https://www.facebook.com/458224840707536/

دكتورة ريم حجازي - طبيبة أطفال

Home
Egypt
Minya
دكتورة ريم حجازي - طبيبة أطفال

ماما زووون - MaMa Zone✨
ستعالجكم الطبيبة ماشا🩺💉
طبيبة الأطفال وحديثى الولادة

23/12/2025

*🙂شكل الأمهات اللى لسة بياخدو للكحة إيتافيلين وميوكوفلين وأمبروكسول وأوبلكس وسيلجون
*🙂شكل الأمهات اللى لسة بياخدو رضعة مياة بسكر لحديثى الولادة أو أعشاب أو رضعة صناعى
*🙂شكل الأمهات اللى لسة بياخدو فلاجيل وأمريزول للاسهال
*🙂شكل الأمهات اللى لسة بيطلبو نكتب حقنة للكحة
*🙂شكل الأمهات اللى فاكرين الكحة هتروح من أول يوم

18/12/2025

🤩🤩١٠ آلاف ثقة ١٠ الاف ماما زووون

#ثقه

16/12/2025

مامت دعسوقة مش بتحميها بقالنا تلات أسابيع وجاية بدعسوقة تعبانة عندها برد شديد ونزلة شعبية
💥عرفتى ان الاستحمام ملوش دعوة بالتعب بتاع الطفل
💥عرفتى ان النظافة هى اللى بتحميه
💥بالعكس لو استحمينا بنغسل الميكروبات من على جسم الطفل ونغير كل ملابسه وبنخليه يلامس المياة والهوا وجسمه ياخد علي التعرض ده واننا لو فضلنا مكلفتينهم هيعرقو وهيتعبو
💥حمو العيال لو سمحتو

09/12/2025

😊لو طفلك مناخيره ما بتبطلش رشح طول الشتا وفى الصيف كمان وبيكون هو سبب الكحة بسبب افرازات الأنف الخلفية وبناخد علاج بيخف ويرجع تاني كل اسبوع او اسبوعين كدة حساسية أنف ومحتاج علاج وقائى وعلاج مريح زي بخاخات الأنف مش هيتعود عليها
😊لو طفلك عنده كحة طول الشتا وصدره بيزيق واتشخصنا حساسية صدر محتاجين بخاخات الصدر الوقائية والمريحة ومش هيتعود عليهم..والله ماهيتعود عليهم
العيال دى لازم تكبر وحقهم يبقو مرتاحين يلعبو وينامو

02/12/2025

هسألكم سؤال الأمهات اللى عندى هيبقو عارفين اجابته وكل واحد يحط اجابته وهقول الصح مين😇
ايه أفضل طارد للبلغم وأمان للأطفال أقل من سنه؟؟
دى حاجة انا بعلمهالكم ف العيادة جاوبو صح ماتكسفونيش😀😀

27/11/2025

كام أم هتصدقنى لما أكتب روشتة مافيهاش مضاد حيوى؟؟
كام أم هتقتنع بكلامى لما أقولها هنعطى علاج أعراض ومفيش داعى غير للسوايل والراحة؟
كام أم هتتفهمنى لما أطلب تحليل أعرف دور فيروسى ولا بكتيرى علشان هى جايالى أصلا واخدة ٣ أو ٤ أنواع مضادات حيوية والطفل ماخفش وجايالى أكتب حقن نوع مختلف او مضاد حيوي أقوي؟
كل يوم أنا فى الدوامة دى انى اقعد ربع ساعة مثلا توعية للأم ان ناخد بالنا محتاجين طول بال شوية مع العلاج الحرارة مش هتنزل ف اقل من يومين وربنا يشفيهم جميعا😇

21/11/2025

🤩عارفين ليه حقن البرد اللى بتتعمل خلطة ف الصيدلية مصيبة كبيرة؟

طبعا شايفين الانتشار لعدوى الأيام دى خصوصا بين أطفال
المدارس والكبار كمان سخونة وكحة وتكسير جسم وصداع وبعض الأطفال معاهم غثيان وفقدان شهية..
🤩نعمل ايه يادكتورة؟
😇اللى متعودين عليه الكمامة وغسل الايد ونبهي علي أطفالك يغطو الأنف والفم مع العطس والكحة ولو طفلك عليه أعراض يغيب مفيش مشكلة
🤩تنصحينا ب ايه؟
😇خوافض الحرارة زي باراسيتامول وابيوبروفين مع شرب سوايل بصورة كافية
🤩المضاد الحيوي؟
😇الدكتور يقرر محتاجين أو لأ لانه غالبا فيروس الانفلونزا هو السبب ولذلك حقنة البرد بتدمر الطفل والمناعة لان فيها مسكنات وكورتيزون ومضاد حيوي

