30/06/2025
🩵🩵🩵
🔥 الفريق الخامس المتأهل لتصفيات مسابقة ريادة الأعمال لمراكز التطوير المهني UCCD startup missils2؟🚀
هو... فريق MedEco ! 💊🔥
فريق طموح هدفه تطوير طريقة تعامل الناس مع الأدوية، وتحويلها لتجربة أذكى، أأمن، وأنظف...للكل
مشروع MedEco انطلق من مشكلة ناس كتير بتغفل عنها: تكدّس الأدوية المنتهية أو غير المستخدمة في البيوت.
ومن هنا، بدأ الحل.
📦 طور الفريق نظام ذكي بيجمع الأدوية دي بطريقة آمنة وصديقة للبيئة، وبيحوّلها لنقاط يقدر الشخص يبدلها بأدوية هو فعلاً محتاجها.
🚀 الفكرة مش بس بتحمي البيئة، لكنها كمان بتوفر مساحة، وبتحمي صحة الناس من التعرض لأدوية منتهية أو غير صالحة.
💊 كمان بيدعم الفريق الصيدليات الصغيرة من خلال شبكة تبادل ذكية، بتقلل من الأدوية الراكدة، وبتساعد في توفير الأدوية الناقصة، علشان كل مريض يقدر ياخد الروشتة الكاملة من مكان واحد.
🤖 خدمة الشات بوت اللي طورها الفريق بتساعد المرضى بشكل مباشر:
- بتقدم نصائح صحية مخصصة
- بتحذّر من التفاعلات الدوائية والغذائية
- وبتسهل فهم الروشتات والمعلومات الخاصة بكل دواء
📄 ومع نظام قراءة وتحليل الروشتة الذكي، المريض بيقدر يفهم العلاج اللي بياخده، ويتابع الجرعات والمواعيد، ويتجنب أي مخاطر ناتجة عن الاستخدام الخاطئ.
كل خدمة من خدمات MedEco متكاملة مع التانية، وبتشتغل بشكل مترابط يعتمد على تحليل البيانات والخبرة الطبية.
👏 فريق MedEco مش بس بيقدّم فكرة…
هو بيقود ثورة حقيقية في عالم الدواء، ويضع راحة وسلامة المريض على قمة أولوياته.
✨🚀 تمنياتنا لفريق MedEco بكل التوفيق فى مرحلة التصفيات، وتابعونا علشان تتعرفوا على باقى الفرق والمشاريع المؤهلة فى تحدى التصفيات النهائية💪🚀
