صيدليات أبوريه

16/08/2022

قافلة طبية خيريه لاكتشاف جميع أمراض العيون وفحص كامل للعين...بالتعاون مع مركز المدينه للعيون.... أسعار الكشف رمزيه(١٠ جنيه للكشف)
يوم الجمعه الموافق19/8/2022
للحجز والتواصل والاستعلام
01211115057

22/03/2022

محتاج دوا ليك او لحد من عيلتك ومش قادر تنزل 🤔
ابعت الروشته لصيدلية أبورية على الواتساب ف الحال
وهنوصلك كل الى محتاجه باسرع وقت ✅
مع صيدليات أبورية صحتك مهمتنا♥️
للتواصل من خلال الموبايل او ع الواتساب على رقم
01200844555
فروعنا بوادى النطرون👇
📍فرع د.عمرو ابوريه 0453554004
📍فرع د.عمرو محمد عبدالوهاب 0453553302
📍فرع د.علاء الدين محمد 0453553662
📍فرع وسط المدينه 0453553309

16/03/2022

🛑مرضي #السكر اللي ناويين يصوموا #رمضان ، ضروري جدا تعمل تحليل سكر تراكمي Hba1c خلال الايام الجاية

وتاخده معاك لدكتورك عشان ممكن يغيرلك خطة العلاج في رمضان خاصة لو بتاخد الاماريل او الدولسيل او الدياميكرون او الجليماريل ..


🛑عندنا في مصر بس 7 مليون مريض سكر يعني في كل بيت تقريبا واحد ..ساعدونا في توعيتهم عشان يصوم رمضان بدون مضاعفات ربنا يكرمكم
مع تمنياتنا بالشفاء العاجل.

16/11/2021

اليوم العالمي لمرض السكر

10/09/2021

وصول الدفعه الاولى من مصل الانفلونزا الرباعي

( 2021/2022)
منظمة الصحة تحذر من تزامن احتمالية الإصابة بالإنفلونزا بالتزامن مع الوباء المنتشر حاليا
اللقاح السنه دي اسمه


👈 إيه هو مصل الأنفلونزا ؟

هو سلالات الفيروس المسبب للانفلونزا الموجوده السنه دي ميته يتم حقنها لتنشيط الجهاز المناعي لإفراز اجسام مضاده ليها في جسمك عشان تقدر تقاوم السلالات الحيه منها لو هاجمتك

👈 مين الفئات اللي لازم تاخد المصل

طبعا كل الناس وكلنا لازم ناخد المعرضين لنزلات البرد باستمرار المفروض ياخدوه ، وبخص الفئات دي /

◀طلبة المدارس
قبل دخول المدارس مع بداية فصل الخريف وبداية التغيرات المناخيه ،اللي بيبقي فرصه لانتشار الانفلونزا ، وبتكون الشكوي الدائمه لأولياء الامور نزلات البرد المتكرره من اللاختلاط

◀وكمان مهم جداا الاطفال قبل سن المدرسه اللي مناعتهم بتبقي لسه ضعيفه

◀وكمان فرصه كويسه لكبار السن فوق سن 60 اللي مش بيقدروا علي ادويه البرد اللي معظمها ممنوع لمرضي القلب والكبد

◀وكمان الحوامل بعد الشهر التالت اللي بنحاول نحافظ عليهم انهم ما يخدوش ادويه للبرد وأيضا المرضعات

◀وكل المصابين بأمراض مزمنة زي أمراض القلب و السكر و الكلي و الجهاز التنفسي و الجيوب الانفيه و حساسيه الصدر

👈ليه بنطعم ضد الانفلونزا

الأنفلونزا مرض ممكن يبقي مرض خطير جداا لانه ممكن يبقي مش مجرد نزلة برد عادية لانه بيسبب ارتفاع درجة الحرارة مع آلام في الجسم و ممكن يؤدي إلي الالتهاب الرئوي.

و عشان الأنفلونزا عدوي فيروسية فهي لا يمكن علاجها بالمضادات الحيوية
⬅عشان كده بتكون الوقاية هي الحل الأمثل.

