https://www.facebook.com/790335760837495/

Dr Fatma reda, Kafr el Sheikh (2026)

12/12/2025

🚫من اهم واخطر الحالات ال بتيجي الصيدليه واحده حامل عاوزه تاخد حاجه سريعه لحد م تتابع مع الطبيب ف لو هنرشح حاجه مثلا🐥
🫵🏻الأدوية الأمنة في فترة الـحمل حسب الحالة المرضية :
♦️1- تسكين الألم > Paracetamol بنادول الازرق وadol مثلاً ودوليبران ف خفض الحراره
♦️2- الإلتهابات > Amoxil or Azithromycin
♦️3- حموضة المعدة > calicum carbonat
وحاجه زي جافيسكون وينفع راني ومالوكس بس يفضل بعد اول تلّت شهور🫵🏻
♦️4- إرتفاع ضغط الدم > Aldomet او اي دوا فيه ميثيل دوبا وبيتا بلوكر زيlabetolol
♦️5- الغثيان والتقيؤ > ينفع دانست و vomibreakاذا مافيش نتيجه يمكن استخدام Navidoxine
♦️6- تقلصات ومغص > peppermint oil
ولو مفيش نتيجه نشوفspasmo freee
♦️7- ملين > Lactulose
♦️8- للازمه >يفضل البدء اولا ببخاخ
Salbutamol
و في حاله الضروره يمكن استخدام بخاخات budesonide (Miflonil)

♦️9- مضاد للسعال الجاف اdiphenhydramine وينفع الدوا زي guava وللسعال البلغم acetylcysteine
♦️10- حساسية > Loratadine او cetrizine و في حال مصاحبه الحساسيه بالارق يمكن استخدام chlorpheniramine (Avil)
♦️11- مضاد للإسهال الاميبي و الجارديا > Flagyl
بجرعه صغيره لا تزيد عن 250 ملجم 3 مرات يوميا
بالنسبه للاسهال البكتيري يفضل استخدام الجيل الثاني. او الثالث من cephalosporins
♦️12- إلتهاب المجاري البولية >يفضل اعطاء البنسلينات القويه مثل
Augmentin
او الجيل الثاني
من cephalosporins
مثل Zinnat
كما يمكن استخدام
nitrofurantoin (Uvamin)
بعد الثلاث اشهر الاولى في الحمل
🤧ولو دور برد بنادول ازرق وحاجه للرشح يفضل كلارتين وزرتك مع فيتامين سي عشان نقوي مناعة الام والنونو🫵🏻
سلااام💕

24/11/2025

هالو ي اصحابي🥰🫵🏻
حاجات لو الدكتور ماقلهاش للمريض وهو بيكتب الدواء هيعرضه لاعراض جانبيه صعبه
1- لو كتبله ادويه فيها (سلفا) لازم نقله اشرب ميه كتير اثناء فترة العلاج
لان مركبات السلفا بتتركز في الكلي وممكن تسبب التهاب كلوي وحصوات
2- لو كتبله مضاد حيوي من مجموعة (سيبروفلوكساسين )ونسي يحذره من الخروج والتعرض للشمس اثناء الظهيره لان اثناء فترة العلاج بالادويه دي بيكون المريض عنده حساسيه لضوء الشمس وممكن تسببه حروق الوجه والجلد وتؤذي العين
3-لو كتبله مضاد حيوي اسمه #زيثروكان او #زيسروسين او مجموعة الماكروليد ونسي يقوله تاخدها بعد الاكل بساعتين لانه لو اخدها بعد الاكل مباشرة هيلغي مفعولها
4- لو كتب لابنك مضاد حيوي زي او #اوجمنتين شراب او اي حاجه بنفس تركيبتهم ونسي يقولك احفظه في التلاجه مباشرة بعد الحل لانك لو نسيت بره التلاجه هيبوظ عالطول ولازم ترميه اول مالونه يتحول من الابيض للاصفر الغامق
5- لو كتبلك اقراص بيكتبها كتير اطباء الاسنان والعظام وتخصصات اخري اسمها الفنترن أو أمبيزيم ونسي يقولك تاخدها قبل الاكل بساعه او بعد الاكل بساعتين لان اقل من كده مش هتستفيد منها نهائيا لانها اذا اتاخدت مع الاكل هتحلل البروتينات اللي في الاكل بدل من البروتينات المسببه للورم فلازم تكون المعده الخاليه
6-لو الدكتور او الصيدلي كتبلك حاجه والصداع من مجموعة ديكلوفيناك زي كتافلام او مجموعة كيتوبروفين زي باي الكوفان ونسي أنك بترضعي 'وخصوصا لو طفل حديث الولاده
لان الادويه دي هتسبب لابنك ارتجاع وحرقان ومغص وانتفاخ وهايفضل يعيط كل ما ترضعيه وهتدوخي عشان تعرفي ايه السبب وانتي السبب
7- لو كتبلك دواء مسكن #بروفين ونسي يسالك هل بتاخد اي نوع اسبرين للسيوله ام لا
لان البروفين بيلغي تأثير الاسبرين فلو كنت مريض بالقلب او الضغط ومحتاج تاثير الاسبرين ما تاخدش معاه بروفين في نفس الوقت
سلاام👋🏻

