Dr. Menna kandil

08/01/2026

أي معتقد مش بيسهل عليك الحياة غيره
أي معتقد ايمانك بيه بيوديك لمشاعر سلبية غيره
أي معتقد بيحول انتباهك عن تغيير نفسك، وبيخليك منتظر التغيير من الناس أو الظروف فده معتقد فاسد وبرضو غيره ♥️♥️

24/12/2025

👌👌

21/12/2025

أولادك مش ثمن علشان الناس ترتاح

في ناس اتربّت في بيوت
كانت بتحسّسهم إنهم مسؤولين عن مشاعر غيرهم.
لو عبّروا عن نفسهم أهلهم يغضبوا.
لو طلبوا حاجة برضه يغضبوا.
فاتعلموا إنهم دايمًا يراقبوا الجو
وييجوا على نفسهم
علشان الجو العام مايتغيرش
ومحدش يزعل
وبالتالي هما يبقوا في أمان.
كبروا وهما دايمًا بيسألوا نفسهم:
يا ترى هو حاسس بإيه؟
مش
أنا حاسس بإيه؟
واللي بيخليهم مايتغيروش
إن كمان الكبار دول فهموهم إنهم كده
شاطرين
ومؤدبين
وسمّوا ده
تعاطف.
لكن الحقيقة
إن ده نمط تكيّف ونجاة
مع الأشخاص المؤذيين
اللي بيحسسونا إن مشاعرنا
أو احتياجاتنا
جريمة
ولازم نكبتها
علشان هما مايزعلوش.
ومع الوقت
بنفقد صوتنا
وهويتنا
ومش بنكون عارفين
إحنا مين
ولا إحنا عاوزين إيه
وإيه اللي قابلينه
وإيه اللي ما نسمحش بيه.
وللأسف
بنورّث ده لأولادنا من غير ما نحس
وكأننا بنقدّمهم قربان لرضا الآخرين.
نيجي عليهم
علشان غيرنا يبقى مبسوط ومرتاح.
واقولك على سر مؤلم شوية!
احنا لما بنكرر نفس النمط مع أبنائنا فإحنا كده أهل مؤذيين من غير ما ناخد بالنا بس للأسف النوايا الطيبة لا تمحي أثر الاساءة
ومسئوليتنا اننا نتغير علشان نفسنا وعلشان اولادنا كمان

لو إنت زيّي من الناس دول،
يلا نعمل تمرين بسيط مع بعض
نبدأ نغيّر بيه النمط ده.

مرة واحدة في اليوم، أي وقت:
حطي رجلك على الأرض
خدّي نفس بطيء
اسألي نفسك:
أنا حاسة بحاجة دلوقتي؟ (آه / لأ)
لو آه:
فين الإحساس في جسمي؟
قوته كام من 10؟
قولي في سرك:
“مشاعرهم مسؤوليتهم،
وأنا في أمان وأنا بحس بمشاعري.”
من غير تحليل
من غير إصلاح
بس ملاحظة.

ومع الوقت هتبدأي تنتبهي لمشاعرك و تكوني أكثر وعي بيها.
ابعتيه لصاحبتك ولا نتغير سوا

28/06/2025

انتظروني الليلة 7 مساءا بتوقيت القاهرة وهنتكلم عن العقل اللاواع وتأثيره على حياتنا
تقدروا تتابعوني مباشرة على اذاعة الراديو
لينك الاذاعة في التعليقات

إنتظروا غدا ضيفة برنامج مع المذيعه هنا المصري
د.منه قنديل
استشاري الصحة النفسية و مدرب وعي

14/06/2025

لو مش قادرة تفرقي…
هل انتي في علاقة صحية؟
ولا في علاقة مؤذية بتستنزفك بهدوء؟

في ريل النهارده الساعة 8مساءً (بتوقيت القاهرة)
هشارك معاكي مجموعة أسئلة هتساعدك تحلي اللغز اللي شاغل بالك.
جاوبي عليها بصدق… وممكن تكتشفي اللي كنتي بتحاولي تتجاهليه.

ولو لسه محجزتيش في المحاضرة المجانية
اللي هتفهمك ليه بتنجذبي للأشخاص المؤذيين؟
وليه بتفضلي في علاقات مش بتليق بيكي؟

اكتبيلي في الكومنت: محاضرة
وهبعتلك لينك التسجيل قبل ما الأماكن تخلص 🎟️

30/03/2025

تقبل الله طاعاتكم وجعل عيدكم بداية فتحاً مبيناً لنا ولجميع المسلمين....عيدكم مبارك ❤️♥️♥️

22/03/2025

أحيانًا بنحس بصراع جوانا.. جزء مننا عاوز حاجة وجزء تاني عاوز حاجة عكسها!
زي الصراع اللي ممكن يكون بعضنا بيمر بيه الفترة دي…
عاوزة أكمل وأصمد وأقيم الليل وأقرأ قرآن وأعيش روحانيات الشهر على أكمل وجه، وفي نفس الوقت تعبت وعاوزة أشوف الأفلام والمسلسلات وأرجع لحياتي الطبيعية!
حاسّة كأني مقسومة نصين… هو أنا مجنونة ولا إيه؟! 🤯

لا، اطمني… إنتِ طبيعية جدًا! حتى أنا بحس بنفس الإحساس ، وكنت فاكرة زمان إني برضو مش طبيعية 😀، لحد ما فهمت إن جوّانا أجزاء كتير، وكل جزء ممكن جدا يكون له رأي عكس التاني، وده شيء طبيعي جدًا.

طيب… أحلّ الصراع ده إزاي؟ أنا مش مرتاحة! 😞

الحل إنك تكوني واعية بالأضداد اللي جواكي، من غير ما تحاولي تلغي أو تقاومي أي جانب فيكي
احترمي كل أجزائك، لأن رفضك لأي جزء منك هو في الحقيقة رفض لذاتك. 💔
احتضني نفسك بكل تناقضاتك، ووجّهي لنفسك الحب والتعاطف والرحمة. وقتها بس، هتسمحي لكل أجزائك تلتئم مع بعض بسلام. 💗

ولو حسيتي إنك محتاجة مساعدة متخصصة أكتر، متتردديش إنك تحجزي جلسة نفسية علشان تفهمي نفسك أكتر وتسمحي لها بالتطور والنمو. 💫
"رحلتك للتصالح مع نفسك تبدأ من هنا! 💡 احجزي جلستك النفسية دلوقتي واكتشفي كيف تحتضني كل أجزائك بسلام. 💙"