Lamia Refat Allam لمياء رفعت علام

Home
Egypt
المنصوره
Lamia Refat Allam لمياء رفعت علام

أخصائية نفسية وسط الترند المجنون ✨
بحكي عن وجع الناس بنَفَس نفسي عميق😊
بقول الزتونه والناهيه 👌🏻✨
بفهمك من قبل م تتكلم 😊👌🏻✨
بنفصص كل ترند. كما يجب ان يكون 👌🏻✨👑
(2)

https://www.facebook.com/lamyaaRefatallam/
اعجاب للصفحه دي عليها موضوعات هتفيدك كتير في النسا والتوليد ابعتي علي الرسايل وهيرد عليكي فريقنا الطبي

09/10/2025

يحدث الان في سماء مصر
يرفع علم فلسطين 🇵🇸 ومصر ‏🇪🇬
دومتي ارض العزه يابلادي ومهما يحصل او يقولو عليكي هتفضلي كيداهم 😁
اكتوبر شهر الفرحه من سنين ❤️

08/10/2025

الخلاصه 👌🏻

20/09/2025

أنا اسمي آمال من المحلة الكبرى.
عملت عملية مية زرقا في عنيا تابعة لتأمين المحلة، والمفروض الدكتور فتحي العاشر هو اللي يعملهالي.
دخلت العمليات وأنا مستنية الدكتور يجي، لكنه مجاش💔 الدكتورة مي زيدان هي اللي عملتلي العملية.
الدكتور دخل يقولها: عملتي إيه؟ كان مفروض تعملي كذا وكذا.. أنا فهمت إن في خطأ😢، ومكلمتش. قعد يلعب في عنيا شوية ومشي وسابني😭💔
كملت الدكتورة مي لعب في عنيا😰، وجت دكتورة تالتة لعبت شوية هي كمان. وأنا بقولهم مافيش نور في عنيا😔، قالتلي ده آثار البنج.
طلعت من العمليات ملحقتش آخد نفسي ومشوني، وقالولي تعالي بكرة عشان أشوفك. جيت بكرة مالقيتش الدكتور، كان هرب😭
بعدها جات الدكتورة التالتة وقالتلي هديكي قطرة وهتبقي كويسة💔، ويلا بسرعة عشان نلحقك ونوديكي مستشفى الجامعة. مسكوني من إيدي وأنا مش شايفة حاجة🥹، و مضوني علي إقرار إن هم ملهمش ذنب ولا المستشفى لها ذنب في اللي حصل لعيني ومشوني😭💔
مين هيجبلي حقي؟ أنا مليش ليا حد في الدنيا، لا ابن ولا أب ولا أخ😢💔
أنا بستغيث بيكم، اعتبروني أمكم.. أنا عايزة حقي 😭
ـــ ادعوا لها ربنا يشفيها ويوقف لها ولاد الحلال يساعدوها🤲
وبعدين بقي في الاستهتار وقله الضمير دي منه لله كل دكتور مبيراعيش ربنا 💔
شير وارفعو البوست

14/09/2025

الشريفه ياسمين الخطيب صاحبة ترند المنديل خلصتوه تعالو بقا اكلمكم عن حاجه مهمه قوي حبيت اتكلم فيها بعد ما الترند يخلص
ياسمين الخطيب واحده معروفه بأثارة الجدل دايما عاشقه للترند ..
دي واحده خارجه من بيتها واتصورت بفستانها ونزلت الصور قبل ما تخرج وراحت المكان وهي عارفه ومتأكده ان صدرها كله خارج برا ومستمتعه بكدا عادي
ففجأه الحياء اللي مش موجود عندها اصلا قالها حطي منديل بس مش علشان تداري صدرك لا دا علشان التكييف فاصل والجو زحمه وهي اي عرقت فالشيطان تدخل بقا هنا وقالها وقالها تصدقي فكره ممكن تطلع ترند بالحركه قال اي ان مينفعش صدرك يبقا طالع برا فداريه بمنديا ويتقال عنك الشريفه واستغلت دا كويس علشان تركب الترند
وبعدها بساعه عادي كدا الشريفه تتصور تاني بفستان مفتوح اكتر وهتستمر في الترند حتي لو هلاقي معترضين بس دي الحقيقه
Lamia Refat Allam
فهكذا يتم اللعب بالعقول تم مسمي الترند ✌️
ركزو في الحقيقه

