24/03/2023
⚕️ واحد داخلك الصيدلية وقالك انه بيدخل الحمام كتير جدا، ايه دورك معاه ؟ يعني هتقوله ايه بمعنى اصح ؟؟ تعالى نشوف..
❇️ في الاول ايه الامراض اللي اشك فيها لو لقيت المريض بيشكي من polyuria ؟ او بمعنى اخر لو المريض كل شوية بيدخل الحمام المفروض افكر ف ايه ؟؟!!...
🔹المريض ده بيشرب شاي او قهوه كتير او بيشرب مايه كتير اوي Excess water intake, coffee & tea
🔹بيشكي من UTI هيكون فيه حرقان في البول او صعوبه في التبول
🔹توتر مستمر او تعب نفسي Stress & psychogenic
🔹 التبول اللاارادي وسلس البول Nocturnal enuresis & incontinence
🔹مريض ضغط مثلا او مريض عنده edema في رجله او بطنه وواخد دوا مدر للبول diuretic drug
🔹مريض السكر اكيد Diabetes mellitus
🔹 مريض تضخم البروستاتا الحميد BPH
🔹ممكن كمان الست الحامل في الأشهر الاخيره Pregnant woman
كل دي حالات ممكن تكون سبب ان المريض يدخل الحمام كتير وكلهم غير بعض، انا كتبت البوست ده عشان بس لما نشوف واحد بيقولنا انه بيدخل الحمام كتير جدا وخايف لحسن يكون عنده السكر فنطمنه كده ونقوله فيه اسباب تانيه كتير ( بس اكيد مش اخر سبب للراجل ولا اللي قبل الاخير للمرأه 😂 )
فنعرف منه من خلال النقاش الجميل كده هل هو مريض ضغط ولا لا، ممكن فعلا يكون بياخد برشام مدر للبول وهو ميعرفش ان ده بسبب الدوا، ممكن لو قالت ان هو بيحس بحرقان وصعوبه في التبول فممكن تكون التهابات مسالك بولية او مثلا عنده البروستاتا وهيعرف من خلال الكشف، ممكن بردو تقيسله السكر لو الموضوع ده بقاله كذا يوم معاه حتى لو عشوائى ي سيدي وشوف لو الرقم اكتر من ٢٠٠ يبقى احتمال فعلا عنده السكر بس مش اكيد لان ده قياس عشوائي فلازم يقيسه صايم ويطلع اعلى من ١٢٦ عشان نقول ان عنده سكر وطبعا في كل الحالات هتعمل ريفير..
لان انت دورك تقيم الحاله وتوجهه للطبيب الصح اكيد وتوفر عليه لان لو كان طلع انه بياخد دوا مدر للبول اساسا وراح كشف عشان خايف من السكر فهو كده اتكلف فلوس وبس لكن لما جالك فانت طمنته ووفرت عليه، بس كده 💙
لمزيد من التفاصيل التواصل علي:
0862362654
01223582850
17 شارع عدنان المالكي أرض سلطان المنيا
