https://www.facebook.com/105411342239720/

Sports Information - Ola Mohamed, Mansoura (2025)

25/07/2023

●هل العرق له علاقة بحرق الدهون؟⚠️
●طب لو عرقت كتير دي حاجة كويسة لنزول الوزن؟⚠️

-في ناس فاهمة انها لما تعرق كتير فكدا بتخس....مش حابة اصدمكوا بس المعلومه دي غلط✖️
⭕هعرفكوا دلوقتي اي سبب العرق واي فايدته؟؟⬇️

🔰العرق بتخلص من السوائل الموجودة في الجسم....والعرق هو نظام تبريد سريع بيحصل للجسم بمجرد ارتفاع درجة حرارته سواء كنت بتعمل رياضة او لا...بمعني انك بمجرد عمل اي مجهود بدني او التواجد في مكان حار بيرفع درجة حرارة جسمك من 36 ل 39 فيبدأ المخ يبعت للغدد العرقية فتبدأ تفرز العرق عشان ترجع درجة الحرارة ل36...عشان كدا لو بتتمرن في مكان مكيف او بارد بتلاقي في كمية عرق قليلة جدا ودا لان درجة الحرارة المحيطة بتساعد في تبريد جسمك أول بأول علي عكس الأماكن الحارة بتخليك تعرف بكثافة اكتر🤷🏻‍♀️
🔰طب اي اللي بيخلي الأشخاص الزايدة في الوزن يفرزوا كميات اكتر من العرق حتي لو في أماكن بارد؟؟؟

●السبب ان كتلة أجسامهم كبيرة جدا فبيكون محتاج تبريد مضاعف فبالتالي بيفرز كمية عرق اكتر من الشخص الطبيعي عشان يوازن درجة الحرارة.

📝ملحوظة صغننه كدا...《لازم نشرب مياه كتير تعوض السوائل اللي خرجت من الجسم "علي شكل عرق" عشان محصلش حالة جفاف لجسمك✔️

20/07/2023

-ازاى الدهون بتخرج من الجسم⚠️
طبعا في ناس كتير بتقول انها بتخرج عن طريق التعرق✖️

●ضحك عليكوا اللي قالكوا المعلومه دي لان التعرق ملوش علاقة بخروج او حرق الدهون....وان شاء الله هتكلم عن اسباب التعرق وفوائده في بوست تانى✔️✔️

🔰نفهم بقا دلوقتي الدهون بتخرج ازاى..!!⬇️
●الجسم بيخزن الدهون على هيئة دهون ثلاثية وبتتحول لدهون حمضية سائلة بارتفاع هرمون الطاقة《Sensitive Lipase》والدهون بتتنقل للكبد والكبد بيفتت الخلية الدهنية بنسبة 84% إلي ثاني أكسيد الكربون و بعد كدا الدهون بتخرج عن طريق التنفس و 16% عن طريق البول✅

15/07/2023

⚠️تحاليل لازم تعملهم سواء عايز تخس او تزيد قبل الدايت....!

⭕️بالنسبه للي عايز يخس:...
1- Homa ir ((مقاومة انسولين))⬇️
"اعراضها":سواد حوالين الرقبة او دهون البطن بدأت تزيد بشكل مفاجئ او عندك نهم كبير اوي ناحية الحلويات.
2- غدة درقية...و دي مسئولة عن عملية الحرق《Metabolism》.
3- فيتامين D...ونطمن ان مفيش تكيسات مبايض.

⭕بالنسبه للي عايز يزيد:...
1- الديدان.
2- غدة درقية.

10/07/2023

‼️هل البنات بيطلعلها عضلات؟؟!

🔰في بنات كتير بتسأل السؤال دا ودا بيكون اول سؤال بيسألوه اول مابيدخلوا جيم🤦🏻‍♀️

●بس حابة اطمنكوا ان البنات مهما اتمرنت عمرها ماهيطلعلها عضلات زي الرجالة👍🏻..هتسألوني اومال البنات اللي بنشوفها دي طلعلها عضلات ازاي زي《بيج ياسمين》مثلا...
البنات دول بيحتاجوا انهم ياخدوا ((هرمون تستوستيرون خارجى)) اكتر بكتير من الكميه اللي الراجل بيستخدمها..✅

🔰يعني مهما اتمرنتي وشيلتي أوزان تقيلة مش هتبقي زي البنات اللي بتشوفيه كدا الا لو اخدتي هرمون التستوستيرون..🤷🏻‍♀️