30/08/2025

أقسم بالله عيب عليكم، مكنش كيس شيبسي كرهتونا في اكل الشيبسي ، قليتوا قيمتنا وشوهتوا فعل تلقائي بريء وبسيط وطلعت خالتها بلوجر والراجل مش شحات ولا حاجه دا تاجر بطيخ عادي خالص لكن ضرير تقريبا او مريض عامه ، البنت وأهلها في حالة ذهول من اللي بيحصل، والله عيب، كأننا عايشين ناكل في بعض ومصدقنا لقينا حد اتبرع ب 5 جنيه، أنا مش معترضة على رزق جه ل #هايدي وأهلها، يمكن ربنا أكرمهم لسبب في علم الله، اللي يزعل بجد ان الترند مش بس جنن الناس والإعلام، ده جنن كمان ناس مفروض انهم مسئولين، عيب يا جماعة، عيب والله، فيه طلبة كتير محتاجين اللي يساعدهم في مصاريف التعليم، فيه أمهات كتير بتشتغل جوا البيت وبره البيت عشان تصرف على عيلة كاملة، فيه طلبة بيشتغلوا أيام الدراسة مش بس في الأجازة، عشان يقدروا يدفعوا مصاريف تعليمهم ويصرفوا على نفسهم في العيشة الصعبة دي، فيه زوجات متمرطة في محاكم الأسرة عشان يتحكم لهم بكام جنيه نفقة ميكفوش مصاريف أكل ولادهم، فيه غارمين وغارمات اتسجنوا عشان استلفوا يجوزوا بناتهم ويستروهم أو يصرفوا على عيالهم ودواهم، فيه يتيمات وأيتام، فيه عجائز نساء ورجال، فيه ناس مريضة مش لاقية تمن العلاج، فيه ناس بتموت بيتشحت لهم الكفن، فيه ناس بتموت في غزة قدام عنينا، وأطفال بتتعذب من وجع الجوع في السودان، فيه وفيه وفيه، لما بنتكلم عن دول محدش بيسأل ولا بيطلع له صوت الكل بيتكتم اصل وضعهم طبيعي مش هيطلعو تريند ، لكن الترند لازم كله يلحق ويتصور وياخد الشو.. إزاي بقينا مغيبين وتافهين ومعاتيه بالشكل ده؟! إزاي وصل بينا الحال والفكر لكده، بقينا في قمه التخلف وقله القيمه .. عيب علينا والله، عيب...
بقترح نبني ليها مزار سياحي ومقام بالمره ويتعمل اجازه سنويه اليوم الاسود ال طلع فيه ام الترند دا وبالمره نلبس كلنا تيشيرتات اليوم دا عليه صورتها وبالمره بقي ميدان في كل بلد باسمها دا حاجه تقطع النفس وشئ مقرف 🙄🙄
ال هيعترض بأسلوب مقبلوش هعمله بلوك مفياش اي حيل للمناهده الضغط عالي عليا ومش متحمله 😡😡😡

27/07/2025

طب اللي مش فاهم حوار بنت حسني مبارك
دي واحده طالعه بتقول ان في مافيا تجار اعضاء وغسيل اموال في مصر
وبيسخروا البلوجر للشغل دا
طبعا الموضوع اتذكر فيه اسامي كتير جدا
علي راسهم وفاء عامر وان ابراهيم شيكا متوفاش بسبب السرطان
وان مراته اقنعته يبيع كليته علشان يحسنوا من معيشتهم واطلقت منه فتره بسبب ضيق الحال
وزي ما امه قالت انها اللي مرضته
و ظهور ام مكه مع وفاء عامر كان سبب في ثراء فاحش مش منطقي يجي من الفسيخ اللي بتوزعه علي البلوجر وبتدي للناس المدود والبايظ
وسوزي الاردنيه سفرها للامارات وراه شغل الوكالات بتاع التيكتوك
ولما اتقبض عليها مرتين كانت بسبب حد معين كان بيقرص ودن سوزي
وجابت سيرة ام ساجده واحمد وهبه اللي بيدعم شاكر ومداهم
من كام يوم ريهام سعيد استضافت ام مكه قالتلها انتي وام خالد والناس دي فلوس التيكتوك بيكسبكم تركبوا عربيات وبيوت وحياتكم تتنقل كده
ام مكه معرفتش تجاوب وقالت اي كلام
قالتلها اصل الفيس بيكسب قامت ريهام قالت امال مش بيكسب عندي ليه قامت ام مكه ضحكت قالتلها وانا عندي الفين دولار مش عارفه اسحبهم ومجاوبتش اي اجابه منطقيه
وفاء عامر قالت انها عملت محضر في النيابه
البنت اللي اسمها مروه اللي بتدعي انها بنت حسني مبارك
راحت النيابه الصبح وصورت من قلب النيابه بتقول مفيش اي محاضر باسمها معني كده الناس دي خايفه تبلغ
وطبعا دلوقت في فيديوهات بتجمع سلمى الرحاله بتاع القهوة وليلي الشبح مع دينا مراجيح الله يرحمها قالو انها اتخدت تجارة اعضاء وقالو عملت حادثه
وكلام كتير ربنا اعلي واعلم بيه
البنت طبعا ظهرت من كام سنه وحكت حكايتها انها بنت حسني مبارك من ايمان الطوخي
وان سوزان دمرت مشوار ايمان الطوخي الفني بسبي جوازها من حسني
واختفت لحد وقتنا دا

