صيدليه د/محمد عبدالغني Dr.Mohamed Abdelghani pharmacy باعطو

01/12/2022

04/12/2019

🍁
_________________________________________
☔ اهتمي بمواعيد النوم ايوة ان طفلك ينام بدي ويصحي بدري نشيط دي من أهم العوامل تحميه من السمنة لإن لخبطة مواعيد النوم بتلخبط الهرمونات بالجسم وبتأثر علي عمليات الحرق والأيض وسبب من اسباب السمنة
💃 ممارسة التمارين الرياضية يوميا شئ مسلم بيه لازم تعلميه ان الرياضة صحة للجسم والعقل ويحافظ عليها يوميا حتي لو ربع ساعة بعد اما يصحي بدري ويصلي يمارس تمارين الصباح حتي لو 10 دقائق
🍰 الحلويات والسكريات الكثير وخاصة الحلويات المصنعة يتاعة الأطفال غلط جدا علي الصحة والعقل وكثرها بيزود دهون البطن والأرداف فلازم نقلل منها مش نمنعها لكن نحدد ليها مواعيد أسبوعية وبكميات معقولة
🌳 وجبة الفطار دي بقي شئ مقدس مينفعش يخرج من غيرها وتكون الصبح بدري لان الدراسات بتقول انها اهم وجبة في اليوم وعليها عامل مهم لتكوين الجسم واكسابه الطاقة طول اليوم وكمان ليها دور في حمايته من السمنة
🍁 عوديه علي الطعام الصحي خلي في البيت الخضروات وطبق السلطة ده اساسي علي السفرة بتاعتك والفواكة قبل الأكل شئ حتمي ثمرة او اثتين ونقلل شوية من الدهون والمسبكات والتوابل والزيوت الكثير
🌾 ممنوع السهر لأوقات متأخرة مفيش أكل قبل النوم مباشرة علي الأقل بساعتين وممكن وجبة العشاء تكون طعام صحي وخفيف زي اللبن والزبادي والجبنة البيضاء ونهتم بالفطار ووجبة محترمة صحية في الغذاء ..........................................
☔

03/12/2019

🌴
_______________________________________
🌹 الطعام المقلي بالزيوت كثره بيسبب زيادة نسب ومعدل الدهون بالدم والكوليسترول السئ ويقلل من معدل الكوليسترول النافع وتراكم المعدلات دي بالدم عن حد معين تسبب فرصة الإصابة بتصلب الشرايين
🌵المقليات والزيوت بتبقي بتحتوي علي نسب كبيرة اوي من السعرات الحرارية وبالتالي بتكون فرصة كبيرة انه تزود دهون الجسم وتراكمها في الأنسجة الدهنية وتسبب حدوث السمنة المفرطة وما يترتب عليها من مشاكل صحية كثيرة
🍁 نتيجة تراكم الكوليسترول والدهون بالدم بيسبب الكثير من المشاكل الصحية للقلب والأوعية الدموية وكمان بيأثر علي معدلات الضغط وبيسبب ارتفاع شديد فيه نتيجة زيادة الضغط علي الأوعية الدموية
💡 كثر المقليات والتوابل بيسبب حموضة المعدة وارتجاع المرئ وزيادة اللهلبة وحرقة الصدر نتيجة زيادة حامض المعدة عن المعدل الطبيعي، وبيسبب اضطربات المعدة والقولون
🌸 غالبا معظم الأطعمة دي بتفتقد للعناصر الغذائية القيمة والفيتامينات وكثر توابلها ومشاكل الزيوت اللي بتتقلي بيها بتزود المشاكل علي الجهاز الهضمي وتسبب تلبك معوي وعسر الهضم...............
🌹 احنا مش بنقولك متغيرش في التكل وتأكل مقيات وتضيف توابل لكن يجب الاهتمام والتركيز علي الكعام الصحي والتقليل من الأكل ده بالكثير مرة او اثتين أسبوعيا لتحقيق اعلي استفادة للجسم وتجنبه الاضرار الصحية...........................
🌳

