أسنان لكل الناس

أسنان لكل الناس صفحة "أسنان لكل الناس" معمولة علشان نقرّب طب الأسنان لغير المتخصصين بلغة بسيطة وسهلة.

30/10/2025

🦷 معلومة بسيطة:
ناس كتير فاكرة إن الحشو بيضعف الأسنان… بس الحقيقة العكس!

الحشو بيتحط علشان يعوّض الجزء اللي اتكسر أو اتسوّس، يعني بيرجّع للسنة شكلها وقوّتها الطبيعية.
لكن لو اتأخّرت في الحشو، فقول عالسنة السلام 😀.

الأطعمة المفيدة لصحة الأسنان 👌🏻---✅ الأجبان واللبنفيهم كالسيوم… بيزود صلابة الأسنان.. ✅ التفاح والجزر والخيار دول بيشتغل...
17/10/2025

الأطعمة المفيدة لصحة الأسنان 👌🏻

---

✅ الأجبان واللبن
فيهم كالسيوم… بيزود صلابة الأسنان..

✅ التفاح والجزر والخيار
دول بيشتغلوا كـ فرشة طبيعية، يعني بيكنسوا أي بواقي أكل على أسنانك.

✅ السمك
فيه فيتامين D.. وده اللي بيخلي جسمك يعرف يستفيد من الكالسيوم أصلاً .

✅ الشاي الأخضر
مضاد بكتيريا طبيعي، يعني بيحارب التسوّس وهو في الكوباية!

---

⚠️ وخد بالك…النظام الغذائي مهم جدا في صحة الأسنان، الموضوع مش فرشة ومعجون بس!

تعرف إن سنانك مش زي بعض 🫣عاملة كده زي صوابعك مش زي بعض😅كل سن في بقك ليه وظيفة مخصصة، ومفيش سنة بتقوم بوظيفة أختها---نبدأ...
13/10/2025

تعرف إن سنانك مش زي بعض 🫣
عاملة كده زي صوابعك مش زي بعض😅

كل سن في بقك ليه وظيفة مخصصة، ومفيش سنة بتقوم بوظيفة أختها

---

نبدأ كده من قدام لورا:

1- 🪓 القواطع (اللي قدام خالص)
دول وظيفتهم "يقطعوا" الأكل أول ما يدخل علطول.
عددهم: 4 لكل فك

2- ⛏️ الأنياب (الحدادين)
دوره "يمزّق" الأكل اللي القواطع مش قادرة عليه.
عددهم: 2 لكل فك

3- ⚒️ الضواحك
نص طحن ونص تقطيع، بتاعت كله يعني.
عددهم: 4 لكل فك

4- 🔨 الأضراس (المطحنة)
دول اللي بيطحنوا الأكل طحن، عشان ينزل سهل على المعدة.
عددهم: 6 لكل فك

---

يعني تخيّل…
لو سن واحد بس بطل يشتغل، خط الإنتاج كله هيوقف!

هل وجع الأسنان ممكن يكون دليل على مشكلة أكبر؟! 🤔أحيانًا المشكلة مبتكونش في الأسنان أصلًا.. يعني بيكون فيه إصابة في حتة ت...
10/10/2025

هل وجع الأسنان ممكن يكون دليل على مشكلة أكبر؟! 🤔

أحيانًا المشكلة مبتكونش في الأسنان أصلًا..
يعني بيكون فيه إصابة في حتة تاني، ولكن مسمعة في أسنانك..

📌 ممكن يكون من:
• الجيوب الأنفية
• الأذن
• الرقبة
• مفصل الفك
• الكلى
• الكبد

الجسم مش قطع منفصلة
الجسم شبكة واحدة. وأبسط نقطة فيها لو اختلت، كل حاجة بعدها بتتلخبط.

فلو فيه وجع في الفم بشكل عام، لازم تتطمن على صحة جسمك قبل صحة أسنانك.
لو عندك تجربة مشابهة كلمنا عنها؟ 😊

أحمد السيد.. شاب أنيق، مهتم بشكله ونظافته.ولكنه مكنش بيغسل أسنانهفقرر في يوم صيفي حار إنه يشتري معجون وفرشة. وقبل النوم ...
07/10/2025

أحمد السيد.. شاب أنيق، مهتم بشكله ونظافته.
ولكنه مكنش بيغسل أسنانه
فقرر في يوم صيفي حار إنه يشتري معجون وفرشة.

وقبل النوم وقف قدام مرايته، وبدأ يغسل أسنانه، ولكن
وهو بيغسل أسنانه تفاجأ إنها بتجيب دم... صدمة 🤯.

أحمد خاف، واضطر يلجأ لآخر حد كان ممكن يجي في باله.. دكتور الأسنان 🙄.

