Al-Amir Kids Clinic - AKC

15/02/2026

02/11/2025

أفضل مذيب للبلغم هو السوائل الدافيه ،الاطفال مش زى الكبار احنا لغايه سن ٦سنوات مينفعش مع الاطفال مذيبات البلغم فعلشان ندوب البلغم لازم سوائل كتير
🤷بس يادكتور العيال مبيرضوش يشربوا والله !
🤫نوعوا للاطفال وانتوا معاهم :-
١_افضل السوائل الدافيه شوربه بهاريز اللحم او الفراخ مضاف اليه قطرات من عصير الليمون .
٢_شوربه لسان عصفور
٣_شوربه العدس
٤_شوربه الخضار (كوسه -جزر-بطاطس)
٥- شوربه البصل يا اخوانا حاجه كده ولآ اقوى مضاد حيوى 🥰
٦-شوربه الشوفان.
٧_شوربه الطماطم (الليكوبين اقوى مضادات الاكسده )
٨_العسل الابيض بقطرات عصير الليمون على ماء دافىء
٩_ اليانسون المحلى بالعسل الابيض .


منقولة من صفحة د.بهاء الشيخ

20/09/2025

ورد الوردوش عليكم يا فانز….
من بكرة هنتلم من جديد و نقول كاني و ماني و دكان الزلباني.
يا رب صبحنا و ربحنا و ادام خلقك ما تفضحنا .

18/07/2025

❤️فنيات العيادة ❤️

أشهر أسباب التهاب الأذن الوسطى المتكرر :

1. حساسية الأنف ، ودي يا جماعة بنلقطها من طفل بيهرش كتير جداً أو رشح مستمر أو خنفرة انف أو صوت شخير خفيف أو صوت ابتلاع بلغم مع رائحة فم كريهة ( بكابورت لما يفتح بقه الصبح 😭) . الحساسية دي بتقفل القناه اللي "بتصرّف" ضغط الهوا من الاذن الوسطى ( استاكيوس) ،، تجمع مياه ورا الطبلة >> التهاب .
2. اللحمية ،، ودي بتتشخص بنفس أعراض حساسية الأنف تقريباً وعلى حسب حجمها وعمر الطفل وأعراضها بتتشال ، على سن ٣ سنين وطبعاً ممكن قبل كده في بعض الحالات ، الاكس راي مهمة طبعاً بس ناخد بالنا انها تتعمل اثناء عدم-التعب ( يكون الطفل معندوش برد ).
3. نقص المناعة ،، أمراض نقص مناعة معينة بتسبب انهيار المقاومة ضد البكتيريا وده بيسبب التهاب اذن وسطى متكرر .
4. الارتجاع الداخلى ،، بعض حالات الارتجاع الداخلي العنيف للّبن أو محتويات المعده ( فتق حجاب حاجز أو حساسيات الطعام ) بتسبب الاصابة بالتهاب الأذن المتكرر ، طبعا الفحص والاعراض الاخرى بتبين السبب .
5. الرضاعة "الصنااااااااااااااااعي "في وضع النوم ،،، وده عشان اللبن الصناعي بينزل بقوة الجاذبية فممكن يتنقل من الفم>البلعوم الانفي> ضغط على قناة استاكيوس> التهاب اذن وسطى ،، خاصة ان اللبن الصناعي مفيهوش الاجسام المضادة للبكتيريا زي الطبيعي اللى كمان الطفل بيسحب على قد (بؤه) ويبلعه على المعده من غير ما يوصل للأذن !

يبقى نعمل إيه ؟؟

نعالج حساسية الانف ، نتطمن عاللحمية ، نرضع في الوضع النصف قائم خاصة الصناعي ، نشوف اعراض الارتجاع وحساسيات الطعام ، أخيراً نتطمن على جهاز المناعة و دمتم بخير ❤️👍

❤️
د.أحمد الخطيب.

