11/08/2025
عشان تصيفي وتنبسطي من غير ما تبوظي الدايت الموضوع محتاج شوية تخطيط صغير
و اختيارات ذكية مش حرمان.
*هقولك ع خطوات مهمه اعمليها:
🍽 الأكل:
1. ابدأي يومك بفطار مليان بروتين (بيض، زبادي، جبن قريش، أو شوفان) عشان تحسي بالشبع.
2. في الغدا لو هتخرجي، اختاري المشوي أكتر من المقلي (سمك، جمبرى، فراخ).
3. خلي طبق السلطة كبير وحطيه أول حاجة قبل أي أكل تاني.
4. لو هتجربي أكل جديد، كلي كمية صغيرة واستمتعي من غير ما تتخمّي متوصليش لمستوي الشبع يعني .
🍦 الحلويات والآيس كريم:
جربي آيس كريم فواكه طبيعي أو سموزي .
لو نفسك في الحلويات خدي قطعة واقسميها مع حد بدل ما تاكليها لوحدك.
🥤 المشروبات بتاعتنا :
قللي المشروبات الغازية والعصاير اللي مليانه سكر ، خليكي ف العصائر الفريش بدون سكر او الايس تي مع نعناع عشان تكوني فريش من غير سكر أو الايس كوفي بدون سكر .
جربي مشروبات ديتوكس بالفواكه تفاح او كيوي أو نعناع في المياه خلال اليوم .
🏃♀️ النشاط اليومي اللي لازم تعمليه:
استغلي المصيف في المشي على الشاطيء أو السباحة (بتحرق سعرات حلوة).
اتمشي مسافات طويلة وانتي بتتفرجي ع البلد.
💡 تريكات مهمة لازم تعمليها :
خدي معاكي سناكس صحية (مكسرات، فواكه مجففة، خضار مقطع).
حطي قاعدة: وجبة واحدة فري في اليوم والباقي يكون ملتزم.
اشربي مية كتير طول اليوم مش اقل من 3.5 لتر عشان الجوع الكاذب بيكون عطش أوقات.
*وأخيراً استمتعوا 🌊
#الصيف #مش _هنبوظ_الدايت💪🏻
