26/02/2025
رمضان كسر عاده
تخيل يكون ربنا اكرمنا بشهر نبتعد فيه عن صفات البهائم من أكل وشرب بالنهار
فنروح ننتقم بالكام ساعه بتوع بالليل باكتر من أكل اليوم الطبيعى
تخيل يكون هديه لكسر صفات السبوعيه " السباع" الافتراس و الهمجيه و نيجى نهجم و نتكلم باريحيه و سب بعد الفطار
تخيل يكون جه لتحجيم الصفات الشيطانية فنقلب ليل رمضان لخروجات وحقد و غل شوف ده لابس و ده واكل وده خارج و ده عنده ومش عندى و هكذا
حقيقى اخر كام سنه خلينا رمضان أكل و مسلسلات بعد الفطار و خروجات و حياه عاديه جدا لا تحكمها عباده
رمضان جه عشان يقربنا للصفات الملائكيه..عباده
اللى هيقلل من اكله و من كلامه و من خروجاته ومن متابعه الناس و الموبايل
هو الفائز
وكل سنه وانتم طيبين
ماتنسوش اهل غزه و السودان وسوريا من دعاءكم ❤️
ماتضيعش رمضان
