https://www.facebook.com/100406278457266/

Dr. Mohamed haleem, جيم VIP, نادي المنيا الرياضي , بجوار سي فول امام كورنيش المنيا, Minya (2025)

02/07/2023

جو ليندر .. او joesthetics زي ما معروف ع منصات التواصل الاحتماعي .. اتوفي في سن الثلاثين .. هو لاعب physique و من المؤثرين علي منضات التيكتوك و الانستجرام و الفيس بوك .. 🏋️🏋️🤑

اللي ملوش اوي في القرايه و عايز يعرف تفاصيل عن وفاته اكتر ممكن يتفرج ع الفيديو ده

https://youtu.be/e5--zauWgOQ

سبب الوفاه ناس كتير ارجعته للهرمونات💉💉💊 و ما شابه .. هو كان صرح قبل كده انه خد هرمون و جاله تثدي منه gynecomastia.. بس اللي منعرفوش عنه انه عنده مرض اسمه (rippling muscle disease (RMD المرض ده بيصيب العضلات و بيعمل زي حركه موج بحر او كان حاجه بتزحف تحت الجلد من انقباضاات العضلات بمجرد الضغط عليها

المرض ده وراثي 🧬🧬و فيه منه بيصيب عضله القلب❤️ .. و بيسبب التضخم في البطين الايسر. و ارتفاع بضغط الدم .. و عدم انتظام في ضربات القلب
كمان بيسبب ضعف ف النظر 🤓
و بيسبب زياده ف الكتله العضليه بشكل ملحوظ muscle hypertrophy💪💪

و زي ماهوومعروف عن جو ليندر انه كان بيلبس نضاره 🤓انه كان دهونه قليله جدا و ناشف و عضلاته حجمها كويس جدا بالنسبه لطوله💪 .. ده معناه انه مصاب بالمرض بمعظم اذا ماكانش كل اعراضه وانه بنسبه كبيره اوي مأثر علي قلبه

الsteriodsاللي كان بياخدها ممكن تكون زودت ضغط دمه وممكن تكون اتسببت ف تكوين جلطات
الحوارق الكتير و الpump و الpreworkout اللي كان بياخدهم بشكل اكيد كبير عشان يبان ف فيديوهاته زي ما بنشوفه اثر علي ضغط الدم و زود اتساع الاوعيه الدمويه مما ادي الي ضعف الجدران بتاعه الاوعيه الدمويه و تكوين الaneurysm

يبقي كده موت جو ليندر من الاسباب دي ممكن يبقي تلات حاجات حيث انه كان موت مفاجئ و سريع جدا محدش قدر يوقفه .. وبناءا علي التحليل ده و حالته المرضيه اللي اتكلمنا عنها الRMD:

1_ اضطراب و عدم انتظام حاد ف ضربات القلب arrythmea متلحقتش و في الغالب بيبقي V.F اوventricular fibrillation❤️😢

2_ الAortic aneurysm و انفجرت نتيجه ضعف جدران الاوعيه الدمويه و ارتفاع ضغط الدم المزمن

3_ Pulmonary embolismاو سده في الشريان الرئوي نتيجه تكون الجلطات

دي ال 3 حاجات اللي تؤدي لموت سريع و مفاجئ ف حاله جو لندر .. مش جلطه ف المخ ابدا زي ما ناس قالت او بسبب الهرمونات فقط برده زي ما الاغلبيه قال ..

دمتم سالمين و حفظنا الله و اياكم من موت الغفله 🙏🙏.. و ده يعلمنا اننا نعمل بامكانياتنا و منستعجلش النتايج ابدا و نراعي الحاله الصحيه لكل واحد فينا و منهملش في نفسنا ..مش معني انك شاب انه تدوس ع نفسك و مش هيحصلك حاجه و لا معني انك كبرت وعجزت ان فرصك و اهدافك في الحياه خلصت 👌✌️

د. محمد عبد الحليم فاروق
اخصائي التغذيه العلاجيه و العنايه المركزه

28/06/2023

كل عام ووانت بخير بمناسبه عيد الاضحي المبارك اعاده الله علينا و عليكم باليمن و البركات ..

