https://www.facebook.com/profile.php?id=100014882790354&mibextid=ZbWKwL

Dr.Mazen Elsaeed, Minya el-Qamh (2026)

14/09/2025

ازيكو ! عاملين اي !!
يارب تكونوا بخير 🤍
بعد غياب دام قرابة العامين🥹

ف شيفت النايت الرايق
دخلتلي عميلة عايزة علاج اسمه Tecnovula
وسألتني سؤال عفوي كدا ..... العلاج دا ممكن يخليني اخلف توأم؟؟ هنا افتكرت ايام الميديسنال الكئيبة وتعالى اقولك ازاي ممكن يعمل كدا

📌 Tecnovula (Clomiphene Citrate 50 mg)
الدواء الأشهر لتحفيز التبويض… واللي دايمًا بيتقال عنه إنه “بيزوّد فرص الحمل بتوأم”. 👶👶
تعالوا نفك اللغز 👇

━━━━━━━━━━━━━━━━━━━

🧪 Mechanism of Action
🔹 Clomiphene = SERM (Selective Estrogen Receptor Modulator).
🔹 يشتغل كـ مضاد للإستروجين على مستقبلات الإستروجين في الـ Hypothalamus.
🔹 يمنع الـ negative feedback الطبيعي → الجسم يفتكر إن الإستروجين واطي.
🔹 النتيجة: ↑ إفراز GnRH → ↑ FSH & LH → تحفيز المبايض على إطلاق بويضات.
ℹ️ لو خرجت أكتر من بويضة → يزداد احتمال الحمل بتوأم.

━━━━━━━━━━━━━━━━━━━

👶 Clomiphene & Twin Pregnancy

الحمل الطبيعي: نسبة التوأم ≈ 1%.

مع الكلوميفين: النسبة تعلى لـ 5–10%.

الحمل الثلاثي أو أكتر: أقل من 1%.
⚠️ الحمل المتعدد مش دايمًا ميزة
→ يزيد مخاطر:

ولادة مبكرة

سكري الحمل

ارتفاع ضغط الدم أثناء الحمل

━━━━━━━━━━━━━━━━━━━

⚠️ Side Effects (الأعراض الجانبية)

🟣 Common:

Hot flushes

Headache

Abdominal discomfort/bloating

Nausea

Breast tenderness

🔵 Less common:

Visual disturbances (blurred vision, spots, flashes)

Mood swings

Irregular uterine bleeding

🟠 Serious (rare):

Ovarian Hyperstimulation Syndrome (OHSS)

Ovarian cysts

Multiple pregnancy (twins/triplets)

Hepatic dysfunction with long-term use
━━━━━━━━━━━━━━━━━━━

💡 Important Notes

ما يتاخدش أكتر من 6 دورات علاجية.

أي أعراض بصرية → وقف الدواء فورًا.

لازم يكون تحت إشراف طبيب نساء، خصوصًا لو المريضة عندها مشاكل في المبايض أو الكبد.

━━━━━━━━━━━━━━━━━━━

✅ الخلاصة:
الكلوميفين = سلاح قوي لتحفيز التبويض.
يزوّد فرص الحمل بتوأم بنسبة ملحوظة، لكن معاه أعراض جانبية ومخاطر تستدعي متابعة دقيقة.

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

27/10/2023

ازيكو ! عاملين اي !!
يارب تكونو بخير 💙
بعد غياب دام لأكثر من عام

في حالات كتير من النساء ممكن تكون
واخده contraceptive pills ومع ذلك بيحصل حمل وبيحصل failure of contraception

ودا عندنا pharmacologically ليه سببين من اشهر الأسباب

1_ لو الست ال بتاخد ال contraceptive pills
بتستخدم ال Rifampicin ال هو بيستخدم ل علاج مرض "السل" ال T.B او ال leprosy ودا مرض جلدي معدي

* طيب اي المشكلة بقا بين دا ودا : ال Rifampicin بيزود ال Metabolism of contraceptive pills بالبلدي كدا بيخرجه بسرعه من الجسم ويتخلص منه ف بالتالي ممكن يحصل حمل

