https://www.facebook.com/106402889186156/

د \ نهى نشأت إسماعيل - إزيك, البحيرة والإسكندرية, Kom Hamada (2026)

Q: What is the address?

البحيرة والإسكندرية

19/02/2026

🛑 سؤال بيوجع قلب كل أم: "إزاي أطلع ابني (سند) لأخته.. مش مجرد أخ زي عدمه؟

لما بنكبر، بنكتشف حقيقة مؤلمة.. كتير من الإخوات عايشين "غرباء" تحت سقف واحد، أو حتى بقوا خصوم! الأم اللي دايقة وجع "الفقدان الوجدانى" للأخ اللي موجود بس "ميت" بالنسبة لها، بتبقى مرعوبة التاريخ يعيد نفسه مع ولادها.

عشان كدة لازم نفهم.. "السند" مش مجرد أخ كبير بيضرب اللي يضايق أخته في الشارع، ولا هو اللي بيشخط ويزعق ويتحكم فيها.. السند الحقيقي أعمق بكتير.

يعني إيه أخ "سند" بجد؟ في رأيي الشخصي، الأخ السند هو:👇
✅ اللي أختَه بتنام بالليل وهي عارفة إن في ضهرها "جبل" لو الدنيا ضاقت عليها.
✅ اللي بتشوف فيه صورة أبوها في "الحنية والاحتواء"، مش صورة "السي السيد" اللي عايز يفرض رأيه وخلاص.
✅ اللي بيسأل عليها لو اتأخرت أو ما اتصلتش، مش عشان "يتجسس"، لكن عشان "قلقه وحبه" ليها.
✅ أول واحد بيجي في بالها تجري تقوله على نجاحها وفرحتها، مش بس مشاكلها ومصايبها.
✅ اللي بيوفر لها "أمان نفسي" قبل المادي.. سند في الكلمة، في الموقف، في إنه "يحس بيها" حتى لو ما اتكلمتش.

💡 طيب إزاي أزرع ده في ابني من صغره؟ (روشتة التربية الصح)

١. ابدئي من وهما صغيرين: علميه إن "أختك أمانة في رقبتك".. مش بمحاضرات وكلام تقيل، لكن بالأفعال. خليه يمسك إيدها في الشارع، وفهميه إن قوته مش في إنه "يسترجل" عليها بالعافية، لكن في إنه يحميها ويطمنها. علميه إن مشاركتها اللعب أو التنازل ليها أحياناً ده قمة "الكرم والرجولة".

٢. اربطي "السند" بالفخر: لما يتصرف تصرف حلو معاها، قوليله: "أنا بحبك قوي وفخورة بيك إنك اتصرفت كده". لو جابلها حاجة حلوة، أو دافع عنها، قوليله قدام الناس: "ابني المحترم سند أخته وحاميها". الكلمة دي بتكبر جوه نفسه معنى الرجولة الحقيقي.

٣. مسؤولية بحب.. مش "أب بديل": مش معنى إنه سند، إنه يتقمص دور الأب ويتحكم. هو أخ، مش ولي أمر. سيبيه يعيش طفولته، لكن علّمه إن الأخت زي "الوردة" اللي محتاجة رعاية وحماية، مش "حمل تقيل" مفروض عليه.

٤. الرجولة "احترام خصوصية": السند الحقيقي بيحترم حدود أخته. علميه يستأذن قبل ما يدخل عليها أوضتها، وميستخدمش حاجاتها من غير إذن. فهميه إن الرجولة الحقيقية هي "الأدب والاحترام".

٥. القدوة والقصص: احكيله قصص عن الصحابة وتعاملهم مع أخواتهم. قوليله إن سيدنا علي كان سند للسيدة فاطمة. القصص بتثبت في القلب أكتر من ألف نصيحة.

