https://drkarimbadr.business.site/?utm_source=gmb&utm_medium=referral

عيادة الدكتور/كريم بدر إستشاري جراحات الأطفال وحديثي الولادة, برج الشرع الدور الاول شارع الثانويه العسكرية خلف عبد الله عيسى, Marsa Matruh (2025)

12/11/2025

النهاردة هنتكلم عن حالة من الحالات النادرة جداً
طفل من سيوة أربع سنوات رايح يكشف على صدره وعنده كحة خفيفة فقط ليس إلا ولكن دكتور الأطفال طلب أشعة عادية لتقييم حالة الصدر لكن لاحظ الأمعاء كلها في الناحية اليمين من البطن وعمل أشعة مقطعية على الصدر والبطن ولاحظ فعلا الأمعاء كلها على الجنب اليمين وتم التواصل معايا من الدكتور شابودي طبيب الاطفال وتم مناظرة الحالة وطلب أشعة مقطعية بالصبغة وتأكد وجود ورم حميد ضخم متمركز في الجنب الشمال كله وتم تحضير الحالة وتم بفضل الله إستئصال ورم بحجم كبير ولكن الصعوبة كانت في مكانه والتفافه حول البنكرياس والمعدة والتصاقة بالحجاب الحاجز
وروح الطفل بعد يومين والحمد لله بعد ما بطنه فعلا نص حجم اللي كان داخل العملية وطلعت نتيجة العينة الحمد لله ورم حميد

المتابعة مع طبيبك المتخصص حاجة مهمة وربنا يحفظ أولادنا ويديم الصحة عليهم

للحجز والاستفسار يرجى الإتصال على 01002028454 او التواصل عن طريق الصفحة

05/06/2025

عيد أضحى سعيد على الأمة الإسلامية أعاده الله علينا وعليكم باليمن والبركات
وكل سنة وحضراتكم طيبين وبخير وصحه وسلامه وعافيه وستر من الله

14/05/2025

النهاردة هنتكلم عن بعض النقاط المهمة واللي كثير بنتسأل عنها في ما يتعلق بطهارة الأطفال.

*الطهارة فى العيادة للأطفال أقل من ٦ شهور بحد أقصى وطبعاً الأفضل اول شهرين ...وأكبر من ذلك نقوم بعمله فى المستشفى تحت مخدر كلي

*الطفل ضرورى تحليل سيولة (PTT) قبل الطهارة في العيادة وده لمصلحة الطفل للتأكد من عدم وجود سيولة لقدر الله.

*التواجد فى أول العيادة لإجراء الطهارة والاطمئنان على الطفل وقت كافي بعد إجراء الطهارة ونعتذر عن الطهارة فى آخر العيادة.

👈دلوقتي هتكون مطمن أكثر على طفلك لأن لأول مره فى #مطروح يوجد:-
إستشاري جراحات الاطفال والتشوهات والعيوب الخلقيه لمجرى البول

لمزيد من المعلومات يرجى الاستعلام على الرقم:
01002028454

28/02/2025

كل عام ونحن إلى الله أقرب وعلى طاعته أدوم
❤وكل عام وأنتم بخير ❤
مواعيد العمل في شهر رمضان الكريم
الفترة الصباحية من الساعة ١٢ ونص ظهراُ حتى الساعة ٢ مساءاً
الفترة المسائية من الساعة ٨ ونص حتى ١٠ ليلاً
رقم الحجز والاستعلام ٠١٠٠٢٠٢٨٤٥٤

26/02/2025

البوست اليوم مختلف عن كل مرة مش هنتكلم عن الخصية المعلقة ونشرح لا هنتكلم عن حالات وكوارث حصلت في أطفال وشباب نتيجة تشخيص غلط وتعامل خطأ من غير متخصصين في جراحة الاطفال
الفترة ده بس جالي ٥ حالات كوارث.
☝️اول حالة طفل عنده ١٢ سنة جاي عشان يصلح طهارة اتعملت مرتين والاهل جايين بس يطمنوا على حجم العضو ونشوف الطهارة كويسة ولا لا لإن حجم العضو صغير وبعد الكشف تبين إن الخصيتين مُعلقتين أصلا ١٢ سنة والطفل لسه الخصيتين مش في مكانهم ولم يتم التشخيص بعد الفحص عدة مرات بواسطة جراحيين غير متخصصين في جراحة الأطفال

