29/11/2025
يا الله… الصورة وحدها تحكي حكاية كاملة ❤️
يد صغيرة جدا...سوار وردي...واسم مكتوب بخط المستشفى… صورة بتلخص لحظة سعادة وفرحة الولادة الفيباك...اللي بتفضل انجاز عالق في ذهن الأم كل ما بتشوف البيبي وبتفتكر كل لحظات التعب اللي عدت عليها
احساس الفيباك مختلف تماما عن احساس الولادة الطبيعي لبكرية او طبيعي متكرر لأنها بتبقي جربت الولادة القيصرية وبتعرف الفرق فعلا بين الطبيعي والقيصري وده بيخلي احساسها بنجاح الولادة مختلف
مدام أمينة شرفتني في آخر الشهر التامن واتكلمنا في كل التفاصيل وفرص نجاح الفيباك وديما اول حاجة بقولها ان عشان ينجح الفيباك لازم الحامل تدخل في ولادة طبيعية لوحدها بدون تحفيز دوائي وأننا نقدر تعمل الفحص التحفيزي وننتظر طالما الأمور كويسة المية وحركة البيبي بعا اتكلمنا في احتمالية ان الجرح يفتح وده نسبته أقل من ١% ومفيش أداة تعرفنا شكل الجرح يعني قياس سمك الجرح بالسونار ليس له أي قيمة 🧐
كملنا متابعة لحد الأسبوع ٣٩ وعملنا الفحص المبدأي لكن كان لسه المؤشرات مش كويسة عنق الرحم مقفول ومفيش ليونة 🥺
تابعنا لحد الاسبوع ٤٠ لكن المية ابتدت تقل بشكل ملحوظ عملنا الفحص وكان في تحسن وقدرنا نفتح عمق الرحم ونصحتها اننا نكثف المشي والتمارين وهنكرر الفحص بعد يومين
في خلال يومين تبدأ انقباضات غير منتظمة الحمد لله اللي كان ليها بالغ الأثر في تحسين مؤشرات الفحص
وف ميعاد الفحص اللي حددناه تبدأ الانقباضات تبقي أكثر انتظاما عشان أقدر اعملها تحفيز يدوي ممتاز وأنصحها اننا نروح المستشفي ونتابع تقدم الولادة وناخد السادل بلوك عشان نسيطر علي الألم ونولد طبيعي بدون شق عجان في خلال ٤ ساعات
الحمد لله رب العالمين...شكرا مدام أمينة علي ثقتك واختيارك عيادة طب الجنين لمتابعة الحمل والولادة 💚💚
