Dr Mohamed Gomaa Baby clinic

Dr Mohamed Gomaa Baby clinic اخصائي طب الاطفال وحديثي الولاده
ماجستير طب الاطفال وحديثي الولادة جامعة المنوفية.
د.زمالة الكليه الملكيه البريطانيه

07/12/2023

السلام عليكم. كنت عاوز أشير لحاجه بما إنه فيه تهويل كبير عن الهربس . ياجماعه دا فيروس موجود من زمان جدا ياعني مش حاجه جديده وبييجي في صورة وبائية خلال فترات من السنه وبيتعالج والطفل بيبقى زى الفل إن شاء الله ونادر جدا إنه يكون ليه مضاعفات خطيرة . المشكله بتاعته تكمن إنه الطفل مش بيكون عارف ياكل وبالتالي ممكن يحتاج محاليل ورديه ، بييجي زى اى دور التهاب حلق وتبدء تظهر القرح في الفم خلال يومين ياعني مش هقدر تتعرف عليه خلال أول يوم مرض. كمان الناس اللي بتقول المضادات الحيويه هتزوده دا كلام ليس له أساس من الصحة ولكن المضادات الحيوية ملهاش دور في علاجه لانه فيروس والمضادات الحيويه مبتعالجش فيروس .فياريت بلاش تهويل وفزع للناس .
دمتم بخير

