مركز نفس للاستشارات النفسية والتدريب

08/01/2026

توفي الي رحمه الله والد أستاذه Esraa Sami
اللهم اغفر له و ارحمه و اوسع مدخله و نقه من خطاياه كما ينقي الثوب الأبيض من الدنس . .
اللهم تقبله في عليين و ثبته عند السؤال و أدخله الجنه بلا حساب ولا سابقه عتاب

27/11/2025

أوقات كتير بنبقى ماشيين في طريق بنحسب إنه طريقنا، وإنه أحسن حاجة لينا , وإحنا ماشيين فيه بنلاقي حاجات معروضة علينا ، بناخدها في شنطة ونكمّل بيها سكتنا . إحنا ما أخدنهاش عشان عجبانا، ولا عشان هي أحسن حاجة لينا ، إحنا أخدنها لإنها كانت الحاجه الوحيدة اللي موجودة في طريقنا ، اللي كان ممكن ناخدها ونكمل بيها الطريق .

وطول ما احنا ماشيين في طريقنا وسكتنا ، كل ما الشنطة بتتملي حاجات أكتر، لحد مافي محطة من المحطات بنكون تعبنا , نلاقي الطريق مش عايز يخلص وطويل قوي وفوق ده كله شايلين شنطة تقيلة ومعظم اللي فيها مش عاجبنا.

ومن صعوبة الشيلة، وغضبنا إن اللي فيها مش اختيارنا ولا مريحنا ولا على قدّنا ولا مناسبنا، مجرد ما حد يسألنا عن السكة أو اللي باقي في الطريق، أو حتى لو حد عايز يتونس بينا، بنلاقي نفسنا بنتعصب ونتنرفز ونصرّخ ، ونرمي حملنا كله على حدّ مالوش أي دعوة لا بطريقنا ولا بحمولنا.

والحقيقة إن ده اللي بيحصل مع الإنسان ، ومعانا كلنا ، كتير بنمشي في طريق اتفرض علينا؛ عشان دي ظروفنا وحياتنا اللي كبرنا عليها. كان ممكن في بداية الطريق وطفولتنا ناخد الشنطة ، بس لما نملك الإرادة ، محتاجين نقف ونقول: “الشنطة تقيلة… واللي فيها مش بتاعي.” لأن ساعتها بس هنبدأ ناخد اللي على قدّنا، ونسيب اللي مش مناسب لينا، ونعدل وجهتنا، ونرحم نفسنا، ونشيل شنطة على قدّ طاقتنا ونملاها باللي نقدر عليه.

لإننا لما هنكمّل زي ما إحنا، ونقول: “خلاص، ده اللي اتعودنا عليه " قبل ما الطريق يخلص هنكون تعبنا، وباقينا بالغضب مشحونين .

في بالنا دايما لما واحد من الصحابة سأل الرسول ﷺ وقال له: “أوصني”، قال: “لا تغضب” ، لكننا كتير بنبقى عاجزين إزاي نتحكم في نفسنا ولا نغضب . ومهما حاولنا، بنلاقي حاجات بتعفّرتنا وبتعصبنا، وننفجر على حاجات ما تستاهلش أو مش بتاعتنا أصلاً.
وقتها بنزعل من نفسنا… نحس إننا مقصرين، أو وحشين، أو نحاول نلاقي مبررات إننا مضغوطين. فنعيش محرومين من راحة البال والهدوء حتى لو الألم موجود.

مع إننا لو وقفنا في الطريق وبصّينا لسبب الغضب، هنلاقي إننا ماشيين في سكة مش مريحانا، وشايلين شنطة تقيلة فيها كل حاجة إلا اللي يريحنا أو يشبع احتياجاتنا.

يمكن كل اللي كنا محتاجينه عشان نهدى ، إننا نقف ونسأل:
هل السكة دي مريحة ولا لأ؟
مناسبة ليا ولا لأ؟
الشنطة اللي شايلها ، فيها حاجات مناسبة ليا؟ ولا كلها حاجات مش بتاعتي؟
مناسبة لفطرتي؟
مناسبة لاحتياجات مغروسة جوايا؟
مناسبة لإمكانياتي اللي بتميزني حتى لو اختلفت عن اللي حواليا؟

ساعتها بس هنرتاح وهيقل الغضب حتى لو الألم فضل موجود، و حتى لو الشنطة مافيهاش اللي يريحني، أو السكة ماقدرش أغيّرها.
بس وأنا ماشي باقيت عارف إنها مش مريحة، وعارف إنها مش أحسن حاجة وعارف إن ده ألم … مش غضب.