دخل العيادة، الدكتور قاله يأبو احميد انت عندك جير ومحتجين ننضفه، والخطوات كالتالي:

1. الفحص المبدئي 👀
الطبيب يتأكد من حالة اللثة والأسنان ويحدد أماكن الجير.

2. إزالة الجير والترسبات 🦷
باستخدام جهاز خاص يصدر ذبذبات خفيفة لتفكيك الجير.

3. التلميع ✨
يُستخدم معجون خفيف وفرشاة دوّارة لتنعيم سطح الأسنان.

4. تطبيق الفلوريد 🧴
لحماية الأسنان من التسوس بعد التنظيف.

السؤال الأزلي: هو تنضيف الجير ممكن يوقع أسنانك؟ المرة الجاية بقا 😁

إزاي تختار معجون الأسنان المناسب ليك؟الاختيار هنا بيتوقف على حالتك، يعني: 🪥 لو عندك تسوّس:اختار معجون فيه فلورايد بنسبة ...
05/10/2025

إزاي تختار معجون الأسنان المناسب ليك؟

الاختيار هنا بيتوقف على حالتك، يعني:
🪥 لو عندك تسوّس:
اختار معجون فيه فلورايد بنسبة مناسبة (ده الأساس للحماية)

🪥 لو بتعاني من حساسية:
دور على نوع مكتوب عليه “للأسنان الحساسة” أو “Sensitive”.

🪥 لو نفسك في تبييض بسيط:
فيه أنواع Whitening بس خليك حريص 👀
متستخدمهاش لو سنانك ضعيفة أو حساسة.

🪥 لو نَفسَك مش دايمًا حلو:
هات معجون فيه ريحة قوية منتول/نعناع.

🪥 لو عندك التهابات لثة أو نزيف:
اختار نوع مخصص للثة… بيكون مكتوب عليه Gum Care أو Periodontal.

📌 وأهم حاجة:
– استشير دكتورك لو عندك مشكلة معينة

لو عاوز أمثلة لأسماء نوع معين عرفني 😊

اللسان! وما أدراك ما اللسان! اللسان مش بس حاجة كده في بقك، ولكن هو ليه دور مهم جدا في تنظيم حياتك لسانك بيشتغل على 4 جبه...
03/10/2025

اللسان! وما أدراك ما اللسان!

اللسان مش بس حاجة كده في بقك، ولكن هو ليه دور مهم جدا في تنظيم حياتك

لسانك بيشتغل على 4 جبهات:

1️⃣ التذوق – يعرفك الفرق بين الحلو والمر والحامي حتى لو بأقل كمية.
2️⃣ المضغ – يساعد على تحريك الأكل وتوجيهه للأسنان علشان يتطحن كويس.
3️⃣ الكلام – من غيره ولا هتعرف تقول "يا ولد" ولا "لك الويل" ولا حتى تنادي على قطتك!
4️⃣ التحنيس: تقدر تطلع لسانك علشان تغيظ أي حد.

🦷 لسانك جزء مهم من صحة الفم… مش مجرد حاجة جوه بُقك!

تحب نعمل بوست تاني قريب عن أسباب تقرح اللسان أو رائحة الفم من اللسان؟

مرة واحد صاحبي كان دايمًا بيأجل موضوع الدكتور...سِنُّه يوجعه شوية، يبلع مسكن ويكمّل حياته، لحد ما في يوم… الوجع قلب لصحي...
02/10/2025

مرة واحد صاحبي كان دايمًا بيأجل موضوع الدكتور...
سِنُّه يوجعه شوية، يبلع مسكن ويكمّل حياته، لحد ما في يوم… الوجع قلب لصحيان بالليل، ووشه ورم، وحس إنه حرفيًّا مش قادر يفتح بُقه ولا يتكلم.

اللي كان "وجع بسيط" بقى:

• مش مركز في شغله

• مش عارف ياكل حلو؛ لإن الأكل بيسببله وجع

• بيتعصب على الجماعة والأطفال 🥺

• راحة البال بتاعته ضايعة

راح للدكتور، اتقاله:
لو كنت جيت من بدري، كنا عملنا حشو بسيط. دلوقتي محتاج علاج عصب… ويمكن طربوش كمان، وممكن نخلع السن ونعوضهولك بكوبري أو زرعة 😇

يعني يا عزيزي المريض، ليه تستنى على نفسك، طب يبن الناس ممن الأول، مش هتتكلف وكمان هتحافظ على سنانك..

---

🦷 لو عندك وجع سن؟ متستهونش.
مش بطولة هي والله 😬 … روح وخلّصها من بدري.

هو أنا لازم أستخدم خيط الأسنان؟ ولا الفرشة لوحدها كفاية؟بص يا غالي🦷 الفرشة بتنضف سطح السن من برّه.🦷 طيب وبين السنان؟ الف...
30/09/2025

هو أنا لازم أستخدم خيط الأسنان؟ ولا الفرشة لوحدها كفاية؟

بص يا غالي

🦷 الفرشة بتنضف سطح السن من برّه.
🦷 طيب وبين السنان؟ الفرشة مش بتوصل… وهنا بيجي دور الخيط .

