What are the opening hours?

Monday 1pm - 4pm 7:30pm - 11pm Tuesday 1pm - 4pm 7:30pm - 11pm Wednesday 1pm - 4pm 7:30pm - 11pm Thursday 1pm - 4pm 7:30pm - 11pm Saturday 1pm - 4pm 7:30pm - 11pm Sunday 1pm - 4pm 7:30pm - 11pm

https://www.facebook.com/206398096699429/

عيادة دكتور أحمد سعيد الهيتي لأمراض الصدر والحساسية

Home
Egypt
Marsa Matruh
عيادة دكتور أحمد سعيد الهيتي لأمراض الصدر والحساسية

دكتور أحمد سعيد الهيتي, حاصل علي زمالة أمراض الصدرو ال?

25/10/2022

يعتذر الدكتور أحمد سعيد الهيتي عن التواجد بالعيادة غدا الأربعاء والخميس وذلك لحضوره المؤتمر الدولي السنوي للجمعية المصرية لأمراض الصدر والتدرن بالقاهرة برئاسة الأستاذ الدكتور / محمد عوض تاج الدين
أستاذ الأمراض الصدرية بجامعة عين شمس
مستشار السيد رئيس الجمهورية للصحة

02/04/2022

كل عام و أنتم بخير
رمضان ☪️ مبارك عليكم جميعا

بإذن الله مواعيد ⏱ العيادة في رمضان 🌙 :

يوميا ما عدا الجمعة

من ١٠ ص إلى ٥ م.
و من ٩:٣٠ م إلى ١١:٣٠ م.

للحجز 01060698704

08/12/2021

السلام عليكم و رحمة الله و بركاته
أخباركم إيه؟؟
يا رب تكونوا كلكم بخير و في أحسن حال 🌷🌷🌷

طبعا عشان ظروف الجو اليومين دول 🌪⛈💨و تعطيل الدراسة حابب أتكلم معاكم عن إيه اللي مفروض أي أم تعمله مع أولادها في الوقت ده بالذات لو عندهم حساسية 🤧🤧🤧

خلينا في الأول نتكلم بإختصار عن الحساسية و نكون عارفين إن حساسية الصدر حاجة مزمنة يعني بتزيد في أوقات و تتحسن في أوقات كتير.
و طبعا أكتر حاجة بتتعب في الحساسية هي صعوبة التنفس بسبب ضيق الشعب الهوائية🫁🫁🫁.

الدخان و العطور النفاذة و البخور و حبوب اللقاح طبعا من أكتر الحاجات اللي بتزود الحساسية🗣،

و طبعا العواصف الرملية ممكن تزود أعراض الحساسية بشكل كبير لأنها بتنقل معاها أنواع مختلفة من الغبار و الجزيئات البيولوجية لمسافات كبيرة جدا زي البكتريا و الفيروسات و الفطريات.
و من ضمن الجزيئات دي اللي ممكن تكون محملة في الرمال هو الكوارتز و ده معدن موجود في غبار رمال الصحراء ممكن يزود الحساسية.

طب إيه المفروض نعمله لما الجو يقلب و يكون بالشكل ده؟؟!! 🤔🤔🤔

👈 أفضل شيء عدم الخروج تماماً🏠🏠🏠 لحد الجو ما يبقى تمام 👌

👈 لو مضطرين نخرج يبقى الأفضل نكون في مناطق محمية مغلقة .
👈 لازم نكون لابسين الكمامة 😷😷😷 و تكون مغطية الفم و الأنف كويس جدا .
👈 لو مفيش كمامة يبقى نستخدم منديل مبلل أو باندانا.
👈 نحافظ على عينينا كويس جدا من التراب 🕶🕶 🕶 .
👈 نستخدم ڤازلين لترطيب فتحات الأنف عشان ما يحصلش جفاف.
👈 مفيش داعي لأي تمارين 🏋️ 🏋️ 🏋️ زيادة في الفترة دي عشان الحساسية ما تزيدش.
👈 نبدأ في العلاج لو أعراض الحساسية بدأت في الظهور سواء البخاخات أو مضادات الهيستامين على حسب تعليمات الدكتور👨‍⚕️👩‍⚕️🧑‍⚕️ المختص.

