Yomna bayadنفسولوچيا

21/11/2024

20/11/2024

الست صبورة وحمولة بس لما بيفيض بيها وبتجيب اخرها وتحس ان الراجل بايعها وجاي عليها ومش فارق معاه احساسها واحتياجها ومشاعرها وتعبها بتبعد حتي لو البعد هيتعبها وحتي لو لسه بتحبه بس من كتر الوجع والقهر والاحتياج بتيجي ع نفسها وتبعد

رفقاً بالقوارير 💜💜

خليكو حنينين واسمعوا وطبطبوا واحتوا زوجاتكم
صدقوني هتنبهروا من عطاءهم المفرط❤️

15/11/2024

التغيير بيبدأ منك انت 💪
كل واحد عنده قوه وعزيمة يقدر يغير الضعف لقوة🫶
الضعف بيبقي انعكاس من الاخرين لينا في ناس بتحسسنا اننا مانقدرش نتغير مانقدرش نصلح ضعفنا وسلبيتنا واستسلامنا للوضع اللي احنا فيه👊
لا والف لا🤚
احنا نقدر ونقدر جداً كمان🤌
مافيش اي حاجة مستحيلة ومافيش حاجة مالهاش حل
حتي لو الحل مش الحل الأمثل بس المهم اننا نبدأ حتي تدريجياً لحد مانوصل ل اكتر نتيجة تريحنا نفسياً🙏

ولازم نبقي عارفين ومؤمنين ان الدنيا دار بلاء
مافيش حياة وردية ومن غير مشاكل وابتلاءات
لاحياة مع اليأس ولا يأس مع الحياة
بس بالرضا والتفكير في الحلول الافضل هنوصل لنتيجة ترضينا وتريحنا نفسياً🌹
#نفسولوچيا

13/11/2024

حتى لا تزور طبيباً نفسياً :

لا تركز علي القيل والقال .. فلان قال عليكِ ..
فلان اتهمتني بشيء ليس فيّ ..
فلان تجاهلت رسالتي ..
صديقتي لم تعد تحبني ..
تجاهل تلك التفاهات ولا تركز عليها

لا يكن شغلك الشاغل اين ذهب فلان ؟! ..
لماذا هو صامت ؟! ..
هل مازال يحبني ؟!

اسئلة وهواجس لاتجلب لكِ سوى المشاكل والامراض والاحتراق النفسي ..

•لا تفكر في الماضي ..
كيف ظلموكِ ..
كيف اساؤوا اليكِ ..
وكيف انكِ لم تأخذ حقك كاملا ؟!
توقف .. توقف ..
فالماضي يثير بداخلك الغضب والاحساس بالعجز ..

•لا تركز على ما ينقصك فقط ..
احتاج مبلغا ضخما من المال ولا املكه .. احتاج سيارة .. ليتني لم أِصب بهذا المرض .. ليتني امتلك منزلاً اوسع من ذلك ..
تأكد انك مهما حصلتِ على ماتريد سيظل ينقصك شيء .. لان قناعتك ستظل ينقصها شيء مهما اكتفيتِ

لا تقارن حياتك بأحد .. فعندك مزايا ليست عند أحد .. وعندهم نواقص ليست عندك ..ربنا عادل ..
لا تقول فلانة أفضل مني .. أبنائي ليسوا كأبناء فلان .. فلان سعيد وأنا تعيس
توقف عن المقارنة لان نظرتك محدودة قاصرة

•لا تفكر في الانتقام من أحد مهما أساء اليكِ .
لأن الانتقام سيعطل حياتك ويورثك الكره والحقد واذا فشلتِ في انتقامك سيصيبك الإكتئاب ..

الحياااة أكبر بكثير من تلك الأمور .. لا تشغل نفسك بما يرهقك ويتعب أعصابك ويستنزف طاقتك ويمرض نفسيتك .. فالحياة كبييرة ومليئة بالعديد من الفرص ..

انظر حولك ستجد من هم اشد شقاءاً وبؤساً واعظم مصاباً ..
هناك أناس يموتون جوعا. وبلادهم في حروب مستمرة

فكر باإيجابية..فكر ايه اللي هيريحك.. ايه اللي هيخليك احسن مع نفسك ومع من حولك..
فكر ف مستقبل افضل..
فكر في كسب صفات وطباع جديدة..

