19/06/2025
حاسة البصر عند الطفل التوحدي
من الناحية الطبية فدكتور البصريات الأمريكي كابلان في كتابه “seeing Through New Eyes” أجاب عن أكثر التساؤلات فيما يخص النظر والرؤية لدى التوحديين فقال "أن العالم الخارجي قد يظهر غريب وغير مرحب به وذلك لأن جهاز الرؤية لديهم في غاية الضعف.،وبعض التوحديين قد يعانون من عتمة الضوء، أو من الضوء الأبيض الساطع، وأيضاً يعبر البعض عنهم بأن النظر المباشر لديهم كمن ينظر من خلال طبق من الجلي، مهزوز وغير ثابت،تقريبا الجملة شوية الكلام دول لخصو اغلب المشكله.
وزي متعودنا أن شغلنا كله علي الحواس عبارة عن قسمين ،او بتشتغل في اتجاهين بس بمعنى أن لو
الطفل عنده نقص :(فده معناه أن الطفل محتاج وعاوز)
هي الحاسة موجوده وكل حاجه بس هو عاوز يشوف محتاج يشوف ،بالبلدي كده عنده رغبة وعاوز يشبعها،فبديله مثيرات وأحاول أعمله إشباع
الفرط: (يعني الطفل مش قابل ،مش عاوز،مش قادر )
تحس ان الحاسة عنده أقوي مما تتخيل ،لدرجه بتخليه مش قادر ومش متحمل يشوف،فبديله برضو وبعوده أنه يتعامل مع المثيرات دي بشكل اهدي ،ويتعود عليها ويتعامل معاها بطبيعة
طب ايه هي أهم الأعراض اللي بعرف من خلالها أن الطفل ده عنده مشكلة حسية بصرية ؟
1-يكره الضوء ويحاول تجنبه بأى طريقه ،او يتحمل ويحب النظر إلي الضوء بشكل مبالغ فيه
2-بيركز فى جزء من الكل غير مدرك للشكل كاملا
3-يقرب الأشياء من عينه بشكل مفرط ،او مش متحمل يشوف اي مثيرات بصرية
4-بيحب تحريك اجزاء من جسمه أو الأشياء قدام عينه بشكل مبالغ فيه
5- النظرة الجانبية
طيب أثناء مدة الملاحظه للطفل ايه هي الحجات اللي ممكن اعملها تقييم مبدئى كده بحيث لما اجي اشتغل واقيم من القائمة الحسية أبقي عارف الدنيا فيها ايه.
1-التواصل مع الأشخاص
2-التواصل مع الأشياء ( الأدوات ذات المثيرات البصرية)
3- الإنتباه والتتابع البصري
4-تأثير الضوء والظلام عليه
5-بلاحظ خلال فترة المتابعه إذا كان عنده نظرة جانبية ولا لا
دي أهم وأبرز النقاط اللي بقيم بيها بشكل مبدأي من خلال ملاحظتي وكلام الام،طبعاً بعد ما هنتهي من ملاحظتي للطفل واسمع من أمه في البداية ،هيكون لسه فيه قائمة حسية تانية وهتكون هي دي الفيصل الأساسى 👌🏼
