Hero's clinic - د. إيمان سيف الدين

31/12/2025

صباح الخيرات علي اجمل واشجع ابطال ❤️❤️
اخبار الامتحانات ايه ؟؟ ان شاء الله موفقين وسكرنا مظبطين 👌👌

10/12/2025

صباح الخير علي ابطالنا
يوم جديد كله اشراق وتوفيق من رب العالمين
قولوا امين 🤲🤲

09/12/2025

بنوعدكم بواحده من اقوي ورش الغدد الصماء والسكر باذن الله
Pedia Luxor Health & Nutrition

07/12/2025

صباح الخير علي احلي ابطال
واشطر ابطال ملتزمين معانا ومحققين التارجت ،،

30/11/2025

نباطشيه في المستشفي اشوف فيها ٧٤ حاله غدد منهم حالتين دخلوا عنايه ،،، اجيبك من فين يا صحه !😭😭
ادعولي شكرا ❤️❤️


✌️✌️💪

30/11/2025

صباحكم خير ان شاء الله ❤️❤️

29/11/2025

29/11/2025

تعالوا نحكي حكايه جديده من عيادتنا
بطلنا المره دي عمره ١٢سنه بيزورنا بتراكمي ١٤ وارتفاعات بجدول قياس السكر بالاضافه لدخوله المتكرر الي المستشفي للحجز بحموضه في الدم ،،،😔😔

لما شوفنا الجرعات اللي بياخدها لقيناها كبيره جدا اكبر من المطلوب لعمره ووزنه ومع كل زياره لطبيب كان بيتم زياده الجرعات املا في انخفاض مستوي السكر للطبيعي …. وده محصلش
☘️☘️☘️☘️
بالفحص وجدنا وجود تورمات شديده في اماكن الحقن خاصه وان بطلنا بيحقن لنفسه دون مراجعه من الاهل لطريقه حقنه للانسولين .

تورم =عدم احساس بالالم =انسولين زائف لايقوم بوظيفته !!!

احد الأخطاء الشائعة اللي بيقع فيها ابطالنا وهو عدم تغيير اماكن الحقن وتراكم الجرعات في نفس المكان وعدم علاجها والنتيجه الانسولين لايصل للدم ولايقوم بوظيفته وينتج عن ذلك ارتفاع مستمر بالسكر وفقدان في الوزن وسوء الحاله النفسيه للابطال ،،،،،

الحمد لله مع المتابعه والعلاج واتباع النصائح في حقن الانسولين بطلنا رجع يتحكم في مستويات سكر الدم ويمارس حياته الطبيعيه بشكل جميل وحماس بعيدا عن اي حزن او اكتئاب
اوقات كلمه السر بتبقي حاجات بسيطه في التعامل مع الابطال بس احنا مش واخدين بالنا
✌️✌️💪💪
شكرا للاهل الطيبين ومتابعتهم للبطل وحرصهم في علاج ابنهم بشكل صحيح وكل الشكر للبطله الحقيقيه في حياته وهي جدته واصرارها في علاج حفيدها بشكل سليم ❤️❤️❤️

23/11/2025

اللهم بارك وصلت العياده مجموعه جديده من كتيبات التثقيف السكري وجداول قياسات السكر ،، مين هيلحق نسخته يا ابطال 💪💪❤️

22/11/2025

تعالوا نحكي حكايه جميله عن بطل جميل زارنا في العياده مع والده بيشتكي من قصر قامه واضح وضعف عام بالجسم
مع اخذ التاريخ المرضي للحاله عرفت من والده ان لهم عام ونص بيلف علي الدكاتره علي حد قوله وبيتعالج من جرثومه المعده لكن دون فائده 😞

كل ما سبق وجه تفكيري للعامل الخفي والذي ينتج عنه كل هذه الاعراض ولا يتم البحث عنه بشكل دوري ع الرغم من انتشاره وتاثيره علي عدد لا بأس به من الاطفال

الا وهو ( حساسيه القمح )

وقد كان تم عمل تحاليل الاجسام المضاده للمرض والتي ظهرت ايجابيه وتم تأكيد التشخيص بعدها
وتم عمل تغذيه خاليه من الجلوتين (القمح ) للطفل وبعد ثلاثه شهور استقبلنا هذا البطل مع تغير ملحوظ في الوزن والجسم
ومستمرين معه بالفيتامينات اللازمه له واتباع الحميه الخاليه من الجلوتين .

عرفتوا بقي ان اوقات كل السر يكون في التغذيه الخاطئه وان مش كل قصر قامه يكون الحل في هرمون النمو او العلاج بالحقن زي ما بتيجوا تطلبوا😊😊

فالحمد لله الذي وفقنا في علاج بطلنا وكل الشكر لوالد الطفل لاصراره في زيارتنا بالعياده لتوجيه الشكر لنا😊.
💪💪

22/11/2025

حبايبنا في اسنا هنشوفكم ع خير ان شاء الله 2/12

🎉 بُشرى لأهالينا في إسنا – الأقصر – أسوان – نجع حمادي 🎉

دلوقتي… متابعة وعلاج سكر الأطفال بقوا أقرب ليكم من أي وقت!

مع تواجد

الدكتورة إيمان سيف الدين

ماجستير طب الأطفال – جامعة أسيوط
دكتوراه طب الأطفال – جامعة الأزهر
مثقف سكري ومحاضر معتمد من الجمعية الأوروبية لسكر الأطفال ISPAD
عضو الجمعية المصرية لسكر وغدد الأطفال ESPED

لو عندك طفل بيعاني من سكر الأطفال أو حتى قريب ليك محتاج متابعة…
✋ كفاية تعب سفر للقاهرة أو أسيوط!
إحنا وفّرنا عليك كل ده، وبقينا جنبك في عيادات اليقين الطبية التخصصية.

الدكتورة إيمان متخصصة في:

✔️ تشخيص وعلاج سكر الأطفال
✔️ متابعة حسّاسة ودقيقة لمستوى السكر
✔️ تثقيف صحي كامل للأهالي
✔️ التعامل مع مضاعفات السكر عند الأطفال
✔️ متابعة النمو والتغذية الصحية للأطفال

معانا… هتطمن على طفلك وهنرسم له طريق حياة صحية آمنة ❤️

📍 العنوان: [إسنا-عزبة الخزان-بجوار مسجد النصر]
[امام ترعة اصفون-امام موقف الاقاليم]

للحجز ولاستفسار:
01116257112
01006360320
01515909753