و ألف سلامة عليكم جميعا و ربنا يحفظكم من كل مكروه

و دمتم سالمين 🌸🌸🌸

26/10/2021

يعتذر دكتور أحمد سعيد الهيتي عن التواجد بالعيادة حتى نهاية هذا الأسبوع و ذلك لحضوره المؤتمر الدولي السنوي للجمعية المصرية لأمراض الصدر و التدرن بالقاهرة .
على أن يستأنف العمل بالعيادة بإذن الله السبت المقبل ، مع تمنياتنا لكم بدوام الصحة و العافية .

28/08/2021

السلام عليكم و رحمة الله و بركاته
أخباركم إيه ؟ يا رب تكونوا كلكم بخير

النهاردة عاوز اتكلم معاكم عن النوع الأخير من فيروس كورونا أو " المتحور دلتا " .
هنتكلم عنه في خمس نقاط مهمة و لازم ناخد بالنا منها و باختصار عشان الموضوع يكون سهل للجميع بإذن الله .

١_ المتحور دلتا أكثر انتشارا من الأنواع اللي قبله .😱😱😱

بالتالي معدل العدوى هيكون أسرع .
يعني الشخص المصاب بدلتا ممكن يعدي ٤ أشخاص تانيين لكن في الأنواع السابقة من الفيروس كانت الإصابة تقريبا شخصين لكل شخص مصاب و ده اللي بيفسر إن البيت الواحد حاليا ممكن تلاقي كل أفراد الأسرة مصابين بلا استثناء .

٢_ الناس اللي لسه ما اخدتش التطعيم أكتر ناس معرضة للخطر .

الدراسات اللي اتعملت لحد دلوقتي وجدوا إن اكتر ناس معرضة للإصابة و الحجز في المستشفى هم الناس اللي مش متطعمين .
في أشخاص اخدوا التطعيم و تم تسجيل الإصابة بالرغم من التطعيم لكن الأعراض كانت بسيطة و أخف بكتير .

٣_ المتحور دلتا ممكن يؤدي إلى تفشي محدود في بعض الأماكن .

بمعنى إن البلدان أو المناطق اللي مفيهاش نسبة تطعيم كبيرة ممكن يحصل فيها وباء زي ما حصل في العالم كله أول ظهور المرض و ده سببه إن في أماكن لسه ما وصلهاش التطعيم أو رفض الناس للتطعيم رغم توفره .

٤_ لسه في معلومات كتيرة ما نعرفهاش عن دلتا .🤔🤔🤔

بمعنى هل هو أشد من الأنواع اللي قبله من حيث الأعراض و لا زيهم ، لسه الدراسات مختلفة في الجزئية دي .
لكن الواضح إن الأعراض معظمها عبارة عن رشح 🤧و احتقان في الحلق و صداع و ارتفاع في الحرارة 🤒و بالنسبة للكحة 😮‍💨و فقدان حاسة الشم لقوا إنها أقل مع المتحور دلتا عن الأنواع اللي قبله.

٥_ التطعيم هو الوسيلة الأكثر أماناً للوقاية .💉💉💉

كل الدراسات اتفقت على إن التطعيم هو الحل الأمثل و أقصر طريق للحد من انتشار المرض .

في نقطتين مهمين عاوز اتكلم عليهم هنا و هو سؤال متكرر بشكل يومي و اتصالات " ناخد التطعيم يا دكتور ؟؟""
اه حضرتك خد التطعيم مهم جداً ليك و للمجتمع كله لأن ده بيحد بشكل كبير جدا من انتشار المرض و بيحافظ عليك و على أسرتك و الحمد لله التطعيم متوفر للجميع و وزارة الصحة المصرية مهتمة جدا بتوصيل التطعيم لكل الناس .
يبقى ناخد التطعيم و بلاش تباطؤ .