16/11/2025

📌اي هو فقر الدم (Anemia) :

✅فقر الدم هو حالة يقل فيها عدد خلايا الدم الحمراء أو تركيز الهيموجلوبين في الدم عن المعدل الطبيعي، مما يؤدي إلى نقص كمية الأكسجين التي تصل إلى أنسجة الجسم.

أسباب فقر الدم :
تنقسم الأسباب إلى ثلاث مجموعات رئيسية:

1. نقص إنتاج خلايا الدم الحمراء
● نقص الحديد (وهو السبب الأكثر شيوعًا).
● نقص فيتامين B12 أو حمض الفوليك.
● أمراض نخاع العظم مثل فشل النخاع أو اللوكيميا.
●الأمراض المزمنة مثل أمراض الكلى.

2. فقدان الدم
● النزيف الحاد بسبب الجروح أو العمليات الجراحية.
● النزيف المزمن مثل قرحة المعدة أو نزيف الشديد عند النساء

3. تدمير خلايا الدم الحمراء (انحلال الدم)
● أمراض مناعية يهاجم فيها الجسم خلاياه الحمراء.
● أمراض وراثية مثل الأنيميا المنجلية والثلاسيميا.
● بعض الأدوية أو السموم.

أنواع فقر الدم :
● فقر الدم بسبب الحديد : سببه نقص الحديد ، ويؤدي إلى شحوب البشرة وضعف عام.
● فقر الدم بسبب فيتامين B12 : يسبب تنميل بالأطراف وضعف التركيز.
● فقر الدم بسبب حمض الفوليك : يسبب تعب واضطرابات في النمو.
● فقر الدم الانحلالي : نتيجة تدمير خلايا الدم الحمراء ، ويؤدي إلى اصفرار الجلد والبول الغامق.
● فقر الدم الناتج عن أمراض مزمنة : يظهر مع أمراض الكلى أو الكبد.

🩸الأعراض والعلامات :
● الشعور بالتعب والضعف العام.
● شحوب الوجه والشفاه.
● الدوخة والصداع.
● ضيق في التنفس عند بذل مجهود.
● خفقان القلب السريع.
● برودة الأطراف وهشاشة الأظافر وتساقط الشعر.
● في الحالات الشديدة قد يحدث ألم في الصدر أو إغماء.

📍طرق التشخيص :
● تحليل صورة الدم الكاملة (CBC).
● قياس نسبة الحديد والفريتين (مخزون الحديد).
● تحليل فيتامين B12 وحمض الفوليك.
● فحص البراز للكشف عن وجود نزيف خفي.
● فحوص إضافية مثل فحص نخاع العظم إذا لزم الأمر.

📍العلاج :
يعتمد العلاج على السبب الأساسي :
● في حالة نقص الحديد: تناول مكملات الحديد وعلاج سبب النزيف إن وُجد.
● في حالة نقص فيتامين B12 : تناول حقن أو أقراص B12.
● في حالة نقص حمض الفوليك: تناول مكملات الفوليك أسيد.
● في فقر الدم الانحلالي : قد تُستخدم أدوية مثبطة للمناعة أو نقل دم.
● في فقر الدم الناتج عن أمراض مزمنة : يُعالج المرض الأساسي أولًا.
● في الحالات الشديدة : قد يحتاج المريض إلى نقل دم.

