What are the opening hours?

Monday 6am - 2am Tuesday 6am - 2am Wednesday 6am - 2am Thursday 6am - 2am Friday 6am - 2am Saturday 6am - 2am Sunday 6am - 2am

https://www.facebook.com/1723537761267947/

أجزاخانة الصحة, الشرقية/منيا القمح/منتصف شارع القيسارية, Minya el-Qamh (2026)

01/04/2026

الحساسية عند الأطفال مش بس بتضايقهم دي كمان بتأثر على نومهم وراحتهم 😣

علشان كده فينستيل نقط بيكون من الحلول الفعالة في الحالات دي 👌🏻

🔷 بيحتوي على مادة Dimetindene maleate
واللي بتشتغل على تقليل تأثير الهيستامين في الجسم وده بيساعد في تهدئة أعراض الحساسية بسرعة.

🔷 ممكن نستخدمه في حالات:
• الحكة والهرش المفاجئ
• الحساسية الجلدية
• الارتيكاريا (ظهور احمرار وارتفاع في الجلد)
• لدغات الحشرات
• أعراض حساسية الأنف زي الرشح والعطس

⚠️ وخدي بالك إنه ممكن يسبب شوية نعاس وده طبيعي لأنه بيهدي الجسم وبيقلل تهيج الحساسية

فنيستيل راحة لطفلك وهدوء ليكي 💚

#أجزاخانة الصحة

31/03/2026

مش كل أدوية البلغم شبه بعض واختيارك الغلط ممكن يطول مدة التعب! 🤦🏻‍♂️

لكن الحقيقة إن البلغم مش نوع واحد وبالتالي مش كل الأدوية تنفع لكل الحالات!

🔷 أولًا: طاردات البلغم (Expectorants) زي Guaifenesin
بتزود إفرازات الجهاز التنفسي بشكل خفيف فتخلي البلغم أخف وأسهل في الخروج مع الكحة.

تستخدم إمتى؟
✔️ لو البلغم خفيف لكن مش بيطلع بسهولة
✔️ في بداية نزلات البرد
❌ مش مناسبة لو البلغم تقيل جدًا

🔷 ثانيًا: أدوية تحسين حركة البلغم (Mucokinetics) زي Ambroxol
✔️ بتقلل إلتصاق البلغم بجدار الشعب الهوائية
✔️ تحسن حركة الأهداب (اللي بتطرد البلغم)

تستخدم إمتى؟
✔️ لو حاسس إن البلغم “مكتوم” ومش راضي يتحرك
✔️ في حالات الكحة اللي فيها صعوبة في إخراج البلغم
وأحيانًا بيتم استخدامها مع موسعات الشعب الهوائية لنتيجة أفضل

🔷 ثالثًا: منظمات إفراز البلغم (Mucoregulators) زي Carbocysteine
بتقلل إنتاج البلغم نفسه وبتنظمه

🔹 تستخدم إمتى؟
✔️ لو عندك بلغم كتير بشكل مزمن
✔️ في حالات التهاب الشعب الهوائية المزمن
ولكن مش بتستخدم لكل حالات الكحة العادية

🔷 رابعًا: مذيبات البلغم (Mucolytics) زي N-acetylcysteine – Erdosteine

بتكسر تركيب البلغم نفسه فتحوله من تقيل ولزج لسائل وسهل الخروج.

🔹 تستخدم إمتى؟
✔️ لو البلغم تقيل جدًا ولزج
✔️ في حالات الجيوب الأنفية أو التهابات الصدر
ودي من أهم الاختيارات في حالات البلغم “التقيل”

اختيار الدواء الصح بيعتمد على:
✔️ كثافة البلغم
✔️ كميته
✔️ هل المشكلة في تكوينه ولا في خروجه

يعني مفيش “دواء بلغم واحد” ينفع لكل الناس!
لو البلغم مستمر لفترة طويلة أو لونه غامق/أصفر/أخضر لازم ترجع للدكتور عشان تحدد السبب الحقيقي 👌🏻

29/03/2026

لو بدأ الشعر الأبيض يظهر فجأة فدي مش مجرد مشكلة شكل!
ده معناه إن شعرك محتاج تغذية حقيقية من الجذور 💚

🔷 مع Oilex Oil Light Serum Advance
هتقدري ترجعي الحيوية واللون الطبيعي لشعرك بطريقة آمنة وفعالة