☝️الحالة الثانية طفل ١٠ سنة جاي عشان عنده خصية معلقة على الجانبين متكررة بعد تدخل جراحي على الناحيتين مرة واحدة ولكن بدون آثر إلا إلتصاقات على الحبل المنوي والوعاء الناقل وطبعا شكل الجروح لا تتخيله ومكان فتح غلط زي ما واضح في الصورة

☝️الحالة الثالثة طفل ٥ سنين عمل خصية معلقة على الجانبين عند دكتور مسالك ولم يتم إصلاح بشكل تام وبعدها الطفل بقاله ٣ سنين بياخد حقن هرمونات وبعدها بلغهم إن كده خلاص وطبعا الطفل محتاج تدخل جراحي صحيح من الأول ومش محتاج لا تأثير ولا تكلفة الهرمونات

☝️الحالة الرابعة طفل عنده ٧ سنوات عمل اصلاح خصية معلقة على الجانبين من ٣ سنوات وجاي زي ما هو ورجعنا عملنا إصلاح ناحية تلو الآخرة بفضل الله

☝️الحالة أو الكارثة الخامسة شاب عمره ٢٠ سنة جاي بعد ما عمل إصلاح خصية معلقة على الجانبين من ١٥ سنة عند جراح غير متخصص وقالهم كل ما يكبر هيتحسن وبعد الفحص تبين ضمور في الخصيتين بالفحص والأشعة وصغر حجم كيس الصفن والأعضاء التناسلية شبه طفل لا يتعدى ٥ سنوات يا ترى الشاب ده هيعيش حياته إزاي بعد ما اتحكم عليه يكون عقيم وغير مكتمل صفات الرجولة الثانوية بسبب إهمال من الأهل أولا ومن غير المتخصصين ثانياً

لذلك رجاءاً نفحص عيالنا كويس أوي ونطمن على وجود الخصيتين بواسطة جراح اطفال متخصص مرة واثنين وثلاثة ومفيش حاجة اسمها نعمل العملية مرة واحدة اولا حجم الكيس غالبا بيكون صغير في الحالات المزدوجة دي وحتى أنا بقول للعيان أفرض يا سيدي أنا جراح مش كويس تجرب في ابنك الناحيتين وثالثا مفيش خوف من التخدير مرة واثنين وعشرة مادام في طبيب تخدير أطفال متخصص

العنوان برج الشرع خلف مستشفى عبدالله عيسي اعلي لاميس الدور الاول
رقم الحجز والاستعلام ٠١٠٠٢٠٢٨٤٥٤

03/02/2025

👈 #الطهارة :-
هى إزالة جزء من الجلد الذى يغطى رأس العضو فى الأولاد ولكن طبعا لازم تتعمل صح من اول مرة عشان الطفل ما يكونش عرضة لمضاعفات ومشاكل كثير تحتاج تصليح لقدر الله
👈 #فوائد الطهارة :-
ثبت علميا ان الطهارة تقلل من إحتمالات إلتهابات مجرى البول كما أنها تسهل التخلص من الأفرازات الطبيعيه الموجودة في هذه المنطقة كما تعتبر من الضرورات فى العديد من الأديان السماوية.

👈 #حالات تأجيل الطهارة :-
في بعض الحالات يفضل تأجيل الطهارة مثل :-
1)وجود عيب خلقي في مجرى البول «إحليل سفلي» وساعتها تتم الطهارة بعد تصليح مجرى البول عند سن ستة شهور.
2)صغر حجم العضو والعضو المدفون.
3)وجود فتق إربي عند الطفل.
4) قيلة مائية عند الطفل وفي هذه الحالة الطهارة ليست ممنوعة ولكن تحتاج إلى جراح أطفال متخصص.
5)وجود أحد أمراض النزيف والتجلط مثل الهيموفيليا.

👈 #السن المناسب لعملية الطهارة للأولاد:-
أفضل شئ في الأربعين يومآ الأولى للمولود بعد الولادة على أساس أن شعور الطفل بالألم قليل نسبيا عن الأطفال الأكبر سنا ولكن بعد تحسن الصفراء الفسيولوجية.

👈 #متى يجب الأتصال بالطبيب بعد عمليه الطهارة؟
* عدم توقف نزيف الجرح.
* عدم أنتظام التبول لدى الطفل خلال 12 ساعه من الطهارة.
*خروج رائحه كريهه من طرف العضو الذكرى.
*ظهور طبقه من الندب أو التقرحات المملؤه بالسائل على طرف العضو الذكرى.
*ظهور أعراض المرض أو الألتهابات كأرتفاع درجه الحراره أو التورم أو خروج سائل من الجرح.