📌نهاية القصة دي كلها....
اتمرنى كويس...كُلي كويس...شيلى أوزان علي قد مقدرتك....عمرك ماهيطلعلك عضلات زي الرجالة إنما هتعملي عضلات تخلي شكلك لطيف وجسمك متناسق وتعملى Shape كويس🏋️‍♀️✅

01/11/2022

⚠️هل الحرق في فصل الشتاء بيقل عن الحرق في فصل الصيف؟؟

لا طبعا..حابة اقولكم ان الحرق في فصل الشتاء بيقارب الحرق في الصيف...
🔰في فصل الشتاء درجة الحرارة منخفضة فجسمك بيحاول انه يرفع من درجة حرارته الداخلية عشان يوصل للمعدل الطبيعي فبالتالي جسمك بيحرق اكتر شوية من الصيف....إنما في كل الأحوال تقدر تعمل فورمة في الشتاء وتقدر تعمل فورمة ف الصيف👍🏻

📝العامل الأساسي في الفورمة و درجة الحرق بتاعتك هو التزامك في الدايت والتمرين👌🏻

16/10/2022

🔰أهمية القهوة قبل التمرين؟!!

1️⃣الكافيين اللي موجود في القهوة عنصر فعال جدا في زيادة معدل الحرق في جسمك وكمان بيقلل بشكل غير مباشر من الشهية بتاعتك.
2️⃣الكافيين قبل التمرين بيخليك تستخدم الدهون كمصدر طاقة للجسم.
3️⃣الكافيين بيحسن من الأداء الرياضي "يعني القهوة بتساعدك انك تشبى أوزان اكتر وبتديك طاقة أطول في التمرين" .
4️⃣الكافيين بيحسن من التركيز.
5️⃣الكافيين بيقلل من آلام العضلات.
6️⃣اهم حاجة الكافيين بيعملها انه بيحسن من عمل الدورة الدموية.

📝افضل وقت تشرب فيه القهوة "قبل التمرين بنص ساعة" .

07/10/2022

🔰الفاكهة صحية ومفيدة في الدايت....لكن هل العصير الطبيعي مفيد بنفس المقدار في الدايت؟؟؟

اكل الفاكهة سليمة دا بيدينا فيتامينات ومعادن وألياف وسكر بمقدار معين لكن لما بتعصب الفاكهة بتنزع منها الألياف ودا بيقلل شعورك بالشبع وبالتالي بيرتفع سكر الدم بشكل اسرع كتير.....وكمان العصير بيخليك تستهلك سعرات اكتر من لو أكلت الفاكهة كاملة.
▪️علي سبيل المثال: "لو اكلت برتقالة واحدة هتلاقي فيها من 70 ل 75 سعر حراري لكن عصير البرتقال هتضطر تعصر من 5 ل 6 برتقالات فهتوصل لحوالي 350 سعر حراري"

🔰فالاختيار الأفضل انك تاكل الفاكهة بدل ماتعصرها هتاخد كل الفوائد بتاعتها وكمان هتلاقي سعرات حرارية اقل بكتير...

05/10/2022

⚠️هل الشوفان بيخسس ولا بيزود الوزن؟؟🤔

الشوفان باختصار هو كارب معقد يعني كارب بيساعد سكر الدم انه يكون ثابت لاطول فترة ممكنه فبالتالي الجلوكوز مش بيعلي في دمك وبالتالي قدرة جسمك علي تخزين الدهون بتكون اقل....
✅يعني تقدر تاكل الشوفان لو انت بتخس عادي بس بكميات قليلة وممكن تأكله لو انت بتزود وزنك بس بكميات اكبر.

🔰الشوفان مش حل سورى لزيادة او إنقاص الوزن....لو انت بتحبه ممكن تدخله في نظامك الغذائي ولو مش بتحبه ممكن تختار اي بديل تاني ليه من نفس نوع الكارب المعقد زي "الرز - البطاطا - البطاطس"

🔰مش لازم تجبر نفسك علي الشوفان تقدر تبدله بأي بديل تاني وبرضو تحقق نفس النتيجة👍🏻

14/09/2022

⚠️كتر البروتين اللي بتاكله هيبوظلك كليتك!!

🔰عشان نعرف هل المعلومه دي صحيحة ولا لا تعالوا نفرق مابين نوعين.....اول حاجة نفرق مابين "مريض الكلي والشخص الصحيح اللي معندوش اي أمراض تخص الكلي"
لو انت شخص مريض من أمراض الكلي فوقتها البروتين العالي ممكن يأذيك ويأثر عليك بالسلب.....إنما لو انت شخص صحيح وطبيعي زي معظم الناس اللي بتتمرت رياضة البروتين العالي ملهوش تأثير سلبي عليك.