٦. "البيت ستارة": لو أخته جابت درجة وحشة أو غلطت غلطة صغيرة، مينفعش يستهزأ بيها أو يعايرها. علميه إن "الستر" من شيم الرجال، وإن عيوب أهل البيت مش مادة للضحك أو المناقشة بره.

⚠️البيت وحيطانه وجدرانه خط احمر 👌🏻

#ازيك

17/02/2026

🌙✨ رمضان مبارك ✨🌙
بمناسبة حلول شهر رمضان المبارك
يسعدني أن أتقدم إليكم بأطيب التهاني،
سائلةً الله أن يجعله شهر سكينة وشفاء
وطمأنينة تعم القلوب والبيوت.

كل عام وأنتم بخير وصحة نفسية أفضل 🤍

#ازيك

22/01/2026

خلي اللي يقدر يتحمل يشيل .. يشيل ظلم ، يشيل نميمه ، يشيل افتراء ، الشيله النهارده حلوه لكن هناك مش هتتبسط صدقني مش هتتبسط خالص ، كلها ايام ونهايه المصير وقفه امام رب بصير ، مش مستاهله والله ؟
ف ربنا مبيظلمش حد ومبيسبش حق مظلوم يضيع ، طول ما انت ليك حق ربنا هيجبهولك ، كل أذى اتعرضت له متسجل وموجود ، كل شر اتدبر لك من ورا ضهرك متسجل برده ، الحقوق مبتضيعش عند ربنا ؟
فيه جسر بين الجنه والنار اسمه " القنطره " ف كلنا هنقف علي الجسر ده ؟ .. يقال أن الجسر ده كالصراط والميزان ، يقتص المظلوم من الظالم يوم القيامة عن ما فعله له في الدنيا من إساءة ، وأذية ، ووجع .. وإذا رفض المظلوم مسامحة الظالم حرمت عليه الجنه

ما ضاع حق وراءه مطالب 🤌🏻👌🏻

#ازيك

22/01/2026

الراجل اللي يبيع بيته ومراته بعد عشرة سنين…
ما باعش شقة ولا حياة مشتركة،
ده باع رجولته، وباع ضهر الست اللي كانت سند،
وباع نفسه قبل أي حد.

الناس بتقول: “يمكن تعب، يمكن اتغير، يمكن هي زوجته السبب!”
بس الحقيقة…
الراجل الأصيل ما يعرفش كلمة “باع”،
الراجل الجدع لما يتعب بيصلّح مش بيكسر،
ولما يزعل بيهدى مش يِهدّ.

عشرة سنين مش لعبة،
ولا بيت اتبنى في يوم وليلة،
ولا ست كانت خيال أو نزوة!
اللي يبيع بعد كل دا مش راجل اتغير…
ده راجل كان لابس وش الراجل طول الوقت.

والمؤلم بجد إن اللي بيبيع ما بيحسش إنه غلطان،
يشوف العِشرة “تاريخ انتهى”
ويشوف البيت “مصلحة خلصت”،
وكأنه بينقل من عنوان لعلاقة تانية.

بس اللي لازم يعرفه إن اللي يبيع العِشرة،
العِشرة نفسها هتتخلى عنه،
ومهما اشترى بعدها… هيفضل مديون باللي باعه.

#ازيك

22/01/2026

🌟 لأن صحتك النفسية تستحق الأفضل! 🌟
أنا [ نهى نشأت إسماعيل ]، أخصائية نفسية اكلينكى ومرشدة نفسية وأسرية وزوجية.

بساعدك فى

✅ التغلب على التوتر والقلق والاكتئاب وكرب مابعد الصدمه الوسواس القهري واضطرابات الشخصية وتحقيق السلام الداخلى

✅ تعزيز العلاقات الأسرية وبناء روابط صحية.

✅ التعامل مع التحديات الزوجية بحلول مدروسة ومبنية على الخبرة.

✅ اكتشاف نفسك وتحقيق أهدافك الشخصية.