و لان الاعياد. مش بتاعه حرمان حتي لو بنمشي علي نظام و ملتزمين و علشان نطلع باقل زيادات ف الوزن في العيد خدوا الكام نصيحه ع الماشي دول :

خلينا نبعد عن اللحمه السمينه المقليه .. و نركز ف الفخده المشويه الملبسه الجميله دي

و نجنب الرقاق و ناخد شويه فته علي قد ما تلت الطبق هيشيل .. بس الطبق بتاعنا العادي مش الصواني اللي بتطلع ف المناسبات دي 🤣

و لو في محاشي حاولوا متبقاش بليه و سمين و ناخد عدد صوابع علي قد كفه ايدنا ما هتشيل .. ايد واحده مش الاتنين

الممبار شئ اساسي و مفروغ منه فمعلش اقلوه ف القاليه الهوائيه عشان بحبه ..

و كل سنه و انتوا طيبين .. متنسوش تشيلولي منابي 😅🎉🎉🎊❤️

د. محمد عبد الحليم
اخصائي العنايه المركزه و التغذيه العلاجيه

16/06/2023

شكرا هيلثي بوكس المنيا

هيلثي بوكس شغالين اونلاين ... عندهم انواع كتير جدا من المخبوزات الصحيه و الحلويات المشبعه جدا .. معمولين بانواع دقيق صحيه من شعير و شوفان و دقيق اسمر و بدائل سكر بنبات الستيفيا .. مناسب لانظمه صحيه كتر منها الlow carbبانظمته المختلفه و حتي انظمه الكيتو ...

انصح جدا بتجربته لاي حد ابتدا يمل من الدايت التقليدي و مش هيندم ابدا

ده لينك الجروب بتاعهم ..

https://www.facebook.com/groups/443249436948776/?ref=share&mibextid=NSMWBT

04/05/2023

الحل للاكتئاب اللي بيجيبه الدايت و ايه اسبابه

24/04/2023

هو بعد العيد بيتفت الكحك ؟! 🥮🥮
اه بيتفت عادي .. احنا قولنا نسيبكوا تعيدوا و تعكوا براحتكوا و ننزل بقي وصفه الكحك الدايت .. اللي هتعملوه بدل الكحك العادي ف الاعياد اللي جايه ..

و ربنا يجعل ايامكوا كلها اعياد يارب .. كل سنه و انتوا طيبين 🎉❤️🎊🎉🎊

الكحكايه الواحده فيها اقل من ٧٠ سعر حراري

المقادير :

٢كوب و نصف دقيق شوفان
نصف كوب دقيق ابيض
٩٠جرام سمنه بلدي 🐄
٣٥:٤٠جزام زبده فول سوداني و يمكن الاستغناء عنها و تبديلها بالسمن البلدي 🥜🥜
معلقه كبيره سمسم
معلقه كبيره ريحهً كحك
ربع معلقه صغيره محلب🥮
رشه ملح
معلقه صغيره بيكينج بودر و يمكن تبديلها بالخميره
استخدمت زبادي يوناني للعجن بدل الماء حولي ربع كوب ٥٠-٦٠ جرام 🥛🐄

التسويه علي رف متوسط بدرجه حراريه هاديه ١٨٠:٢٠٠ 🔥حسب الفرن و وقت التسويه هيكون من ٣٠الي٤٠ دقيقه

هنعرف انها استوت لما تمسك نفسها و قعرها ياخد لون دهبي👌✌️

20/04/2023

كل عام و انتم بخير بمناسبه عيد الفطر المبارك .. و تقبل الله منا و منكم صالح الاعمال 🎊🎊🎊🎉🎉❤️❤️

19/04/2023

في ليله ال 29 من رمضان

اللهم اعتق رقابنا من النار .. اللهم انك عفو تحب العفو فاعف عنا .. اللهم بارك لنا ف رزقنا و ثبت قلوبنا علي دينك و اقسم لنا الخير و ارض عنا يا كريم

اللهم امين 🙏🙏

17/04/2023

في ليله السابع و العشرون من رمضان
"اللهم لا تدع لنا ذنبا الا غفرته .. اللهم ارفع غضبك و مقتك عنا .. اللهم ادخلنا جنتك بغير حساب ولاسابقه عذاب .. اللهم اجعلنا من عتقائك من النار .. اللهم ارزقنا من حيث لا نحتسب .. اللهم دبر لنا امورنا فانا لا نحسن التدبير .. اللهم انك عفو احب العفو فاعف عنا "

اللهم امين ..