النقطة التانية مش عاوزين نكون رد فعل ، بمعنى إن في متحور جديد بدأ يظهر في البرازيل "" متحور لمبادا"" 🙄🙄🙄 اه و الله اسمه لمبادا 😄
مش عاوزين ننتظر لحد ما ينتشر هو كمان و بعدين ندور على العلاج ، ابدأ بنفسك و روح اتطعم و حافظ على لبس الكمامة 😷😷😷في التجمعات و حاول قدر الإمكان تجنب التجمعات .

و ربنا يحفظكم جميعا.
و دمتم سالمين .
🌷🌷🌷🌷🌷

11/04/2021

السلام عليكم و رحمة الله و بركاته
بعتذر لكل الناس اللي اتصلت و بعتذر لعدم تواجدي اليوم و غدا بالعيادة نظراً لتعرض الوالدة لكسر في عظمة الفخذ و سفري المفاجيء للإسكندرية ، و إن شاء الله أكون متواجد معاكم بالعيادة يوم الثلاثاء أول أيام شهر رمضان المبارك و كل سنة و أنتم طيبين ، تقبل الله منا و منكم صالح العمل .

21/01/2021

السلام عليكم و رحمة الله و بركاته
أخباركم إيه؟
يا رب تكونوا كلكم بخير .
أنا كنت مأجل المقال ده لآخر الأسبوع عشان يكون الكلام أكثر تأكيداً .
الحمد لله الملاحظ في مطروح و حتى خارج مطروح من خلال التواصل مع الزملاء في نفس التخصص إن حالات الإصابة أو حتى اشتباه الإصابة بفيروس كورونا في إنخفاض ملحوظ الأسبوع ده و اللي قبله عن الاسابيع اللي فاتت ، و ده من فضل ربنا علينا .

آخر مؤتمر للأستاذ الدكتور/ محمد عبد الحكيم النادي أستاذ الأمراض الصدرية بالقصر العيني كان الأسبوع الماضي هنا في مطروح و كان بعنوان " الكورونا من الألف إلى الياء" و كان من أهم توصياته للحفاظ على المناعة و الوقاية من انتشار الفيروس هي حاجات بسيطة جدا أبسط من قلقنا بسبب التطعيم و مين اللي هياخده و قد إيه هو فعال !!!

التوصيات دي ببساطة كانت تتلخص في المحاور الآتية للوقاية بإذن الله تعالى :
⭐ المحافظة على التباعد الاجتماعي .
⭐ لبس الكمامة
⭐ النظافة الشخصية و غسيل الأيدي باستمرار.
⭐ النوم لفترة كافية من 6 إلى 8 ساعات يومياً .
⭐ المحافظة على الغذاء الصحي المتكامل من خضروات طازجة و فواكه غنية بفيتامين سي .

حاجات بسيطة جدا و سهلة و كلنا نقدر نعملها بدون اي تكلفة .

يبقى نقدر نقول إن احنا ما زلنا في حاجة للإجراءات الاحترازية اكتر من أي حاجة تانية و نبعد عن القلق و الخوف و نستبشر خير بالفترة القادمة بإذن الله تعالى.

و ربنا يحفظكم جميعا و يديم عليكم الصحة و العافية

و دمتم سالمين .
🌺🌺🌺

07/11/2020

السلام عليكم و رحمة الله و بركاته

أنا عارف إني بقالي فترة كبيرة ما اتكلمتش معاكم على صفحة العيادة .
بس النهاردة حصل موقف و يمكن مش أول مرة أشوفه بيحصل لكن يبدو إن الموضوع ده أصبح عادة عند البعض للأسف .

مريض أو مريضة بيشتكي من إنه جاله دور سخونية و كحة و إسهال و فقدان لحاسة الشم و التذوق من شهر و إنه اتعامل مع الدور على إنه دور برد ، و الحجة إنه أو إنها دخلت على جوجل و لقت إنها أعراض برد عادي ، طبعا انتم مش مصدقين ، بس ده اللي حصل فعلا معايا النهاردة .