📍النظام الغذائي المفيد :
● ينصح بتناول أطعمة غنية بالحديد والفيتامينات مثل :
☆ الكبد واللحوم الحمراء.
☆ السبانخ، العدس، الفول.
☆ الفواكه الغنية بفيتامين C مثل البرتقال والطماطم.
☆ الحليب والبيض والسمك (لمصدر B12).
☆ الخضروات الورقية والبقوليات (لمصدر حمض الفوليك).
سلااام👋🏻

09/11/2025

هالووو
📌لو هنتكلم عن الادويه ال ممكن أخدها قبل الاكل او بعيد عن الوجبات عشان نلاقي احسن نتيجه وأحسن امتصاص للدوا
عندي مثلا ادوية المعده زي اول صوره موضحه ودا عشان نقلل حموضة المعده قبل الاكل 👋🏻
❗️طيب ممكن تاخد اي تاني علي معده فاضيه يحسن امتصاصه ادويه الحديد زي فيروجلوبين وفيروديونال وغيرهم وقبل الاكل دا يعني من نص ساعه لساعه اقل حاجه…
❗️واي كمان عندي باخده قبل الاكل بشويه ادوية الغده لازم اخدها قبل الفطار عشان الاقي النتيجه ال عاوزها زي اي مثلا
زي الموجود ف الصوره التانيه كده
❗️⚡️وال ممكن نستغربه وهو بعض أنواع المضاد الحيوي زيAzithromycin الموجود ف صورة( كبسولات ) زي الموضح بالصورة تلاته
سلام يحلوين👋🏻

05/11/2025

طيب لو هنتكلم عن vitD ال كلنا بدأنا متاخر نهتم بيه وعلي امل ان لما نعالجه هنحسن حياتنا ويحل مشاكلنا ويسدّد ديونا😂
طب انا هعرف منين اني عندي نقص فيه بعيد عن التحليل مثلا اعراضه واضحه واقدر من خلالها اتاكد اني بعاني من نقص فيتامين دال
هلاقي حاجه من الموضحه بالصوره او كلهم🫵🏻
ممكن اخد احتياجي اليومي من خلال اني اتعرض للشمس من عشر دقايق لتلت ساعه او الكبده والبيض 🐣وخصوصا صفار البيض وحجات كتيره
⚡️طيب أنا اتاكدت هاخد اي دوا قدامي ب اي صيغه ! لأ طبعا طيب نفهم براحه
اغلب المكملات الغذائية ال تحتوي عليvit D تحتوي علي الشكل الخام ليه وال هو(cholecalciferolD3) ودا موجود ف فيدروب وديفارول واخواتها
طيب أصلا عشان تبقي نشطه وفعاله هتحتاج تعدي علي الكبد والكلي
❗️طيب انا مريض كبد بدكتور يبقي محتاج الماده الفعاله (calcidiol) ودي تقريبا مش موجوده ف ادويه عندنا هنا
❗️طيب انا مريض كلي هاخد اي(alpha calcidol) ودا الكبد يشتغل عليه وموجود ف ادويه كتير زي alpha one او bone one وغيرهم..
طيب الدنيا بايظه خالص بقا😂والاتنين فيهم مشكله خلاص نستخدم )calcitriol) ودي انشط صوره موجوده وتوجد فيه(calcidoveros) ونتاكد ان لو اخدنا اي صيغه منهم مش مناسبه لينا مش هنستفاد منها بل وهتضرنا وندخل ف toxicity ومشاكل ف الكلي وصداع وضعف عام وغيرها
طيب هناخد جرعة اي لو انا عندي قيتامين دال اقل من30 وممكن توصل لحد عشره عموما هناخد الجرعه العلاجيه ال هي 50 الف وحده اسبوعيا او 10 الاف خمس مرات ف الاسبوع افضل من الحقن الشهريه🙂
ي
الجرعه الوقائيه ال هي. الف وحده خمس ايام اسبوعيا
📌طيب بالنسبة للk2 ال عليها مشاكل الفتره دي انا بشوف انها موجوده ف معظم اكلنا ومش مضطرين ندفع مبالغ عشان ناخد دوا فيه دا ودا ومن باب اولي واهم ان ناخد معاه كالسيوم سواء فالاكل او فيتامينات لو انت حد ضد منتجات الألبان عشان نحقق استفاده بدون ضرر👋🏻
الموضوع فيه كلام كتير محتاج اكتر من بوست بس دي اهم الحجات ال تهمكو🩵