👈 #طرق الطهارة :-
تتم عملية الطهارة بعدة طرق مختلفة مثل الجراحة والليزر والطهارة بالحلقة.

👈دلوقتي هتكون مطمن أكثر على طفلك لأن لأول مره فى #مطروح يوجد:-
إستشاري جراحات الاطفال والتشوهات والعيوب الخلقيه لمجرى البول

لمزيد من المعلومات يرجى الاستعلام على الرقم:
01002028454

04/01/2025

👍والنهارده هنتكلم عن #الفتق الاربي عند الأطفال.

👈لو لاحظتي جزء مرتفع بشكل غريب فى جسم البيبي .. تحديدا فى المنطقه السفلي من البطن وبداية الفخدين ..لازم تأخدى بالك منك لأن ده معناه أن ممكن يكون عنده #فتق أربي

👈 #ما هو الفتق الأربي وكيف يحدث؟
يظهر الفتق الأربي عند الأطفال كأنتفاخ أو تورم فى أسفل البطن أو العانه وفى بعض الأحيان ينزل إلى كيس الصفن خاصه عند الأطفال الذكور حديثي الولادة، يتميز ذلك الورم بظهوره عند البكاء و وقوفه أو أختفاءه عند نومه واسترخاءه ولاتسبب عادة أى أزعاج لطفل إلا فى شكلها الغير طبيعي ولكن أحيانا عند أختناق الفتق قد تسبب ألم وتقيؤ وبكاء مستمر عند الطفل وحتى انسداد الأمعاء التى قد تتطلب تتدخل جراحي سريع.
يتظاهر انسداد الامعاء عند الطفل أى كان سببه بالبكاء أو القيء وإنقطاع التبرز و تطبيل البطن.

👌 #كيفية حدوث الفتق عند الجنين وقبل أن يولد تكون الخصيتان أو المبيضان فى بطن الطفل مع وجود رباط خاص يربط كل من الخصيتان بكيس الصفن عند الذكور والأشفار عند الأناث . ومع أقتراب ميعاد الولادة يشد هذا الرباط هذه الأعضاء بإتجاه موضعها الطبيعي النهائي. فالخصيتان تنزلان بإتجاه الصفن والمبيضان بإتجاه الحوض وهذا النزول يتم عبر قناه خاصه تسمى القناه الأربيه وبعد هذا النزول تنغلق القناه وفى حاله عدم انغلاق هذه القناه يصاب الطفل بالفتق الأربي ويحدث دخول جزء من الأمعاء أو المبيض في الإناث ضمن القناة التى لم تنغلق ويبرز هذا الجزء على شكل كتله من الناحيه الأربيه.

👌معظم الحالات تظهر فى الأشهر السته الأولى من عمر الرضيع ويزداد نسبة حدوثه في المبتسرين وفي الذكور.
وتوجد هذه الفتوق فى الجهه اليمنى(60%) من الحالات.
وفى الجهه اليسرى (10%).
وفى كلا الجانبين(30%).

👍 #ماهى مضاعافات الفتق الأربي؟
1- #المغص المستمر للطفل وما يصاحبه من بكاء وانتفاخ.
2- #أنحشار الفتق:-
انسداد الأمعاء يلازمه البكاء المستمر والقيئ والألم عند الطفل وحتى انسداد الأمعاء.
3- #أختناق الفتق:-
هو انقطاع الدوره الدمويه عن جزء الأمعاء المنفتق ويسبب ألم وأحمرار الفتق وأرتفاع درجه حراره الطفل وتسارع نبض القلب ويتطلب تدخل جراحي عاجل.

👌 #هل يمكن للفتق الشفاء بدون تدخل جراحي؟
لا ، لا يمكن ذلك والحل الوحيد هو التدخل الجراحي .

👌 #ما هي خطورة التدخل الجراحي؟
إن نتائج الجراحه عند الرضع والأطفال ممتازة وخصوصا فى حاله إجرائها من قبل جراح متخصص فى جراحه الأطفال

👌 #ما هو أحتمال حدوث الفتق فى الجهه السليمه بعد حدوث العمليه؟
يتراوح حدوث الفتق فى الجهه السليمه من 5%إلى 8%.