غير طبعا تجنب الاصابه بيه بالتزامن مع الوباء الحالي

👈 ايه افضل وقت للتطعيم

الفترة الحاليه بداية فصل الخريف من شهر أكتوبر لغايه نهايه السنه

⬅و حتي شهر ديسمبر من كل عام
هي أنسب وقت و إن كان التطعيم بعد كده الميعاد بيعطي نتائج

👈 ليه بنكرره كل سنه ؟؟

لأن فيروس الأنفلونزا بطبيعته دائم التطور و التغير و لذلك فكل عام يقوم العلماء في منظمة الصحة العالمية بتحديد أفضل تركيبة لهذا العام و اللي بتدينا أكبر قدر من المناعة

👈 هو ممكن يسبب الانفلونزا ؟؟

بالطبع لا , لأن المصل يتكون من خلايا ميتة لا يمكن أن تسبب المرض نفسه.

بس ممكن يحصل أن يصاب الشخص بأدوار البرد بعد أيام من تلقيه المصل و ده سببه أن الشخص بيكون حامل للعدوي في وقت التطعيم و ما ظهرتش لسع عليه الأعراض بعد, ثم تظهر بعد أيام و يعتقد الشخص أن المصل هو اللي سبب له العدوي و هذا غير صحيح.

👈 هل بيحمي من الانفلونزا بدرجه ١٠٠%

طبعا لا ،
⬅فلا يوجد مصل فعال بنسبة 100% ولكن مع التطعيم تقل احتمالات الإصابة بنسبة كبيرة و حتى إن حدثت الإصابة فالأعراض تكون أخف و أقصر في مدتها

(وبرضه معاليك مش هتستحمي بمياه سخنه وتطلع عريان بره في البرد وتتعرض لتيار هواء متلج ومش عايز يجيلك برد
وتقول اصل انا واخد المصل مش هيجيلي برد)

👈 هل ليه اعراض جانبيه /
مفيش اي اعراض نهائي ان شاء الله

👈 موانع الاستعمال /

أي شخص يمكن أنه يأخذ المصل
ماعدا الناس اللي عندهم حساسية من البيض.

❤❤ هل بيتعارض مع لقاح كورنا

لازم يبقي فيه فاصل بين اللقاح و مصل الانفلونزا اسبوعين

ولو تعافيت من كرونا افصل برضه اسبوعين



ما تخدش المصل وانت عندك برد ، لازم تكون سليم 100%

ا👈👈 ايه حكايه التطعيم الرباعي ؟؟

( تطعيم انفلونزا رباعي) Influvac Tetra
و دة غير التطعيم الثلاثي بتاع السنين اللي فاتت

فيروسات الانفلونزا دي فيه منها انواع منها :A و B بتتقسم للسلالات

التطعيم الثلاثي :
(سلالتين من نوع A + سلالة واحدة من نوع 😎

التطعيم الرباعي
( سلالتين من نوع A + سلالتين من نوع 😎

-👈👈الجرعه

اولا قبل سن 3 سنين
لازم في حالات الضرورة فقط باشراف الطبيب وبيبقي نص المصل

🌹 فوق 3 سنين حتى 9 سنوات
بياخذ المصل كله
بس بشرط ان الطفل لو كان اول مرة يأخذه فى حياته
لازم يكرر الجرعة بعد شهر

🌹 10 سنين فيما فوق
بياخذ المصل مرة واحدة فقط

ياخذ تحت الجلد أو عضل بعمق

👈 سعره و اماكن تواجده

ب ١٧٠ جنيه موجود في صيدليات ابوريه

23/04/2020

02/03/2020

🔴 الاعراض اللي عند ابني دي كورونا ولا برد عادي ؟! اعرف ازاي ؟!

