https://www.facebook.com/102943812434170/

3ladwy, Minya (2025)

08/08/2025

🔥 #ملخص سريع وبسيط ع منطولش ع بعض😅😅
دى دراسه بشل مبسط ومفيد عن علاج ألم أسفل الظهر (Low Back Pain) من خلال التركيز على مفصل الحوض (Hip) 🔥

🔍 ليه نركّز على الـ Hip مع مرضى الـ Low Back Pain يعم جيمى 🤔

بص يحته 🙄
مش كل ألم في الظهر سببه الظهر نفسه!

»» مل اى يعم الفهيم انت 🙂😅

بص غالبًا بيكون في حاجه من دول :
- يا ضعف عضلات الحوض (Hip muscle weakness).
- يا قلة مرونة مفصل الحوض (Hip mobility restriction).
- يا خلل في ميكانيكية الحوض والعمود الفقري (Altered lumbopelvic mechanics).

»» وكان فى دراسه اتعملت عن Low Back Pain
#خلاصة الدراسة دى (2023):
العلاج الموجه لمفصل الحوض (تقوية + تحسين المرونة) بيقلل الألم ويحسن الحركة بشكل كبير في مرضى الـ LBP (
Low Back Pain )
---

ودول بعض التمارين البسيطه الى تقدر تعملها حتى وانت ف البيت للعضلات دى 🤸‍♂️🤸‍♂️
1️⃣ ✅ تقوية عضلة Gluteus Medius
- التمرين: Clamshell with Resistance Band
- الطريقة:
- النوم على الجنب، الركبتين مثنيتين.
- فتح الركبة العليا مع إبقاء القدمين متلامسين.
- ٣ مجموعات × ١٥ تكرار.

2️⃣🔵 تحسين مرونة عضلات الـ Hip Flexors
- التمرين:Thomas Stretch
- الطريقة:
- النوم على طاولة، جذب ركبة واحدة للصدر.
- ترك الرجل الأخرى تتدلى لأسفل للشعور بالشد.
- ٣٠ ثانية × ٣ مرات لكل رجل.

3️⃣🟠 تحسين ثبات الحوض والظهر (Lumbopelvic Stability)
- التمرينGlute Bridge with Marching
- الطريقة:
- رفع الحوض لأعلى ثم رفع رجل واحدة بالتناوب مع الثبات.
- ٣ مجموعات × ١٠ تكرار.

4️⃣ 🔴 تقوية عضلات الـ Hip Abductors
- التمرين:Standing Hip Abduction with Band
- لطريقة:
- الوقوف وربط Band حول الكاحلين.
- تحريك الرجل للخارج (حركة جانبية).
- ٣ مجموعات × ١٢ تكرار لكل رجل.

---

🎯 الفكرة الأساسية:
مش بس نعالج الظهر، لكن نعيد التوازن بين:
Hip – Pelvis – Lumbar Spine

👨⚕️ نصيحة للدكاترة والطلاب:
لاحظوا Compensations اللي بتيجي من الحوض في مرضى الـ LBP ( Low Back Pain)، واعملوا Assessment شامل قبل ما تحكموا أن المشكلة في الظهر فقط!

📌 العلاج الناجح = تشخيص دقيق + تأهيل مع حد فاهم☺️🤸‍♂️

---

💬 لو عندك أي حالة معينة محتاجة مناقشة، كلمنا! 😊
#فى مركز الدكتور لتأهيل الاصابات بيتگ التانى💚
✌🦅
🔥
🍌
💚 🌜
❤
✌💚🦅
🩼🤸‍♂️

31/07/2025

#فى مركز الدكتور لتأهيل الاصابات بيتگ التانى💚
✌🦅
🔥
🍌
💚 🌜
❤
✌💚🦅
🩼🤸‍♂️

31/07/2025

في ناس بتفتكر إن إصابة الرباط الصليبي الأمامي (Anterior Cruciate Ligament - ACL) دي مشكلة تخص اللعيبة بس، لكن الحقيقة إن أي حد بيجري بسرعة أو بينط أو ينزل سلم بسرعة ممكن يتعرض لإصابة في الرباط ده..🥲🥲🤸‍♂️💔

طيب اى هو اصلا الرباط المصلب دا يعم جيمى ☺️😅😅
تعالى اقولك يحبيب اخوك ☺️

🔹 الرباط الصليبي الأمامي هو واحد من الأربطة الأربعة الأساسية اللي بتثبت مفصل الركبة.🦵🦵
بيربط بين عظمة الفخذ (Femur) وعظمة الساق (Tibia)، ووظيفته إنه يمنع عظمة الساق من إنها تتحرك للأمام أكتر من اللازم، وكمان بيثبت الركبة وقت الحركات المفاجئة أو تغيير الاتجاهات المفاجئة (Pivoting).

