Dr-Muhammed Fayez

Dr-Muhammed Fayez في بيدج super pharmacist لا نبتكر المعلومة ولكن نبتكر طريقة لعرضها 🌻

07/08/2024

صلوا علي النبي

- السلام عليكم انا اسمي د. محمد فايز خريج كلية صيدلة وان شاء الله هبدأ اتكلم معاكم ف البيدج دي عن منتجات الكوزمو المصرية...
21/06/2023

- السلام عليكم انا اسمي د. محمد فايز خريج كلية صيدلة وان شاء الله هبدأ اتكلم معاكم ف البيدج دي عن منتجات الكوزمو المصرية والمستوردة ...
و اول حاجة هنتكلم عنها وهي ال Foot care تشققات القدم ..
- طب تعالوا نشوف المنتجات اللي ممكن تستخدمها ف الصيدلية وتعالج تشققات الكعوب :-
1- ارشحلك من المنتجات المصرية وسعرها كويس منتج زي Urecare او Carbamide كريم
طريقة الاستخدام :- مرة كل 12 ساعة
2- طيب لو عايزين بقا منتج بيحتوى ع Urea + salicylic acid ودا كويس عشان لو ف اي جلد ميت Skin dead نعملها تقشيير طب زي مين ؟ عندك منتجات زي Heel forte دا ممتاز
طريقة الاستخدام مرة كل 12 ساعة
3- طيب لو عايزين حااجة اعلى وسعر عالي هندخل علي ..
- عندك منتج اسمه Eucerin intensive foot cream او BABE foot repairing
- دا عبارة عن كريم للقدمين يعمل ع ترطيب الجلد الجاف ويعالج من تشققات الكعوب
- ويقلل من الاحساس بعدم الراحة
- بيترك الجلد نااعم ومريح

* يستخدم مرتين يوميا
- كدا انا قولتلك المنتجات اللي سعرها رخيص واللي سعرها غالي بالترتيب و اي سؤال اتفضلوا ..

15/04/2023

لا ألم يستمر ، ولا حزن يدوم ، ولا حال يبقى ، والخير لا محالة قادم..

17/02/2023

First aid
ازاي تتعامل مع عضة الكلب و القطة والانسان :-
- تعالوا نتكلم الاول عن عضة الانسان متستهونش بيها ليه ؟؟ لان اولا فمك فيه كمية كبيرة جدا من البكتيريا يعني اعتقد بيكون ف حوالي 100 مليون بكتيريا لكل ممم من اللعاب تخييل انت بقا .. ومن حكمة ربنا انك انت بتتعايش معاها من غير ما نتأذى منها ..
بس مش عاوزك تنسي خالص ان في بكتيريا موجودة ف الفم وهي ال anaerobe وبالتالي لم الكتيريا دي هتدخل جوه الجرح طب العمل ايه ؟؟؟
- اياك تنسي تعطي مضاد حيوي اسمه metronidazole طب ليه ؟؟ عشان بيشتغل كويس ع البكتيريا دي
- و اياك تخييط الجرح ممنووووووووووووع
- هتغسل الجرح كووووويس اوي اوي اوي ب normal saline + Betadine بالتبادل مع بعض لحد ما يكون الجرح كووويس اوووي ونضيف جدا
- وهنعطي كمان antibiotics قرص كل 12 ساعة لمدة 5 ايام
- وهنعطي Topical antibiotics
- وهنعطي NSAIDs بس كدا
* طيب لو عضة Snake تعبان ؟؟
بص بكل بساطة عاوزك تهدى المريض ع الاخر وتعرفه ان اكتر من 60 % منهم مش سامين ف متخافش انت كل اللي هتعمله هتربط ايده من فوق الجرح بس مش اوووي ركز بالله علييك عشان متربطش ايده اوي ف دراعه يحصل فيه غرغرينة لالالا انت هتربط ايده بس تخلى ف بين ايده وبين الرباط مسافة تعدي صابعك اشطا ؟
وهيروح المسشتفي هياخد مصل التعبان طب عبارة عن ايه ؟
هيجيب 4 امبولات وتحطهم ف محلول ملح وتعطيهم للمريض وهيعمل تحليل سيولة زي ايه ؟
PT و PTT بس كدا عشان نشوف سيولة الدم اخبارها اي ؟
** ام عضة الكلب و القطة هتعمل نفس اللي عملته في عضة الانسان بخلاف بس انه هيروح المستشفي ياخد المصل ع طول
بس كدا

تعالوا نشوف ازاي ف الصيدلية انت ممكن تكبر الشيفت بتاعك بكل سهولة عن طريق حالة OTC زي اللي معانا دي - حالة االنهاردة وهي...
14/02/2023