نركز بقى في اللي جاي :

✋🏼 اولا عشان نطمن الامهات :

1. فيروس الكورونا بالذات و على عكس باقي الفيروسات التنفسية بيجي بصورة اخف جدا في الاطفال مقارنة بكبار السن

2. حالات الاصابة في الاطفال اللي اقل من ٥ سنوات نادرة جدا ،، و ده معناه ان الاطفال في المرحلة العمرية دي محميين بصورة طبيعية (السبب غير واضح حتى الان) و مش بيلقطو العدوى بسهولة زي الكبار

3. معدل الوفيات في الاطفال اقل من ١٠ سنوات بسبب الكورونا = صفر ،،

صفر فعلا ،، لم يسجل اي حالات وفيات بين الاطفال في العالم بسبب الكورونا (عكس الانفلونزا العادية و غيرها من الفيروسات الاخرى المسببة لعدوى الجهاز التنفسي) ،، مش بس كده .. شوف رقم ٤

4. الفيروس لما اصاب طفل حديث الولادة (عنده ١٣ يوم بس) ماحتجش اي علاج نهائي و لم تظهر عليه اي اعراض تقلق ،، و خف منه من غير اي تدخل طبي
يبقى مبدأيا نطمن كده على ولادنا لأن ان شاء الله معدل الخطورة عليهم منخفض جدا حتى مقارنة بالانفلونزا العادية

🔴 طيب نجاوب على السؤال : كورونا ولا مش كورونا ؟

1. اهم عرض لازم يصاحب مريض الكورونا اللي هتظهر عليه اعراض المرض (مش الحاملين اللي مش هتظهر عليهم اعراض اصلا) هو ارتفاع درجة الحرارة ،، (٩٨.٩٪؜ من مصابي الصين - ١٠٠٪؜ من بمصابي باقي دول العالم)

مفيش كورونا من غير سخونية ،، طفلك اللي مخنفر و بيكح طول ما هو مش بيسخن يبقى ان شاء الله منقلقش

2. اهم تاني عرض هو الكحة الجافة (Dry cough) اللي موجودة في ٧٥٪؜ من المصابين ...

التاريخ المرضى لمعظم المصابين بيكون عبارة عن ارتفاع في درجة الحرارة لمده كام يوم ،، يليه كحة جافة ،، كحة ببلغم حاجة نادرة نسبيا مع مريض الكورونا و عمرها ما تكون هي اول الاعراض ،،

3. عكس دور البرد و الانفلونزا لسبب مش معروف تأثير الفيروس اقوى ما يكون بيكون على اغشية الرئة فقط و اكثر بكتير من تأثيره على باقي اغشية الجهاز التنفسي ،،

فاعراض الرشح و الخنفرة و المناخير السايبة بتطمنا اكتر و تقول ان الطفل غالبا عنده برد عادي جدا ،، في واحدة من الدراسات بتقول ان الرشح كان موجود في ٤٪؜ فقط من المصابين !

ابنك اللي بيخنفر و يبربر ان شاء الله عنده برد عادي جدا زي اللي بيجيله كل سنة ،، اطمني ،، مش كورونا

4. إلى الان ،، الغالبية العظمى من المصابين بيه لازم يتوفر فيهم شرطين : ١.كان ليهم تاريخ مرضي بالسفر للدول الموبؤة أو: ٢.الاختلاط مع اشخاص مصابين ،، عدد الحالات اللي اكتشفوها بدون ما يتوفر فيهم الشرطين دول نادرين جدا و يعدو على اصابع اليد الواحدة ،،

فلو حضرتك مش بتاخدي كل فترة جولة سياحية (tour) بتلفي فيها على الصين تطلعي منها على كوريا و تقضيلك بعديها يومين استجمام في ايطاليا او فرنسا ،، يبقى نسبة ان الاعراض اللي بيعاني منه ابنك دي تبقى كورونا تقترب من الصفر ،، الكلام ده الى الآن ،، و ان شاء الله تفضل كده و ان كان مش اكيد هتفضل

طيب انا كده اطمنت ،، اقلق امتى بقى ؟!