طيب اى اعراضه دا ولا نعرفه ازاى🤔

🔸 إصابة الرباط الصليبي بتحصل لما الرباط يحصل فيه شد جامد أو تمزق جزئي أو قطع كامل. ودي بتحصل عادة بسبب حركة عنيفة أو التواء مفاجئ.

✅ أعراض الإصابة بالرباط الصليبي الأمامي🦴👈
1️⃣ سماع صوت فرقعة واضح وقت الإصابة (Pop sound) وده بيكون علامة مميزة على حدوث قطع أو تمزق.
2️⃣ ألم شديد ومفاجئ غالبا بيخلي المصاب ميقدرش يكمل لعب أو حركة.
3️⃣ تورم سريع بيحصل نتيجة تجمع دم داخل المفصل..
4️⃣ إحساس بعدم الثبات في الركبة أو إنها بتخون الشخص أثناء الوقوف أو الحركة.
5️⃣ صعوبة في حركة الركبة سواء في الثني (Flexion) أو الفرد (Extension) بسبب الألم أو التورم.
6️⃣ العضلات المحيطة زي عضلة الفخذ الأمامية (Quadriceps) والخلفية (Hamstrings) بتنقبض بشكل لا إرادي كنوع من الحماية وده اسمه Muscle Guarding.
7️⃣ الإحساس بضعف في الركبة أو فقدان السيطرة عليها.

🔸 ومش شرط الأعراض كلها تظهر مع بعض، في بعض الإصابات الجزئية أو المزمنة الألم بيكون أقل لكن عدم الثبات بيكون العلامة الأوضح.

وبعدين دى لو الاعراض دى كلها ظهرت عندك يبقى كده المفصل بتاعك ركب قطر 6 الاتلت💔😅😅

طيب اى بقا الاسباب والمشاكل والمترتب عليه والذى منه الى بتؤدى لاصابه ACL🦵🤸‍♂️

✅ الأسباب أو العوامل اللي بتؤدي لإصابة الرباط الصليبي الأمامي:
1️⃣ حركات رياضية مفاجئة زي لف الجسم بسرعة أو التوقف المفاجئ أو النزول من وثبة عالية والرجل مفرودة ومش مثنية كويس. ده شائع في رياضات زي كرة السلة وكرة الطائرة وكرة القدم .
2️⃣ خبطة قوية على الركبة من الجنب أو من الأمام والقدم مثبتة في الأرض، وده بيحصل كتير في رياضات زي كرة القدم.
3️⃣ حركة خاطئة للركبة زي إنها تدخل للداخل بشكل مفاجئ أثناء الجري أو النزول من وثبة (Knee Valgus).
4️⃣ وجود إصابات قديمة في الركبة متأهلتش كويس بيزود فرصة الإصابة الجديدة.
5️⃣ ضعف عضلات الفخذ الخلفية (Hamstrings) أو عضلات الحوض (Glutes) أو وجود ليونة زائدة في الأربطة (Ligamentous Laxity).
6️⃣ الإرهاق الشديد أو الإجهاد آخر التمرين بيخلي العضلات مش قادرة تثبت الركبة كويس وبيزود فرصة الإصابة.

✅ إزاي يتم التشخيص:
🔸 اختبارات سريرية زي Lachman Test وAnterior Drawer Test وPivot Shift Test لتحديد مدى ارتخاء الركبة. 🦵
#ودى طبعا كجمال بفضل نعملها بعد ما نتأكد من الآشعه وتشخيص دكتور العظام الاول لانه صاحب التشخيص الاول👌☺️

🔸 أشعة الرنين المغناطيسي (MRI) لتحديد هل في Partial Tear ولا Complete Tear وهل في إصابات تانية في الغضاريف أو العظام.
🔸 الأشعة العادية (X-ray) لاستبعاد وجود كسر أو Avulsion Fracture.