28/06/2025

الصفراء في حديثي الولادة :
هل كلها خطر ؟
لا ، الأغلبية ليست كذلك ، بل أغلبها صفراء فسيولوجية ستختفي بنهاية الأسبوع الثاني من العمر .
هل تقرر الأم أو الأب من نفسه مدى خطورة الصفراء على الطفل ؟
لا ، الذي يقرر ذلك هو طبيب الأطفال حديثي الولادة بالكشف الطبي أولا ثم بجهاز قياس الصفراء عن طريق الجلد .
ما هو الرقم المخيف في نسبة الصفراء ؟
على حسب عمر الطفل و عمره الرحمي و وزنه و عوامل أخرى ،،،
هل الصفراء في أول يوم من العمر لا تقلق ؟
لا بالعكس هي تقلق وًتقلق جدا و لا بد من عمل تحاليل دم و حجز بالحضانة للعلاج الضوئي .
هل لمبات النيون مفيدة في علاج الصفراء ؟
لا تفيد شيئا ،، لمبات العلاج الضوئي الموجودة بالحضانات لها طول موجي محدد ،،،،
و لكن التعرض للشمس قد يفيد
هل الصفراء مرض أم عرض ؟
هي عرض و علامة على أمراض أخرى كثيرة تتعدى الثلاثين مرضا
كيف نحدد المرض المسبب للصفراء ؟
بالتحاليل التي يطلبها طبيب الأطفال حديثي الولادة مع أخذ تاريخ مرضي عائلي جيد ،،،،
هل هناك رقم مقلق على العموم ؟
نعم إذا تعدت الصفراء نسبة ١٧ فهذا يقلق و لا بد من عمل فحوصات مع اعتبار عمر الطفل و وزنه و عمره الرحمي ،،،،
هل لو تركنا الطفل المصاب بالصفراء بنسبة مرتفعة خطر عليه ؟؟
نعم قد يؤثر ذلك على بعض مراكز المخ و قد يسبب ضمورا في المخ و قد يسبب الصمم و تشنجات ،،،،،
ممكن تذكر بعض الأمراض المشهورة التي تسبب صفراء حديثي الولادة :
نعم :
١- اختلاف فصائل الدم بين الأم و الطفل .
٢- قلة الرضاعة و قلة لبن الأم .
٣- عامل محدد في لبن الأم و تظهر هذه الصفراء في الأسبوع الثاني من العمر
٤- أنيميا الفول
٤- بعض امراض الدم في كرات الدم الحمراء
٥- مرض جلبرت
٦- Criggler-Najjar syndrome type 1 ,2
٧- نقص الغدة الدرقية
٨- تكسير في الدم نتيجة مرض مناعي
٩- ميكروب في الدم
١٠- الأطفال الخدج المبتسرين
١١- انسداد في القنوات المرارية
١٢- التهاب كبدي
هذه مجرد أمثلة لا على سبيل الحصر .
ربنا يحفظ كل أطفال المسلمين .

08/05/2025

لو ابنك بيعيط
مش كل العياط جوع...
---
--
1) جعان...

2) عطشان... هترضعيه برده، كمية المياه في لبنك بتزيد في أوقات الحر.. حاجة كده custom made

3) سقعان... وده نادرًا ما بيحصل، عشان إحنا عندنا قناعة ال over-wrapping ... أنا في شغلي بأخد وقت في فك طبقات الهدوم من جسم البيبي أكتر من وقت الكشف نفسه 😀 بس فيه ملاحظة: في الجو المتقلب ممكن امبارح يبقي حر فتلبسي البيبي نص كم، ويجي النهارده يبقي سقعة فتتخيلي انك لو لبستيه نص كم يبقي كده لخبطتي له في اللبس وهيعيي.. لأ حضرتك تلبسيه حسب الجو المحيط .. مش لازم يقضي مدة معينة في النص كم قبل ما يحول للكم.. 😀

4) حرّان... جاري فك الطبقات المتراكمة اللي لسه قايل لكم عليها 😑 القاعدة مبدئيا بتقول ان الطفل يلبس اتقل منك بطبقة واحدة... بس في الصيف والحر متعمليش فيه كده أرجوكي

5) زهقان... أيوه حد يقوم يتشقلب يللا ولا شوفوا لنا حاجة عدلة نتفرج عليها.. أنا هأفضل قاعد في السرير كده وباصص للسقف وانتو قاعدين ساكتين؟؟ شوية أكشن لو سمحتم.. حد يلاغيني! ((خصوصًا لو بنت))

6) مصدّع... كفاية دوشة بقي... انتو على طول لوك لوك لوك كده... بطلوا رغي شوية بقي وعايز أسمع الصمت ((خصوصًا لو ولد))

7) عايز يغير البامبرز.. نسيناها إزاي دي؟ 😀

😎 فيه فتلة من الشراب لافة على صوباع رجلي الصغنن... فيه شعراية من شعر ماما لافة على صوباع ايدي الشمال... فيه تيكت من الهدوم الداخلية بيشوكني في قفايا... فيه نملة قرصتني ورا وداني...
(غيري ملابسه تماما وتفحصي كل سنتي من جسمه.. ده إجراء روتيني لازم يتعمل يوميًا حتى لو مش بيعيط.. ولازم يتعمل لو دخلنا في نوبة عياط ومش عارفين سببها، للأسف الموضوع ده متكرر وساعات كتير بيعمل إصابات فعلية في أصابع الأطفال بالذات وممكن شعرة تلف عليه وتعمل غرغرينة عشان احنا مصممين منقلعوش الشراب عشان الجو سقعة وكأن بكتريا الالتهاب الرئوي قاعدة مستنية تدخل من صوباع رجله الصغير -_-)

9) التهابات في منطقة البامبرز.. حدّث ولا حرج، ببساطة شديدة: شطفيه بمياه عادية من غير صابون
معظم الالتهابات بتتحسن أو بتختفي تماما بالطريقة دي، وقليل لما بيكون فيه تدخل تاني محتاج عرض طبي المهم النظافة و التهوية