02/12/2019

🚨
__________________
🍁مبدئيا كده التينيا دي عبارة عن عدوي فطرية وأنواعها كثير ومختلفة وكمان بتصيب الجسم في مناطق عديدة وكمان نتيجة ملامسة المريض أو استخدام أدواته الشخصية ممكن تتنقل ليك فإحذر
🌺 أشهر أنواع التينيا؛ تينيا القدمين اللي بتصيب الناس اللي بصفة مستمرة بيلبسوا جزم مقفولة وشراب نتيجة عرق القدم والرطوبة والكتمة بتبقي بيئة مناسبة لنمو الفطريات وتسبب تأكل الجلد بين الأصابع
💦 في برده تينيا ملونه او وردية دي بتصيب الكتفين أو الصدر وبتبقي لونها وردي ومشكلتها بتزيد مع ارتفاع درجة حرارة الجو والرطوبة وكل اما تتعالج ممكن الشخص يتعدي بيها تاني
🌴 في برده تينيا الأظافر دي بتصيب الأظافر وبتغير لونها وشكلها وتسبب تصبغها بلون اصفر او بني غامق ويسبب هشاشة في الظافر وممكن يسقط ويتكسر
🌵 أهم شئ علاج الفطر بتاع التينيا ده في البداية لان تركه ممكن يعدي أماكن في الجسم أخري وكمان ممكن التينا تعدي الرأس وتسبب تساقط الشعر فكل اما كان العلاج سريع كل اما كان سهل للعلاج
🌹 نعالج التينيا بمضاد فطريات كبسولات وكريم او محاليل موضعية وبجانب ده نهتم ان المنطقة المصابة تبقي جافة ونظيفة طول الوقت وبلاش البلل او الرطوبة والكتمة عشان بتزود حدة المشكلة...........................
💦

01/12/2019

🌵
______________________________________
🌹 مبدئيا درجة حرارة الجسم الطبيعية؛ من 36.5 ل 37.2 تقريبا يعني مش لازم تلاقي حرارة جسم طفلك علي طول 37 درجة وأي نقص او زيادة تبقي مصيبة
🌸 ارتفاع درجة حرارة جسمك ده عرض مش مرض يعني دي أحد طرق الجسم للتعبير عن وجود مشكلة داخلية في ميكروب بيهاجم الجسم ونتيحة لدفاع المناعة عن الجسم بيظهر ارتفاع درجة حرارة الجسم ده
🍀 نوع الميكروب المسبب لارتفاع درجة الحرارة ممكن يكون عدوي فيروسية وده أمر شائع أو عدوي بكتيرية او حتي طفيلية يعني مش كل ارتفاع في درجة حرارة الجسم نعطي مضاد حيوي
🌳 أفضل شئ في خفض درجات الحرارة المتوسطة لطفلك الكمادات المياة الفاترة علي الجبهة وتحت الإبطين وبين الفخذين أكثر أماكن بيتم منها خفض لدرجة حرارة الجسم وطبعا متتبلش هدومه عشان ميأخدش برد
🌺 الباراسيتامول من أفضل خوافض الحرارة المتاحة لانه بيشتغل مركزيا علي مركز الحرارة بالدماغ ومنه في الحالات الشديدة محاليل وريدية اما الحرارة مش بتنزل لفترات طويلة
🍁 اهتمي طفلك يشرب سوائل كثير عشان جسمه يبرد ويأكل أكل صحي خفيف علي المعدة وعصير التفاح جميل لخفض درجة الحرارة مع خوافض الحرارة اللي يصفها الطبيب اللي ممكن يكونوا نوعين مختلفين
🚨 مهم جدا نقيس درجة حرارة الجسم كل فترة نتابع مقياس درجة الحرارة ونسرع في حالة اي مشكلة لان ارتفاع الحرارة الكبير لفترات طويلة غلط جدا علي المخ والجسم فلازم نعالج السبب الاساسي بجانب خوافض الحرارة..............................
💦