✅ درجات إصابة الرباط الصليبي الأمامي:
1️⃣ الدرجة الأولى (Grade1): شد بسيط أو التواء خفيف في الرباط بدون قطع، الركبة بتكون مستقرة والألم والتورم بيكونوا بسيطين.
2️⃣ الدرجة الثانية (Grade 2): قطع جزئي في ألياف الرباط مع وجود عدم ثبات نسبي وألم وتورم واضحين.

وفى الحال دى الرأي بيكون لدكتور العظام هل هنحتاج عمليه جراحيه ولا تأهيل فقط. 👌

وفى الجزء دا هفهمك كجمال اى المعايير الى بيتحدد عليها لدكتور العظام ان شاء الله فى بوستات تانيه ☺️☺️

3️⃣ الدرجة الثالثة (Grade 3): قطع كامل في الرباط، الركبة بتكون غير مستقرة بشكل كبير، مع ألم شديد وتورم واضح وغالبا بتحتاج تدخل جراحي لإعادة بناء الرباط (ACL Reconstruction).

طيب اى يعنى يعم جمال لو حصل الكلام دا معايا وفكيت من العمليه او معملتش تأهيل هنموت يعنى ولا اى☺️🙂
لا طبعا يحبيب اخوك هيحصل شويه مضاعفات بس كده على شويه مكسرات فى ركبتك بس ☺️🤸‍♂️🦵💔

✅ المضاعفات لو الإصابة متتعالجتش كويس:
🔸 استمرار عدم الثبات في الركبة وزيادة فرصة حدوث خلع أو إصابات تانية في الغضروف الهلالي أو المفصل.
🔸 ظهور خشونة في الركبة مبكر بسبب تلف الغضروف (Early Osteoarthritis).
🔸 ضعف مستمر وألم مزمن وضعف في العضلات.
🔸 صعوبة في الرجوع لمستوى اللياقة أو الأداء الرياضي الطبيعي.

✅ الوقاية:
1️⃣ تقوية العضلات المحيطة بالركبة خاصة عضلات الفخذ الأمامية والخلفية وعضلات ال (Core muscles).
2️⃣ تعلم الهبوط الصحيح من الوثب (Proper Landing Technique).
3️⃣ الإحماء الجيد قبل أي نشاط رياضي مع التمديد الجيد للعضلات (Stretching).
4️⃣ استخدام معدات رياضية مناسبة وأرضية لعب مناسبة.
5️⃣ التوقف فورًا عن اللعب أو التمرين لو حسيت بألم أو عدم ثبات عشان يتم التشخيص مبكر.
#فى مركز الدكتور لتأهيل الاصابات بيتگ التانى💚
✌🦅
🔥
🍌
💚 🌜
❤
✌💚🦅
🩼🤸‍♂️

19/07/2025

اتكلمنا قبل كده على جراحه Acl عمليه استبدال الرباط الصليبى الامامى
والاماكن المناسبة لأخذ الرقعة ودا الى بيحددها دكتور جراحه العظام

انهارده بقا هنتكلم عن موضوع مهم وخطير من تبعيات عملية الرباط الصليبى الامامى
وهو #الميكروب او 👹😶‍🌫️

جراحة الرباط الصليبي الأمامي (ACL) من العمليات الشائعة ولكنها قد تترافق بمضاعفات منها التهاب المفاصل المعدي (Septic Arthritis)، وهي حالة خطيرة تنتج عن عدوى بكتيرية داخل المفصل. في البوست دا هنعرف أسباب حدوث الميكروب (العدوى) بعد العملية، ومتى يحتاج المريض إلى تنظيف جراحي (غسيل مفصلي)، ومتى يمكن التعامل مع الحالة دون تدخل جراحي.

#طيب اى بقا بعض اسبابه يعم جيمى 🤔
تعالى اقولك ي🐯
#أسباب العدوى بعد جراحة الرباط الصليبي
1. التلوث الجراحي:
- دخول بكتيريا أثناء العملية بسبب عدم التعقيم الكافي.
- استخدام أدوات أو غرسات (مثل الأوتار أو الدبابيس) ملوثة.

2. ضعف المناعة:
- المرضى المصابون بالسكري أو الأمراض المثبطة للمناعة أكثر عرضة للعدوى.