🔰لازم تبقي عارف ان البروتين اللي بتاكله بيبدأ يتكسر وبيتحول لاحماض امينيه ولو دخل جسمك احماض امينية زيادة بتتحول لنفايات نيتروجينيه بيبدأ جسمك بيتخلص منها عن طريق البول يعني اي كمية بروتين زيادة لو أكلتها جسمك بيتخلص منها بدون اي ضرر....فانك تمشي على نظام بروتين عالي ده عمره ماهيضرك بل بالعكس ممكن يفيدك لان البروتين العالي بيساعد جسمك انه يزود الحرق فبالتالي بتفقد كميه دهون اكبر وبتبني كميه عضلات اكبر فمتخافش من اي دايت في كميه بروتين عالي طول منتا شخص صحيح الحمدلله معافى معندكش اي مرض من أمراض الكلي👍🏻

25/08/2022

⚠️اهم 3 فوائد عن اللب الأبيض!!

1️⃣من أفضل مصادر المغنيسيوم "غني جدا بيه" ....لمى انت يكون عندك نقص في المغنيسيوم بتروح تلجأ لمكمل مع انك ممكن تلجأ لحاجة طبيعية زي اللب الأبيض.
2️⃣من المصادر الغنية جدا للزنك،،فيه حوالي 14% من احتياجك للزنك والزنك مهم جدا جدا للمناعة بتاعت الجسم ومهم كمان لوظائف الغدة الدرقية.
3️⃣من أفضل المصادر اللي تحصل منها علي الألياف ودا بيحسن صحة الجهاز الهضمي وغير كدا ان الشخص لما بياخد احتياجه من الألياف بيساعده علي الشبع وبالتالي ممكن يساعده في الدايت.

🔰المهم ان احنا نخلي بالنا واحنا بنحطه في الدايت بتاعنا لان سعراته عاليه زي امثاله من البذور وكمان زي المكسرات...وطبعا ممكن ناكله بقشره لكن لازم ناخد بالنا من ان هو ميكونش متملح وممكن تحط 20 جرام منه في يومكم "سناك"

18/08/2022

🔰كل مايخص الكارديو!!
لو حد قالك عضلة القلب ملهاش تمرينة قوله لا ليها...اومال الكارديو بيعمل اي؟؟🙄
⚠️الكارديو من أهم التمارين اللي تلعبها طول حياتك ولازم تلعبها طول حياتك لانه بيشتغل علي الجهاز الدورى التنفسي اللي هو تقريبا اهم جهاز حيوي في جسمك كله.

🔰أمثلة علي الكارديو؟
العجلة،نط الحبل،طلوع السلم
الكارديو باختصار هو اي رياضة بتخلي ضربات القلب تزيد عن المعدل الطبيعي بتاعها.

🔰اي فوائد الكارديو؟
1️⃣بيزود ضخ الدم وبيساعد وصول الدم للعضلات بشكل أفضل.
2️⃣بيحسن من كفاءة الرئتين والجهاز الدورى التنفسي.
3️⃣بيساعد علي زيادة الأكسجين في العضلات يعني استشفاء اسرع يعني عضلات اكتر.
4️⃣بيساعد في زيادة كمية الأكسجين المستهلكة في الدقيقة الواحدة.
5️⃣بيساهم في زيادة عدد خلايا الميتوكندريا ودي موجودة في الخلايا العضلية وبتساهم في اكسدة الدهون وتحويلها لطاقة.
6️⃣تحسين حساسية الأنسولين.
7️⃣بيساهم في افراز هرمون السعادة.
8️⃣بيقلل خطر الإصابة بالامراض القلبية وبيحسن من نشاط الدورة الدموية.
9️⃣بيساعدك علي حرق الدهون وبيعمل عجز كبير في السعرات الحرارية.

🔰العب كارديو قبل الحديد ولا بعده؟؟
في كل الحالات مش غلط إنما يفضل انك تلعب الكارديو بعد الحديد عشان توفر الطاقة بتاعتك.
ويفضل انك تفضل الكارديو عن الحديد ويكون بينهم مسافة زمنية من 6 الا 8.

📝يفضل لعب الكارديو من مرتين ل 5 مرات أسبوعيا ودا ع اساس هدفك م التمرين👍🏻

Sports Information - Ola Mohamed

25/07/2023

20/07/2023

15/07/2023

10/07/2023

01/11/2022

16/10/2022

07/10/2022

05/10/2022

14/09/2022

25/08/2022

18/08/2022

Address

Website

Alerts

Shortcuts

Share