تعالوا نشوف ازاي ف الصيدلية انت ممكن تكبر الشيفت بتاعك بكل سهولة عن طريق حالة OTC زي اللي معانا دي
- حالة االنهاردة وهي عبارة عن Mild acne
ومين فينا مجالوش حب الشباب !!
مين فينا مجالوش حب الشباب ايام الامتحانات وبعد التوتر والقلق او استخدام كريمات مجهولة المصدر !!
طيب هتعمل ايه او هتعملي ايه لو دخلت عليكي بنوته قالتلك انا عاوزه حاجة فعالة وكويسة لعلاج حب الشباب اللي ظهرتلي دي ع سبيل المثال الصورة اللي قدامكم دي هتعملي ايه !!!
- بص في دكاترة اول ما تشوووف الحباية تجري جري تطلع المضاد الحيوي antibiotics وبس كدا وخلاص انا بقا مش عاوزك تعمل كدا ...
تعالوا نمشي مع بعض خطوة خطوة ...
1 -هنشوف هل البشرة جافة ؟ ولا دهنية ؟؟ ولا مختلطة ؟؟
غالبا وبنسبة 90 % هتبقي مختلطة او دهنية يبقي انت هنا لازم تطلع Cleansing كوويس ينضف البشرة وكمان يقلل النسبة العالية من ال sebum طب زي ميين ؟؟
عندك مثلا منتج كويس اسمه AVENE واكييد كلنا نسمع عنه بس خلي بالك انه بيعمل للبشرة DRY شديد وخاصة لو كانت مختلطة ف هنا انت لازم تعطي معاه مرطب ولو مش حابب ال AVENE
عندك منتج تاني حلو جدا اسمه Star Ville دا مرطب بس الاقوى هو Avene
هتقولي ي محمد هما دول بس اللي هستخدمهم ؟؟ هقولك لاء مكن تستخدم اي مرطب من اي شركة تانية بس انا بقولك المشهوور اكتر ..
طيب كدا احنا خلصنا ال Cleansing
تعالوا ندخل بقا علي جزء ال Treatment :-
- هنا بقا هنستخدم ال Topical antibiotics such as clindasol
- تاني حاجة هنضيف جزء ال Vitamin A such as marbalene cream عشان يجددلي خلايا البشرة ب استمرار
- اياك تعطي اي Exfoliation و الحالة متحسسة اياااااااك
بس كدا

20/01/2023

كان النبي ﷺ

طويل السكوت لا يتكلم في غير حاجة، وكان لا يتكلم فيما لا يعنيه، ولا يتكلم إلا فيما يرجو ثوابه، وإذا كره الشئ عُرف في وجهه. .

21/12/2022

تعالوا مع بعض نعرف اي اللي ممكن يحصل لما نأكل طعام بيحتوى علي Triglyceride او على Cholesterol ؟
عشان ال Triglyceride يحصلها absorption لازم تتفكك عن بعضها يعني اي الكلام دا ؟؟
يعني ال Triglyceride دي عبارة عن three fatty acid لما يمسكوا مع بعض بنقول عليهم Triglyceride
ف عشان يحصلهم امتصاص كويس لازم ال Triglyceride يتفككوا ل three fatty acid تمم لحد هنا ؟؟
طيب معلشي يعني ممكن اي اللي بيفككهم ؟؟
اللي بيفككهم انزيم طالع من البنكرياس اسمه pancreatic lipase
طيب اي اللي هيحصل بعد كدا ؟؟
دلوقتي احنا خلاص عرفنا ان Triglyceride اتحولت الي Three fatty acid عشان يحصلها absorption
بس برضوا عشان يمتصوا ناقص حاجة مهمة وهي ال bile acid
هتيجي تحاوط عليهم وتاخدهم وتدخل بيهم ال blood
يعني من غير ال bile برضوا مش هيحصل absorption لل Triglyceride
حلو اووووووي عشان كدا جت فكرة ال orlistat
ليه هو بيعمل ايه ؟؟
بكل بساطة ال orlistat بيروح يمنع خروج ال pancreatic lipase وبالتالي ال Triglyceride مش هتتحول الي fatty acid وبالتالي مش هتمتص ولا هتدخل ال blood وهتنزل ف ال stool
بس هل ال orlistat قااادر علي منع جمييع الدهون من الامتصاص ؟؟ لاء هو بيمنع بس حوالي 30%
طيب كام معلومة تعرفهم عن ال orlistat بقا :-
1 - الطبيب هيبدأ يعطي orlistat لما نسبة ال BMI اللي هيا body mass index تعدي ال 30 كجم
2 - او لو ال BMI اكبر من 27 بس المريض عنده hypertension او diabetes او dyslipidemias
3 - عشان توصل ل maximum benefit of orlistat لازم تعمل رياضة و diet
4 - هتبدأ تلاقي نتيجة كويسة ان شاء الله بعد اسبوعين من تناولك لل orlistat
5 - ال orlistat بتمنع امتصاص ال lipid soluble vitamin ع سبيل المثال ADEK عشان كدا مبنحاولش ان احنا نستخدمه اكتر من 20 يوم ونسيبه فترة وهكذا
6 - بيقولك ان بعد استخدام ال Orlistat ستة اشهر هتنزلي حوالي 5.6 كيلو جرام 🙂 دا الصيام المتقطع ارحم منه بقا
7 - A study reported that orlistat is safe and effective in lowering serum triglycerides in children with type 1 hyperlipoproteinemia
8 - orlistat is safe and effective for treating obesity with heart failure.
9 - ال orlistat موجودة ف الصيدلية ب اسم :-
- Quick -selim
- Regimax
- xenical