الله اعلم الحقيقه ايه وفين

26/07/2025

هو مكنش “كلب”… هو كان صاحبهم!
وفي الآخر… رموه من الدور السادس! 💔🐶

في دجلة جاردنز، كان في راجل طيب بيأكل الكلاب البلدي يوميًا…
الكلب ده كان أول واحد يستقبله، يهز ديله، ويجري عليه وهو فرحان كأنه بيشوف أبوه.
كان حافظ معاده، حافظ صوته، حافظ ريحة أكل الخير اللي بيجيبه.

بس في ناس…
بدل ما تقول “جزاه الله خير”،
كانوا بيهددوه ويقولوا له:
“لو فضلت تأكلهم، هنخلّص عليهم واحد واحد!”
وفعلًا… نفذوا تهديدهم.

مسكوا الكلب اللي ملوش ذنب،
واللي عمره ما أذى حد،
واللي كان بيحب الناس وبيحمي المنطقة…
ورموه من الدور السادس على عربية الراجل اللي بيأكلهم.
قدّام عنيه… قدّام قلبه!

الكلب مات…
بس مش لوحده اللي مات.
الرحمة ماتت، والضمير مات، والإنسانية اتدفنت معاه.

⚠️ القتل مش بس سُم أو طلقة.
القتل كمان كراهية، وجحود، وقسوة مافيش بعدها!

✋🏻 لو ساكت… فأنت شريك!
لو شايفهم يستاهلوا… فراجع إنسانيتك.

20/07/2025

حفل راغب علامة في ساحل الشياطين
ايه اللي بيحصل ده؟؟ ؟
ايه كمية الحريم اللي طلعتله على المسرح تبوس وتحضن فيه بمنتهى القذارة والقرف
ايه ده ؟؟
انا ماكنتش مصدقة نفسي وانا بشوف الفيديوهات اللي منشرة على السوشيال ميديا ؟؟
فين أهالي البنات والستات دي؟؟
طب هو ازاي اتجرأ يعمل ده على مسرح مصري ؟؟؟
هل يجرؤ يعمل كده في اي دولة تانية؟؟
طب فين شركات الأمن اللي بتأمن الحفلة ؟؟
انتوا كرجالة كان وضعكوا ايه بالظبط ؟؟
او بمعنى أصح انتوا بتشتغلوا ايه بالظبط 🤘؟؟
ياخبر اسود على المناظر المبتذلة الزايدة عن اللزوم...
لما بيحصل كده على مسرح عام ، اومال في الكباريهات بيحصل ايه ؟؟
حسبي الله ونعم الوكيل ياااااااارب

14/07/2025

طول عمرى اسمع عن بوز البطة بوز القرد ومن حقي كمواطنه اعرف ده بوز ايه؟؟😂😉🫣🤔

Address

المنصوره
المنصوره

Telephone

+201065595692

Website

https://youtube.com/channel/UCqQpjsSPCki0shoBwC3Xi1A, https://twitter.com/AWalshyh?t=YMXlvyyHzL2WnxVac6WM1Q&s=09

Alerts

Be the first to know and let us send you an email when Lamia Refat Allam لمياء رفعت علام posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Lamia Refat Allam لمياء رفعت علام:

Shortcuts

Want your practice to be the top-listed Clinic in المنصوره?