30/11/2019

💡
______________________________________________
💐 عدم تناولك للدواء بتاعك باستمرار من أهم الاسباب لأن في أدوية مزمنة زي الكبد والسكر والكلي كل ده مزمن لازم استمرارية عليه وطبعا كورسات المضاد الحيوي لازم تكمل للأخر عشان تعطي أقصي مفعول وميرجعش الدور تاني
🌺 تناولك الدواء مع دواء آخر بينه وبين الأولاني تداخل كيميائي بيأثر عليه فيقلل تأثيره الدوائي فتلقيك بتحس ان مفعول الدواء مش تمام خاصة لو كنت بتاخده قبل كده ومجربه.
🌸 الدواء أصلا مش مناسب حالتك المرضية بمعني كل دواء ليه جرعة دوائية محددة بناء علي الشدة بتاعة الحالة ووزنها وعمرها لازم نلتزم بالجرعات أي لعب فيها من نفسك يأثر علي تأثيرها أكيد خاصة مع الأطفال.
🌹 الترجيع أو الاسهال تعرف انه بيأثر علي فاعلية الدواء يعني المفروض لو لسه واخد دواء وحصل قئ أو اسهال تستشير طبيبك هل تعيد الجرعة أم لا ؟
🍁 تناول الدواء بطريقة خطأ بمعني الكبسولات اللي بتبقي محاطة بجيلاتين دي مينفعش تفتحها وتاخدها كده او تفك الاقراص في ماية من نفسك الا لو حاجة ضرورية والصيدلي قالك اه من الممكن تتعمل كده والجرعة المفروض بتزيد تعويضا لاي هدر فيها..........................
🌴

29/11/2019

😭
___________________
التيفود من الأمراض الخطيرة اللي بتصيب الأطفال الصغار واهمالها علي المدي البعيد نسبيا خطير ومضر جدا فلازم التدخل المناسب في الوقت الصحيح منعا لأي مضاعفات فتابعوا معانا 👈............................
🌵 تحدث عدوي التيفويد بسبب نوع من البكتيريا تسمي السالمونيلا واللي أغلب الأحيان بيصاب بيها المريض نتيجة تناول طعام أو شراب ملوث بالبكتيريا وعشان كده لازم نأخذ حذرنا
🌹 أعراض المرض في البداية اول 3 ايام مثلا بتبقي مش واضحة اوي وصعب تميزها لكن مع استمرار ارتفاع درجة حرارة الجسم لمدة تزيد عن 5 ايام بدون اما تنزل مع شوية اعراض زي الامساك والدوخة والترجيع بتخلينا نشك
💐 ضروري الطبيب المتابع للحالة عشان يتأكد من اثبات التيفويد او نفيه يطلب من المريض تحليل التيفود من معمل تحاليل ويسمي تحليل فيدال عشان نشوف هل توجد نسبة من المرض ام لا وان وجدت معدلها قد ايه
💡 زي ما قولنا ان المسبب للمرض بكتيريا فبالتالي المريض بيحتاج كورس علاج طبيعي محترم بناء علي شدة الحالة المرضية ولازم المريض يكمله لآخره في اوقاته المحددة وغالبا بيتم وصف حقن او اقراص حسب رؤية الطبيب للحالة
🌳 لازم نأخذ حذرنا كويس لان التيفود سهل يتنقل بين الاطفال فميأكلوش مع بعض ونتجنب الاختلاط الشديد مع بعض حتي الشفاء ولازم نهتم بتناول سوائل كثير والطعام الصحي والاكل المسلوق ونبعد عن الأكل الجاهز ..........................
🍀

28/11/2019

🍓
___________________
وسع وسع للفراولة يعني الفاكهة اللي اما تطلع ريحتها بتقلب الدنيا وطعمها مش بس جنان لكن مليانة فوائد صحية ملهاش عدد شكل وريحة وطعم ومزاج عالي أوي وكمان صحة 😉......................
🍓 تعرف إن الفراولة فوائدها كبيرة اوي علي صحة اللثة والأسنان، ليها دور هام في تبيض الاسنان وازالة الترسبات الجيرية من عليها وكمان ليها دور بارز انها تقوي اللثة وتحميها من الإصابة بالالتهابات والتورمات
🍓 الفراولة تحتوي علي نسبة مميزة من حمض الفوليك الهام جدا لصحة الجسم وهام اكثر في فترة الحمل كمان بتحتوي علي الكالسيوم بنسب ممتازة لصحة الاسنان والعظام وكمان غنية بفيتامين سي المقوي للمناعة
🍓 الفراولة ملياتة ألياف طبيعية غذائية ليها دور حيوي في الوقاية من الإمساك وتنظيم عملية الهضم عن طريق تنظيم حركية الأمعاء بطريقة صحية فهيا مفيدة جدا لصحة للجهاز الهضمي
🍓 الفراولة مفيدة جدا لصحة البشرة ونضارتها وتفتيحها ومقاومتها للتجاعيد وأي سموم تأثر عاي بريقها ولمعانها نتيجة احتوائها علي نسبة كبيرة من مضادات الأكسدة اللي بتحميها من خطر الشوارد الحرة
🍓 الفراولة وصحة الشعر وحيويته نتيجة احتوائها علي نسب كبيرة من فيتامين ب المركب والكثير من المعادن والعناصر الغذائية اللازمة لنمو الشعر وقوته وحمايته من الهيشان والتساقط .....................................
🍓