⛔️ اعراض الخطر :

1. كحة جافة مستمرة اكتر من ٥ ايام و معندناش حاجة تفسرها يصاحبها ارتفاع في درجة الحرارة

2. صعوبة في التنفس و نهجان

3. تغير في لون الشفايف الطبيعي الى اللون الازرق

4. همدان شديد و عدم القدرة على بذل اي مجهود مع تكسير في الجسم

5. فقدان شديد للشهية مع صعوبة في البلع

6. اضطراب في درجة الوعي

الخلاصة ،، الموضوع بالنسبة للاطفال مش مقلق خالص ،، انتي تقلقي على ابنك من الانفلونزا العادية اكتر بكتير من الكورونا ،، خنفرة و رشح زي الموجودة عند كل الاطفال طول السنة و لا نحطها في بالنا ،،

نغسل ايدينا كويس بالصابون باستمراو و نداري بقنا و مناخيرنا و احنا بنكح و نعطس (المفروض ان كلنا بنعمل كده) و نبعد عن التجمعات في الاماكن المغلقة و ان شاء الله كلنا هنبقى في السليم

اطمنوا يا اخونا ،، اطمنوا و بلاش رعب. ،، انا رجعت اكتب مخصوص بعد غياب عشان اطمنكم ،،
بلاش القلق الزايد ده اللي بشوفه في عيون كل الاهالي اللي بقابلهم ،، بالنسبة للاطفال الوضع مطمئن جدا جدا الى الآن

Dr. Ahmed Amin

02/12/2019

يؤسفني اقولكم ان ادويه الاكتئاب بتزود من التفكير في الانتحار 😥
يعني مريض الاكتئاب لو لما ياخد ادويه الاكتئاب هيزيد عنده ال suicidal thoughts وخاصه ماده ال Esciatlopram ودي اكتر ماده انا عمري ما شوفت مريض بياخدها الا وسالته بتجيلك افكار انتحاريه الا وكان رده ايوه !!!!
ويؤسفني كمان اقولكم ان الادويه تمثل ٤٠% من علاج الامراض النفسيه
يعني مريض الاكتئاب هيتحسن بالدواء فقط ٤٠% مش هتحسن ميه في الميه والموضوع دا بيخلي الدكاتره للاسف كل شويه تدي مريض دواء اخر جديد ظنا منهم ان الي اخده دا مجبش نتيجه لكن الفككره الي تاييهه عن الكل وهي ان ٦٠% من شفاء المريض معتمده علي ما يسمي ب cognitive behaviours therapy جلسة التثقيف الذهني هي دي العلاج للاكتئاب الفعال والي وصل ثمنها حوالي ٣٠٠ جنيه للجلسه عارفين هي عباره عن ايه ؟
عباره عن ان الطبيب المختص بيقعد مع المريض يرتبله افكاره ويصححله معتقداته الي تسببت في المشكله

مريض الاكتئاب هو مريض سيطرت عليه ال Negative thoughts معتقدات سلبيه نشا منها افكار ومشاعر سلبيه
لذلك فممكن نلخص القصه في حاجتين
ظروف معيشه سيئه وجهل ولما اقول جهل مقصدش بيه خالص الشهادات الي عندنا ع الحائط لكن الجهل هنا جهل التأقلم وجهل السيطره علي مشاعرنا وجهل الصبر
Copied

22/06/2019

بما ان فلكيا النهارده اول يوم في الصيف ومكمل معانا ٩٣ يوم قررنا نناقش اشهر حاله ممكن نشوفها مع الاطفال وعي حمو النيل
حالات حمو النيل او prickly heat او sweat rash
ودي عباره عن حاله جلديه بيحصل فيها رغبه في الحكه والهرش في الجلد مع وجود حبوب صغيره معبئه بسائل شفاف ايه قصتها بقي ؟

كل الحكايه ان تعرض جسمك لارتفاع درجه الحراره دا بيؤدي الي تبخير الميه من الجلد وبالتالي الارتفاع المستمر دا ممكن يعملك جفاف فالجسم علشان يحافظ علي دا بيعمل احتقان في الغدد العرقيه يعني يضيق الممر الي بيخرج منه العرق للجلد بره وللجو الخارجي فبيتحبس العرق جوه الممر بتاع القناه العرقيه وتتكون طبقه بسيطه من الجلد فوقها كدا

ايه اكتر الاماكن الي بيظهر فيها ؟

للكبار > بيظهر في الرقبه ودا علشان فيها ثنيات جلديه ودا بيساعد في احتقان الغدد العرقيه
بيظهر في الكتف والصدر ودا بسبب ان المكان دا هو الي بتكون فيه الملابس ضاغطه علي الجلد ومزوده الاحتقان .

