العافيه

28/05/2021

حاولوا تستفيدوا من هذا المنشور فى ظل وباء كرونا اللهم ارفع مقتك وغضبك عنا يارب
اللهم لاتؤاخذنا بمافعل السفهاء منا

18/11/2020

صورة توضح تراكم الدهون في الجزء العلوي بجسم الإنسان :
لو سمحت إستبدل المياه الغازية بالعصير قليل السكر .
لو سمحت إستبدل العصير المعلب بالفواكه الطبيعية .
لو سمحت إشرب ماية كتير ...
لو سمحت إستبدل الفول المحوج بفول عليه خل وكمون بدون ملح وكله بنص رغيف .
لو سمحت جرب الجبنة القريش .
لو سمحت البيض ممكن تكله مقلي من غير زبدة ولا سمنة ولا زيت عادي في الطاسة التيفال مع شوية ماية أو كلها مسلوقة عادي .
لو سمحت ما تخليش أسلوب حياتك يكون أكل الشارع .
لو سمحت إشرب ماية كتير .
لو سمحت خالي في سلطة في وجبة الغداء .
لو سمحت البروتين كله مشوي أو مسلوق .
لو سمحت قلل أكل الرز .
لو سمحت مارس رياضة المشي من ٢٠ دقيقه ل ٦٠ تدريجياً علي مدار شهر .
لو سمحت إشرب ماية كتير ...
لو سمحت حب جسمك وخاف عليه .
لو سمحت مارس رياضة زي السباحة 🏊 أو الدراجات 🚴
يومين في الأسبوع .
لو سمحت تابع مع دكتور تغذية 👉 عشان ما تروحش لدكتور عظام 😉 أو قلب 🤢
لو سمحت إشرب ماية كتير ...
لو سمحت جرب الصيام المتقطع .
لو سمحت ما تفتحش التلاجة بعد الساعة ١٠ بليل .
لو سمحت نام بدري .
لو سمحت إصحي بدري .
لو سمحت واظب علي ٥ عدات بطن وظهر وضغط علي صلاة
وتدرج في العدد لما توصل لمرحلة التكيف ( اللي هي تعمل ال ٥ عدات مرتاح ) .
لو سمحت إشرب ماية كتير
طب للمرة مش عارف كام اشرب مايةكتيييييييييير

كتب الاستاذ الدكتور/ جلال زيدان
كفرالشيخ فى 2020/11/18
سبحانك اللهم وبحمدك اشهد ان لااله الا انت استغفرك واتوب اليك هذة كفارة المجالس

🌹🌹🌺🌷

23/10/2020

🌺الأعراض العشرة لارتفاع مستوى الضغط النفسي
1 - إنخفاض القدرة على التركيز.
2 - ضعف الذاكرة.
3 - سرعة الغضب.
4- الحركات اللا إردية مثل قضم الأظافر أو نتف الشعر.
5- البكاء لأي سبب أو عدم القدرة على البكاء.
6- إضطراب النوم.
7- عند أوقات السعادة الإحساس بشعور دفين بالحزن.
8- الاكل بزيادة أو النفور منه.
9- توقعات سلبية مخيفة.
10- ظهور أعراض مرضية مثل الصداع / القولون/ سقوط الشعر لدى النساء / آلام الظهر/ الشعور بالإجهاد المستمر/ إرتفاع صغط الدم

- إذا وجدت علامة أو إثنين من هذه العلامات فهذا يدل على ارتفاع الضغط النفسي فمن المهم التعامل معه بجدية حتى يخف أو يزول

- كم لديك من الأعراض العشرة لارتفاع مستوى الضغط النفسي ؟!!
كتب الاستاذ الدكتور/جلال زيدان
كفرالشيخ فى 23 اكتوبر 2020
سبحانك اللهم وبحمدك اشهد ان لااله الا انت استغفرك واتوب اليك
هذه كفارة المجالس

