Dr.Noha Anas

26/09/2023

عيني دمعت من الفرحة ❤❤

15/08/2023

معلومة عالسريع ..
انت عارف ان ممكن يبقا حرقك ضعيف ومش بتخس بسبب انك مش بتشرب المية اللي جسمك محتاجها ..الجسم محتاج ٣٠ مل مية لكل كيلوجرام من وزنك ..
#د.نهي أنس أخصائية التغذية العلاجية وتغذية الرياضيين .
# للمتابعات الاونلاين يرجي التواصل علي الرقم 01005372560 أو ارسال واتس علي نفس الرقم ..
# تغذية علاجية # سمنة ونحافة # رياضيين

13/08/2023

بدأنا موسم ملكة الفواكه 🥭🥭 المانجو وطبعا هنسمع ناس كتير بتفتي وتقولك المانجو ممنوعة في الدايت ولو عايز تخس يبقا بلاش تاكل مانجة .. لا يا جماعة والله ال ١٠٠ جرام مانجو فيهم ٦٠ سعر يعني زيها زي باقي الفاكهة هو الممنوع منها إننا ناكل الكرتونة كلها 🤣 لكن هي من اجمل الفواكه ومليانة فيتامينات عدوا معايا ☺️.. اولا غنية بالبوتاسيوم اللي مهم طبعا بانتظام ضربات القلب وكمان انقباض العضلات .. غنية بفيتامين سي و الفوليك أسيد و فيتامين k و B 6 .. فيها فيتامين A اللي مهم لصحة العين والجلد ..غير أنها غنية بالألياف يعني بتسيطر علي مستوي الكوليسترول في الدم وكمان تقي من الامساك ..
غنية بال polyphenols ودا بيخليها مهمة للوقاية من السرطان .. شفتو بقا أن مفيش حاجه ربنا خلقها هتضرنا احنا بس نظبط كميات الاكل وكلوها بألف هنا واستمتعوا بنعم ربنا علينا 🥰🥰
#د نهي أنس أخصائية التغذية العلاجية وتغذية الرياضيين
# دايت بدون حرمان
# للمتابعة الاونلاين يرجي التواصل عالرقم 01005372560

30/05/2023

عارفين انكم ممكن تاكلوا رز ومكرونه والجسم ميقومش بامتصاصهم تعالو اقولكم ازاي بس الاول هكلمكم عن النشا المقاوم ..دا
عبارة عن نوع نشا لا يتم إمتصاصه ، ولكن البكتريا الموجودة في المعدة تقوم بتحويله إلى سلسة قصيرة من الدهون الحمضية ، يعني النشا المقاوم هو في الأساس يقاوم عملية الهضم ، ولكن هذه البكتريا تقوم بتخميره وبالتالي ليه فوائد كتير اوي أهمها أنه بيحسننا بالشبع كمان بيكون غذاء للبكتيريا النافعة اللي في الأمعاء يعني بيشتغل كبريبايوتك .. غير أنه مش بيرفع سكر الدم وليه القدرة أنه يقلل الكوليسترول في الدم ..
طب ايه الاطعمه الموجود فيها النشا المقاوم.. الرز أو المكرونة أو البطاطس بس بشرط أننا بعد مانطبخهم نقوم بتبريدهم وبعد كدة ناكلهم وبكدة نكون حولنا الكربوهيدرات اللي فيهم لنشا مقاوم .. موجود كمان في الموز بس الاخضر .. العدس والشوفان ..
#د نهي أنس أخصائية التغذية العلاجيه وتغذية الرياضيين
#للمتابعه يرجي التواصل مع الرقم 01005372560
#تغذية # صحة عامة # صحة المرأة # رياضيين # مؤتمرات

06/05/2023

تشرفت بحضوري مؤتمر من أكبر مؤتمرات التغذية في مصر مؤتمر Eashtn .. وكالعادة مؤتمر رائع وقيم 🌹