🎯 هدفنا: أن نساعدك على عيش حياة أكثر توازنًا وسعادة.

📩 احجز جلستك الآن أو تواصل معي مباشرة للمزيد من التفاصيل.

💬 لأن رحلتك النفسية تبدأ بخطوة، دعنا نمضي بها
#ازيك

18/01/2026

👩‍👧‍👦 التربية مش بس أكل وشرب ومذاكرة، الطفل محتاج رعاية نفسية زى ما محتاج رعاية جسدية! وعلشان تحمي ولادك من الأمراض النفسية، جرب الخطوات دي:

1️⃣ 20 دقيقة حوار يومي 🗣️
كل يوم خد وقت تتكلم مع ولادك كأنكم صحاب، بدون نصايح، بدون كلام عن المذاكرة أو اللوم. مجرد دردشة حلوة!

2️⃣ مدح السلوكيات الإيجابية 👏
لو عمل حاجة كويسة، حتى لو بسيطة، امدحه عليها، ده بيعزز ثقته في نفسه.

3️⃣ مدح الشكل الخارجي 😊
قوليله: "ضحكتك جميلة"، "شعرك حلو"، "عيونك مميزة"💛، لأن تقدير الشكل الخارجي مهم لصحة الطفل النفسية.

4️⃣ الخروج مع بعض ولو لدقايق 🚶‍♂️🚗
حتى لو 5 دقايق بس نتمشى سوا، نركب العربية، أو نخرج لمكان بسيط، دي حاجات بتقوي العلاقة جدًا.

5️⃣ 3 دقايق قبل النوم لتثبيت القيم 🌟
قبل النوم، قوليله حاجة إيجابية عن نفسه: "أنا فخور بيك لأنك كنت شاطر النهاردة"، "فرحتني لما ساعدتنا النهاردة".

6️⃣ التجمع وقت الأكل 🍽️
خلي الأكل وقت للعيلة، بلاش تليفونات، بلاش توتر، خليه وقت تواصل حقيقي.

7️⃣ التعبير عن الحب من خلال اللمس 💕
المسة لها تأثير سحري! ماسكة إيد، طبطبة على الراس، بوسة على الخد، مسح على صدره وقت العصبية، كل ده بيدي إحساس بالأمان.

8️⃣ شكره على وجوده في حياتكم 🙏
قوليله "أنا محظوظ إنك ابني"، "وجودك في حياتي نعمة"، الكلمة دي بتفضل محفورة في قلبه طول عمره.

✅ كل ده مش بس هيحمي ولادك نفسيًا، لكن كمان هيخليهم بارين بيكوا ويكبروا بشخصية متزنة ومستقرة. 🌿💖

#ازيك

18/01/2026

الأب الذي يتهرب من مصاريف ومسؤولية أطفاله، أقول له: في أول ليلة من الأيام المباركة، سيأخذ الله حقهم منك، وسينتقم لهم.

وأقول لك أيضًا: ستعيش محروما ، وترحل وحيدًا، وستُحرم من أعظم نعمة في هذه الدنيا، وهي دفء البيت والأولاد.

الأب الذي يتنصل من مسؤولياته تجاه أطفاله إنسان جبان، لا يحمل من الرجولة شيئًا.

هؤلاء لم ينشأوا في بيوت رجال، بل تعودوا أن تُنفق النساء عليهم، وأن تتحمل النساء مسؤوليات البيوت والأبناء.

اللى زي ده عار على ولاده وعلى المجتمع كله أنه محسوب راجل أصلا

#ازيك

18/01/2026

مسلسل "ميدتيرم" سلّط الضوء على أمراض نفسية حقيقية بيعاني منها شباب اليوم، وغالبًا جذورها راجعة لخلل في التربية أو حرمان عاطفي في الطفولة 🧠💔

تحليل الشخصيات وعلاقتها بالتربية
تيا – الكذب اللاإرادي والاضطرابات المعقدة
· المرض: بتكذب باستمرار وبدون مبرر واضح، لدرجة التوهم والهلاوس واختلاق أحداث مش حقيقية، وده متوافق مع تحليلات المسلسل اللي بتكشف معاناتها من الكذب اللاإرادي مع اكتئاب حاد واضطرابات ارتباط.