المشكلة مش كده المشكلة إن صاحب الشكوى استمر في الذهاب للعمل بصورة طبيعية جدا و ما حاولش حتى يكشف أو يعزل نفسه عن زمايله عشان ما يتخصمش منه بدل نقل أو حافز مادي من مرتبه لكن مفيش مشكلة إنه ممكن تسبب لزمايله في مشاكل الله أعلم بمضاعفتها .

ده اسمه استهتار و دي جريمة فعلا ، أنت ممكن تقتل زميلك بسبب أنانيتك دي .

الحالات كل يوم موجودة و إن كانت الحمد لله معظمها حالات بسيطة و بتتعافى بفضل الله في وقت قصير ، لكن لسه في ناس بنفقدهم كل يوم و أنت ما تعرفش الرصاصة اللي طلعت منك دي هتأذي مين ؟؟!!

يا ريت اللي يحس بأي حاجة من الأعراض دي يروح يكشف على طول و يعزل نفسه عن الاخرين لحد ما يتأكد من الدكتور المتخصص ، لو في سخونية ، كحة ، تكسير في الجسم ، اسهال ، مغص ، فقدان لحاسة الشم أو التذوق ، و طبعا مش لازم كل الأعراض تكون موجودة ، ممكن عرض واحد بس منهم هو اللي يكون موجود و تكون الحالة كورونا

يا ريت نحافظ على نفسنا و ما نتهاونش في لبس الكمامات و الكشف المبكر و اتباع تعليمات الأطباء و التمريض .

ربنا يحفظكم جميعا و يحفظ بلدنا من كل سوء

و دمتم سالمين .

31/07/2020

تقبل الله منا و منكم
عيد سعيد عليكم جميعا

27/06/2020

السلام عليكم و رحمة الله و بركاته
أخباركم إيه ؟
يا رب تكونوا جميعا بخير حال .

بما إننا بدأنا في مرحلة جديدة النهاردة و هي إن فترة الحظر تقريبا كده بقت شبه منعدمة ،
يعني إحنا رجعنا تاني للحياة الطبيعية قبل فترة الكورونا .

بس هنا في نقطتين عاوز أوضحهم

أول حاجة إنه مش معنى إن الحظر اتلغلى إن الكورونا انتهت ، بالعكس الحذر عندنا مفروض يزيد لأن الاختلاط هيكون أكتر و ده ممكن يسبب زيادة في عدد حالات الإصابة ، فلازم نحافظ على لبس الكمامة و التباعد الإجتماعي قدر الإمكان .

تاني حاجة إنه بفضل الله بالرغم من أعداد الحالات بتزيد ، إلا إن خطورة الأعراض و تأثيرها على الحالات بتقل و ده شيء مبشر بفضل الله ، لكن لازم ناخد بالنا و ما نتهاونش بالموضوع و برضه مفيش داعي للقلق الزائد .

و ربنا يحفظكم جميعا

و دمتم سالمين.

عيادة د. أحمد سعيد الهيتي
مرسى مطروح ، شارع اسكندرية
أمام مطعم أبو ربيع
01060698704

29/05/2020

السلام عليكم ورحمه الله وبركاته
كل سنة و انتم جميعا طيبين

عارف إني بقالي فترة ما اتكلمتش معاكم بس تقريبا أكتر ناس ما اتكلمتش في الفترة اللي فاتت هم دكاترة الصدر مع إننا أكتر حد في وش المدفع💣💣💣 ، بس ده عشان معظم الدكاترة شغالة على أرض الواقع و بعيد عن الجدال الغير علمي إطلاقا. 🙄🙄🙄

أنا بس عاوز اتكلم في كام نقطة مهمة و ربنا يحفظكم جميعا :

من بكرة إن شاء الله المستشفيات هتكون شغالة عادي زي الأول، يعني العيادات الخارجية في كل المستشفيات بكل التخصصات هتكون شغالة بما فيها حالات اشتباه الكورونا يعني ده معناه إنه مع أقل درجة من عدم الاحتياط ممكن أي شخص يصاب و هو اصلا رايح المستشفى بسبب مشكلة تانية خالص !!! 😥😥😥