الاطفال > نفس الاماكن لنفس الاسباب بل ممكن يكون كمان تظهر في الوجه ودا بسبب عدم نضوج الغدد دي

________________________________________

بما انك عرفت الاليه الي بتحصل بيها المشكله دي يبقي ايه الحل ؟

1- ما نسيبش الاطفال في مكان فيه درجه الحراره عاليه لفتره طويله

2- نحاول نقلل من الملابس الي عليهم حاجه تكون فضفاضه وتكون قطن علشان ما تعملش احتكاك مع الجلد وتسبب التهاب وخفيفه علشان التهويه .

3- ممنوع استخدام ليفه خشنه في الاستحمام

4- بلاش استخدام الصابون الرخيص الي بيعمل جفاف شديد للجلد بيقولو فيه صابون مرطب :D الي هنتظر اقتراحاتكم باسمائهم في التعليقات

5- نحاول دايما يكون في مكان جيد التهويه

6- لو عرفتو وهو نايم كل شويه تقلبوه :D علشان يستوي ( طبعا علشان نحسن التهويه )

_______________________________________

ايه العلاج الي هنديهوله بقي ؟
1- اولا لازم حاجه مرطبه كدا علشان الولد ما يهرش ويحصل التهاب
- زي care by care - calamine lotion

2- احيانا بتكون الغربه في الحكه شديده شويه وبتحتاج مضاد للهيستامين معاها
- زي zyretic شرب

3- قالك لو الحاله شديده يبقي ممكن تستخدم كورتيزون :D تخيل بس دا في الحالات الشديده وهو واحد بس الي مسموحلك تستخدمه
- هيدروكورتيزون 1% علشان تركيز قليل لما يحصل امتصاص يبقي المشكله منه قليله

4- بيقولك لو عندكو بطيخ افتح بطيخه كبيره وقعده فيها :D او تدليك بقشر البطيخه فيها كميه مرطبات عاليه

5- ممنوع استخدام اي مستحضر فيه زيوت علي الجلد نهائي لانها هتسد المسام

6- ممنوع بردو استخدام البودره زي التلك وغيره بردو بتسد المسام

ابوس راسكم الموضوع مش معدي علشان الناس الي شوفتها بتقول لاولادها ابعدي عن الطفل دا علشان عنده مرض معدي :(

لا تنسوني بصالح دعائكم واتمني مشاركه البوست لنشر الفائده

23/12/2018

هام .. مفيش أى اختبار حساسية مطلوب عالمياً غير حقنة البنسلين ، بمعنى ...
ممكن نعمل اختبار الحساسية لحقنة "سيفترياكسون" و تبقى النتيجة سلبية وزى الفل وندى الحقنة ويحصل برضه reaction سبحان الله !

والطفل يجيله برضه صدمة تحسسية Anaphylaxis .

وده مش كلامى ده كلام كل الهيئات العالمية زى الأكاديمية الأمريكية للحساسية والمناعة AAAAI وغيرها .

يبقى الصح ان الحقن تتاخد فى مكان مجهز لإسعاف الطفل فى حالة حدوث الصدمات التحسسية.

وأى عضو فى فريق العمل الطبي( طبيب ، صيدلى، ممرض) لازم يكون عارف ازاى يتعامل مع الصدمات التحسسية ومجهز أدوات مخصوص للموضوع ده

علشان كده هنقول نعمل إيه بالترتيب :

الصدمة التحسسية دى رد فعل عنيف ممكن ييجى فى جهاز واحد فى الجسم

فى الجلد : على شكل انتفاخ وتورم وإكزيما عنيفة

أو

التنفس : كحة شديدة ، و ضيق نفس ، تورم حنجرى واختناق.

أو

القلب : انخفاض ضغط وتسارع نبضات مع إغماء وفقدان وعى

أو

الجهاز الهضمى زي قئ مستمر مع إسهال وجفاف .