04/11/2025

🚫هتكلم عن حاجه من اخطر واكتر الأمراض ال بخاف منها دايما وهو ارتفاع ضغط الدم (القاتل الصامت) (Hypertension):
طيب لي يتخاف منه عشان أعراضه مش واضحه اوي ومش ملموسه والتغافل عنها ممكن يوصل لكارثه ☠️طيب خلينا نعرف اي اسبابه❗️
1. أسباب أولية ( الأكثر شيوعاً)

- الوراثة.
- التقدم في العمر.
- السمنة وقلة النشاط البدني.
- الأكلات الغنيه بالملح أو الدهون.
- التوتر النفسي المزمن.
- التدخين أو شرب الكحول.

2. أسباب ثانوية (نتيجة حالة صحية معينة):

- أمراض الكلى.
- مشاكل الغدة الدرقية أو الكظرية.
- بعض الأدوية (مثل حبوب منع الحمل، مزيلات الاحتقان).

✨طرق الوقاية✨

- تقليل الملح في الطعام (أقل من 5 جرام يوميًا).
- ممارسة الرياضة بانتظام (30 دقيقة/5 أيام بالأسبوع).
- الحفاظ على وزن صحي.
- الإقلاع عن التدخين والكحول.
- تقليل التوتر والضغوط النفسية ف حالة انك بعيد عن المجال الطبي🥲🫵🏻.
- التغذية الصحية (غنية بالفواكه، الخضار، الحبوب الكاملة).
- مراقبة الضغط بانتظام كل فتره نعمل تشيك سريع مش هنخسر حاجه.

💊طيب العلاج❗️:
انا بشوف ان علاجه ثلاثي ولو مشينا علي حاجه واحده بس يبقي للنتيجه صفر
1.اولاهبعد عن أي حاجه ممكن تحسسني بضغط نفسي او تخليني انفعل..
2.تاني حاجه نبعد عن الاكل أل قولناه فوق ونتبع التحذيرات
3. الأدوية (حسب تقييم الطبيب):
- مدرات البول.
- مثبطات ACE أو ARB.
- محصرات الكالسيوم.

- غالبًا يحتاج المريض لأكتر من دواء مع بعض ..

ربنا يحفظنا ويشفي مرضانا جميعاً 🩵

03/11/2025

📌من ضمن المواقف الي ممكن معظمنا خصوصا في بدايه نزول الصيدليه انه يستغربها هو موضوع ان دكتور نسا يكتب dexamethazone amp لواحده حامل 👋🏻تعالوا نتعمق شويه علي حسب ما وصلت
- الموضوع كله متعلق بالجنين والموضوع كله عامل زي لما تجيب بالونه كدا شوفت هي بتبقي لازقه في بعض ازاي فانت بتتضطر انك تنفخ فيها وبعد فتره بترجع تلزق تاني طب لو جبت حبه ميه وحطيتها في البالون مش هتلزق تاني🖤اهو الموقف دا بالظبط عامل زي رئه الجنين الي تعتبر من آخر الاعضاء الي بتتكون عنده وبتكون محتاجه انها تكون حاجه اسمها surfactant بتعمل حاجه اسمها
Formation of surface active phospholipid surfactant after delivery
طب وديه وظيفتها ايه بقا! الsurfactant ديه بالظبط زي الميه الي حطيتها فوق في البالون عشان متلزقش في بعض إذا الsurfactant ديه هتمنع ان الرئه تلزق في بعض وبالتالي تحمي الجنين من حاجه اسمها Respiratory Distress Syndrome (RDS) والي بتبقي fetal ونسبه الوفاه بتبقي عاليه ☠️وبعد كدا ال surfactant بيحصلها realses through amniotic fluid
⚡️طب ايه بقا دور او علاقه الديكسا بالموضوع دا بقا قالك ان الام الي هتولد بدري بيكون الsurfactant ديه لسه متكونتش وبالتالي هيحصل ال RDS☝ فلاقوا ان الكورتيزونات في الوضع دا وظيفتها انها
Stimulate synthesis of of surfactant
طب دا دورها يعمنا طب اشمعنا حقن الديكسا ليه مش hydrocortisone مثلا او اي نوع تاني !
⬅️ الي وصلته ان اي نوع Glucocorticoid لو وصل للجنين بالتركيز الكافي هيدي التأثر بتاعه بس تظهر المشكله الي سمحت بس لنوعين اتنين من Glucocorticoids انهم يبقوا approved في الموضوع دا وهما Dexamethazone and betamethaso طب ايه هي المشكله دي؟
- وجود انزيم في المشيمه اسمه 11B OH dehydrogenase دا انزيم بيكسر الcorticosteroid ويحولها ل inactive metabolite بالتالي التركيز بتاع الادويه هيبقي قليل الا الاتنين الي فوق والي هما betethasone and Dexamethazone
📌طب وجرعتهم ايه بقا ❗️
البيتاميثازون بتتاخد ١٢ مجم كل ٢٤ ساعه وجرعتين بس
انما الديكسا بتبقي ٦ مجم كل ١٢ ساعه وبدي ٤ جرعات بس..