16/11/2025

عارفين الحاجات اللى بتخلينا نكمل؟؟ أيوة هى دى..🤩🤩
احساسك انك جزء صغير فى عالم كبير من أول ما كان في بطن مامته ويتابعوني ويتولد يجيبوهولي🙈 وبعدين نبدأ الرحلة شوية شوية اللبس والنوم والرضاعة والسبوع وعيد ميلاده والمصيف وصور المايوهات وبعدين اول سنة تطلع وأول خطوة...
الحمدلله يارب انك جعلت الأمانة دى فى ايدي وبسألك تجعلنى دايما قدها🤲🏻🎈

10/11/2025

عارفين أنا فرحانة ليه؟
ربنا يحفظ أولادنا يارب معظم الأطفال معاها عدوى تنفسية والتهاب رئوى والمستشفيات بدأت تتملى ولقينا ان معظم الحالات بسبب (الانفلونزا)
لذلك أنا فرحانة انى شاركت ولو بجزء بسيط جدا ربنا أكرمنى فيه انى أوفر التطعيم أو عالأقل التوعية بأهمية التطعيم خصوصا السنادى
الحمدلله🤲🏻❤️

26/10/2025

بالشفا يا أحمد..
الموسم بدأ عندنا بدأ عندكم؟
حبيت اأكد ان غسيل الأنف مش بنعمله لوحدنا ف البيت ومش بنعمله لو ماعندناش خبرة ومش بنعمله باستمرار علشان في خطورة على الأذن بس لكل حالة دواعيها

22/10/2025

🎉 سنة عدّت... وسنة من الحب والرعاية بدأت ❤️👶

من سنة بدأنا معاكم وعدناكم تكون عيادتنا بيت الأطفال الحلوين والماميز الشاطرين 💕
و علشان اطفالنا من أول يوم كان هدفنا مش بس نشخّص مرض ونعالجه،
لكن نكون أسرة كبيرة كل أطفالها جزء منها 🤱👨‍👩‍👧‍👦

بفضل الله حاولنا نخلي كل أطفالنا بصحة أحسن 💪
وأكلهم صحي 🍎 وحياتهم أجمل 🌈
حرصنا دايمًا على إن التشخيص يكون دقيق ✅
والمتابعة بعد التشخيص بصورة مستمرة لحد ما الطفل يتم شفاءه على خير بفضل ربنا🌟

اتكلمنا عن التطعيمات الإضافية 💉
اللي بفضل ربنا ليها دور كبير في تقوية المناعة ضد أخطر أنواع العدوى
سواء في التنفس أو الجهاز الهضمي أو الجلد أو الأغشية السحائية 🧬

شاركنا معاكم نصائح عن الأكل الصحي 🍓🥦
اللي بيزوّد المناعة وبيحمى اطفالنا من الأنيميا وسوء التغذية
حرصنا دايما على التواصل عبر الواتساب والصفحة 📱
علشان نتابع أولادكم أول بأول ونتعامل صح في الحالات الطارئة 🚑

بدأنا رحلة جميلة مع كل مامي جديدة أو متلخبطة أو خايفة 🤍
وعرفناها كل حاجة تخص الرضاعة الطبيعية وفوائدها 🍼
وشجعنا كل أم على إنها تكون أقوى وأهدى في تعاملها مع طفلها
بدأنا معاها من أول القعدة للأسنان 🦷 للحبو 👣 للكلام 🗣️

اتكلمنا عن الصيف ☀️ والشتا ❄️ والمدارس 🎒
وازاي نحافظ على صحة أولادنا ونشجعهم على التفوق 🌟
و حرصنا على متابعتهم لطفلهم و تطوره و التأكد من انه مطابق للتطور الطبيعى الخاص بسنه .

وفي نهاية سنة جميلة مليانة حب وتعب ونجاح،
بحب أقول شكرًا من القلب لكل أم وثقت فيّا 💖
وشكرًا لكل ام حريصة على صحة اطفالها و بتبذل كل جهدها علشان اولادها يكونو كويسين و اصحاء و متفوقين 🌹

ممتنة جدًا لأسرتنا اللي بتكبر كل يوم 🙏
بأطفال أبطال 💫 هيبقوا نجوم المستقبل القريب إن شاء الله 🌟👶✨

10/10/2025

🍓نطفى التكييفات
🍓نلبس خريفى
🍓أصحاب الحساسيات يبدأو الاجراءات

Address

بنى مزار/أول شارع سعد زغلول/غرب صيدلية عزيز نمر
Minya

Website

facebook.com

Alerts

Be the first to know and let us send you an email when دكتورة ريم حجازي - طبيبة أطفال posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Minya?