· السبب التربوي: حرمان عاطفي وصدمة مرتبطة بعلاقتها بأهلها وغياب الأمان منذ الطفولة، فبتستخدم الكذب عشان تجيب انتباه وتعوض شعور النقص ووجع الهجر.

غالية – هوس السرقة (Kleptomania)
· المرض: اضطراب في التحكم في الدوافع، بتلاقي نفسها بتسرق حاجات مش محتاجاها فعليًا، وبعدها تحس بتوتر قبل الفعل وراحة مؤقتة ثم ندم شديد.
· السبب التربوي: احتياج عاطفي عميق للحب والتقدير، فـ"السرقة" هنا سلوك تعويضي مش جريمة بس، كأنها بتحاول تمسك بأي إحساس بالقيمة أو السيطرة.

نعومي – ملامح اضطراب الشخصية الحدّية
· المرض: تقلبات حادة في المزاج والعلاقات، خوف شديد من الهجر، اندفاع في ردود الفعل، وصورة ذاتية مش ثابتة، وده قريب من سمات الشخصية الحدّية اللي بتركز عليها الأعمال التحليلية للمسلسل.

· السبب التربوي: فراغ عاطفي ووحدة، ومحاولات مستميتة تهرب من الإحساس بالترك من خلال علاقات متأرجحة، أحيانًا فيها أذى لنفسها أو لغيرها.

هنا – القلق وضعف التقدير الذاتي
· المرض: صدمات طفولة، إحساس مزمن إنها "أقل" من غيرها، وميل للقلق والتردد في اتخاذ قرارات تخص حياتها.
· السبب التربوي: التفرقة بين الأبناء داخل الأسرة، وتفضيل طرف على حساب طرف، فالصورة الذهنية عن نفسها اتشوّهت وبقت شايفة نفسها دايمًا في المؤخرة.

ملاحظات مهمة على المسلسل والتربية 🎬
المسلسل وضّح نقطتين أساسيتين:
· الأمراض النفسية حقيقة مش "مزاج" ولا "قلة تربية": اضطرابات زي الكذب اللاإرادي أو هوس السرقة أو اضطرابات الشخصية حالات قهرية محتاجة فهم وتشخيص وعلاج، مش شتيمة أو وصم.

· جروح الطفولة ما بتتنسيش: الحرمان العاطفي، غياب الأب، التفكك الأسري، التفرقة بين الأبناء… بتظهر في الكبار على شكل اكتئاب، قلق، كذب، هوس سرقة، اضطرابات في العلاقات.

إزاي نحمي أولادنا من السيناريو ده؟ 👨‍👩‍👧‍👦
لو عايز تحمي أولادك من الاضطرابات دي، ركّز على:
· علاقة أسرية متوازنة: بلاش تفرقة بين الأخوات، واشتغَل على إشباع الاحتياج العاطفي (حضن، كلمة حلوة، وقت خاص مع كل واحد فيهم).
· الاستماع بلا حكم: افتح قناة آمنة للحكي، عشان ابنك أو بنتك ما يضطروش للكذب أو التمثيل لمجرد لفت الانتباه.
· وعي وتدخل مبكر: تكرار سلوكيات زي سرقة حاجات تافهة، كذب مستمر بلا سبب واضح، تقلبات حادة في المشاعر… إشارات محتاجة تقييم نفسي مش عقاب وإهانة.