السلام عليكم لما حد يدخل الصيدلية ويطلب منك حاجة للمغص (colic) انت بتحتار اطلع spasmofree ولا spasmofen ؟تعالوا نعرف ...
04/10/2022

السلام عليكم
لما حد يدخل الصيدلية ويطلب منك حاجة للمغص (colic) انت بتحتار اطلع spasmofree ولا spasmofen ؟
تعالوا نعرف مع بعض الفرق ما بين الاثنين :-
- اول حاجة ال spasmofen دا بيحتوى علي Hyoscine + ketoprofen
وال ketoprofen من عائلة ال NSAIDs وبالتالي دوره هنا Analgesic
اما ال Hyoscine دا عبارة عن muscarinc antagonist وبالتالي له دور مهم في relaxation of smooth muscle
وبالتالي بستخدمه ك antispasmodic
- مينفعش مع الحوامل والاطفال لانه بيحتوى علي Benzyl alcohol وهنا احنا بنخاق من ال gapsing syndrome
- لو هتعطي primpran للترجيع يبقي مينفعش يأخد معاه spasmofen في هنا drug interaction
------------------------------------------------------------------
اما ال spasmofree بيحتوى ع مادة فعالة اسمها Tiemonium methylsulphate
ودا برضوا بيعمل relaxation of smooth muscle وبالتالي بستخدمه ك anti-spasmodic
بس ملوش side effect خطيره
- وينفع مع الاطفال والحوامل والمرضعات
- ينفع مع حقنة primpran عادي
#دمتم

08/10/2021

السلام عليكم
ان شاء الله في البوست دا هيكون في كام معلومة مفيدة للجميع

خلي بالك ان معظم نزلات البرد بيكون سببها فيروسي ولا تحتاج لمضاد حيوي
- بلاش لما تتعب شوية او تحس بصداع او بشوية كحة تجري ع الصيدلية وتاخد حقنة الثلاثة ف واحد دي كارثة ومصيبه واللي ميعرفهاش بتكون متكونة من حقنة مضاد حيوي ومن امبول ديكسا ومن امبول مسكن .
- بلاش تأخد المضاد الحيوي من الصيدلية بالقرص حافظ ع صحتك
- الايام دي ناس كتير بتشتكي من قرح المعدة ومن مشاكل ف الكلى ودا طبعا بسبب استخدامهم للمسكنات بطريقة مفرطة
في ناس اعرفها بتأخد المسكن زي الحلاوة كدا
- ف انواع ملينات زي senna lax او picolax او minalax و حبوب اسمها nassar كل الانواع دي بتشتغل عن طريق انها بتعمل تنشيط وبيزودوا حركة الامعاء مع الوقت هتتعود عليها ومش هتقدر تروح ولا تعمل اي حمام من غيرها
عشان كدا بنبه ان مدة استخدامها لا تزييد عن اسبوع
- مشهور اوي ان البنت اللي عاوزه تطخن تروح الصيدلية تجيب حبوب ديكسازون + ترايكتين ومتعرفش انها كدا بدمر نفسها
لان الديكسازون ما هو الا كورتيزون و دا مصايبه كتير جدا اهمها انه بيحبس ويراكم الماء تحت الجلد فتبان البنت منفوخة كدا وتقولك انا كنت زدت ف الوزن الحمد لله
اما حبوب الترايكتين ف هي حبوب بتستخدم للحساسية ومن ضمن اعارضها الجانبيه انها بتزود الشهية وطبعا برضوا ليها اعراض جانبيه