28/09/2023

السلام عليكم.من الأسئلة المهمه اللي كل ام بتيجي تسألها ،امته الطفل هياكل ويشرب ؟.الكلام القديم طبقا لمنظمة الصحة العالمية أنه ببدء الاكل من عمر ٦ شهور لكن الجديد في توصيات الأكاديمية الأمريكية لطب الأطفال أنه المفروض ابدء الاكل من بعد عمر ٤ شهور واللي خلاهم يحطوا التوصيات الجديدة دي أن الأبحاث وجدت أنه ادخال الاكل من الشهر الرابع بيقلل من حساسيه الطعام طيب بالنسبه للاكل نفسه المفروض بنبدء بالاكل الأقل حساسيه زي الكوسه ،الجزر ،البطاطس ،سيريلاك الارز .بعدين ممكن تدخل خضار مطبوخ ،صفار البيض،سمك،الفراخ بعد ما نسويها كويس وفي الشهر ١٢ ممكن بندخل اللحوم الحمراء وبياض البيض.طبعا اى حاجه بندخلها جديد بتكون لوحدها يومين ولو محصلش منها حساسيه ( فى صورة ترجيع أو اسهال أو طفح جلدي).. بندخل معاه حاجه تانيه وهكذا .طبعا الميه بتدخل مع بداية الاكل ياعني مفيش شرب ميه قبل ما تاكل الطفل لان الرضاعه بالنسبه له اكل وشرب .المفروض الطفل ميشربش من الميه الحلوة بتاعتنا دي لانها للاسف مبتبقاش متفلترة كويس وكمان مش عاوزين ميه معدنيه طيب نعمل ايه؟ مغلي الميه بتاعتنا كويس ونحطها في حاجه ازاز يوميا او استخدام فلتر ٥ مراحل.طيب ايه الاكل الممنوع قبل سنه ؟ اولا الاكل ميكنش عليه ملح لان الكلى بتاعت الطفل مش هقدر تتعامل معاه وكمان لان حاسه التذوق بتنبقى في مرحلة النمو ياعني بعد كده هيفضل الحاجات المملحه كذلك ممنوع أننا نحط سكر ،العسل ،اللبن البقري عشان كذا حاجه اولا بيخلي الطفل عرضه لمشاكل مناعيه على المدى البعيد ثانيا بيحتوى على كميات كبيرة من الفوسفات ودا بيعمل حمل على الكلى وبيزود عرضة الطفل لفقر الدم .منتجات الألبان والزبادي عليها كلام كتير لان بتدخل في عمليه بسترة وغيرها بس برده تعتبر من منتجات الألبان وبالتالي يفضل اني تأخرها بعد سنه والزبادي ممكن إدخاله بعد الشهر التاسع.طيب الناس اللي بتعطي اعشاب بعد الولادة عشان خاطري الاعشاب دي اتمنعت في العالم كله الطفل يتحط علىى رضاعه طبيعيه كل ساعه لحد ما ينزل اللبن بكامل طاقته ولو اضطرينا نستخدم حاجه ممكن لبن صناعي مرتين او ثلاثه في اليوم لحد ما ينزل اللبن بكامل طاقته ومفيش حاجه اسمها الطفل هيسيب الرضاعه الطبيعيه لو اخد صناعي.حاجه تانيه مهمه في توصيات الأكاديمية الأمريكية لطب الأطفال أنه ممكن مع بداية تسنين الطفل اسيبه طول الليل من غير رضاعه عشان أتجنب تسوس الاسنان اللبنيه ياعني الطفل ميستخدمش الرضاعه الطبيعيه كسكاته. كمان من التوصيات المهمه أنه ممكن الطفل يكمل على الرضاعه الطبيعيه لما بعد عمر السنتين كمان اه والله. دي آخر توصيات الأكاديمية الأمريكية لطب الأطفال في الموضوع دا.دمتم على خير. تسألها ،امته الطفل هياكل ويشرب ؟.الكلام القديم طبقا لمنظمة الصحة العالمية أنه ببدء الاكل من عمر ٦ شهور لكن الجديد في توصيات الأكاديمية الأمريكية لطب الأطفال أنه المفروض ابدء الاكل من بعد عمر ٤ شهور واللي خلاهم يحطوا التوصيات الجديدة دي أن الأبحاث وجدت أنه ادخال الاكل من الشهر الرابع بيقلل من حساسيه الطعام طيب بالنسبه للاكل نفسه المفروض بنبدء بالاكل الأقل حساسيه زي الكوسه ،الجزر ،البطاطس ،سيريلاك الارز .بعدين ممكن تدخل خضار مطبوخ ،صفار البيض،سمك،الفراخ بعد ما نسويها كويس وفي الشهر ١٢ ممكن بندخل اللحوم الحمراء وبياض البيض.طبعا اى حاجه بندخلها جديد بتكون لوحدها يومين ولو محصلش منها حساسيه ( فى صورة ترجيع أو اسهال أو طفح جلدي).. بندخل معاه حاجه تانيه وهكذا .طبعا الميه بتدخل مع بداية الاكل ياعني مفيش شرب ميه قبل ما تاكل الطفل لان الرضاعه بالنسبه له اكل وشرب .المفروض الطفل ميشربش من الميه الحلوة بتاعتنا دي لانها للاسف مبتبقاش متفلترة كويس وكمان مش عاوزين ميه معدنيه طيب نعمل ايه؟ مغلي الميه بتاعتنا كويس ونحطها في حاجه ازاز يوميا او استخدام فلتر ٥ مراحل.طيب ايه الاكل الممنوع قبل سنه ؟ اولا الاكل ميكنش عليه ملح لان الكلى بتاعت الطفل مش هقدر تتعامل معاه وكمان لان حاسه التذوق بتنبقى في مرحلة النمو ياعني بعد كده هيفضل الحاجات المملحه كذلك ممنوع أننا نحط سكر ،العسل ،اللبن البقري عشان كذا حاجه اولا بيخلي الطفل عرضه لمشاكل مناعيه على المدى البعيد ثانيا بيحتوى على كميات كبيرة من الفوسفات ودا بيعمل حمل على الكلى وبيزود عرضة الطفل لفقر الدم .منتجات الألبان والزبادي عليها كلام كتير لان بتدخل في عمليه بسترة وغيرها بس برده تعتبر من منتجات الألبان وبالتالي يفضل اني تأخرها بعد سنه والزبادي ممكن إدخاله بعد الشهر التاسع.طيب الناس اللي بتعطي اعشاب بعد الولادة عشان خاطري الاعشاب دي اتمنعت في العالم كله الطفل يتحط علىى رضاعه طبيعيه كل ساعه لحد ما ينزل اللبن بكامل طاقته ولو اضطرينا نستخدم حاجه ممكن لبن صناعي مرتين او ثلاثه في اليوم لحد ما ينزل اللبن بكامل طاقته ومفيش حاجه اسمها الطفل هيسيب الرضاعه الطبيعيه لو اخد صناعي.حاجه تانيه مهمه في توصيات الأكاديمية الأمريكية لطب الأطفال أنه ممكن مع بداية تسنين الطفل اسيبه طول الليل من غير رضاعه عشان أتجنب تسوس الاسنان اللبنيه ياعني الطفل ميستخدمش الرضاعه الطبيعيه كسكاته. كمان من التوصيات المهمه أنه ممكن الطفل يكمل على الرضاعه الطبيعيه لما بعد عمر السنتين كمان اه والله. دي آخر توصيات الأكاديمية الأمريكية لطب الأطفال في الموضوع دا.دمتم على خير.