27/11/2019

😎
_______________________________________________________
🌵 الشتاء والسقعة والنوم الكثير، عادة سيئة جدا وعلي فكرة كثر النوم عن 7 ساعات يوميا مش صحة لكن بيضر عقلك وصحتك وكمان بيساعد علي قلة حرق الطاقة من الأكل اللي بتأكله فيبدأ وزنك يزيد
🌹 إكتئاب الشتاء والمود الوحش وارتباطه عند كثير من الناس بكثر الأكل قال يعني عشان يعدل مزاجه مصيبة كبيرة اتغلب علي مزاجك واتعرض للشمس وفرفش وسيطر علي معدتك الشتاء هيخلص وهتلاقي نفسك كيرفي
💐 بلاش أكل قبل النوم علي طول عود نفسك متاكلش قبل اما تيجي تنام من ساعتين ل 3 ساعات لأن الطاقة اللي اخدتها من الأكل هتروح فين هتتخزن علي شكل دهون في جسمك
💡السقعة والبرد بيجوعوا اه ابعد بقي عن الأكل الجاهز اللي ريحته بتبقي طايره في الهواء البرد وتناول أكل صحي من البيت قليل الدهون والكوليسترول وكمان قسم مواعيد أكلك وتبقي وجبات صغيرة مش علي بعضها
🌺 اهتم بالتعرض للشمس الصحية عشان تأخد فيتامين دال وتناول الأكل الغني بيه زي كبدة الفراخ وصفار البيض لان في دراسات بتوجد علاقة بين نقصه وقلة الحرق والسمنة وطبعا نسبته بتتأثر بالشتاء لقلة الشمس
🌷 مارس شوية تمارين رياضية ومتقللهاش ابدا في الشتاء حتي لو جري يوميا نصف ساعة هتدفي وتنشط الدورة الدموية وتحرق الدهون الزائدة كمان يعني افادة من كل جنب
🌸 الماء مهم لصحتك والحفاظ علي وزنك معتدل غير وظائفه الكثيرة للعقل والجسم وطبعا كثير بينسي يشرب مياة في الشتاء بحجة الجو برد ومبيعطش غلط جدا الماء بيساعد في الهضم وحرق دهون الجسم وفلترة السموم.......................................
🍀

26/11/2019

💡
_______________________________________
🌷 الأم تقص ضوافرها باستمرار وتنظفها جيدا لو كان لسه طفلها صغير ومش بيعرف يأكل نفسه لأن ببساطة خلال ضوافرها ممكن هيا اللي تعدي طفلها كل مرة من غير ما تدري
🚨 ضوافر طفلك نفس الكلام هتقصيها بصفة مستمرة وايديه تتغسل كويس وتعوديه ميحطش صوابعه في فمه ولا يأخد لعبه من علي الأرض ويحطها في فمه وانتي كل فترة لمي كل اللعب واغسليها كويس وعقميها
🌸 الملابس الداخلية تعودي نفسك تتغسل لكل شخص علي حدة والأطفال في غسالة اطفال خاصة بيهم وتتعقم وتتغسل كويس بعد كل غسلة لطفل من أطفالك لمنع انتقال اي عدوي من خلالها
🍓 الملابس الداخلية تتشطف كويس جدا وتتغلي حلو وتنشف خالص وتتعرض للشمس فترة كافية لكامل تعقيمها وتطهيرها وطبعا تتغير يوميا بصفة دورية لمنع نقل عدوي بالجهاز البولي
🌵 طفلك بعد دخول الحمام يغسل ايديه كويس ويعقمها كثير منعا ان يكون في بكتيريا او طفيليات تعلق في ضوافره او ايديه ويحطها في الفم فتنقله عدوي
🍀 الخضار والفاكهة مهم جدا تغسليهم كويس أوي وتنقعيهم فترة بعدين تغسليهم ثم يتم تناولهم ولو اضطر الأمر تقشري الجلد كمان لأن للأسف الخضار في مصر معظمه بيتروي من مياة الترع ............................
💦