10) عنده مغص... Infantile colic ... ده أوبشن كده نازل built-in في الأطفال أول 3 شهور وممكن يكمل... عادة مش بتكون مشكلة عضوية، خصوصًا المغص اللي بيجي بعد العصر كده وبالليل ولحد الفجر... بس فيه علامات معينة لازم عندها نروح لطبيب أطفال: سخونية، إسهال شديد، ترجيع مستمر وعنيف، وضع الطفل على منحنى النمو غير مطمئن
ببساطة جربي تحطي طفلك في وضع رأسي وتكرعيه، أو تنيميه على فخذك وتدلكي ضهره، أو تنيميه على ضهره وتدلكي بطنه وتحركي رجليه كإنه بيعمل تمرين العجلة، وممكن تشليه وضهره ملاصق لبطنك ودراعك ضاغط على بطنه ضغطه خفيفة

11) النور ساطع بزيادة في الأوضة... (صدق أو لاتصدق: الأربع لمبات نيون اللي ضاربين في عينه دول مش بيقللوا الصفرا... آه والله... لو رقم الصفرا زايد جدًا الطفل بيتحجز في الحضانة ويتعرض لنور مختلف بطول موجي معين، ومش هو خالص الطول الموجي بتاع اللمبة النيون ولا الموفرة للطاقة ولا حتى الصفرا التنجستين دي... وبنت خالتك اللي حطت ابنها تحت اللمبات دي وصفرته قلت بعد يومين، فهي كده كده كانت هتقل بعد يومين وملهاش علاقة باللمبة... اشتري مني يا بنت الحلال واطفي النور ونامي)

12) الدنيا ضلمة بزيادة.. متطفيش أوي كده... بالنهار اقفل الشباك نص قفلة ونزلي ستارة، وبالليلة نوري لمبة سهّاري أو نور خارج الاوضة اللي بتناموا فيها... عايزين إضاءة شاعرية حالمة عشان نعرف نستكنيص وننام... معلش معلش، لما يكبر ابقي صفي حسابك معاه 😀

13) عايز اتمرجح... دلكي لي رجلي.. طرقعي لي ضهري... اهرشيلي في الحتة اللي فوق دي... (اهدي معلش، قلنا هنصف حسابنا لما يكبر 😀 وده زي ابنك برده 😀 )

14) انتى وشك عامل كده ليه يا ماما؟ اضحكي لو سمحتي
صدق أو لا تصدق برده: البيبي بيحس بيكي من وهو في بطنك، تتخيلي مش هيحس بيكي بعد ما شافك وسمعك ولمسك؟!

15) ريحة غريبة... بخور، برفان، معطر، عرق، كشط/ترجيع، حاجات تانية...😀

16) عايز أعيط... إيه معترضة على ايه؟! مش انت كمان عايزة تعيطي بذمتك؟! خديه في حضنك وكلميه وطيبي خاطره

17) أنا مش عاجبني الجو هنا وعايز أرجع جوه تاني... إحنا متفقناش على كده. بيئة الرحم الل اتعود عليها وبعدين لقى نفسه في معطيات تانية خالص...

18) أنا زهقان وعايز أتفسح.. فسحوني ((تمشية بالعربية في جو لطيف، يحس بنسمة هوا جديدة على وشه وصوت عصافير ويا سلام لو فيه ريحة بحر... طمع آه أنا عارفة، لسه هو هيكتشف ده بعدين، بلاش نحجم طموحات الأطفال من دلوقتى، هي هتتحجم لوحدها 😀 ))

19) إيه اللخبطة والحاجات الكتير دي، أنا عايز أرجع البيت... روحوني ((المولات.. الحديقة ))


مبادرة حلمنا

03/05/2025

https://www.facebook.com/share/p/1DtZaS93qk/?mibextid=wwXIfr

بسم الله …
بكل فخر… نعلن عن إنطلاق مشروع حلمنا :
Tiny Tummies
– مركز الجهاز الهضمي، حساسية
الطعام، والتغذية للأطفال.

سنين من التخصص، وخبرة ممتدة بين مصر وأمريكا، وآلاف الأطفال اللي قابلتهم…
كل ده كان بيقول إن أطفالنا يستحقوا أكتر.
مكان مش بس بيعالج، لكن بيفهم الطفل، ويسمع الأهل، ويحتوي الوجع قبل التشخيص.

Tiny Tummies

هو أول مركز في مصر مخصص بالكامل لرعاية الأطفال اللي بيعانوا من:

• أمراض الجهاز الهضمي

• حساسية الطعام

• صعوبات البلع والتغذية

• مشاكل النمو، الامتصاص، واضطرابات الإخراج

بفريق متكامل من المتخصصين…
كل دكتور فينا اختار يشتغل مع الأطفال مش صدفة، لكن حبًا وإيمانًا.

بدأنا… والعجلة دارت، والحالات بدأت تتشافى.
جاهزين نستقبل أطفالكم، نسمع قصصكم، ونمشي معاكم طريق الشفاء الحقيقي بإذن الله.

Tiny Tummies – بطون صغيرة، رسالة كبيرة.

تابعونا، وادعمونا… لأن ده مش بس مشروع طبي، ده مشروع حياة.



————-

مركز Tiny Tummies
القاهرة-مدينة الرحاب- مول جيت واى - مدخل العيادات D1 بجوار سوبر بنده- عيادة DS12

https://maps.app.goo.gl/SyiLJX42sqp5jBzv5?g_st=ic

للحجز
:
01123800501