3. العدوى الموضعية بعد الجراحة:
- التهاب الجرح أو تجمع دموي (وذمة) يزيد فرص نمو البكتيريا.

4. العدوى الدموية:
- انتقال بكتيريا من موضع آخر في الجسم (مثل التهاب الأسنان أو الجلد) عبر الدم إلى الركبة.

---

#طيب أمتى يحتاج المريض إلى تنظيف جراحي (غسيل المفصل)؟
بص يباشا لما يكون فى آعراض لدا زى اى طيب
✅ أعراض شديدة:
- ألم حاد، تورم، احمرار، وحرارة في الركبة.
- ارتفاع درجة الحرارة (>38°C) مع قشعريرة.
✅ تحاليل تشير لعدوى:
- ارتفاع كريات الدم البيضاء (WBC)
و بروتين سي التفاعلي (CRP).
- وجود صديد في سائل المفصل (عبر بزل الركبة) مع تأكيد المزرعة البكتيرية.
✅ فشل العلاج التحفظي:
- إذا لم تتحسن الأعراض بعد 48 ساعة من المضادات الحيوية الوريدية.

#طريقة التنظيف الجراحي:
- يُجرى عن طريق **منظار المفصل (Arthroscopy)أو فتح المفصل (في الحالات الشديدة). ودى طبعا بيحددها اخواتنا بتوع جراحه العظام..

طيب هو ممكن يجمى اكتفى بالعلاج 🤔

بص دى مش بتاع جيمى ولا الى زيه دى الى بيحددها دكتور العظام فهمت ☺️

لاكن فى بعض المؤشرات الى يمكن الاكتفاء بالعلاج الدوائي فيها ان شاءالله زى اى :
🔹 عدوى خفيفة (مبكرة) دون صديد أو تلف في الغضاريف.
🔹 استجابة سريعة للمضادات الحيوية (تحسن الأعراض خلال 24-48 ساعة).
🔹 عدم وجود بكتيريا مقاومة في المزرعة.

#الخلاصة☺️
- العدوى بعد جراحة الرباط الصليبي الأمامي نادرة لكنها خطيرة ولازم تشخيص سريع .
- التنظيف الجراحي ضروري عند وجود صديد أو أعراض شديدة.
- *لعلاج بالمضادات الحيوية يكفي في الحالات الخفيفة إذا استجاب المريض بسرعة.
- الوقاية عبر الالتزام بالتعقيم أثناء وبعد الجراحة والعناية بالجروح بعدها يقلل المخاطر.

للاسف يحبيبي التأخر في علاج التهاب المفصل المعدي قد يؤدي إلى تلف دائم في الرقعه للرباط الجديد والغضاريف أو انتشار العدوى، لذا لازم ترجع لجراح العظام فور ظهور أعراض مقلقة!
💚✌
#فى مركز الدكتور لتأهيل الاصابات بيتگ التانى💚
✌🦅
🔥
🍌
💚 🌜
❤
✌💚🦅
🩼🤸‍♂️

19/07/2025

حاجه خارج المود عرفتها فقولت اشاركوا ☺️☺️😅

بما أن زهقت من we وهما مش راضين يخلو نت غير محدود والنت بيتجدد مرتين أو تلاته في الشهر فا انا جبتلكم طريقه شغال بيها من شهور ممكن في ناس عرفها وناس لا لما يكون النت عندك خالص جيجات بس لسه فاضل ايام في الشهر البرنامج دا تقريبا بيديك 10 جيجا بيكون عباره عن Vpn
افتحو الصور

30/04/2025

.
لله الحمد والكرم والمنه والتوفيق وآساله دوام النعمه والصحه والعافيه والرزق الحلال الطيب المبارگ يا رب💚💚🥺
جزئ من شغل حجامه الشهر الى عدى الحمدلله.
شهر ابريل 2025 م
ذوالقعده 1446 ه‍
اللهم لگ الحمد 💚🦅✌
✌🦅
🔥
🍌
💚 🌜
❤
✌💚🦅

3ladwy

08/08/2025

31/07/2025

31/07/2025

19/07/2025

19/07/2025

30/04/2025

Address

Telephone

Website

Alerts

Contact The Practice

Shortcuts

Share