مكوناته فعالة
✅ زيوت طبيعية مغذية بعمق تساعد على تقوية بصيلات الشعر
✅ عناصر مضادة للأكسدة بتقلل من ظهور الشيب المبكر
✅ مكونات مرطبة بتدي نعومة ولمعان طبيعي
✅ تركيبة خفيفة (Light Serum) بتمتص بسرعة من غير ما تسيب دهون

🔷 بيشتغل على:
▪️ تقليل ظهور الشعر الأبيض تدريجيًا
▪️ تغذية فروة الرأس
▪️ تحسين شكل وكثافة الشعر

مناسب للاستخدام اليومي وآمن على الشعر 👌🏻

متوفر في أجزاخانة الصحة والتوصيل لحد باب البيت 😌

28/03/2026

ألم الحلق مش دايمًا دور برد…
ممكن يكون التهاب لوز بكتيري وده محتاج تعامل مختلف! 💁🏻‍♂️

🔷 التهاب اللوز البكتيري بيحصل بسبب عدوى بكتيرية وغالبًا بيكون أقوى من الالتهاب العادي وأعراضه أوضح:
▪️ ألم شديد في الحلق وصعوبة في البلع
▪️ ارتفاع ملحوظ في درجة الحرارة
▪️ بقع بيضاء أو صديد على اللوز
▪️ رائحة فم كريهة
▪️ صداع وإرهاق عام

⚠️ المهم تعرف إن:
المضادات الحيوية هي العلاج الأساسي
لكن ❌ مينفعش تاخدها من نفسك ولا بدون استشارة

عشان كده أول ما تحس بألم في الحلق
✔️ لازم تشخيص صح من طبيب
✔️ الالتزام بالعلاج كامل حتى لو حسيت بتحسن
✔️ الإكثار من السوائل الدافئة
✔️ استخدام مسكنات ومطهرات للحلق لتخفيف الألم

وخد بالك إن إهمال الحالة ممكن يسبب مضاعفات فبلاش تستهين بالأعراض 🚫

صحتك أولوية.. متهملش فيها 👌🏻

27/03/2026

كل مشكلة في بشرتك ليها حل 😉
ومش بمنتج واحد لكن بروتين عناية متكامل من أول التنضيف لحد الترطيب والحماية 😌💚

تعالي نعرف سوا مكونات كل منتج وإزاي هي بتشتغل على بشرتك 👇🏻

🔷 Cleanser (غسول البشرة)
بيحتوي على:
▪️ Hyaluronic Acid → ترطيب عميق ومنع الجفاف
▪️ Niacinamide → تقليل إفراز الدهون وتوحيد اللون
▪️ Aloe Vera → تهدئة البشرة وتقليل الالتهاب

بينضف البشرة بعمق بدون ما يسبب جفاف أو شد.

🔷 Eye Cream (كريم تحت العين)
بيحتوي على:
▪️ Caffeine → يقلل الهالات والانتفاخ
▪️ Vitamin C → تفتيح وتوحيد لون تحت العين
▪️ Peptides → شد البشرة وتقليل الخطوط الدقيقة
مثالي للهالات والإرهاق

🔷 Booster Mask (ماسك البشرة)
بيحتوي على:
▪️ Salicylic Acid → تنظيف المسام وتقليل الحبوب
▪️ Tea Tree Oil → مضاد للبكتيريا
▪️ Hyaluronic Acid → ترطيب سريع

بيشتغل بضكل سريع على الحبوب والدهون

🔷 Face Serum (سيرم الوجه)
بيحتوي على:
▪️ Vitamin C → تفتيح ونضارة
▪️ Niacinamide → توحيد اللون وتقليل البقع
▪️ Hyaluronic Acid → ترطيب عميق
بيرجع للبشرة إشراقتها الطبيعية.