25/05/2020

بصوا بقى عشان اليومين الحلوين اللى احنا عايشنهم دول يعدوا بسلام افهموا اللى هقول عليه ده كويس ونفذوا بدون مناقسة وبسرعه بقى عشان الوقت مش فصالحنا خالص وعلى فكرة الفيروس مكتوب علية اسم كل واحد هيتصاب بيه وهيموت بيه ولا هيسيبه ويمشى ومش هيموت صاحبة يعنى اقدار واعمار . من الاخر كدة يلا نفر من قدر الله الى قدر الله وبالاضافه للى هقوله تحت اذكركم واذكرنفسى العاصية بشيئين اساسيين الا وهما الاستغفار كثييببببببببرا والتسبيح كثييييييييرا لان من الاخر كده همه دول اللى هيرفعوا البلاء والوباء عننا خلاص يلا بقى اكتب معايا وشير باقصى سرعه ده لوعبرتوا اصل ههههههه بس اقولها للتاريخ :---

فيه ناس هتروح تعمل المسحة علي حسابها وغالبا ممكن تحتاج مسحتين، وتمن الواحدة ٢٧٠٠ جنيه يعني المسحات بسعر ٥٤٠٠ جنيه ..

رأيي (الشخصي) متعملش مسحات على حسابك لأن حتى لو انت إيجابي فلن يتوفر لك مكان في مستشفى عزل، نظراً لتكدس المستشفيات بالمرضى،

طيب تعمل إيه لو ظهرت عليك أعراض:

١- تلتزم بالأمانة مع أصدقائك ولا تعرضهم للأذى وتلتزم بلبس الماسك..

٢- إجراء التحاليل التالية:
CBC
S. Ferritin
CRP
LDH
D.dimer
Liver Enzymes

٣- متعملش أشعة مقطعية علي الصدر طالما مفيش أعراض تنفسية، لسبب بسيط وهو إن مراكز الأشعة أصبحت موبوءة بالكورونا نظراً لتهافت الناس على إجراء الأشعة..

٤- لقيت عدد كرات الدم البيضاء قليلة والخلايا الليمفاوية قليلة والفيرريتين عالي واللاكتات ديهيدروجينيز عالي والدي دايمر عالي، وفيه صداع وتكسير في الجسم (خد بالك موش شرط يبقى فيه حمى وممكن يكون فيه ارتفاع بسيط في درجة الحرارة) يبقى حضرتك تعتبر نفسك مصاب بالكورونا وتاخد الاجراءات الوقائية الصارمة بعدم الاختلاط بأي إنسان..

٥- تقعد مع نفسك في مكان فيه شباك وتحرص على فتح الشباك كويس .

٦- ركب كانيولا وريدية وثبتها كويس..

٧- اشتري جهاز نبيولايزر من أي محل أدوات طبية (تمنه ٤٠٠ جنيه) وجهاز portable pulse oximeter تمنه ٦٥٠ جنيه، وترمومتر زئبقي تمنه ٢٥ جنيه، و respirometer تمنه ٧٥ جنيه..

٨- اشتري الأدوية التالية: سوليو ميدرول ٥٠٠ مجم فيال - تاميفلو ٧٥ مجم - بانادول ٥٠٠ مجم - أوكتوزينك أو أي كبسولات زنك - فيتامين سي فوار أو كبسولات اللي تلاقيه - أسيتيل سيستايين ٦٠٠ مجم فوار - أتروفنت ٥٠٠ ميكروجرام - أوميجا ٣ كبسولات - أي علبة فيتامين متعدد موش فارقة نوعها- كلاسيد اكس ال ٥٠٠ مجم..

