25/06/2025
لكل العرائس اللي بيسافروا في شهر العسل بلاد بعيدة أو أماكن صعب فيها زيارة دكتور أو الأدوية غالية جدا، أمني نفسك بالحاجات الجاية دي في شنطة سفرك علشان رحلتك تمر بسلام و سعادة.
أولا: وسيلة تنظيم الدورة / تأجيل الحمل
و دي هيوصفهالك دكتور النسا لما تزوريه قبل الدوره اللي قبل الفرح.... مش قبل الفرح بأيام 🙈علشان تظبيط ميعاد الدورة بعيد عن أول أيام الزواج أو تأجيل الحمل لو حابة.
ثانيا: الجيل
ودي حاجة مهمة بتستخدم لتسهيل العلاقة الزوجية في البداية وفي منه أنواع كتير أشهرها
KY gel, Avetrix
بس أنا بأفضل استخدام الكريمات الزيتية المستخلصة من أعشاب كلها طبيعية زي femina cream لأنه بالإضافة إنه زيتي ومسهل للعلاقه كمان بيحمي من الالتهابات المهبليه والمشهورة جدااااا في شهر العسل (وبكده ضربنا عصفورين بحجر واحد)
ثالثا: الوقاية من و علاج الالتهابااااااااااااات
الالتهابات نوعين: التهابات مهبليه و التهابات مجري البول....وفي معظم الأحيان بيكونوا مع بعض
**التهاب مجري البول:
وده مشهور أوي في شهر العسل لدرجة انهم في الطب سموه Honeymoon Cystitis
وده للوقايه منه....لازم تشربي سوايل كتير أهمها البرتقال والليمون وممكن ناخد فيتامين سي Vit. C re**rd. مره واحده يومياً....
ده الوقايه... طيب لو لاقدر الله حصل التهاب شديد في مجري البول .... كده حضرتك محتاجه مضاد حيوي .
من أشهر المضادات الحيويه اللي بتشتغل علي مجري البول والالتهابات المهبليه في نفس الوقت (وبالتالي أساسي لازم يكون معاكي☝☝)
مجموعة ال Azithromycin زي xithrone او Zisrocin..
ودي بتكون 3 أقراص بتتاخد قرص يوميا قبل الأكل بساعه لمدة 3 أيام
لو الالتهاب شديد في البول علي شكل دخول الحمام بشكل متكرر أو حرقان شديد بناخد حاجة من مجموعة ال Nitrofurantoin زي Macrofuran او Uvamin re**rd وده بيتاخد مرتين يوميا لمدة أسبوع...
**الالتهابات المهبليه:
من اشهر الالتهابات المهبليه اللي بتكون موجوده في الفترة دي... هي الالتهابات الفطريه ودي بتكون فيها الافرازات المهبليه سميكة ومجبنه...
وفي الحالة دي.. هتاخدي معاكي
Diflucan. Cap or Fungican. Cap
وده بيتاخد كبسوله واحدة ويكرر بعد اسبوع
ولازم يكون معاكي لبوس مهبلي ومن اشهر الانواع
Candicure 1 و Gynotra 600 mg
وده لبوسه واحدة يومياً مساء 3 ايام
لو الافرازات المهبليه علي شكل مخاط وليها رائحة نفاذة
يبقي هنستخدم نفس المضاد الحيوي بتاع التهابات مجري البول مجموعة الAzithromycin زي xithrone و zisrocin
واللبوس المهبلي في الحاله دي هيكون
Amrizole N. Vag supp
لبوسه صباحا ومساءا لمدة 5 ايام
**التشطيف المهبلي:
و ده معظم السيدات بيستخدموه بشكل خاطئ....
لازم تعرفي ان فيه نوعين.... هاااااا نوعين ☝☝
الاول... الدش المهبلي Vaginal do**he
التاني.... الغسول النسائي او محلول العنايه الشخصية بالمرأهFeminine cleanser
ايه بقي الفرق بينهم
الاول ده علاجي وبيستخدم داخلي وخارجي ومن اشهر أنواعه Betadine Vag.douch
وده بيستخدم مع المضاد الحيوي واللبوس المهبلي في حالة الالتهابات وبيستخدم في الحالة دي مرة واحدة يومياً لمدة أسبوع..... ويستخدم اييييييه؟؟ داخلي وخارجي
وممكن نستخدمه للوقاية بس مش اكتر من مرتين اسبوعياً ☝☝☝لان اكتر من كده بيزود فرصة حدوث التهابات
النوع التاني ال Cleanser
وده بقي أنواعه كتير جدااااااا اللي هو ليه ريحه حلوه
ومن أشهر أنواعه...
Vamix,Gold,Lili,Klenva,Rose........
وده بيستخدم للوقايه والعناية الشخصية... وبيستخدم يومياً عادي جدا بس خاااااااارجي
**مضاد للحكه:
وده هتزوديه علي علاج الالتهابات بس لو فيه حكه خارجيه وده بيستخدم بعد استخدام الغسول والتنشيف كويس... ومن أشهر أنواعه
Pevisone cream and Daktacort....etc
**مضاد للحساسية:
وده هيكون معاكي لان فيه بعض الناس بيحصل عندها حساسيه من الحنه ومستحضرات التجميل اللي بتستخدم كتيرفي الوقت ده....ومن اشهر انواعها
Claritin or Zyrtec
أخيرا شوية نصائح ع السريع
*فيه كريمات تفتيح للمناطق الحساسة بس لازم تبتدي فيها شهر قبل الجواز علشان تجيب نتيجة
*نظفي الحمام في الفندق بمطهر قوي قبل الاستخدام
* التنشيف بعد الحمام بيكون من الامام للخلف مش العكس و باستخدام فوطة قطنية. ابعدي عن المناديل الورقية و الفوط اللي بوبر علشان بتسيب بواقي
* لو الالتهابات المهبلية شديدة جدا: الزوج بياخد كبسولة واحدة Diflucan و يكرره بعد اسبوع لو افرازات مجبنة و بياخد Amebazole قرصين مرة واحدة لو افرازات مخاطية.
* اهتمي جداااااا بشرب السوائل.
مبروك الزواج و شهر عسل سعيد 🎉🎉🎉🎉
د/ عرفهطعيمياستشاريالنساءوالتوليدوجراحاتالمناظيرالمنزلهبجوارالجامعالجديد .