لا تفوتوا ليله ال 27 عسي ان نكون فيها من المغفور لهم و المعتوقين من النيران ..

اعاده علينا و عليكم الله باليمن و البركات ... و كل عام و انتم بخير ♥️♥️

15/04/2023

في ليله الخامس. والعشرين من رمضان

ندعوا الله ان يتقبلنا من المغفورين لهم و يجعلنا من عتقائه من النار و ان يعفوا عنا و يتقبلنا بقبول حسن و يتغمدنا برحمته التي وسعت كل شئ ...

اللهم انك عفو كريم تحب العفو فاعف عنا ..اللهم امين 🙏🙏

14/04/2023

دعاء الثالث و العشرون من رمضان

اللهم إنّا نسألك الجنّة وما قرّب إليها من قولٍ أو عمل، ونعوذ بك من النار وما قرّب إليها من قولٍ أو عمل، وأكرمنا بمغفرتك وتفضّل علينا بعفوك يا عفوّ يا غفور يا ذا الفضل والإحسان.

كل عام و انتم بخير ♥️♥️

12/04/2023

لو بتتقل بعد الفطار و مبتعرفش تعمل حاجه .. اسمع الكلمتين دول 👌

07/04/2023

قرحه الاثني عشر deudenal ulcer
من اعراضها :
_ المغص و التقلصات المتفاوت درجاته علي حسب شده القرحه😵😫

_ الغثيان🤮🤢 و لكن ف كثير من الاحيان المغص بيروح بالاكل .. فصاحب قرحه الاثني عشر ياكل كتير غصب عنه بس ممكن تبقي كميات قليله .. لان الاكل بيهدي التقلصات الشديده لقرحه الاثني عشر

_ نقص في الوزن احيانا

اسبابها ،:
_جرثومه المعده الH.PYLORI🦠
_الافراط في المأكولات المملحه و الspicy 🌶️
_التوتر الزائد 🤯😱
_ الكافيين الزائد ☕🫖🍺🍾🥂
_السجائر والتدخين بشراهه

يمكن اكتشافها :
تحليل الدم 🩸
تحليل براز لجرثومه المعده 🦠
الاعراض الاكلينيكيه السابق ذكرها
السونار علي البطن
و الاكثر دقه هو منظار الامعاء upper GIT endoscopy

للتقليل من اعراض و مضاعفات قرحه الاثني عشر ببعض التعديلات ف الlifestyle :
_ الاقلال من الاطعمه السبايسي و المخللات 🌶️🌶️
_ الاقلال من التدخين و خصيصا ع الريق
_ الابتعاد عن الاطعمه المقليه و المخبوزات🍔🥪🌭🍟🍟
_ الاقلال من المنبهات و الكافيين و بالذات علي الريق او قبل النوم
_ الاهتمام بشرب الماء جيدا 💦
_ الالبان و اللبن الروب خاصه مساءا 🥛
_ و تناول كميات قليله من الطعام 🤏و تقسيم الطعام علي وجبات متعدده من 3_5 وجبات و عدم الافراط في الاكل في المره🤌 الواحده

و بالطبع مع العلاج الدوائياذا استدعي الامر و قد تصل الي التدخل الجراحي ف الحلات الشديده

د. محمد عبد الحليم فاروق
اخصائي التغذيه العلاجيه. و العنايه المركزه

07/04/2023

لو بتحس انك بتاكل عشان ترتاح ؛ و من غير الاكل او في الصيام بطنك بتمغص كتير .. يبقي للاسف في احتمال كبير تكون مصاب بقرحه ..

متستهونش بالموضوع و متهملش في نفسك و تابعنا هننزل بوست تفصيلي عن الموضوع ده قبل الفطار علي طول ..

و دمتم اصحاء

05/04/2023

تابعونا ليصلكم كل جديد ف عالم الطب و التغذيه العلاجيه ..