د.آيات أبوالفضل
أخصائي الطب والعلاج النفسي، كلية الطب ، جامعه عين شمس


#فأبواه
#فطرة

26/11/2025

بسم الله يتجدد اللقاء اسبوعيا علي تلك القنوات
https://t.me/+zlFnSWAPOY04NWJk
بسم الله و الصلاه و السلام علي رسول الله صلى الله عليه وسلم
بعد الإستخاره توكلت علي الله تعالي و سنبدأ في عمل لقاءات اسبوعيه لمدراسه أجزاء من المنهج الفكري للمعالجه النفسيه .
نفع الله بها من سمعها و جعلها في ميزان امي رحمها الله تعالي
يمكنك الاستماع الي المحاضرات و الالتحاق بالفريق انش شاء الله للحضور
https://t.me/+F_NodyeUkcxkZDQ0
لينك القرآن
لينك حلقات البودكاست الفطره
https://t.me/+mp2H66WoIeBmYThk

05/08/2024

الاغاثات لا تتوقف من أهل غزه... في اكل بس غالي جدا جدا جدا.. لا تنسوهم من الصدقات.. يوجد جمعيات موثوق منها

29/07/2024

أي إنسان و لسه فاهم إنه بشر مينفعش يلعب في هذه الأولمبياد و لا يتفرج عليها
#قاطعوا

24/05/2024

انت بتقاطع ليه؟
طب بتقاطع ايه؟
احنا بنقاطع الاقتصاد اليهود ي عشان نضعفه و نتبرأ منه ..مش الصهيون ي لان كل اللي احنا فيه من هيمنه اليهو د علي كل حاجه تعليم و اكل و شرب و لبس كل حاجه.......
انا بقاطع عشان انا بوالي أهل الحق و بتبرأ من أهل الباطل ....
أنا بقاطع عشان ولادي يتحرروا معايا من العبوديه للأشياء الأكل و الشرب و اللبس بطريقه اليهو د و فكرهم اللي مجتش كده صدفه .......
من كام يوم نشرت فيديو من ال ١٩٣٠ من اوروبا و النساء كلهم محجبات حجاب مش مبين الا وشهم و زي الخيمه ....
يبقي اللي وصلناله من طريقه حياه و لبس و عيشه ده حرب عالكل عشان كل ما اتحكمت فينا الشهوات كل ما بقت قيادتنا لنفسنا أضعف كتييير .....
احنا ديننا بيحررنا من عباده الأشياء.....
يا جماعه المقاطعه هويه ....هويه....
يبقي أحنا مش بنقاطع عشان حرب غزه ....
الحرب فوقتنا بس ....
المقاطعه .....دين
#قاطع
#قاوم
#

23/03/2024

نود أن نعلن أن سلسلة لقاءات (*القرآن ومنهجية التفكير والعاطفة )* مع الدكتورة *سمية طارق* متاحة الآن على قناتنا على اليوتيوب

التسجيل متاح الآن على قناة
العالمية لطلبة علم النفس الإسلامي على اليوتيوب كما ستجدون تسجيلات لمحاضرات أخرى بلغات مختلفة (الإنجليزية، التركية، الأردية، البهاسا….)

*• اللقاء الأول (مقدمة عن القرآن من المنظور النفسي):*

https://youtu.be/oY2-xz9-9NM

*• اللقاء الثاني: (لمحات نفسية من سورة الفاتحة والبقرة):*

https://youtu.be/XKLCCI51cnY

*• اللقاء الثالث: (لمحات نفسية من سورة الفاتحة والبقرة)*

https://youtu.be/bsriBlQspZk

*إدارة العالمية لطلبة علم النفس الإسلامي*

العالمية لطلاب علم النفس الإسلامي قامت باستضافة د.سمية طارق يوم الثلاثاء، التاسع عشر من مارس لعام 2024 لتقديم سلسلة لقاءات بعنوان: القرآن ومنهجية التفكير وال...

19/03/2024

📣 *العالمية لطلبة علم النفس الإسلامي -المجموعة العربية -*
تتقدم بدعوتكم إلى حضور سلسلة لقاءات تحت عنوان:

*" القرءان ومنهجية التفكير والعاطفة "*

المحاضرات تقدمها :
*د.سمية طارق*
- أخصائي الطب النفسي جامعة عين شمس
- القائم على مركز نفس للإستشارات النفسية والتدريب

🗓 *تاريخ المحاضرات*
الثلاثاء: 19 مارس
الأربعاء: 20 مارس
الخميس: 21 مارس

*محاور المحاضرات :*
*- المحاضرة الأولى:*
مقدمة عن القرءان من المنظور النفسي

**- المحاضرة الثانية والثالثة: **
لمحات نفسية من سورة الفاتحة والبقرة

⏱️ *توقيت المحاضرة:*
04:00 مساءً بتوقيت نيويورك
08:00 مساءً بتوقيت جرينتش
09:00 مساءً بتوقيت الجزائر ووسط أوروبا
10:00 مساءً بتوقيت مصر والقدس
11:00 مساءً بتوقيت مكة المكرمة/ إسطنبول/بيروت/
01:00 صباحا بتوقيت إسلام أباد

‏📌 https://zoom.us/j/3287594788
Meeting ID: 3287594788

Zoom is the leader in modern enterprise video communications, with an easy, reliable cloud platform for video and audio conferencing, chat, and webinars across mobile, desktop, and room systems. Zoom Rooms is the original software-based conference room solution used around the world in board, confer...