🔷 Booster Mask (ماسك البشرة)
بيحتوي على:
▪️ Salicylic Acid → تنظيف المسام وتقليل الحبوب
▪️ Tea Tree Oil → مضاد للبكتيريا
▪️ Hyaluronic Acid → ترطيب سريع
بيشتغل بسرعة على الحبوب ودهون البشرة

🔷 Face Serum (سيرم الوجه)
بيحتوي على:

▪️ Vitamin C → تفتيح ونضارة
▪️ Niacinamide → توحيد اللون وتقليل البقع
▪️ Hyaluronic Acid → ترطيب عميق
بيرجع للبشرة إشراقتها الطبيعية

روتين متكامل لبشرة أفتح وصحية أكتر💚

قوليلنا إيه مشكلة بشرتك في الكومنتات وهنرشحلك الأنسب 👇🏻

#أجزاخانة الصحة

26/03/2026

بعد تحذير وزارة الصحة من مرض السل… هل أنت عارف أعراضه؟ 🤔

🔷 إيه هو مرض السل؟
السل مرض معدي بتسببه بكتيريا بتصيب الرئة في أغلب الحالات وبينتقل بسهولة عن طريق الهواء لما شخص مصاب يكح أو يعطس.

🔷 أعراض لازم تاخد بالك منها:
كحة مستمرة أكتر من أسبوعين.
ألم في الصدر.
فقدان وزن بدون سبب.
عرق ليلي.
إرهاق وتعب مستمر.
أحيانًا ارتفاع في درجة الحرارة أو كحة بدم.

▪️ليه المعرفة بالمرض أمر في غاية الأهمية؟
لأن تجاهل الأعراض ممكن يخلي الحالة تسوء وتنقل العدوى للي حواليك لكن لو اتشخص بدري السل قابل للعلاج تمامًا 👌🏻

تحمي نفسك إزاي؟ ⚠️
غطي فمك وأنفك وقت الكحة أو العطس.
اغسل إيدك باستمرار.
اهتم بتهوية المكان.
بلاش احتكاك مباشر مع أي حد عنده كحة مزمنة.
قوّي مناعتك بالأكل الصحي.

ولو عندك كحة بقالها أكتر من أسبوعين
متستناش اكشف فورًا واطمن على نفسك.

صحتك أمانة والوعي هو أول خطوة للحماية 💚
ولو محتاج استشارة أو أدوية إحنا دايمًا معاك 🙏🏻

25/03/2026

متتبصش على الميزان بعد العيد! 🫣
الرقم اللي شايفه مش دايمًا بيعبر عن الحقيقة.

بعد أيام من الكحك والبسكويت والوجبات التقيلة جسمك بيحتفظ بكمية مياه أكتر، أكل لسه ماتهضمش بالكامل، وده ممكن يديك إحساس إن وزنك زاد فجأة 👀

🔷 الحقيقة إن:
الزيادة السريعة دي غالبًا مش دهون لكن مؤقتة وبتروح مع رجوعك لنظامك الطبيعي

تعمل إيه بعد الفترة الجاية🤔
✔️ ارجع لنظامك الطبيعي تدريجيًا (بلاش حرمان مفاجئ)
✔️ اشرب 2-3 لتر مياه يوميًا عشان تقلل احتباس السوائل
✔️ قلل السكريات والحلويات شوية بشوية
✔️ اهتم بالأكل الخفيف (خضار – فاكهة – بروتين)
✔️ حاول تمشي يوميًا حتى لو 20-30 دقيقة
✔️ ابعد عن الميزان لمدة 4-5 أيام على الأقل

ولو حاسس بتخمة أو حموضة بعد الأكل تقدر تلاقي الحل المناسب ليك عندنا 😉

تابع بيدج أجزاخانة الصحة وهنساعدك ترجع توازن جسمك بعد العيد 👏🏻

24/03/2026

بعد العيد معدتك مش في أحسن حال؟ 🤦‍♀️
حموضة، حرقان، انتفاخ، إحساس بالتخمة؟

ده طبيعي جدًا بعد صيام 30 يوم وفطار بعده على الكحك، البسكويت، والأكل التقيل بس المهم تعرف تختار العلاج الصح 👌🏻

ودي أنواع مختلفة لكل حالة 👇🏻
🔹 للحموضة والحرقان السريع بعد الأكل:
▪️ Gaviscon
بيكون طبقة عازلة على المعدة تقلل الإحساس بالحموضة فورًا
✔️ مثالي بعد الوجبات التقيلة
✔️ مناسب لو الحرقان بيجيلك فجأة

🔹 للتخمة وعسر الهضم:
▪️ Maalox
بيساعد على معادلة أحماض المعدة ويريح الإحساس بالامتلاء
✔️ مناسب بعد الأكل الدسم
✔️ يقلل الانتفاخ وعدم الراحة

🔹 للحموضة المتكررة أو القوية:
▪️ Downoprazol
بيقلل إفراز الحمض من الأساس
✔️ مناسب لو بتعاني من حموضة مستمرة
✔️ بيدي مفعول أطول مش بس تسكين مؤقت