14/05/2021

السلام عليكم
ان شاء الله في البوست دا هيكون في كام معلومة مفيدة للجميع
1 - بلاش تستخدمي صابونة ديتول علشان تحمى ابنك من الجراثيم لان مع مرور الوقت البكتيريا النافعة الموجودة علي الجلد هتموت وهتضر بشرة الطفل .
2 - بلاش تستخدمى مرهم كيناكومب لالتهاب الحفاضة علشان دا بيحتوى علي مضاد حيوي وهيموت ايضا البكتيريا النافعة الموجودة على الجلد وكمان فيه كورتيزون ودا غلط استخدامه جدا ممكن تبدليه بكريم اسمه zinc olive cream دهان صباحا ومساء مع Momenta cream دهان صباحا ومساء
3 - يفضل اعطاء نقط اسمها فيدروب من اول يوم حتى عمر 3 سنوات لانها بتحتوى علي فيتامين د المهم جدا في عملية امتصاص الكالسيوم وتقوية العظام والاسنان وايضا مهم جدا في الحفاظ على مناعة الطفل
الجرعة :- من عمر يوم الي سنة ياخد 4 نقط يوميا
من عمر سنتين ل ثلاثة سنين ياخد 6 نقط يوميا
4 - بلاش تلبسي اطفالك شوز لو عمرهم اقل من سنة عشان دا هيأثر علي نمو الاقدام في الاطفال
ياريت متنساش تعمل لايك وشير للبوست عشان يصلك كل جديد

السلام عليكم ورحمة الله
09/05/2021

السلام عليكم ورحمة الله

عرق النسا (Sciatica) ⏪ عندنا في العمود الفقري ما بين كل فقرة وفقرة حاجة اسمها غضروف وظيفته انه بيمنع الاحتكاك ما بين ا...
09/05/2021

عرق النسا (Sciatica)
⏪ عندنا في العمود الفقري ما بين كل فقرة وفقرة حاجة اسمها غضروف وظيفته انه بيمنع الاحتكاك ما بين الفقرات وبيستقبل الصدمات وبيسهل عملية الحركة .
♻️شكل الغضروف ؟
بيكون عبارة عن جزء خارجي اسمه annulus وجزء داخلى اسمه Nucles
لو حصل في الجزء الخارجي شبه مزق او قطع هنا بقا تبدأ المادة الجيلاتنية اللي جوه الغضروف تخرج ودي بقا حاجة اسمها انزلاق غضروفي .
⬅️ طب اي اللي ممكن يحصل بعد كدا بقا ؟
الغضروف والفقرة المنزلقة هتضغط على العصب وعلشان كدا بيحصل ألم شديد جدا ومن هنا جات تسميته بعرق النسا يعني من شدته بتنسى اي ألم تاني
❇️ طب بيحصل فين ؟
بيحصل في الرجل اليمنى وممكن في الاثنين من عند منطقة الحوض ويمتد لحد سمانة الرجل وبيكون الالم من الخلف وبيكون عبارة عن تشنج عضلى او تنميل او شكشكه وبيزيد بالالم والمجهود وبيقل بالراحه
- طب عشان تتأكد منه هتعمل اشاعة اسمها رنين مغناطيسي
♻️ طب ايه هو بقا بروتكول العلاج ؟
- Vitamin b12 such as becozyme
- muscle relaxant such as Myofen
- analgesic especially selective cox 2 inhibitors such as mobic or celecoxib
- phsysiotherapy العلاج الطبيعي
- ممكن نعطي Reparil Gel برضوا
وممكن تلاقي بعض الدكاترة كاتبين beclomethasone ودا عبارة عن Long acting of cortisone مرة واحده ولا يكرر
ولو مافيش اي استجابة بنحقن في جذر الاعصاب مادة اسمها الهاليورنيك او بنعالج بالتردد الحراري
🚫 امتي تخاف منه ؟ وهنا بقا لازم يحصل تدخل جراحي ..
- في حالة سقوط القدم يعني من الاخر مش قادر ترفع رجلك ودا بيدل ان اعصاب القدم حصل فيها تلف
- مش قادر يتحكم في ال urine
- ومتنساش تقوله بقا ينام على حاجة ناشفة قدر الامكان
- ويرتاح خالص في السرير لمدة اسبوعين او ثلاثة
#دعواتكم

Address

Mansoura

Telephone

+201029695138

Website

Alerts

Be the first to know and let us send you an email when Dr-Muhammed Fayez posts news and promotions. Your email address will not be used for any other purpose, and you can unsubscribe at any time.

Shortcuts

Share