17/09/2023

السلام عليكم.هنتكلم عن موضوع التسنين والمشى لأنه موضوع بيقلق كثير من الأمهات .اولا التسنين .معظم الأطفال بيبدء التسنين من عمر ٦ شهور وفيه اطفال بتبدء بدري من عمر ٤ شهور وفيه اطفال بتتاخر في التسنين لعمر سنه شهر ودا طبيعي يبقى المفروض الأم متقلقش من التسنين الا لو الطفل وصل إلى سنه وشهر ولسه مفيش تسنين .طبعا الشئ بالشئ يذكر موضوع الكالسيوم احنا مش بنعطي كالسيوم روتين اللي بيتعطي روتين هوا فيتامين د لكن الكالسيوم لا الا لو فيه مشكله وبعطيه بتحليل وبتابعه بتحليل. ممكن التسنين يرفع درجة حرارة الطفل إلى ٣٨ درجه لكن اعلى من كده يبقى فيه سبب تاني للحرارة ادور عليه.ممكن التسنين يخلي حمام البراز سايب مش اسهال ياعني عدد المرات هيا هيا بس سايب.ممكن مع التسنين بتبقى اللثه مضايقه الطفل ممكن لتستخدم جل التسنين تحت إشراف طبى أو ممكن نستخدم عضاضه سيليكون .طيب فيه اطفال بتتولد باسنان اه والله دا حلها ايه؟ بنروح لطبيب الأسنان لو الاسنان دي ثابته خلاص بنسيبها لكن لو الاسنان دي مش ثابته يبقى لازم تتشال لانها ممكن تتخلع والطفل نايم ويشرق منها .وزى ما قلنا قبل كده لما الطفل ممكن بعد ما يبدء تسنين نسيبه بالليل بدون رضاعه عشان نبعد عن تسوس الاسنان.يقعد مسنود في عمر ٦ شهور ويقعد لوحده من عمر ٧ الى ٩ شهور طيب بالنسبه للمشى .الطفل بيبدء يسند ويخطي من عمر ٩ الى ١٢ شهر ممكن تكون مشيته مش مظبوطه بنصبر عليه الى عمر سنه ونصف الى سنتين اكتر من كده المفروض عرضه على دكتور الأطفال بتاعه يشوف فين المشكله .
دمتم على خير

08/09/2023

السلام عليكم ورحمه الله وبركاته. هنتكلم إن شاء الله عن اشهر الأدوية اللي تمنع الرضاعه الطبيعيه. طبعا لازم نعرف أنه اى دواء الام بتاخده بينزل في اللبن ولكن بدرجات متفاوتة. برده لازم نعرف أنه الام اللي بتاخد ادويه لأمراض مزمنه مش شرط انها توقف الرضاعه الطبيعيه. الرضاعه الطبيعيه هامه جدا جدا بالنسبة للطفل وبالتالي مش اى دواء الام بتاخده يقوم نوقف الرضاعه الطبيعيه. اشهر الأدوية اللي بتتعارض مع الرضاعه الطبيعيه هى الادويه المضاده للسرطان ، بعض الأدوية اللي بتشتغل على الجهاز العصبى واللي بتحتوي على المواد الفعاله الاتيه:- الأمفيتامين ،الليثيوم . الادويه اللي بتسخدم لعلاج الغدة الدرقية النشطه . الادويه اللي بتحتوي على اليود . بعض ادويه الضغط ومنظمات ضربات القلب . أدوية الروماتويد اللي بتحتوي على نظائر الذهب . دي اشهر الادويه اللي بتتعارض مع الرضاعه الطبيعيه واللي وقتها لو الام بتاخدها المفروض نوقف الرضاعه الطبيعيه تماما . يبقى الخلاصه أنه مش اى ام ماشيه على علاج مزمن أو علاج لأى مرض ااقوم مستسهل أو بعض الناس تفتي بدون علم بوقف الرضاعه الطبيعيه.
دمتم بخير