رسالة أخيرة من "ميدتيرم" 🎓
المسلسل بيقول إن جيل الشباب ده مش "تافه" ولا "عايش ورا الشاشات" بس، لكنه شايل جواه طموحات وأحلام وخوف ووحدة… وأغلب مشاكله النفسية جذورها في البيت وطريقة التربية والبيئة اللي اتربّى فيها.

ربنا يعينّا على أولادنا ويرزقنا الهداية والصلاح في رحلة التربية 🌹

#ازيك

12/01/2026

مشكلتي بتتلخص إنى دايما مستنية حد منصف ..حد يقول الحق .. حد يقول لفلان انت غلطت وهتتحاسب .. حد يعرف المؤذي إنه أذى غيره .. حد يكون صوته عالي ومبيخافش غير من ربنا ..
مع كل موقف وكل ابتلاء يحصلي .. لقيت .

=إن الباطل صوته عالي وحواليه ناس بتطبل .. ف محدش هيسمعك
=إن بجاحة المؤذي وغيره كفيلة إنها تخلي صاحب الحق ساكت وأخرس ويفوض أمره لله عشان عارف الاذى ال هيطوله أكتر لو اتكلم ..
=إن الناس لاتؤتمن حتى لو من دمك .. وده ربنا ذكره ف القرآن إحنا بس لما عشناه مقدرناش نستوعبه ..
=إن السكوت بقى دايما أفضل مليون مرة من الكلام ..
=إنك بسهولة هتلاقي فلان ال اذاك وانت بتواجهه بينكر عادي بكل برود انه عمل كدة وسيبك تضرب كف ع كف ويحسسك إن العيب فيك ..
=هتلاقي ال بيغلط معندوش اوبشن الاعتذار او الخوف من. ربنا حتى إنه أذى بني ادم .. هيتحاسب عنه ف كل مرة الانسان ده هيحس بألم عاشو بسببه ..
=هتلاقي اللي بيكدب وبيصدق نفسه .. هتلاقي ال حلفان ربنا في بوقه زي اللبانة كدب .. وعادى جدا يمسك المصحف يحلف عليه أيمانات مغلظة وهو كذاب والكذب بيخر منه
=هتلاقي ال بيرميك بالباطل ومش حاسس انه عمل فيك حاجة
= هتدرك ف النهاية إن البجح هو ال عينه قوية .. ال مبيخافش ربنا هو ال عينه قوية. .. هتعرف ان مش كل حاجة عايزة كلام ..
هتعرف إن انت في فتنة عظيمة محتاجة صبر وجهاد وتحمل عشان تفضل ثابت ع مبادئك وسط دنيا مافيهاش أدني شيء. يخليك حتى عندك قابلية للحياة عموما .. فتنة هتخليك تشك في نفسك وتتلخبط وضميرك يأنبك وممكن تصدق كذبهم عليك من كتر فجرهم بجد ..

المصيبة الكبيرة إن وسط كل ده تلاقى ناس بتسمعلهم وتصدقهم من غير ما تتحقق أو تتأكد بيعوموا على عونهم وخلاص
قمة الفسق والفجور والله
ربنا يتولانا برحمته

والحمد لله على حسن تربية أهالينا لينا وأننا مننطقش غير بالحق لو على رقبتنا
مش نتلون علشان نكسب ود الناس واحنا من جوانا عارفين حقيقتهم كويس وحضرنا بنفسنا مواقف مخزية ليهم

اي حد بيعين حد على الظلم والباطل عليه من الله ما يستحق

في النهاية "واصبر فإن الله لا يضيع أجر المحسنين "
حسبنا الله ونعم الوكيل..حسبنا الله سيؤتينا الله من فضله إنا إلى الله راغبون

ولله الأمر من قبل ومن بعد وأفوض أمري إلى الله 🤲

#ازيك

10/01/2026

🧠 عندما تلبس "الأم المتسلطة" قناع الضعف وتخوض معركة السيطرة باسم البرّ...