✅ الخيط بيشيل اللي مستخبي بين الأسنان… والبكتيريا اللي هناك بتسبب التسوس اللي بين الأسنان وبينتج عن ده تحشير للأكل.

يعني؟
الفرشة = مهمة
الخيط = مكمل أساسي
الاتنين مع بعض = اهتمام كامل

إنت بقا بتستخدم الخيط 🫣؟

٣ خطوات بسيط مش هتخليك تروح لدكتور الأسنان 😭1️⃣ اغسل أسنانك مرتين في اليوم – بعد ما تصحى وقبل ما تنام.2️⃣ اشرب مية كتير ...
28/09/2025

٣ خطوات بسيط مش هتخليك تروح لدكتور الأسنان 😭

1️⃣ اغسل أسنانك مرتين في اليوم – بعد ما تصحى وقبل ما تنام.
2️⃣ اشرب مية كتير – بتقلل الحموضة في الفم (البكتريا بتحب الحموضة) وبتنضّفه طبيعي.
3️⃣ قلل السكريات بين الوجبات – مش لازم تضيق على نفسك، بس خليك فالمعقول يعني 😂

🤔 إنت بقا بتلتزم بكام خطوة من التلاتة؟!

عمرك سألت نفسك السن بيتكوّن من إيه؟ 🤔لو بصينا بصة عامة على السِن هنلقيه بيتكون من 3 طبقات رئيسية: 1️⃣ المينا:أول طبقة من...
26/09/2025

عمرك سألت نفسك السن بيتكوّن من إيه؟ 🤔

لو بصينا بصة عامة على السِن هنلقيه بيتكون من 3 طبقات رئيسية:

1️⃣ المينا:
أول طبقة من برّه، وتُعتبر أنشف مادة في جسم الإنسان كله (فيها 96٪معادن)، ومن بديع صنع الله إن الطبقة دي مفيهاش أعصاب، يعني تقدر تأكل وتشرب أي حاجة (بارد، ساخن، حار..).
طب دانا أحيانا بحس بألم مع الساقع والحلويات🤔 هنعرف السبب في المرات الجاية 😁.

2️⃣ العاج:
تحت المينا على طول. تتميز بلونها المايل للصفرة، أطرى شوية، وعاملة زي المخدة كده، يعني بتمتص الصدمات ،سبحان الله لو الطبقة دي مش موجودة كان أي خبطة هتدشدش السنة كلها؛ وده لإن المينا صلبة فعلا ولكن مش مرنة (بالظبط زي الزجاج).

3️⃣ اللب:
قلب السن ♥️، جواه الأعصاب والأوعية الدموية وآلاف من الخلايا الحية، عشان كده لو وصله التسوّس بتحس بألم شديد.
معنى كده إني طالما حسيت بوجع يبقى التسوس وصل للب؟ 🥺هنعرف في المرات الجاية بردو😁

يعني فيه تركيب بديع وهندسة محكمة في كل جزء من سنتك، والوقت اللي بتقرر فيه تخلع سنة أو ضرس فإنت بتستغني عن حاجة عمرها مهترجع زي الأول.

---

📌 تابعوني علشان نعرف أكتر عن عالم الأسنان بطريقة بسيطة وقريبة منكم.

ليه عملنا الصفحة دي؟ 🤔👋 أهلا بيكم في صفحتنا "أسنان لكل الناس" 🦷الصفحة دي معمولة مخصوص علشان تبسطلكم طب الأسنان بلُغة قري...
25/09/2025

ليه عملنا الصفحة دي؟ 🤔

👋 أهلا بيكم في صفحتنا "أسنان لكل الناس" 🦷

الصفحة دي معمولة مخصوص علشان تبسطلكم طب الأسنان بلُغة قريبة وسهلة…
من غير مصطلحات معقدة، ومن غير كلام يخوّف.

هنتكلم عن:
🔹 إزاي نحافظ على أسناننا وصحتنا الفموية.
🔹 معلومات مبسطة عن التركيبات، الحشو، والتنضيف.
🔹 نصايح يومية تهم كل واحد فينا.
🔹 طبيعة مجال طب الأسنان.

هدفنا إن أي حد، مهما كان تخصصه، يقدر يفهم ويستفيد… ونوريكم إزاي طب الأسنان علم وفن دقيق في نفس الوقت. 🎨

خليكم معانا، واستنوا البوستات الجاية
ولو شايف إن فيه حد يهمه المجال ده، متنساش تشارك مع الصفحة ❤

Address

Mansoura

Website

Alerts

Be the first to know and let us send you an email when أسنان لكل الناس posts news and promotions. Your email address will not be used for any other purpose, and you can unsubscribe at any time.

Shortcuts

Share

Category