14/07/2022
الأسطورة بتقول إيه 🤔
بتقول لو عندك الكولسترول مرتفع بلاش تاكل بيض عشان بيرفع الكولسترول... 😥
لكن فعلاً الدراسات الجديدة أثبتت عدم صحة الكلام ده ، وإن البيض اتظلم لفترة كبيرة في الموضوع ده 😅
طيب نعرف بقا العناصر الغذائية الي موجوده في البيضه ( الكاملة) محدش ياكل الصفار ويسيب البياض ميصحش كده 😒
🟢 بتزود نسبة ال HDL واللي هي الدهون النافعة في الدم الي بدورها بتقلل مخاطر الإصابة بأمراض كتيرة جدا ،✅
🟢 غني جدا بعنصر " الكولين " و ده مهم جدا جدا للحفاظ على صحة الكبد وتنشيطه ✅🤩
🟢 مليان مضادات أكسدة و دي طبعا محتاجه بوست لوحدها لكن مؤقتا كده كفاية دورها في الوقاية من السرطان ❣️
🟢 ده غير طبعا كمية لا بأس بها من البروتين والي فيه كل ال amino acid الي الجسم محتاجتها ✅
🟢 كمان هو مشبع جدا وهيساعد في الدايت جدا جدا 😅
🟢 فيه فيتامين أ و د و فوليك والي لهم دور عظيم في تقوية المناعة وبناء العظام وتقليل التهابات المفاصل ✅
🟢اخر حاجه الليسيثين ( مش مهم تتنطق صح 😂) والي بيدخل في تركيبه الكولين
بيكون مسئول عن ترميم الخلايا وأنسجة المخ ، ومع الاستخدام بانتظام ده بيساعد في مقاومة الاكتئاب
كمان مسئول عن تحسين الذاكرة والتركيز لأن غني بفيتامين B12 ❣️
وحاجه مهمه اوي أنه مهم لهضم الدهون وبالتالي يقلل من مخاطر ترسبها في الأوعية الدموية و منع حصوات المرارة.
انا كده خلصت
نيجي بقا للزيتونه 😅
كلو بيضه أو اتنين يوميا ياجماعه انتم و اطفالكم بدون ماتخافو من زيادة الكولسترول
كمان محتاجه أفكركم أنه ايوه ليه فوائد لكن ده مش معناه الاسراف في اكله .. مش فرح هو 😂
الاعتدال مطلوب في كل حاجه
و الزيادة عن الحد أكيد مضرة
طولت عليكم 🤔😅