2_ لو الست ال بتاخد ال Contraceptive pills
اخدت معاه "broad spectrum antibiotics" يعني مضاد حيوي واسع المجال دا كمان بيزود اخراج حبوب منع الحمل من الجسم وبالتالي ممكن يحصل حمل ف اي وقت ف الفتره دي لو حصل ج**ع

** توضيح للحاله التانيه : ال contraceptive pills عبارة عن estrogen
بيحصله Metabolized by glucuronide conjugation وبيخرج ف العصارة الصفراوية ( bile ) على هيئة
large conjugate compound

ف تيجي بقا البكتريا الموجوده ف ال intestine تعمله hydrolyze ويرجع تاني يكون free estrogen فيحصله absorption ويرجع يعطي effect
ولذلك ال contraceptive pills given once daily
ف تيجي بقا حضرتك تستعملي ال
broad spectrum antibiotics
فيعمل kills of intestinal bacteria وبالتالي ال Drug مش هيحصله reabsorption وبالتالي
ال estrogen lose it's long duration of action
وممكن يحصل حمل ف اي وقت ف الفتره دي

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

04/04/2023

ازيكو ! عاملين اي !!
يارب تكونو بخير 💙

هيدخلك واحد الصيدليه بيشتكي من جفاف العين ودايما حاسس بوجود جسم غريب ف عينه زي الرمل مثلا

*ف تعالى اقولك تتعامل معاه ازاي :

Treatment:

1_ Natural tears eye drops: Like as ( Tears guard _ Tears natural )

_قطره للعين 4_8 مرات يوميا

* ال Tears guard تستخدم بأمان لفترات طويله بدون اي مشاكل

2_ Lubricant eye ointment: Like as ( Hypotears gel _ Thilo-tears gel _ Corner gel )

_ جل للعين عند اللزوم وقبل النوم

**ولازم توضح للبيشنت انه ميتعرضش للشمس والأتربه كتير وكذلك التكييف

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

12/02/2023

ازيكو ! عاملين اي !!
يارب تكونو بخير 💙

بما اننا ف شتاء وكدا والجو ما شاء الله تحت الصفر 🥶
وناس كتير عندها انفلونزا
فتعالى اكلمك عن البرد والإنفلونزا
اي دا هو في فرق بينهم ؟
_ طبعا في فرق
*** مهم جدا تبقا عارف اعراض المرض ال عندك عشان تكون عارف انت بتعالج ايه بالظبط

تعالى اكلمك عن البرد الأول :

***Common cold ***
نزلة البرد
_ لازم تبقا عارف ان العدوى بتنتقل عن طريق الهواء
_ سبب نزلة البرد اكثر من 200 نوع من الفيروسات وأغلبهم ضعيف جدا
_ نزلة البرد بتكون ف اي وقت من العام ملهاش موسم معين واعراضها تأتي بالتدريج

*** Cold symptoms ***
اعراض البرد

1_ التهاب بالحلق
2_ رشح واحتقان الأنف
3_كحة ببلغم وعطس

*** Influenza ( Flu ) ***
الإنفلونزا
_ العدوى بتنتقل عن طريق الهواء زي نزلة البرد بالظبط لأنها عدوى فيروسية
_ سبب الإنفلونزا 3 انواع من الفيروسات A & B & C
_ الإنفلونزا تأتي ف فصل الخريف والشتاء فقط ال هو الوقت الحالي دا واعراضها تأتي سريعا وتبدأ بعد الإصابه بساعات قليله

*** Flu symptoms ***
اعراض الإنفلونزا

1_ سخونية لتصل درجة الحرارة من 38 _ 40
2_ ألم بالعظام وإرهاق شديد
3_ صداع ورعشه بالجسم
4_ كحة جافة

** حاجه مهمه كمان : انت ممكن تلاقي بعض اعراض البرد والإنفلونزا موجودين عند شخص ف نفس الوقت ودا نادرا

** المره الجايه ب إذن الله نتكلم عن علاج البرد والإنفلونزا ال غالبا بيكون متشابه مع اختلاف بعد الحاجات على حسب إختلاف الأعراض

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

07/02/2023

ازيكو ! عاملين اي !!
يارب تكونو بخير 🤍

اتكلمنا قبل كدا عن طنين الأذن وعرفنا ان في أسباب مشهورة ال لو تم استبعادها يجب تحويل المريض إلى عيادة الأنف والأذن هسيبلك لينك البوست ف اول كومنت