للاستفسارات علي رسائل الصفحه و في مواعيد العياده بنادي المنيا الرياضي جيم VIP بجوار سي فول امام كورنيش المنيا

مواعيد العياده في رمضان :

السبت و الاحد و الاثنين و الخميس قبل الفطار من 3 ل 4 ونصف
السبت والاثنين بعد الفطار من 9ل 11 مساءا

و كل عام و انتم بخير ♥️

31/03/2023

لو انت لا قدر الله مكتشف حديثا انك مريض سكر النوع التاني او السكر التراكمي بتاعك كان اعلي من 5 و خايف لتتحول لمريض سكر .. يبقي البوست ده علشانك .. ركز كويس اوي .. 👌

السكر المكتسب ده من اسمه هو مكتسب مش وراثي يعني في عوامل ادت لانك تبقي مريض سكر .. 😲

و الشهر المبارك شهر رمضان زي ما هو فرصه لانك تغير نفسك من جوا .. فهو فرصه كمان انك تغير حياتك و تبدل مرضك و تتحول لشخص صحي ..🙏🙏

علاج السكر المكتسب من النوع التاني في اول 3-5 شهورمن اكتشاف المرض هو بس تعديل اسلوب حياتك life style modification ..

يعني ببساطه لو حضرتك استمريت في شهر رمضان علي تغيير عادات اكلك و طبيعه معيشتك .. انت قادر انك متبقاش مريض سكر تاني و ترجع زي ما كنت

الخطوات و السر كالاتي :
1_ اولا الصيام طبعا .. الصيام المتقطع من اكثر الانظمه المثبته فعاليتها ف علاج مرضي السكر من النوع الثاني

2_اتباع حميه غذايه منخضه النشويات

3_ استبدال النشويات البسيطه بالمعقده يعني نبطل رز و مكرونه و دقيق اببض 🥖🥐🥯🍕🌭🥪🍔🍚و ناكل فريك او عدس بجبه او شوفان او رز بني و انا هنا بذكر الامثله دي تحديدا عشان دي حبوب كامله .. هنتكلم بعد كده ع فوايدها لمرضي السكر و غير مرضي السكر

4_ المجهود متوسط الشده لمده تتراوح ما بين 45-60 دقيقه او حتي منخضه الشده من 60-90 دقيقه قبل الفطار مباشره زي المشي المنتظم ..الهروله او حتي المشي الاعتيادي لفترات اطول 🚶🏃🤸🏋️

5- تناول الاطعمه و الفواكهه منخفضه المعدل الغلايسيمي low glycemic index foods زي البطاطس المسلوقه .. الشمام .. البطيخ.. الكمثري .. التفاح البلدي.. الفراوله .. الكيوي .. الافوكادو ..🥗🍓🍉🥝🍐🍎🥑

6_ الانتظام ع شرب الماء بمعدل من 2 الي 3 لتر يوميا .. 💧💧👌

تأكد لو عملت ال 6 خطوات دول و ابتديتهم ف رمضان و استمريت عليهم 3 شهور بس .. هتودع معظم الامراض الخطيره زي الاورام لا قدر الله مش بس السكر .. 💪💪

و كل عام و انتم بخير .. و دمتم سالمين و اصحاء 🙏🙏

د. محمد عبد الحليم فاروق

اخصائي التغذيه العلاجيه و العنايه المركزه
ماجيستير العنايه المركزه و التغذيه العلاجيه
دبلومه التغذيه العلاجيه و الرياضيه من البورد الامريكي للجوده ووالعلوم و التكنولوجيا
اخصائي تغذيه معتمد من المكتب الثقافي الدولي

عنوان العياده :
بداخل جيم VIP النادي الرياضي _بجوار سي فول_ امام كورنيش المنيا

المواعيد في رمضان
سبت و اثنين من 3 ل 5 قبل الفطار و من 9ل 11 بعد الفطار
و حد و خميس قبل الفطار من 3 ل 5