وعشان نسهل ليك الموضوع أكتر، لو بتعاني من 👇🏻
✔️ حموضة مفاجئة → Gaviscon
✔️ تخمة وانتفاخ → Maalox
✔️ مشكلة مستمرة → Downoprazol

وبجانب العلاج لازم
✔️ تقلل السكريات والدسم تدريجيًا
✔️ تشرب مياه كتير
✔️ بلاش تنام بعد الأكل مباشرة
✔️ قسم وجباتك بدل ما تكون تقيلة مرة واحدة

كل الحلول دي متوفرة في أجزاخانة الصحة واسأل الصيدلي يرشحلك الأنسب حسب حالتك 👌🏻

22/03/2026

بعد كميات الكحك والبسكويت في 3 أيام العيد، وارد جدًا تحس بـ:
▪️ تخمة
▪️ حموضة
▪️ انتفاخ
▪️ ألم في المعدة

وده طبيعي بسبب السكريات والدهون اللي بتبطأ الهضم

طيب تعمل إيه؟
✅ قلل الحلويات شوية النهارده
✅ اشرب مية بكميات كفاية
✅ امشي 10–15 دقيقة بعد الأكل
✅ بلاش تاكل مرة واحدة بكميات كبيرة

ولو الألم مستمر أو مزعج ممكن تحتاج علاج يهدي المعدة ويقلل الحموضة بسرعة

خلي بالك من معدتك عشان تبدأ تنزل الشغل وانت مرتاح 💚

21/03/2026

لو بتدور على عناية صح بأسنانك يبقى لازم تبدأ بالاختيار الصح 😌👌🏻

فرشة الأسنان EAMA Natural هتديك تجربة مختلفة لأن:
✅ مصنوعة من خشب البامبو الطبيعي
✅ شعيراتها ناعمة على اللثة ومناسبة للاستخدام اليومي
✅ صديقة للبيئة وبديل صحي للبلاستيك
✅ خفيفة وسهلة الاستخدام

يعني مش بس بتحافظ على أسنانك
دي كمان بتحافظ على صحتك والبيئة💚

اطلبها دلوقتي وخلي روتينك اليومي أمان أكتر وطبيعي 😉

20/03/2026

كحك العيد حلو… بس الاعتدال في أكله أحلى 😉💚

بعد صيام شهر كامل جسمك لسه بيحاول يرجع لطبيعته فالإفراط في كحك العيد ممكن يسبب:
❌ ارتفاع مفاجئ في السكر
❌ تخمة وعسر هضم
❌ إحساس بالخمول والتعب

علشان تستمتع بالعيد من غير ما تتعب 👇🏻
✅ كل كميات صغيرة وعلى فترات
✅ اشرب مياه كتير
✅ حاول توازن بين الحلويات والأكل الصحي
✅ لو عندك سكر أو ضغط خليك حذر أكتر

خلي كحك العيد حلو باعتدال وصحتك دايمًا في الأول 💚

قولنا بقى بتوقف عند الكحكة الكام؟ 😁👇🏻

19/03/2026

أجزاخانة الصحة تهنئكم بعيد الفطر المبارك أعاده الله عليكم باليمن والخير والبركات 🌙

العيد فرحة وصحتك أهم حاجة فيه 💚
وعلشان تفضلوا دايمًا مطمنين أجزاخانة الصحة معاكم حتى في
أيام العيد 😌

مواعيدنا خلال العيد:
يوميًا من ٩ صباحا إلى ٢ ليلاً

هنكون متواجدين علشان نساعدكم في أي وقت تحتاجوا فيه دواء أو استشارة 💚

استمتعوا بالعيد وخلو بالكم من صحتكم وكل عام وإحنا دايمًا قريبين منكم 🥹💚

أجزاخانة الصحة

01/04/2026

31/03/2026

29/03/2026

28/03/2026

27/03/2026

26/03/2026

25/03/2026

24/03/2026

22/03/2026

21/03/2026

20/03/2026

19/03/2026

Address

Opening Hours

Telephone

Website

Alerts

Shortcuts

Share

Category

Monday	6am - 2am
Tuesday	6am - 2am
Wednesday	6am - 2am
Thursday	6am - 2am
Friday	6am - 2am
Saturday	6am - 2am
Sunday	6am - 2am