في علم النفس، تُعرف "الأم النرجسية" بأنها النموذج الأكثر تعقيدًا وذكاءً في السيطرة العاطفية.
هي لا تصرخ، لا تُجبر، لا تهدد علنًا…
بل تُتقن فن التلاعب الهادئ والمموّه، خاصة بابنها الذكر، الذي تزرع فيه مشاعر الولاء الأعمى والذنب العاطفي منذ الطفولة.

كيف تفعل ذلك؟

1. تغليف السيطرة بغطاء الحب

الأم المتسلطة لا تقول: "افعل ما أريد"
بل تقول: "افعل ما يجعلك ابنًا بارًا".
البرّ يصبح سلاحًا ناعمًا، يغرق فيه الابن بين الذنب والتقصير، حتى يربط سعادتها بخضوعه الكامل.

2. اللعب على وتر "أنا مظلومة"

تصوّر نفسها دائمًا كضحية:

تلمّح بأنها وحيدة.

تبكي أمامه دون مبرر واضح.

تتحدث عن تضحياتها، وإهماله لها.

تلمّح أن زوجته أخذته منها.

وأنه فضلها عليها

وتوهمه بأنه يطبعها حتى فى طلاقه لها بدون أسباب وإلا ستغضب عليه ليوم الدين!! ( حدث بالفعل )

🔁 النتيجة:
يتحول الابن من زوج ناضج إلى طفل مذنب،
يعتقد أن عليه أن "يعوّض" أمه عما فعلته به الحياة... حتى لو كان الثمن زوجته وأولاده وحياته الزوجية.

3. التشويش التدريجي على صورة الزوجة

من أخطر الأساليب النفسية:

لا تهاجم الزوجة مباشرة.

بل تُبث الشكوك: "أصبحت باردا منذ أن تزوجت"، "ألم تلاحظ أنك تتغير؟"، "أنا لا أتدخل لكنني خائفة عليك".
لقد أصبحت تتحكم بك وتسيطر عليك وتأخذك منى بعد تعبى فيك كل هذا العمر

بمرور الوقت، تشوه صورة الزوجة في ذهنه دون أن يدرك: حتى أنها تزرع فى عقله وأذنيه أنها سيئة وشريرة وشخصيتها أقوى منه بل منهم جميعا

حتى لو حدث موقف بكل تفاصيله أمام عينيه تحوله فى نظره وسمعه وبصره وقلبه أيضا أنها أخطأت وكذبت لتوقع بيننا

ما عاد يشعر بالأمان معها،
يفقد ثقته بها دون سبب منطقي،
يتحول الحنان إلى جفاء،
والقرب إلى بعد،
والكلمات الجميلة إلى صمت أو انتقاد.

4. إقصاء الآخرين والسيطرة الكاملة

بهدوء ودهاء، تُبعد كل من يشكل تهديدًا على نفوذها:

زوجة الابن.

أصدقاءه المقربين.

وحتى أقاربه الذين يذكرونه بحقيقته.

🔍 هذا ما يسميه علماء النفس:

> "التحكم بالدوائر العاطفية – Emotional Enmeshment"،
وهي حالة يعيش فيها الابن داخل فقاعة أمه، يراها المظلومة، الصادقة، الطاهرة... والباقي؟ مشوشون، مزيفون، أو أنانيون.

⚠️ كيف يشعر الزوج بعد ذلك؟

في البداية:

يعتقد أنه يرى الحقيقة.

يشعر بالانزعاج من زوجته.

يظن أنها تغيرت، بينما الحقيقة... أن عدسة عينه تغيّرت، بفعل تأثير خارجي خفي.

ثم لاحقًا… تبدأ الأسئلة الصامتة:

لماذا لم أعد أرتاح قربها؟

متى بدأت علاقتنا تبهت؟

لماذا أصبحت أمي مرجعيتي بدلًا من قلبي؟

وحين يفقد الحب…
ويفقد الونس…
ويفقد الشغف…
قد يفهم، ولو متأخرًا، أنه لم يكن يُحب "أمه فقط"، بل كان عبدًا لصورتها في داخله.