الحياة مليئة بالفرص……
بس انت فكر واسعي للافضل 😉😌

#نفسولوچيا

05/11/2024

مستحيل يستمر الحب بين زوجين .. بين صديقين ..
بين أم وأولادها.. بين اب وعائلته..
بين أى علاقة إنسانية على وجه الأرض،
من غير كلام جميل ايجابي يفتح النفس ..
يوصف أحلى ما فيك، يشجعك .. يقويك .. يرجعلك ثقتك بنفسك .. كلمات بترمم الشروخ اللي جواك ..
تخليك تشوف نفسك بنظرة تانيه

يخليك تتغاضى عن نواقص كتير فى العلاقة، و فى حياتك، و مع باقى البشر المصابين بمرض الكلام الدبش .
كلام يطبطب و يجبر الكسر و الخاطر، في ظل ضغوطات الحياة الكتيرة.

فيه ناس معانا على الكوكب ممكن تكتئب و توصل للإنتحار بسبب حدة الإنتقاد و الكلام اللي يسم البدن.
الناس دي محتاجين "احتواء بالكلام الطيب"

ما هو لما ربنا يؤمرك إنك لازم تقول للناس حسنا قبل ما يؤمرك تصلي ..
يبقي الموضوع مهم جدا أكبر من كونه مجرد ذوقيات ..
هذه أساسيات التعامل السوي و بديهيات الصحة النفسية.

" و قولوا للناس حسناً و أقيموا الصلاة "
و قال رسول الله صل الله عليه و سلم «الْكَلِمَةُ الطَّيِّبَةُ صَدَقَةٌ»
#نفسولوچيا

03/11/2024

اختاروا العلاقات المريحة
العلاقات اللي تدينا احساس بالامان والدعم
العلاقات اللي تطمن وتطبطب
🩵🩵🩵🩵

ابعدوا عن المؤذيين اللي واقفين ع الواحدة
ابعدوا عن اللي بيلوم وينتقد
واللي بيحسسك ان كتر خيري اني بعاملك وانت فيك كل العيوب دي

ابعدوا عن سوء الظن انت مش مطالب انك تبرر كل تصرفاتك
ابعد عن اللي عايز يربيك يروح هو يربي نفسه ويظبط تصرفاته ويبقي انسان سوي وبعدها ينصحك باللين
#نفسولوچيا

01/11/2024

' البخل العاطفي بيدمر العلاقات '

صعب التعامل مع الشخص بخيل المشاعر ؛ اللي مستني منك طول الوقت تغرقه بمشاعرك الحلوة بدون أي مقابل منه ؛
مطلوب منك تقدره و تعمله خاطر و تقوله أحلي كلام و تعامله أحسن معاملة
و في كل كلامك و تصرفاتك تحسسه بقيمته عندك و بمكانته جواك اد إيه
في نفس الوقت اللي هو بيبخل فيه عليك بالكلمة الكويسة بيبخل حتي برد الفعل ع مشاعرك اللي بتقدمهاله ؛
ماتفهمش هو بيفكر إزاي ولا إيه اللي في نفسيته ؟!
تحسه زي ما يكون خايف إنك تتعود ع كده .. أو متخيل إن لو بادلك مشاعره جايز تشوف نفسك بيها عليه في يوم من الأيام حتى لو زعلك شايف الإعتذار هيقلل منه
كل تفكيره و مشاعره بحسابات ؛ ولو عليه عايز يفضل ياخد بس ؛
مع إنه لو فكر شوية هيفهم إن كل متبادل مستمر علشان كده لازم عطاء المشاعر يكون متبادل علشان العلاقة تنجح وتستمر مينفعش طرف واحد يدى الحب والإهتمام والطرف الثاني يستقبل بس
الإنسان السوي أما بتقربله خطوة بيقربلك عشرة واللى بيشتريك مرة بتشتريه أنت مليون مرة
أما بتديله حقه بيديلك عينيه ؛ أما بتعمله خاطر بيشيلك علي راسه ؛
لكن مشاعر من طرف واحد لا يمكن تستمر وتعيش
مهما طال الوقت مسيرها برضه هتنتهي و تجف 🖤,,
#نفسولوچيا