٩- ابدأ كالآتي:

سوليوميدرول ١٢٥ مجم وريد يوميا
تاميفلو كبسولة كل ١٢ ساعة
بانادول ٥٠٠ مجم قرص كل ٦ ساعات
اكتوزنك كبسولتين صباحا
فيتامين سي ١ جم كل ١٢ ساعة
قرصين فيتامين متعدد بعد الغدا
كبسولة أوميجا ٣ كل ١٢ ساعة
كيس فوار أسيتيل سيستايين ٦٠٠ مجم كل ١٢ ساعة
كلاسيد XL ٥٠٠ مجم كبسولتين كل ١٢ ساعة
. ملحوظة: لا قدر الله لو بدأ نفسك يضيق وبقيت تكح باستمرار، ابدأ فورا بإضافة الآتي مع نفس العلاج السابق:

جلسة أتروفنت ٥٠٠ ميكروجرام بجهاز النبيولايز كل ٨ ساعات
زود جرعة الأسيتيل سيستايين كل ٨ ساعات بدل ١٢ ساعة
ابدأ على الفور بالنفخ في الريسبايروميتر علي أد ما تقدر علشان تحسن كفاءة الحويصلات الهوائية والسعة التنفسية للرئتين..
. ملحوظة: لو انت مريض ضغط أو سكر أو قلب أو كلى أو كبد، التزم بالعلاج خاصة علاج السكر والضغط وتتابع قياسهم باستمرار..
. ملحوظة: موش محتاجة يعني نقول إن الشيشة والسجاير ممنوعين طبعاً..

١٠- بلاش تاخد الدواء سيئ السمعة اللي هو البلاكوانيل لأنه خطر خاصة إنك هتكون في البيت موش مستشفى لأن أثاره الجانبية قد تكون عنيفة مع بعض الفئات من المرضى..

بإذن الله لو التزمت كويس هو أسبوع وكل الأمور هتروق..

١١- فيه نقطة مهمة جدا وهي لو الدي دايمر عالي يفضل نبدأ clexan Prophylactic dose لحماية الرئة من التجلطات الصغيرة المصاحبة للكوفيد..

١٢ - في حالة الالتزام الكامل والتام بكل ما سبق، لكن حدث تصاعد في ضيق التنفس وقلة الأكسجين، هنا مفيش هزار لازم حضرتك تتوجه لأي مستشفى علي الفور لعمل جلسات دعم تنفسي غير تداخلي بجهاز CPAP او لا قدر الله قد يتطلب الأمر وضع المريض علي جهاز تنفس صناعي لفترة لحين تحسن حالة الرئتين..

١٣ - الكلام ده أنا نفذته مع اتنين من المقربين ليا، والحمد لله التحسن كان سريع جداً بفضل الله لأننا بدأنا الكورس ده من تاني يوم تعب، وبفضل الله التحاليل رجعت كلها طبيعي تماما بعد ١٢ يوم..

١٤ - استعن بالله واوعى تخاف وتقلق علشان القلق بيدهور المناعة، واشرب سوايل علي قدر المستطاع موش أقل من ٣ لتر في اليوم، ولو موش قادر، علق محلول رينجر ٥٠٠ مل كل ٦ ساعات.. والأكل خضار وفاكهة اللي تقدر عليه وابعد عن السكريات والدهون احترس من الافراط في النشويات، خضار وفاكهة وبروتين حسب استطاعتك..

١٥- المكتوب ده هو اسقاط للبروتوكولات العلمية على الواقع اللي اتفرض علينا خلاص، بدل ما تتوتر وانت بتدور على مستشفى عزل وموش لاقي، وبيتطلب منك تقعد في البيت وانت موش عارف تعمل إيه، وربنا يزيح الغمة .. لأن طاقة النظام الصحي مستحيل تستوعب كل الحالات فنخليها ونوفرها للحالات اللي مستاهلة بس..

١٦- الحاجات دي سعرها حوالي ٣٠٠٠ جنيه.. يا ريت نساعد نفسنا والآخرين على قدر المستطاع..
ربنا يحفظنا جميعا ويرفع الوباء والبلاء والغلاء عن بلاد الاسلام والمسلمين خاصه وعن عباده عامه .
كتب الاستاذ الدكتور/جلال زيدان
كفرالشيخ فى 25مايوا ثانى ايام عيد الفطر المبارك الساعه 9 و53 دقيقه