* واتكلمنا عن اول سبب من الأسباب دي ال هو
*Otitis externa التهابات الأذن الخارجية
وهسيبلك لينك البوست بتاعه ف الكومنتات عشان لو حبيت ترجع ليه

**انهاردة بقا هكلمك عن السبب التاني من الأسباب دي :

*** Otitis Media ***
التهابات الأذن الوسطى

مبدأيا كدا لازم تبقا عارف اعراض الالتهابات دي ال بتتمثل في :

1_ ارتفاع في درجة الحرارة
2_ ألم بالأذن لا يزيد مع تحريك الفك والمضغ
3_ افرازات من الأذن
4_ عند سؤال المريض غالبا ستجد تاريخ مرضي لنزلة برد ( لأن انسداد الأنف يؤدي إلى التهاب الأذن الوسطى )
5_ احساس بطنين بالأذن ودا طبعا أشهر الأعراض

** قبل العلاج بس لازم تبقا عارف ان يفضل تحويل حالات التهابات الأذن الوسطى لأخصائي أنف وأذن لأنها تحتاج فحص بمنظار الأذن ويختلف العلاج تبعا للنوع

** وانا هكلمك عن علاج أشهر نوع Acute suppurative OM

*** Treatment ***

1_ Analgesic : Like as ( Brufen)

*و في حالة وجود مشاكل ف المعدة أو الضغط نستخدم : Panadol _ adol

الجرعة : قرص كل 8 ساعات

2_ Antibiotic:
* غالبا يبدأ بحقن لمدة 3 أيام ثم يستمر بعدها على اقراص أو يمكن البدأ بأقراص من البداية حسب شدة الحالة:

**1st generation cephalosporins: Like as (Ceporex)

الجرعة : حقنة عضل أو وريد كل 12 ساعة لمدة 3 أيام

** Systemic Antibiotic: Like as ( Hibiotic _ Augmentin _ Ceporex)

الجرعة : قرص كل 12 ساعة لمدة 4 أيام بعد الحقن أو من البدايه

3_ Nasal decongestant :
* نقط تقلل من احتقان الأنف لأن زي ما قولنا في اعراض الإلتهاب انها تكون بسبب نزلة برد
* يجب ألا تزيد فترة الإستخدام عن 3_4 أيام لأنه قد يؤدي إلى زيادة الاحتقان 🙂

** For adults: Otrivin adult. drops

الجرعة : نقطتين بكل فتحة انف( 3 مرات يوميا ) لمدة 4 أيام بحد اقصى

** For pediatrics : Otrivin ped. drops

الجرعة: نقطتين بكل فتحة انف( 3 مرات يوميا ) لمدة 4 أيام بحد اقصى

** لا تستخدم للأطفال اقل من سنة

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

31/01/2023

ازيكو ! عاملين اي !!
يارب تكونو بخير 💙

اتكلمنا قبل كدا عن طنين الأذن وعرفنا ان في أسباب مشهورة ال لو تم استبعادها يجب تحويل المريض إلى عيادة الأنف والأذن هسيبلك لينك البوست ف اول كومنت

* انهاردة بقا انا جي اقولك ازاي تعرف الأسباب المشهورة ال ذكرناها سابقا دي

*** Otitis externa ***
التهابات الأذن الخارجية

_مبدأيا كدا لازم تبقا عارف اعراض الالتهابات دي ال بتتمثل في :

1_ ألم بالأذن يزيد مع تحريك الفم والمضغ
2_ افرازات تخرج من الأذن أو وجود قشور خارج الأذن نتيجة جفاف الإفرازات
3_ هرش مستمر و في الأطفال يقوم الطفل بشد أذنه طوال الوقت
* لازم تبقا عارف ان دا من اشهر اسباب ارتفاع درجة الحرارة عند الأطفال

*** Treatment ***

1_ Analgesic : Like as ( Brufen )

*و في حالة وجود مشاكل ف المعدة أو الضغط نستخدم : Panadol _ adol

الجرعة : قرص كل 8 ساعات

2_ Local antibiotic: Like as ( Otal _ Viotic _ ciprocort )