29/10/2024

الدعم النفسي والتشجيع 💛💜

حقيقي من ألطف واقوي المشاعر اللي ممكن الإنسان يعيشها أنه يلاقي حد يدعمه نفسيًا، سواء بكلامه أو بأفعاله، أن يجد من يسانده دائمًا، من لا يمل منه ويستمع إليه دائمًا، أن يجد من يُهوِّن عليه صعوبة الأيام حتى ولو بأبسط الأشياء، أن يجد من يفهمه دون أن يتكلم.. الدعم النفسي في الأوقات الصعبة لا يُنسى، لا يُنسى أبدًا 🩵
#نفسولوچيا

27/10/2024

🌟 إزاي أتعامل مع شخصية سامة مضطر إني أشوفها يوميًا زي (الأب، الأم، الزوج، المدير،الزوجة،زمايلنا ف الشغل،…)

أولاً لازم نبقي عارفين إن الشخص السام هو شخص مش بيتعامل بالمنطق فا مش هينفع معاه الاقناع

تاني حاجة الشخص السام هو شخص عنده مشاكل داخلية كبيرة مش مدركها فبالتالي مش بيعترف بيها
زي لما نشوف أب وأم بيتعاملو مع أولادهم بطريقة سامة ومنبقاش فاهمين ازاي ده مش بيتعارض مع حبهم ليهم!

طيب مين هو الشخص السام ؟
الشخص السام هو الي بيجذب منك التعاطف طول الوقت
بيحتاج تكون شبه توقعاته و إلا هيقلل منك ويشك فيك
هيختار التسلط للتعامل معاك ديماً
هيحاول يفرض رأيه عليك بطرق كتير
هيحسسك ديماً أنك مش إنسان جيد
هيختار اللوم لما تحكيله عن مشكلة ليك
هيتوقع ليك الفشل لو هتبدأ شيء جديد
هيفرض عليك تلبيه احتياجاته
ممكن يأذيك لو فكرت تخرج من دايرته

✨ ازاي نتعامل مع شخص سام مضطرين نتعامل معاه؟

- ما تحكيش عن مشاكلك قدامه لأنه هيضخمها ليك او هيلومك عليها أو هيحاول يحسسك أنه فاهم أكتر منك
- حاول انك تتحكم في مسار الحديث بمعني أن لما الحديث يتوجه للوم و شكوي أو مقارنة أنهي الحديث وغير الموضوع أو عبر عن رغبتك في التوقف عن الكلام
- حط نيه داخلية إنك مش هتتأثر بالشخص ده
-لو هو بيحكيلك مشكلة و بيوجهلك طاقه سلبية حاول ما تقومش بالاصغاء يعني ما تسمعش بمشاعرك و كل حاجة فيك حاول تفكر في حاجات تانية بعيد عن كلامه

✨ طريقة الحائط ✨

طريقة فعالة جداً في التعامل مش الاشخاص اللي ما بنقدرش نتجنب التعامل معاهم الطريقة دي بتخلي الشخص السام يفقد اهتمامه بيك مع الوقت لو اتدربت عليها واستخدمتها

أول وأهم حاجة هي إختيار السكوت (الشخص السام بيتغذي علي أنه يشدك للدرما والتفاعل معاه بشكل حاد)
في الوقت ده انت تقدر تجرده من سلاحه باختيارك للسكوت والسيطرة علي نفسك

ما تبصش في عينه مباشرة ولو مضطر خلي نظراتك عند مناطق تانية زي كتفه أو جبهته لأن النظر ف عينه في الوقت ده هيحفز عندك الحاجة للرد أو الغضب

جاوب علي اسئلته إجابات روتينية جداً وقصيرة وسيطر علي لغة جسدك

ما تستخدمش معاه التبرير أو الدفاع عن نفسك ولو حاول إهانتك خلي ردك زي (ده رأيك، مش هلومك على طريقة تفكيرك)

مع الوقت الشخص السام هيفقد شغفه بالاحتكاك بيك وهيدور علي حد تاني يشبعله احتياجه في التعاطف أو تقبل الدراما منه
ماتلومش نفسك علي استبعاد الشخص السام من مشاريعك أو حياتك الخاصه لإن طبيعي يكون ليك شخصيتك المستقلة ودرجة نضجك وأفكارك اللي ما ينفعش حد يكون له تأثير سلبي عليها 🤍
#نفسولوچيا