20/03/2023

♥️♥️

شاور للتاكسى و ركب
بيبص للسواق اتفاجأ من كبر سنه و من وشة الى مافيهوش مكان سليم من كتر التجاعيد الى مغطية على شكله و متبت فى الطارة و ايديه فيها رعشه خفيفة
قعد يقول مع نفسه .. مش عارف لية اول لما ركبت جنبه حسيت ان هما دول الناس الى بتقول الدنيا لسة بخير
هو : حضرتك بتسوق بقالك كتير ؟
السائق : انا بسوق التاكسى من سنة 1948
هو : و ياترى اية خلاصة خبرتك فى السواقة
السائق : نملة سودة على صخرة سودة فى ليلة كاحله الظلمة يرزقها الله
هو : قصدك اية ؟!!
السائق : هحكيلك حكاية حصلت معايا الشهر ده علشان تفهم قصدى
هو : ياريت
السائق : انا فضلت عيان 10 ايام و مبشتغلش و مكونتش قادر اتحرك من السرير و انا طبعا على باب الله و اليوم بيومه ..و بعد اسبوع ماكنش فيه فى البيت ولا مليم .. انا عارف و مراتى مخبيه عليا .. اقولها هنعمل اية يا ستي تقولى الخير كتير .. و هى عمالة تشحت اكل من الجيران و انا طبعا ولادى الى فيهم مكفيهم و كل واحد فى وادى و عنده مشاكله .. بعد 10 ايام قولت لمراتى هنزل الشغل حلفت مانا نازل الشغل عشان حموت منها .. فكدبت عليها و قولتها هروح القهوة ساعة و ارجع عشان اتخنقت و عاوز اشم هوا
و دورت العربية و قلت ياربنا يا رزاق
فضلت ماشى لحد ملاقيت عربية تاكسي عطلانة و السواق بتاعها بيقولى معايا واحد عربى طالع المطار تاخده عشان عربيتى عطلت ؟ واخد بالك من حكمة ربنا ؟ معاه 504 حالتها بريمو و عطلت , قلت له اوصله
ركب معايا الزبون و سألنى هتاخد كام قولتله الى تجيبه و أكد عليا قولتله الى تجيبه هاخده
عرفت انه رايح قرية البضايع عشان هيخلص حاجة هناك .. فقولتله انا حفيدى بيشتغل هناك و ممكن يساعدك .. و بالفعل لاقيت حفيدى هناك فى الوردية .. طبعا كان ممكن ملاقهوش .. خلصنا الحاجة الى عاوزها و رجعنا الدقى
سألنى عاوز كام؟ قولته احنا اتفقنا الى تجيبه فراح مدينى 50 جنية خدتهم و همشى .. قالى راضى قولته اه راضى نشكر لله
قالى بص يا عم الجمرك كان المفروض 1400 جنية و حفيدك خلانى ادفع 600 جنية يعنى فيه فرق 800 جنية دول طالعين من ذمتى ليك يعنى حلالك و دول 200 جنية اجرة المشوار يبقى الف جنيه و ال 50 جنية الى معاك هدية منى ليك
شفت يا استاذ يعنى مشوار واحد جابلى الف جنيه ممكن اشتغل شهر و ماجبهومش .. شوفت ربنا نزلنى من بيتى وعطل التاكسى التانى و اوجد لى كل المسببات علشان يرزقنى الرزق ده .. اصل كل ده بتاع ربنا .. دى الحاجة الوحيدة الى اتعلمتها فى حياتى 💚
Ahmed hassan.

22/01/2023

عايزة وزنك ينزل ؟ عايزة شكلك يبقي احلي ؟ عايز صحتك تبقي احسن ؟ عايزة تلبسي كل اللي نفسك فيه وترجعي زي ما كنتي ؟ لازم تبدأوا حتي لو خطوة واحدة .. أي مشوار طويل ابتدي بخطوة وفضلنا نمشي خطوات ورحلة طويلة لحد ما وصلنا .. نزول الوزن رحلة تبدأ بخطوة واحدة وبعدها نقدر نوصل لآخر الطريق .. عشان نوصل لوزن مريحنا وشكل احنا اللي حابينه وطبعا أهم حاجه صحتنا اللي محدش هيقدر يعوضهالنا .. اكيد انتم تستاهلو كل حاجه حلوة وتستاهلو صحة وحياة وشكل تكونوا راضيين عنهم ومرتاحيين .. يالا ابدأوا بأول خطوة ممكن تكون أول خطوة دي انكم تبدأوا تقللوا مثلا ال fast food أو انكم تزودو شرب المية اشربوا مية كتير أو انكم تبدأوا تتمشوا ربع ساعه في اليوم .. يالا قوموا استعينوا بالله وابدأوا بأول خطوة في الرحلة دي وربنا هيعينكم 🥰 وابعتوا قولولي بدأتوا ولا لسه 🥰
#د نهي أنس أخصائية التغذية العلاجيه وتغذية الرياضيين..
# للمتابعة يرجي ارسال الرسائل عالبيدج أو عالواتس عالرقم 01005372560

22/01/2023

بطلتنا انهاردة الفراولة 🥰 من اجمل واحلي الفاكهة الموجودة .. الفراولة مليانه مضادات أكسدة يعني بتحمينا من السرطان وبتزود المناعة بتاعتنا .. كمان فيها فيتامين سي غير أنها مليانه ألياف وفيها فيتامين A وبوتاسيوم .. غير بقا أنها من اقل الفاكهة احتواءا علي سكر كل 100 جم من الفراولة فيهم أقل من 5 جم سكر شفتو بقا جمالها 😀 بس مهم جدا نغسلها حلو اوي ننقعها في مية وملح وخل عشان نتخلص من الكيماويات والمبيدات .. يارب دايما بصحة 🌹
#د.نهي أنس أخصائية التغذية العلاجيه وتغذية الرياضيين
# للمتابعة اونلاين او واتس عالرقم 01005372560
# صحة #تغذية علاجية #تغذية رياضيين # صحة المرأة # سعر الذهب # سعر الدولار # صحة عامة #

14/01/2023

تعرفوا أن الفلفل من أكثر المصادر الغنية بفيتامين c خصوصا الفلفل الاصفر حيث تحتوي الثمرة الواحدة علي 218 مجم فيتامين سي ..🌹

13/01/2023

Like and follow👇👇