* يجب النوم لمدة 5 دقائق مع ابقاء الأذن للأعلى لضمان دخول النقط داخل الأذن

الجرعة : 3 نقط بالأذن كل 8 ساعات

**في الحالات البسيطة هنكتفي بالقطرة والمسكن أما في الحلات الشديدة هنستخدم Systemic Antibiotic

3_ Systemic Antibiotic: Like as ( Hibiotic _ ceporex )

الجرعة: قرص كل 12 ساعة بعد الأكل لمدة اسبوع

*** بالنسبة للأطفال ***
فبتكون الأدوية ال فاتت دي ولكن شراب والجرعة والتركيز بيتحدد على حسب السن والوزن فيجب زيارة عيادة الأطفال

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

27/01/2023

ازيكو ! عاملين اي !!
يارب تكونو بخير ❤️

هيدخلك واحد الصيدلية بيشتكي من صوت طنين بالأذن أو نبض في الأذن
فتعالى بقا اقولك نتعامل معاه ازاي .

دورك كصيدلي ف الحاله دي انك تستبعد الأسباب المشهورة ال هي اي .
1_ Otitis externa & media : التهابات الأذن الخارجية أو الوسطى

2_ Ear wax : تراكم الشمع ف الأذن

3_ Hypertension : ارتفاع ضغط الدم

في حالة استبعاد تلك الأسباب: يجب تحويل المريض إلى عيادة الأنف والأذن

** في حالة ان المريض يشتكي من وجود طنين مستمر على ناحية واحده خصوصا كبار السن مع استبعاد الأسباب الشائعة يجب تحويل المريض إلى عيادة الأنف والأذن لإستبعاد وجود ورم في عصب السمع

**** اما في حالة فحص الأذن وتبين وجود أي سبب من الأسباب الشائعة ف دا ال هنتكلم عليه الأيام الجايه كل سبب منفصل بالتفصيل ان شاء الله

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

18/01/2023

ازيكو ! عاملين اي !!
يارب تكونو بخير 💙

هيدخلك واحد الصيدلية بيشتكي من ألم والتهاب في اللثة ودا غالبا بيكون بسبب قلة نظافة الفم وعدم غسل الأسنان واحيانا نقص فيتامين C
فتعالى بقا اقولك نتعامل معاه ازاي .

Treatment :

1_ Mouth wash : Like as ( Tantum Verde - Oraldene - Orosept )

غسول للفم للمضمضه 3 مرات يوميا

2 _ Mouth preparations: Like as ( Oracure gel - Dentogel gel - Dentocaine gel )

دهان على اللثة 3 مرات يوميا

3 _ Vitamin C : Like as ( Vitacid C )

كيس على نصف كوب ماء مرة واحده يوميا

_ إذا لم يتحسن المريض ... يتم تحويله إلى طبيب أسنان

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

22/12/2022

ازيكو ! عاملين اي !!
يارب تكونو بخير 💙

هيدخلك واحد الصيدلية عنده قرح بيضاء ف فمه ممكن توصل انها تسببله ألم عِند الأكل او حتى الكلام
تعالى اقولك تتعامل معاه ازاي:

_مبدأيا بس كدا لازم تبقا عارف ان أشهر انواع القرح هي القرح
.. غير معروفة السبب .. اه والله زي مبقولك كدا بس ممكن يكون من بعض أسبابها التوتر العصبي او اي عدوى فيروسية ونقص المناعه وغيرها كتير من الأسباب

_ قرح الفم ممكن تكون بسبب وجود .. سنه حادة .. تسبب قرح في الغشاء المبطن للفم وفي الحالة دي لازم المريض يذهب لطبيب أسنان لعلاج السبب

_ الجدير بالذكر ان معظم قرح الفم تتحسن بدون علاج ولكن العلاج بيخفف الألم ويسرع من التحسن

Treatment :
ممكن تعطي المريض حاجه مخدرة ومطهره بس جيل
_ Anesthetic & Anti-septic gel : Like as (Oracure gel _ Dentogel gel )

دهان على مكان القرحة 3_4 مرات يوميا

او ممكن تعطيه حاجه مخدرة ومطهره بس بخاخ
_ Anesthetic & Anti_septic spray: Like as ( B.B.C spray )