تحركه تماما كقطعة شطرنج 👌🏻

#ازيك

10/01/2026

في لقاء تليفزيوني المذيعة بتسأل دكتور مجدي يعقوب بتقوله إيه اللي بيتعب القلب يا دكتور ؟!

رد عليها وقالها : حاجات كتير لكن أوحش حاجة هو الحزن ..معظم المرضي اللي بتجيلي وعندها مشاكل ف القلب بيبقي سببها الحزن !! ..الحزن بيوجع القلب ويخلي حتت منه تضعف ..دي حاجات شفناها كتير في السنين اللي فاتت ..قلب بيبقى مكسور .. وده بيأثر عليه ..القلب مبيشتغلش بعد ما حد بيزعل جدا .. عضلة القلب بتضعف من الحزن والكسرة وممكن وقتها الإنسان يموت لو حصل مضاعفات قبل ما العضلة ترجع لوضعها الطبيعي .. وإن الحزن وكسرة القلب بتموت مش مجرد شعور إنساني

أكبر بروفيسور في القلب وأمراضه بيأكد للعالم كله إن الحزن بيموت زيه زي المسدس .. وإن الكسرة والحسرة والحزن سواء من ناس قريبة مننا أو على ناس قريبة مننا ممكن يموت .. وإن الدمعة على المخدة بليل مش دلع ومجرد مشاعر لا دي بتموت .. وإن اللي بيقعد في اوضته حزين ومكتئب ممكن يموت ..واللي بيكسر قلب حد سواء بفراق أو غدر أو كذب ممكن يموته ..واللي بينصدم في حد ممكن يموت .. واللي مبيراعيش مشاعر حد ممكن يموته .. واللي بيفارق حد ويبعد عنه ممكن يموته ..واللي بيوجع القلب بكلام جارح ممكن يموته ..وإن الحسرة من ذكريات محفورة بتوجع الروح ممكن تموت

الحزن فعلا بيموت .. ولازم الناس تدرك ده .. أرجوكم متسيبوش حد زعلان وينام وهو حزين وتقولوا هنبقى نصالحه بعدين .. انت ممكن متلاقيش بعدين أصلا .. متلاقيهوش هو شخصيا .. ممكن تصحى وتنام تلاقيه مش موجود في الحياة .. تلاقيه مات بحزنه وسابك بحسرتك عليه اللي ممكن يموتك إنت كمان .. دايرة الحزن بتفرم أي حد ..ألحقوا اللي بتحبوهم قبل فوات الأوان ومتأجلوش الكلمة الحلوة اللي ممكن تشفي حد .. ده الدقيقة بتفرق والله

اللهم إنا نعوذ بك من الهم والغم والحزن والكسرة والحسرة

#ازيك

10/01/2026

فتح الحمار مذكرة يومياته وكتب فيها :
« انا لا أعرف كـم مضى مـن الزمن على رحيــل الأســـد
ولكن وصلت في نهاية عمري إلى قناعة راسخة لكنها قاسية

و مؤلمة مفادها أن ديكتاتورية الأسد أفضل من حرية القردة والكــلاب ، فهـو لــم يكن يستعبـــدنا بل كــان يحمـينا مـــن

قـــــرود تبيع نصف الغابة مقابل المـــــــوز
وكلاب تبيع نصفها الآخر مقابل العظام.....»

من روائع الدكتور الأديب علي-الوردي .

#ازيك

د \ نهى نشأت إسماعيل - إزيك

19/02/2026

17/02/2026

22/01/2026

22/01/2026

22/01/2026

18/01/2026

18/01/2026

18/01/2026

12/01/2026

10/01/2026

10/01/2026

10/01/2026

Address

Website

Alerts

Shortcuts

Share

Category