02/11/2025

مهمم📌
اوقات كتير هتلاقي سيدات ماشيين علي أقراص هرمونات لمنع الحمل زي جينيرا وغيرهم ومع ذلك حصل حمل طيب ازاي ❗️
ف هنراجع كورس علاجها هنشوف ان هي اخدت ف الفتره ال فاتت مضاد حيوي واسع (broad spectrum) او مطهر معوي ودا شغله انه يقتل البكتريا سواء ضاره او نافعه للاسف ،والبكتيريا النافعه دي بتخلي جسمك يعرف يمتص الهرمون الموجود جوا اقراص منع الحمل يبقي ولا كأنك اخدتي حاجه🤦🏻‍♀️ ،وحتي لو وقفنا المضاد الحيوي هناخد فتره من اسبوعين لعشر اياام اقل حاجه عشان البكتيريا التافعه دي ترجع تاني طبيعيه وتشوف شغلها..فناخد بالنا👋🏻

02/11/2025

⚡️مشكلة الجيل االقولون العصبي🥲؟

القولون العصبي هو اضطراب وظيفي في الجهاز الهضمي، بمعنى أن القولون لا يعمل بشكل منتظم رغم أنه لا توجد مشكلة عضوية واضحة (مثل قرحة أو التهاب).
أي أن القولون سليم من الناحية التشريحية، لكن حركته واستجابته العصبية تكون غير طبيعية.
📌طيب بيجي ازاي؟؟
يوجد تفاعل غير طبيعي بين الدماغ والجهاز الهضمي، فينتج عن ذلك:

زيادة حساسية الأمعاء.
انقباضات غير منتظمة في عضلات القولون..
بمعنى آخر: القولون يستجيب بشكل مبالغ فيه للتوتر أو الطعام.

---

⚠️ طب اي هي الأعراض الشائعة:
تختلف من شخص لآخر، لكن أبرزها:
1. ألم أو تقلصات بالبطن ).
2. انتفاخ وتغير في حركة الأمعاء:

إسهال متكرر 💧
أو إمساك مزمن 💩

أو تبادل بين الاثنين 🔄.
---

🍽️ المحفزات الشائعة:

القلق والتوتر أو الضغط النفسي.

🍔أنواع من الأطعمة مثل:
البقوليات (فول، عدس)
الحليب (في حالة عدم تحمل اللاكتوز)
الأطعمة الدسمة والمقلية
القهوة والمشروبات الغازية

💊طب و العلاج🫵🏻:

العلاج يهدف لتخفيف الأعراض وليس للشفاء التام (لأنه مرض مزمن 😭).

1. تعديل نمط الحياة وتناول وجبات صغيرة ومنتظمه.

2. العلاج النفسي والسلوكي:

تقليل التوتر والقلق (بتمارين استرخاء أو علاج معرفي سلوكي).