بخه على مكان القرحة 3_4 مرات يوميا
*ودا اكثر شيوعا ف الإستخدام *

او ممكن تعطيه الجيل دا
_ Aftamed oral gel
او ممكن غسول للفم
_ Aftamed mouth wash

* ولكن اسعارهم عالية حبتين*
دهان مكان القرحه او مضمضه بالغسول لمدة .. دقيقه .. وتكرر 3_4 مرات يوميا

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

04/12/2022

ازيكو ! عاملين اي !!
يارب تكونو بخير 💙

هيدخلك واحد الصيدلية عنده كدمه ف جسمه بالشكل ال ف الصورة دي كدا وانا هنا بتكلم عن الكدمه الناتجه عن اصابه خفيفه
طبعا لازم تسأله عن سبب الإصابه لو حاجه بسيطه تعالى اقولك تعطيه ايه :
Treatment:

1_ Analgesic :
ودي منها مواد فعاله كتير اوي زي :

* Declophenac Sodium: Like as( Olfen_Declophen )

* Declophenac Potassium: Like as ( Cataflam )

* Ibuprofen: Like as ( Brufen _ Ultrafen )

والجرعه لكل الأنواع دي : قرص ثلاث مرات يوميا

** في حالة لو المريض عنده قرحه بالمعدة ممكن نضيف مع المسكن PPI او H2 blocker
زي ال Omepak او Ranitidine

او ممكن نغير له نوع المسكن خالص ونخليه :
Selective COX_2 inhibitors: ودا معروف بتأثيره الضعيف ع المعده ومفضل لمرضى القرحه
Like as ( Mobic _ Melocam _ Anti_cox 2 )

والجرعه : قرص صباحا ومساءاً

2_ Muscle relaxant: باسط للعضلات
Like as ( Myolgen _ Myofen _ Relax )

الجرعه: كبسوله 3 مرات يوميا بعد الأكل

3_ Topical anti_rheumatic & anti_inflammatory:
Like as ( Reparil _ Fastum _ Voltaren )

دهان 3 _ 4 مرات يوميا على مكان الكدمه

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

08/10/2022

ازيكو ! عاملين اي !!
يارب تكونو بخير 💙

اتكلمنا السكشن ال فات عن :
الحرق من الدرجه الأولى 1st degree burn
وعرفنا الحاجات ال اول ما تشوفها ف البيشنت ال داخلك هتعرف ان دا حرق درجه اولى .
*وعرفنا كمان العلاج وطريقة التعامل مع الحرق من الدرجه دي .

هنتكلم انهاردة بقا عن الدرجه التانيه من الحروق

******** 2nd degree burn حرق الدرجه التانيه *********

اول حاجه عشان نقول ان دا حرق درجه تانيه لازم كدا نتأكد من شوية علامات كدا ف منطقة الحرق : قبل ما نبدأ لازم نعرف ان في Tow type من الدرجه التانيه :
A_Superficial 2nd degree burn: حرق سطحي درجه تانيه

1_ يؤثر على طبقة ال epidermis& upper layer of dermis
2_ يتميز بوجود فقاقيع على الجلد بداخلها سائل اصفر رائق
3_ الحرق يكون مؤلم
B_ Deep 2nd degree burn: حرق عميق درجه تانيه

1_ يؤثر على طبقة ال epidermis& most of dermis
2_ مكان الحرق يكون أحمر أو أبيض ولا تتكون فقاقيع
3_ الإحساس بالألم يكون ضعيف او منعدم
4_ عند الضغط ع مكان الحرق لا يتغير اللون

لو لقيت الحاجات دي تأكد انه حرق من الدرجة التانيه
ندخل بقا ع ال Treatment:

قبل العلاج لازم نضع الحرق تحت مياه فاترة او باردة من الحنفيه لمدة ربع ساعة

1_ Dressing: غيار ع الحرق ويكون من 3_4 مرات يوميا

*تنظيف بقطعة شاش ومحلول ملح والتنشيف جيدا .
**مرهم Mebo +كريم Fucidin .
***يترك الجرح مكشوفا من ربع لنصف ساعه .
****شاش فازلين +شاش عادي + رباط ضاغط +بلاستر

2_ Analgesic: Like as ( Brufen _ Cataflam )