طب إيه الحل ؟؟ 🤔🤔🤔

الحل إن الشخص المريض فعلا🤒🤧😤🤕🥵 هو اللي يروح للمستشفى، مش اللي قلقان أو خايف أو شاكك ، و لما يروح المستشفى يبقى لابس كمامة😷😷😷 و يحافظ على مسافة كافية بينه و بين المحيطين .⁦✋🏻⁩⁦✋🏻⁩⁦✋🏻⁩

من بكرة هيبقى إلزامي تلبس كمامة😷😷😷 و أنت خارج البيت🏡⁦🏘️⁩🏠 ، يا ريت ما ننساش و يا ريت اللي ينزل من البيت يكون نازل لضرورة ، مش وقت فسح خالص⁦🏝️⁩⁦🏖️⁩⁦⛱️⁩ أو اصطحاب أطفال أو زيارات ⁦🧑‍🤝‍🧑⁩👭👬، ممكن واحد يكون حامل للمرض و مفيش عليه أي أعراض و حضرتك لا قدر الله تصاب منه و تبقى برضه حامل للمرض بدون اي اعراض أو أعراض بسيطة جدا ، طب ايه المشكلة في كده ؟؟!
المشكلة إن ممكن حضرتك تنقله لأي حد من كبار السن ⁦⁦🧑‍🦳⁩🦳في أسرتك و انت مش عارف هو ازاي اتعدى و هو مش بيخرج اصلا .⁦✋🏻⁩

بالنسبة للعيادات الخاصة🩺🩺🩺 يا ريت اللي يجي العيادة المريض فقط🥵🤕🤒🥴🤧 و طبعا يكون لابس كمامة😷😷😷 و لو في مرافق للضرورة يكون هو كمان لابس كمامة . 😷
لو حضرتك حاسس بارتفاع في درجة الحرارة🤒🥵 يبقى تطلع على مستشفى الصدر أو الحميات مباشرة و مفيش داعي للعيادات الخاصة لأن كده كده علاجك هيكون في المستشفى مش في العيادة.⁦✋🏻⁩⁦✋🏻⁩⁦✋🏻⁩

نقطة تانية حابب اتكلم عليها و هي الكمامات القماش 😷😷😷أو اللي بتتعمل في البيت ، الموضوع مش جديد و كان في أبحاث عليه من سنة ٢٠١٣ بسبب سارس (SARS)
الخلاصة إن الكمامات الطبية افضل ب ٣ أضعاف الكمامة القماش ، بس الكمامة القماش افضل من مفيش .

آخر نقطة عاوز اتكلم فيها هي إن بفضل الله اكتر من ٩٠٪ من الحالات بتتعافى بفضل الله بعلاج و عزل في المنزل⁦🏘️⁩🏠🏡 ، فأنا ما زلت ضد التهويل و التخويف و برضه ضد التهوين و الاستهتار بالموضوع .

نتوكل على الله و ناخد احتياطاتنا الصحية و ربنا الحافظ .

و دمتم سالمين.
🌺🌺🌺
🌸🌸🌸
🌷🌷🌷

23/05/2020

عيدكم مبارك
تقبل الله منا و منكم

Address

شارع اسكندرية أمام مطعم أبو ربيع ، عمارة الفردوس الدور الثاني
Marsa Matruh

Opening Hours

Monday	1pm - 4pm
	7:30pm - 11pm
Tuesday	1pm - 4pm
	7:30pm - 11pm
Wednesday	1pm - 4pm
	7:30pm - 11pm
Thursday	1pm - 4pm
	7:30pm - 11pm
Saturday	1pm - 4pm
	7:30pm - 11pm
Sunday	1pm - 4pm
	7:30pm - 11pm

Telephone

+201060698704

Website

facebook.com

Alerts

Be the first to know and let us send you an email when عيادة دكتور أحمد سعيد الهيتي لأمراض الصدر والحساسية posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة دكتور أحمد سعيد الهيتي لأمراض الصدر والحساسية:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Marsa Matruh?