29/08/2023

السلام عليكم. سؤال بنتساله كتير جدا .انا طعمت ابني تطعيم الكتف ومعملش علامه فهل اطعمه تاني؟ . الرد لو حضرتك متأكدة انك طعمتيه يبقى خلاص مفيش مشكله حتى لو مسبتش علامه مكانها لكن لو مش متاكده بتروحي مستشفى الصدر وبيعملوا اختبار تحت الجلد وعلى أساسه بيحددوا إذا طفلك يتطعموا تأتي أو لا.
دمتم بخير

21/08/2023

السلام عليكم.هنتكلم عن موضوع مهم جدا .الموضوع دا اللي هوا بلع جسم غريب بالجهاز الهضمي.اولا هناخد لو الجسم الغريب دا وقف في المرئ.دا بيحصل اكتر في الأطفال من عمر 6شهور الى عمر 3سنوات وخصوصا في الأطفال اللي عندهم درجه من التخلف العقلي.اشهر حاجه ممكن تتبلع في العمر دا العملات المعدنية ،الالعاب الصغيره علشان كده في الغالب اى العاب حجمها صغير نلاقي مكتوب عليها لاتصلح للاطفال اقل من ٣ سنوات واخطر حاجه بقى ممكن تتبلع البطاريات بأنواعها. طيب ايه الاعراض؟ ٣٠%من الحالات بيبقى مفيش اى اعراض ،ممكن بقى نلاقي كحه مستمرة ،شرقه،افراز كثيف للعاب،صعوبه بالبلع،فقد للشهيه،ترجيع،الم بمنطقة الرقبه أو الصدر،ممكن بقى لو الجسم الغريب دا اخترق المرئ الى القصبه الهوائيه هتلاقي الشكوى الطفل صدره بيزيق ، بينهج ونفسه سريع،بيزرق. طيب ايه الفحوصات اللي ممكن نعملها؟ اولا اشعه عاديه ودي ممكن توضح الحاجات المعدنيه طيب فيه حاجات مش توضح بالاشعه فالعمل؟ اعمل اشعه صبغه أو منظار.طيب العلاج؟ طبعا اخطر حاجه زى ما قلنا البطاريات وبالتالي لازم اشيلها بالمنظار لان ممكن تعمل ثقب بالمرئ في خلال دقائق، طيب لو الطفل مفيش شكوى بحطه تحت الملاحظه ٢٤ ساعه . عافانا الله وعافاكم من كل سوء.

17/08/2023

جمعه مباركه

11/08/2023

السلام عليكم. الالتهاب الكبدي الوبائيA دا التهاب فيروسي بيصيب الكبد ،طرق العدوى بتكون عن طريق الاكل او الشرب الملوث بالفيروس وعلشان كدا لو فيه طفل مصاب في العائلة بيكون مهم جدا الاهتمام بالنظافة الشخصية له ، الاعراض في البدايه بتكون اعراض شبيهة بأعراض البرد ياعني حرارة وصداع وتعب عام وممكن ترجيع والم بالبطن وبعدين يبدء يظهر اصفرار بالجسم في المرحله الثانيه وبعدين يبدء الموضوع يخف في المرحلة الثالثة . من النادر جدا أنه الفيروس دا يعمل التهاب شديد بالكبد لدرجه الوفاة ، ومن رحمة ربنا أنه الفيروس دا مش بيكون مزمن . طيب امته الطفل يخرج وميكنش معدي ؟ بعد اسبوع من ظهور اصفرار الجسم . طيب العلاج طبعا العلاج بيكون بعلاج الأعراض فقط مع الاكل الصحي . الوقايه ؟ طبعا الاهتمام بالنظافة الشخصية وكمان له تطعيم بيتاخد من عمر سنه على جرعتين بينهم ٦ شهور . دا باختصار الموضوع.
دمتم بخير

20/07/2023

كل عام وانتم بخير بمناسبة العام الهجري الجديد

07/07/2023

انتشار لمتلازمة اليد والقدم والفم . ياريت عدم استخدام المضادات الحيوية الا تحت اشراف طبي

29/06/2023

انتشار ادوار الانفلونزا والنزلات المعويه والهربس

Address

المنصوره، الريدانيه، الشارع الكبير منزل الاستاذ عماد عبد المولى. , مجمع عيادات الرضوان الخيري بجديلة
Mansoura
0096

Website

Alerts

Be the first to know and let us send you an email when Dr Mohamed Gomaa Baby clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Mohamed Gomaa Baby clinic:

Shortcuts

Share

Category