دا مسكن ف حالة وجود ألم بسبب استخدام الكريم او المرهم
*قرص 3 مرات يوميا

3_ Anti _ edematous: مضاد تورم ولكن عند الحاجه
Like as: _For adults : ( Alphintern_ Ambizim )
* قرص قبل الأكل بساعه 3 مرات يوميا
_ For childrens: ( Maxilase _ Megalase )
* ملعقه صغيره او كبيره 3 مرات يوميا

4_ Antibiotic: Like as: _For adults ( Hibiotic 1gm )
*قرص كل 12 ساعه لمدة اسبوع
_ For Childrens: Like as ( Curam ) Suspension

كدا خلصنا التشخيص وال Treatment

كدا حرق الدرجة التانيه خلص
_طيب بالنسبة لباقي درجات الحروق ؟
= دا ال هنتكلم عليه ان شاء ف البوستات الجايه 🥰😊

************ متنساش تشوف الكومنتات ***********

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

29/09/2022

ازيكو ! عاملين اي !!
يارب تكونو بخير 💙

هيدخلك واحد الصيدليه اتعرض لإصابة حرق وأسباب الحروق كتير اوي منها : 1_ حرق بالحرارة 2_ حرق بالكهرباء 3_ حرق كيميائي 4 _ شم غاز حارق
ايا كان سبب الحرق دا ف انت لازم تعرف درجة الحرق الي البيشنت جايلك بيها وانا جايلك اقولك اعراض كل درجة من درجات الحروق
** اي دا ي دكتور هي الحروق ليها درجات ؟
_ايوا الحروق ليها اربع درجات 😊

هنتكلم انهاردة ان شاء الله عن الدرجة الأولى من الحروق

*********1st degree burn حروق الدرجة الأولى *********

مبدأيا كدا عشان تقول ع الحرق دا حرق من الدرجة الأولى في شوية حاجات كدا مميزة ليه وانت ك صيدلي شاطر لازم تبقا عارفها :
1_ حرق الدرجة الأولى بيأثر على طبقة ال epidermis ال هي الطبقة الأولى من الجلد
2_ المصاب يأتي بحرقان واحمرار في الجلد
3_ إذا ضغطت على مكان الحرق يكون مكان الضغط أبيض وعند إزالة الإصبع يعود الاحمرار مرة اخرى

لو لقيت الحاجات دي تأكد انه حرق من الدرجة الأولى
ندخل بقا ع ال Treatment:

قبل العلاج لازم نضع الحرق تحت مياه فاترة او باردة من الحنفيه لمدة ربع ساعة

1_ Burn cream : Like as ( Mebo _ Dermazin )

*دهان على مكان الحرق 3_4 مرات يوميا
** ال Mebo افضل من ال Dermazin لأنه يسرع من بناء الأنسجة

2_ Analgesic: Like as ( Brufen _ Cataflam )

دا مسكن ف حالة وجود ألم بسبب استخدام الكريم او المرهم
*قرص 3 مرات يوميا

كدا خلصنا التشخيص والعلاج في كام معلومه كدا لازم توصلها للبيشنت :
1_ ممنوع تعريض الحرق للشمس حتى لا يتغير لونه بشكل دائم
2_ طمن المريض ان الحرق سيأخذ من 3_7 ايام وسيتحسن تماما ان شاء الله 😊🥰
3_ ممنوع استعمال( الثلج _معجون الأسنان _ البيض_ العسل) على الحرق
ودي من الحاجات الشائعة اوي بين الناس

كدا حرق الدرجة الأولى خلص
_طيب بالنسبة لباقي درجات الحروق ؟
= دا ال هنتكلم عليه ان شاء ف البوستات الجايه 🥰😊

وبس كدا خلصنا
لو وصلت لحد هنا
ف شكرا جدا ليك 🤍🥰
دمتم في آمان الله ورعايته

Dr.Mazen Elsaeed

14/09/2025

27/10/2023

04/04/2023

12/02/2023

07/02/2023

31/01/2023

27/01/2023

18/01/2023

22/12/2022

04/12/2022

08/10/2022

29/09/2022

Address

Telephone

Website

Alerts

Contact The Practice

Shortcuts

Share

Category