Etsh Psych

29/09/2025

في معاملاتك اليومية، افتكر إن الاستماع بتركيز أهم من الكلام الكتير.
أحيانًا الشخص اللي قدامك مش محتاج حل… هو محتاج بس يحس إن في حد سمعه.

الإصغاء علاج

27/09/2025

قبل ما ترد على أي كلمة تضايقك، جرّب توقف ثانيتين وتاخد نفس عميق.
اللحظة الصغيرة دي بتفرق بين رد سريع تندم عليه، وبين رد هادي يحافظ على احترامك لنفسك وعلاقتك باللي قدامك.

20/09/2025

التنازل المستمر عن راحتك النفسية مش حب… ده استنزاف

17/09/2025

العلاقة الصحية بتضيف لحياتك نور… مش بتسحب منك طاقتك

16/09/2025

جرب تكتب 3 حاجات ممتن لها كل يوم… تمرين صغير هيحسّن مزاجك بشكل كبير

13/09/2025

أحيانًا أبسط خطوة لصحتك النفسية هي إنك تتكلم .. مش لازم تحل كل حاجة لوحدك .. مشاركة مشاعرك بداية للتخفيف عنها

05/09/2025

كل عام وانتم طيبين بمناسبة المولد النبوي الشريف

شهر ٩ باذن الله هيكون شهر هنرجع فيه للنشاط مرة تانية

هيكون في محاضرة استكمالا لسلسلة المحاضرات العلمية كل خميس

هيكون في لقاء مجاني webinar هنتكلم فيه في الطب النفسي الجنسي والعلاقات الصحية

هنبدا باذن الله تفعيل منصة TikTok بreels توعية في الصحة النفسية

جاهزين 🔥

04/09/2025

في تطور علمي كبير جدا حصل الشهر اللي فات

علماء من جامعة ستانفورد قدروا يعالجوا التوحد في الفئران

لا ثواني علشان شكلك مش مستوعب اللي حصل .. قدروا يعالجوا بمعنى الاعراض تختفي تماما والفأر رجع فأر طبيعي تماما .. مش مجرد تحكم في الاعراض

تفاصيل اكتر موجودة في الورقة البحثية دي بانهم اشتغلوا على منطقة محددة في المخ مكانش في ابحاث كتير عنها اسمها reticular thalamic nucleus
بتقنية DREADD وبدوا صرع بحثي الكود بتاعه Z944

على الرغم من الاكتشاف دا لسه في الفئران فقط لكن دا بيقول ان في امل كبير جدا لنجاحه في البشر

Autism spectrum disorders (ASDs) are neurodevelopmental conditions characterized by social deficits, repetitive behaviors, and comorbidities such as sensory abnormalities, sleep disturbances, and seizures. Although thalamocortical circuit dysfunction has been implicated in these symptoms, its precis...

01/09/2025

الذكاء الاصطناعي مش بس بيقترحلك فيلم أو بيرد على أسئلتك أونلاين.. لأ، ده كمان بقى يدخل في مجال الطب النفسي

إزاي؟

تطبيقات تقدر تقيّم حالتك المزاجية من طريقة كتابتك أو صوتك 🎙️
شات بوتس تساعدك تفضفض وتاخد دعم أولي لو مش قادر توصل لمعالج 💬
تحليل ضخم للبيانات علشان نفهم أنماط القلق والاكتئاب عند فئات مختلفة من الناس 📊

لكن 👀 مهم نفتكر: الذكاء الاصطناعي "مساعد"، مش بديل للمعالج النفسي البشري.
لأن المشاعر محتاجة قلب وعقل، مش خوارزمية بس 💚

🎯 الAI ممكن يكون أداة قوية تفهم بيها نفسك وتاخد دعم، لكن العلاقة الإنسانية في العلاج ملهاش بديل ✨

31/08/2025

🎨💭
عمرك حاولت تعبر عن مشاعرك من غير كلام؟ مجرد قلم وألوان ممكن يكونوا أداة سحرية تهدي دماغك 🧠✨

ده اللي بيعمله Art Therapy:

يقلل التوتر والقلق 😌
يساعدك تفهم مشاعرك أكتر 💛
يخلي دماغك يشتغل بطريقة إبداعية بدل ما تفضل محبوس جوا أفكار سلبية 💡

مش لازم تكون رسام عبقري.. المهم إنك تعبر. حتى لو مجرد تلوين رسمة جاهزة، المخ بيرتاح والشعور بالفرحة بيرجعلك 🌈

🎯 الرسالة: التعبير عن نفسك بالفن مش رفاهية.. ده علاج للنفس والعقل 💚

29/08/2025

عمرك فكرت ليه في ثقافات معينة الناس بتشوف الاكتئاب "كسل"، وفي ثقافات تانية بيعتبروه مرض محتاج علاج زي أي مرض جسدي؟

ده جزء من الأنثروبولوجيا (Anthropology) 🧠✨
العلم اللي بيدرس إزاي الثقافة والعادات والتقاليد بتأثر على تفكيرنا ونظرتنا لنفسنا وللصحة النفسية.

مثال:

في مجتمعات بتركز على "الجماعة"، الشخص اللي بيطلب مساعدة بيتشاف قوي لأنه بيحافظ على التماسك 👥.

وفي مجتمعات فردية، طلب المساعدة ساعات بيتشاف ضعف 💔.

🎯 الرسالة: أفكارنا عن نفسنا مش بتيجي من فراغ.. المجتمع اللي حوالينا بيرسمها.
عشان كده مهم نكسر وصمة المرض النفسي ونفتكر: طلب المساعدة قوة مش عيب 💪💚.