👌 #هل كل انتفاخ فى الخصية عند الأطفال هو الفتق الأربي؟
لا ، ويعتبر الكيس المائي أو #القيله المائيه من الأسباب الشائعه للتورم فى كيس الخصيه عند حديث الولادة والرضع
للتواصل ع الرقم التالي أو علي رسائل الصفحة 👇👇
📞01002028454

03/01/2025

المرة دي هنتكلم عن حاجة مهمة جدا وهي مقولة مشهورة جدا في الطب

Surgery is decision not incision
" الجراحة بالقرار وليس بالجروح "

يعني بإختصار الجراح الشاطر هو اللي يقرر صح ويشخص صح و يتعامل مع المرض مش اللي يعرف يفتح ويشيل ويقفل لان ببساطة ده ممكن يعمله اي حد حتى لو مش طبيب

يعني ايه يا دكتور🤔🤔🤔
اقولك يعني علي سبيل المثل :-
1) يا دكتور الطفلة دي عندها سنة وتعبانة بقالها شهر وكشفنا عند الدكتور فلان وعملنا اشعة سونار ولقينا كيس كبير في البطن وقرر يفتح البنت استكشاف وما ادراك ما الاستكشاف🙄🙄🙄
ولكن احنا جايين نأخد رأي حضرتك ؟؟
وبعد الكشف لقينا فعلا كيس صديدي بس خارج الغشاء البروتوني وطبعا الاسكتشاف ده كان حل في القرون الوسطى لكن بعتنا الحالة لدكتور متخصص في الاشعة التداخلية عمل سحب للصديد وتركيب درنقة بدون تخدير وبدن فتح بطن ولا اي شيء وتم شفاء البنت علي خير بأقل ضرر وللاسف ده بيتكرر كثير.

مثال ثاني وما اكثره بنت ٥ سنين تم تشخيصها علي انها زائدة دودية وتحضيرها للعمليات ولكن الاعراض مش مريحة وبعد الكشف عليها فعلا الاعراض مش شديدة وغالبا دي بتكون مش زائدة في اسباب كثير زي التهاب العقد الليمفاوية بالبطن او انيميا البحر الابيض المتوسط او إلتواء في المبيض
الحالة دي فعلا بعد الفحوصات طلعت انيميا البحر الابيض المتوسط🙂🙂🙂
وطبعا في مئات الاطفال بتشيل الزائدة وهي مش ملتهبة ولكن بيكون ده اسهل قرار لاي جراح مش متخصص في جراحة الأطفال وطبعا كل الاطفال بتتحسن نتيجة المضادات الحيوية والمسكنات القوية اللي الطفل بيمشي عليها بعد العملية

مثال آخر طفل ٧ سنوات من ٥ ايام ترجيع ووجع شديد في البطن وانتفاخ وخلاص قرار الجراح كان الاستكشاف ولكن ربنا شاء ان الجراح يأخد رأي دكتور متخصص في جراحة الاطفال وفعلا يكون التشخيص التهاب حاد في البنكرياس وطبعا تم تأكيد التشخيص بالتحليل والاشعات ومتابعة الحالة بالعلاج التحفظي والتحسن والخروج للبيت في خلال اسبوع والحمد لله.

وطبعاً في أمثلة كثير ومعانا طفلك في أيد أمينة لان ببساطة عندنا الدكتور الوحيد المتخصص في جراحة الاطفال وحديثي الولادة في مرسى مطروح
#جراحة اطفال وحديثي الولادة
#عيوب خلقية بمجرى البول
#تشوهات خلقية

27/06/2023

كل عام وانتم إلى الله أقرب وعلى طاعته أدوم وكل عام وأنتم بخير وصحة وعافية وستر من الله

22/03/2023

كل سنة وحضراتكم طيبين وبخير بمناسبة شهر رمضان المبارك وأعاده الله عليكم باليمن والبركات
🥰🥰 بشرى سارة لأهالي مطروح الكرام 🥰🥰

قررنا رمضان ده نعمل فكرة جديدة ان شاء الله
عن طريق عمل عمليات #مجانية للاطفال اللي بتعاني من #الشفة أرنبية وشق #سقف الحلق طوال فترة شهر رمضان مجانا
وده بالتعاون مع الدكتور أحمد شوقي إستشاري جراحات الوجه والفكين والتجميل بالإسكندرية
مدرس جراحة الوجه والفكين بجامعة الإسكندرية

ومش كده وبس لا دي هتتعمل داخل محافظة مطروح يعني مفيش سفر ولا بهدلة وفي المستشفى العسكري بمطروح يعني أحسن غرف عمليات في المحافظة كمان وكمان بدون قوائم إنتظار والمتابعة بعد العملية هتكون هنا في محافظة مطروح
وكل عام وحضراتكم بخير

المتابعة مع طبيبك المتخصص حاجة مهمة وربنا يحفظ أولادنا ويديم الصحة عليهم

#تصليح عيوب الطهارة
#الفتق الأربي
#الخصيه المعلقه
#عيوب مجرى البول

19/03/2023

👈والمرة دي زي بنبه تاني يا جماعة مش كل ترجيع عادي كل شوية اطفال تيجي بترجع بقالها شهر أو اثنين لحد ما وزنهم يقل جدا وتظهر عليهم علامات جفاف وهو ده موضوع اليوم #ضيق فتحة البواب بالمعدة في الاطفال.