3. الأدوية حسب الحالة:

مضادات التقلصات (مثل دواء دوسباتالين وكولوڤرين واخواته).

مضادات الإسهال (لوبيراميد).

ملينات خفيفة للإمساك.

مضادات الاكتئاب الخفيفة في بعض الحالات لتحسين التواصل بين الدماغ والأمعاء.

---

🍏 نصائح مختصرة للمريض:

أكثر من الألياف الطبيعية (خضار – فواكه).

اشرب ميه كتير🫵🏻.

قلل القهوة والمشروبات الغازية.

مارس الرياضة ولو 30 دقيقه وصلي😂

01/11/2025

⚡️انهارده هنتكلم عن حاجه مفيده للكل وموجود ف كل بيت حاجه منهم ع الاقل⚡️
طيب نستخدم ازاي الفيتامينات والمعادن صح عشان نوصل لاحسن نتيجه؟
📌اول حاجه مثلا لو هناخدvit D افضل حاجه تبقي بعد وجبه عموما عشان الدهون ال موجوده ف الاكل بتحسن امتصاصه..
📌طيب فيتامين c اوB complex دي فيتامينات بتدوب ف الميه فيفضل تتاخد بعيد عن الوجبات قبل الاكل بساعه او بعده بساعتين ونهتم بشرب كمية ميه كبيره معاها
📌والزنك (zn) ؟؟يفضل يتاخد علي معده فاضيه ولو حد عنده مشاكل ف المعده يتاخد بعد الاكل بساعتين المهم بعيد عن الأكل..
📌طيب omega 3 يفضل يتاخد مع الوجبه ودا بيحسن الامتصاص وف نفس الوقت هنتغلب علي طعم السمك الموجود ف الكبسولات ..
📌طيب بالنسبه للكالسيوم يفضل يتاخد بعد الغداء لان الااحماض الموجوده ف الاكل بتحسن امتصاص الكالسيوم..
📌الحديد فيروجلوبين وفيروديونال وغيرهم بقا يفضل يتاخد بعيد عن الاكل ويتاخد مع فيتامين سي عصير ليمون او غيره لان دا هيحسن امتصاصه ولكن بلاش خالص ناخد مع الكالسيوم ولازم نفصل بينهم عشان نستفاد باللاتنين..
📌المكملات الغذائيه زي(centrum)مثلا دا يتاخد بعد الفطار بس بلاش بليل قبل النوم لانه بيدينا باور وطاقه تخلينا منعرفش ننام ونحس ب أرق..
سلاام👋🏻

31/10/2025

نستكمل التفاعلات الدوائية الـ كلكو بتحبوها 😁
لو جالي مريض بياخد مضاد حيوي gentamicin الموجود ف جارميسين مثلا لحبوب او عدوي بكتيريه وخلافه وهو بالفعل مريض ضغط او edema او كبد مثلا وبياخد (furosemide) كمدر للبول ف lasix او lasilacton وغيرهم ممكن اعرضه لototoxicty او فقدان سمع خالص لقدر الله وبيسبب مشاكل كبيره ف الكلي (nephrotoxicty)فالبتالي لازم ناخد بالنا ونتابع وظائف الكلي او اي جديد نحس بيه نبلغ الطبيب المعالج ونشرب ميه كتير😂🫵🏻

31/10/2025

مهم📌
لو جالي مريض ذبحة صدريه او(angina) وحالة طوارئ ولازم الحقه طيب ممكن اتصرف ازاي !!
هنديله اسبوسيد مضغ عشان احسن الامتصاص ويوصل اسرع واوعي حد يقولي طيب نديله(aspirin protect)مضغ بردو طب لي مينفعش!؟
هقولك الفرق هنا ان القرصentric coated هيتاخر جدا ف الامتصاص وهيفقد فاعليته يكون الراجل مات🙂
دومتم سالمين🫵🏻

Dr Fatma reda

12/12/2025

24/11/2025

16/11/2025

09/11/2025

05/11/2025

04/11/2025

03/11/2025

02/11/2025

02/11/2025

01/11/2025

31/10/2025

31/10/2025

Address

Website

Alerts

Shortcuts

Share

Category