أو قد يصيب جهازين مختلفين بمعنى تورم الوجه مع كحة

أو قئ مع احمرار عين وضيق نفس

والعلم بيقول 👌

أعراض عنيفة تصيب جهاز واحد = صدمة تحسسية .

أعراض متوسطه تصيب جهازين = صدمة تحسسية.

نعمل إيه 🤔

1. ننيم الطفل على الأرض مستوياً ونرفع رجله على كرسي بحيث الدم يوصل للمخ .

2. "فوراً" أمبول أدينالين تركيز ١ملجم /١ مل يتحلّ على ٩ سم محلول ملح يبقى عندنا ١٠ سم كاملين .

بندى ١ سم من المحلل "عضل عميق فى الفخذ الأمامى" لكل ١٠ كيلو من وزن الجسم .

يعنى طفل ١٠ كيلو ياخد ١ سم ، ٢٠ ياخد ٢ سم ٣٠ ياخد ٣ سم بحد أقصى ٣ سم منديش أكتر منهم حتى لو طفل فوق ٣٠ كيلو .

وفيه كتب بتقول مانحلش الادرينالين ، ولكن ناخده بدون تخفيف ، شرطة لكل كيلو

3. أكسجين فوراً فى حالات ضيق الصدر والإختناق .

4. طيب وإبرة الكورتيزون ؟

مش هتسعفنا فى الصدمات التحسسية عشان على ما تعلى فى الدم بتاخد ساعة تقريباً فممكن تستخدم فى الأعراض البسيطة والمتوسطة.

5. طيب عرفنا امتي ندى الادرينالين ..

امتي بقي ندى أدوية الحساسية زى حقن الكورتيزون ( السوليوكورتيف )

و أدوية الحساسية زي افيل و زيرتك وكلاريتين ؟

لو الطفل ظهر عليه أعراض خفيفة "فى جهاز واحد " زى احمرار حوالين الفم أو بقع جلدية (إكزيما) بسيطة فى أى مكان فى جسمه أو أعراض تنفسية بسيطة زى رشح كحة احمرار عين بسيط دعك >>> بنصبر ٢-٥ دقايق ونراقب الطفل ..

>> لو انتشرت وزادت جداً في الجسم كله أو انتقلت لجهاز تانى زى ضيق نفس أو كحة شديدة أو ترجيع

>> ندى فوراً أدرينالين كما سبق .

>>> لو ثبتت الأعراض كما هى ولم تنتشر >> ندى مضاد حساسية أو كورتيزون .

👌الفكرة هنا اننا لو ادينا دوا حساسية فى بداية ظهور الأعراض البسيطة هيغطى علي الأعراض الظاهرية

وممكن الطفل يدخل فى صدمة تحسسية وفقدان وعى بدون إنذار خارجى - عشان مضاد الحساسية- غطاها.

شير علشان البوست يوصل لكل أم وأب وطبيب 🙏

د.أحمد الخطيب .

مدرس مساعد طب الأطفال وحديثى الولادة.

عضو الأكاديمية الامريكية للحساسية والمناعة.

عضو الكلية الأمريكية للحساسية والمناعة .

20/10/2018

بإختصار شديد وبدون عمل ازعاج للناس، أي حد يطلع تحليله إيجابي في حملة المسح عن فيرس سي، فهو حالة من تلاتة..

1. ليس مريضا،،،، بمعني انه أخدت علاجات فيرس سي قبل كدا وتم الشفاء منه وكدا كدا الأجسام المضادة هتديك إيجابي والفصل هنا ال PCR، فيجب سؤال الناس جيدا، لأن الموضوع ببلاش هتلاقي ناس كتيرة اتعالجت منه وجي تعمل التحليل بردو من غير ما تعرفك...

2.. ليس مريضا، ودي احتمالية لن تزيد عن 2% من الحالات اللي بتدينا إيجابي و الفيصل هنا أيضا ال PCR

3.. مريض فيرس سي، ودا هيمثل النسبة الأكبر، وعمل ال PCR للتأكيد، وقيمته العددية ليست دليل علي شدة الحالة لا من بعيد ولا من قريب سواء كان بالملايين ام ب العشرات..