👈زى ماقولنا ان القشط او الترجيع بكميات صغيرة وعدد مرات قليلة امر طبيعى جداً فى الرضع ومافيش منه مشكلة خصوصا لو البيبى بيزيد فى الوزن.

👈يعني ايه ضيق فتحة (صمام) #البواب؟؟؟
المعدة متحاطة بصمامين واحد فوق وهو صمام #المريء وده عشان يمنع ارتجاع المريء وهو رجوع محتويات المعده للأعلى
👈وصمام #البواب وده وظيفته يمنع إرتجاع الاكل من الاثنى عشر للمعدة وينظم مرور الطعام من المعدة للامعاء الدقيقه.

👈ضيق فتحة البواب معناه انه حصل $تضخم$ في عضلة البواب لدرجة انها قفلت وبقت تمنع مرور الطعام من المعدة للامعاء وترجيع جميع محتويات المعدة.

👈ايه #اعراض المرض ده؟؟
طفل عادي جدا كان كويس وبعدين بدأ يرجع ترجيع مميز جدا اهم مميزاته :-

* ترجيع يبدأ خلال فترة من اول اليوم ١١ لحد ٤ شهور
* ترجيع $ابيض$ لبن فقط ليس اصفر ولا اخضر
* الولد بيرجع $لبعيد$ مش زي القشط خالص
* ترجيع من الانف والفم سوياً
* ترجيع بعد كل رضعة بمعنى ان الطفل بيرجع كل مرة
* بعد الترجيع الطفل بيبقى $جعان$ جدا وفايق مش همدان زي ارتجاع المريء اللي هنتكلم عنه البوست القادم
* الام بتلاحظ ان كمية البول والبراز قلت جداً
* مع تأخر التشخيص الطفل بيدخل في جفاف شديد.

👈في معلومة مهمة جدا اي طفل رجع اخضر ولو مرة واحدة مستحيل يبقى عنده المرض ده ولابد من الكشف عليه وتشخيص سبب الترجيع الاخضر ..

👈ايه #مضاعفات ضيق فتحة البواب؟؟
طبعا انتي متخيلة طفل بيرجع كل حاجة بيأكلها في الاول الطفل بيبقى متعصب وبيعيط علطول وبعدها يدخل مرحلة الجفاف من نقص كمية البول وعينه تدخل لجوا وبعدها مرحلة الهمدان الطفل يسنتح زي ما بنقول وده معناه جفاف شديد وتأثر نسبة الاملاح والمعادن لدى الطفل من صوديوم وبوتاسيوم و حدوث قلوية شديدة بالدم وده حالة مرعبة جداً ومميتة لقدر الله وحدوثها يعني التأخر الشديد في التشخيص والعلاج.

👈ازاي نشخص #ضيق فتحة البواب في الاطفال؟؟
اهم حاجة التاريخ المرضي للطفل ومواصفات الترجيع المميزة جدا وطبعاً بنعمل اشعة سونار على المعدة لتوضيح مقاسات وأبعاد صمام البواب وتأكيد التشخيص

👈ايه العلاج في حالة ضيق فتحة البواب في الاطفال؟؟
اهم حاجة تظبيط حالة الطفل وعلاج الجفاف وعلاج قلوية الدم وبعد ذلك يتم التدخل الجراحي للطفل ويبدأ الطفل رضاعة خلال ٢٤ ساعة ويروح البيت بإذن الله.

👈للتواصل ع الرقم التالي أو التواصل ع رسائل الصفحة.
📞01002028454

عيادة الدكتور/كريم بدر إستشاري جراحات الأطفال وحديثي الولادة

12/11/2025

05/06/2025

14/05/2025

28/02/2025

26/02/2025

03/02/2025

04/01/2025

03/01/2025

27/06/2023

22/03/2023

19/03/2023

Address

Telephone

Website

Alerts

Contact The Practice

Shortcuts

Share

Category