30/03/2023

# اتمرن قبل الفطار و لا بعد الفطار 🤔
◀️هل لما هتمرن و انا صايم هخسر عضلات و لا كده هيبقى احسن عشان اخس ؟!

◀️كل دى اسئله بتيجى فى دماغنا اول ما يبدأ الشهر الكريم
ببساطه الصيام نظام اساسى لاى حد حابب انه يقدر يعيش حياه سليمه .. بنعتبره كأنه وقت نقاهه كده الجسم بيقدر يتعامل فيه مع كل اللى بيعوقه عن انه يبقى كويس .. بتقل الالتهابات و بتعلي مضادات الاكسده و بيحصل phagocytosis او عمليه التهام لمعظم الخلايا الضاره و الغريبه اللى موجوده ف جسمنا و منها الخلايا السرطانيه الخامله او اللى قابله انها تكون لا قدر الله اورام ..
◀️عشان كده انت تقدر تعمل اللى انت عايزه فى الشهر المبارك ده .. تقدر تخس و تقدر تبنى عضلات و تقدر تحافظ على كتلتك العضليه كل ده هيعتمد على انت هتتمرن امتى و بشده قد ايه و نظامك الغذائى عامل ازاى :

◀️لو عايز تخس و تخسر دهون و فى نفس الوقت تحافظ على كتلتك العضليه .. يبقى حضرتك هتتمرن قبل وقت الفطار مباشره و بتمرين متوسط الشده مش عالى الشده علشان منخسرش مايه كتير و ساعتها ممكن نتعرض لجفاف اولى و يحصل الدوخه او الهبوط اللى ممكن يصادف اى حد اثناء التمرين فى الصيام
◀️ و طبعا العجز فى السعرات اللى هتعملها مع النظام منخفض النشويات عالى البروتين على حسب كتلتك العضليه .. ساعتها هتخسر دهون و هتحافظ على كتلك العضليه او يمكن تقدر تزودها حاجه بسيطه

◀️طب لو عايز الافضل من ده ، انى اخسر دهون اكتر و احاول اكسب كتله عضليه حتى لو مش كتله كبيره
يبقى حضرتك هتحتاج/ي تمشى على نظام فيه مرتين تمرين مره قبل الفطار بشده متوسطه و هتممرن تانى بعد الفطار بغرض زياده معدلات الحرق و زياده الكتله العضليه بتمرينات مركبه

◀️طيب لو انا من النوع اللى عايز احافظ على كتلتى العضليه و مش بكسب دهون كتير و محتاج انى مخسش اكتر فى رمضان .. يبقى هتتعب معانا شويه فى انك هتحاول بقدرالامكان تمشى على نفس نظام حضرتك عالى النشويات و البروتين و تحاول تقرب وقت الوجبات بين بعض بحيث على الاقل تكون واكل اربع وجبات بفارق زمنى ساعتين الى 3ساعات بالكتير
وقت تمرينك هيبقى اكيد بعد الفطار و يفضل يكون ما بين الساعه 7-12 مساءاً

◀️و الاهم من كل ده .. انك تنوى و تحط فى دماغك ان كل حاجه بتعملها بتقربك لهدفك اللى انت جاى الجيم عشانه

د / مجمد عبد الحليم فاروق
- أخصائي تغذيه علاجيه و عنايه مركزه
و كل عام و انتم بخير .. رمضان كريم 🕌🌙
‏‎‏‎‏‎

30/03/2023

كل عام و انتم بخير بمناسبه شهر رمضان المبارك .. اعاده الله عليكم باليمن و البركات و الخيرات ..❤️❤️🎊

مواعيد العياده في رمضان
سبت و احد و اثنين و خميس قبل الفطار من 3-4:30 عصرا
سبت و اثنين بعد الفطار من 9-11 مساءا

العياده بجيم VIP نادي المنيا الرياضي بجوار سي فول امام كورنيش المنيا

دمتم بخير و اصحاء ❤️🙏🙏

Dr. Mohamed haleem

02/07/2023

28/06/2023

16/06/2023

04/05/2023

24/04/2023

20/04/2023

19/04/2023

17/04/2023

15/04/2023

14/04/2023

12/04/2023

07/04/2023

07/04/2023

05/04/2023

31/03/2023

30/03/2023

30/03/2023

Address

Website

Alerts

Shortcuts

Share