مهم جدا جدا جدا انك تترك التحليل لمدة 20 دقيقة للتأكد من النتيجة، فقط لا تظهر نتائج التحليل الا بعد 5 الي 20 دقيقة، وبالتالي ممكن بعد خمس دقايق وتقول للمريض تحليلك سلبي ثم بعد شوية يديك إيجابي

ربنا يحمي كل المرضى
منقول

19/10/2018

لقاح الانفلوانزا سؤال وجواب ..
المصل بدا يتوفر بالصيدليات حاليا ب 65ج
و متوفر في مكاتب الصحه ب50 ج

س. متى يجب عليّ أخذ التطعيم؟ (في أي وقت من السنة)؟
ج. يجب أخذ اللقاح متى توفر، عادة يكون متوفرًا في شهر أكتوبر، ولكن يجب الاستمرار بأخذ اللقاح في أي وقت طوال فصل الشتاء مادامت فيروسات الإنفلونزا سارية ومنتشرة حتى في شهر يناير.

س. لماذا يجب تكراره سنويا ؟
ج. تتميز فيروسات الإنفلونزا بالطفرات المتعددة، تلك الطفرات تتسبب في تغيير شكل الفيروس مما يمكنها من خداع الجهاز المناعي للإنسان، وعادة ما تحدث تلك الطفرات سنويًّا، ولمواكبة هذه الطفرات تتغير لقاحات الإنفلونزا الموسمية سنويًّا؛ لتتناسب مع السلالات المنتشرة كل شتاء، وبالتالي يصبح لقاح العام السابق لا يناسب هذا العام..

س. هل هناك فرق بين أعراض الإنفلونزا ونزلات البرد أم لا؟
ج. يخلط البعض بين مرض الإنفلونزا ونزلات البرد الخفيفة (الزكام) مما يجعل البعض يتهاون بمرض الإنفلونزا، وهذا غير صحيح بالمرة؛ حيث إن الإنفلونزا على عكس نزلات البرد يمكن أن تسبب مضاعفات خطيرة وقد تصل في بعض الأحيان إلى الوفاة. وقد ثبت علميًّا أن الإنفلونزا الموسمية تصيب سنويًّا حوالي 600 مليون شخص، ويموت بسببها ما يصل إلى 500,000

س. ما الفئات الواجب عليها التطعيم ضد الإنفلونزا؟
ج.المرضى بامراض مزمنة كمرضى السكري. المرضى الذين يعانون الربو أو الأمراض الرئوية المزمنة الأخرى.المصابين بأمراض القلب المزمنة... الخ.
الأطفال من سن 6 أشهر إلى 5 سنوات.الفئة العمرية 60 سنة فأكثر.
جميع العاملين في الرعاية الصحية من أطباء وفنيين وطاقم التمريض.

س.ما موانع اخذ للتطعيم ؟
ج. من لديهم حساسية شديدة من البيض.
الأطفال الذين تقل أعمارهم عن 6 أشهر
الأشخاص الذين لديهم ارتفاع شديد أو متوسط في درجة الحرارة (ولكن يمكنهم أخذ التطعيم بعد أن تستقر لديهم درجة الحرارة).

س.هل يوجد تعارض بين هذا التطعيم و أي تطعيمات روتينية أخرى؟
ج.لا يوجد ويمكن إعطاؤه في نفس الوقت مع اى تطعيمات أخرى.

س.هل هناك اختلاف بين الجرعة التي تُعطى للطفل والتي تُعطى للبالغين؟
ج.نعم هناك اختلاف؛ حيث يُعطى الأطفال (من 6 أشهر إلى 9 سنوات) والذين لم يسبق أن أخذوا اللقاح من قبل جرعتين؛ بحيث تكون الفترة الزمنية الفاصلة بين الجرعتين 4 أسابيع. هذا بالإضافة إلى أن الطفل (من 6 أشهر إلى 3 سنوات) يُعطى نصف الجرعة المقررة للشخص البالغ.

دمتم بصحة وعافية 🌷